ގާސިމް މިއަދު ނޫސްވެރިންނާ ވާހަކަ ދައްކަވަނީ: އޭނާއާ މެދު ނުހައްގުން ފިޔަވަޅު އަޅަނީ ޒާތީ ހަސަދާގައި ކަަމަށް ވިދާޅުވި. --ފޮޓޯ: ހުސެއިން ވަހީދު/ މިހާރު
04 އެޕްރީލް 2017 - 17:04
46 comments
ދައުލަތަށް ދައްކަވަން ޖެހޭ އެންމެ ބޮޑު ލާރިއެއް ވެސް ނޯންނާނެ ކަމަށާއި އޭނާގެ ވިޔަފާރި އާއި އެ ވިޔަފާރީގެ މަސްލަހަތާ ގުޅިފައިވާ މުވައްޒަފުންނަށް ބޭއިންސާފުން އަނިޔާ ދެމުން ދަނީ ޒާތީ ހަސަދައާ ހެދި ކަމަށް ވިދާޅުވެ ޖުމްހޫރީ ޕާޓީގެ ލީޑަރު ގާސިމް އިބްރާހިމް މިއަދު ކީރިތިކުރައްވައިފި އެވެ.
ޖުމްހޫރީ ޕާޓީ އޮފީހުގައި ބޭއްވި ނިއުސް ކޮންފަރެންސެއްގައި ގާސިމް ވިދާޅުވީ ވިލާޝިޕިންއާ ގުޅޭގޮތުން ތަފާތު އެކި މައްސަލަތައް ދައުލަތުގެ އެކި މުއައްސަސާތަކުން ހިންގަމުންދާ ކަމަށެވެ. ގާތްގަނޑަކަށް 5،000 މުވައްޒަފުން އުޅޭ އޭނާގެ ކުންފުންޏަކީ އިގްތިސާދީ ގޮތުންނާއި އުމްރާނީ އަދި އިޖުތިމާއީ ދާއިރާގައި ވެސް އެތައް ރައްޔިތުންނެއްގެ ހައްގުތަކަކާ ގުޅޭ މަސައްކަތްތަކެއް ކުރާ ތަނެއް ކަމަށް ވިދާޅުވި އެވެ.
ވިލާ ޝިޕިން އެންޑް ޓްރޭޑިން ކޮމްޕެނީ ލިމިޓެޑާ މެދު ބޭއިންސާފުން ފިޔަވަޅު އަޅަމުންދާއިރު، އެއިން ކޮންމެ ކަމަކުން އެތައް ރައްޔިތުންނަކަށް ގެއްލުންވަމުންދާ ކަމަށް ވިދާޅުވެ، ނޫސްވެރިންގެ ބައްދަލުވުމުގައި ގާސިމް ވާހަކަ ދެއްކެވީ ވަރަށް އަސަރާ އެކުގަ އެވެ.
އެ ކުންފުނިން ދައުލަތަށް ފައިސާ ދައްކަން ޖެހޭ ކަމަށް ސަރުކާރުން ދައްކަމުންދާ ވާހަކަތަކަކީ އެއްވެސް ހަގީގަތެއް ނެތް ވާހަކަތަކެއް ކަމަށާއި އެއީ މާކުރިން ރާވައިގެން ސަރުކާރުން ކުޅެމުންދާ ޑްރާމާއެއް ކަމަށް ވިދާޅުވި އެވެ. އެއީ އުފައްދައިގެން ވިލާ ޝިޕިން އަށް ކުރިމަތިކޮށްގެން އުޅޭ މައްސަލަތަކެއް ކަމަށް ތަކުރާރުކޮށް ގާސިމް ވިދާޅުވި އެވެ.
ގާސިމް މިއަދު ނޫސްވެރިންނާ ވާހަކަ ދައްކަވާއިރު، ވިލާ ޝިޕިންގެ ކޮމްޕެނީ ސެކްރެޓަރީ އިބްރާހިމް ރަޝީދު (ކ-3) އަދި ގާނޫނީ ވަކީލުން ގާސިމްގެ ފަހަތުގައި މަޑުކޮށްލައިގެން.---ފޮޓޯ: ހުސެއިން ވަހީދު/ މިހާރު
"އަޅުގަނޑަކީ އަބަދުވެސް ދައުލަތަށް ދައްކަން ޖެހޭ ފައިސާއެއް އޮތް ނަމަ ބަރާބަރަށް އަދާކުރާ މީހެއް. އިސްލާމްދީނަށް ހުރުމަތްތެރިކޮށް ހިތައި ގާނޫނަށާއި އަޅުގަނޑު އެއްބަސްވާ އެއްބަސްވުންތަކަށް އަބަދުވެސް ވަރަށް އިހްލާސްތެރިކަމާ އެކު ކިޔަމަންތެރިކަން އަދާކޮށްގެން މަސައްކަތް ކުރާ މީހެއް،" ގާސިމް ވިދާޅުވި އެވެ.
"އަބަދުވެސް އިސްކަންދެނީ ދައުލަތަށް ދައްކަން ޖެހޭ އެއްޗެއް އޮތް ނަމަ އޅުގަނޑުގެ މިލްކިއްޔާތުގެ ތެރެއިން އެ އެއްޗެއް ދައްކާ ނިންމަން. އެ އުސޫލުން ވަރަށް ސާބިތުކަމާ އެކު ދަންނަވަން ދައުލަތަށް ދައްކަން ޖެހޭ އެންމެ ބޮޑު ލާރިއެއް ވެސް ނޯންނާނެ މިއަދާ ހަމައަށް."
ގާސިމް ވިދާޅުވި ގޮތުގައި ހަގީގަތް އޮޅުވާލައި އޭނާ އާއި އޭނާގެ ވިޔަފާރީގެ މަސްލަހަތު އޮތް އެތައް ބަޔަކަށް ދަނީ ނުހައްގު އެތައް އަނިޔާތަކެއް ލިބެމުންނެވެ. ތ. އަތޮޅު އެލާގެ މައްސަލާގާއި ވިލާޝިޕިންގެ އެކައުންޓްތައް އަނެއްކާވެސް ފްރީޒްކޮށް، 18.6 މިލިއަން ޑޮލަރު ހޯދަން ސަރުކާރުން މަސައްކަތް ފަށާފައިވާ ކަމަށް ގާސިމް ވިދާޅުވި އެވެ.
އޭނާ ވިދާޅުވީ ދެ މަރުހަލާ އަކުން ނިމި، ތިން ވަނަ މަރުހަލާ އަށް ދާން ފުރުސަތު ނުދީ، 18.6 މިލިއަން ޑޮލަރު ނަގަން ސަރުކާރުން އުޅުމަކީ ވިޔަފާރި އަށް އިއާދަނުކުރެވޭވަރުގެ ބޮޑެތި ގެއްލުންތަކެއް ލިބޭނެ ކަމެއް ކަމަށެވެ.
"އިމްޕްލިމެންޓޭޝަނަށް ގޮސް ކުންފުނީގެ މުދާތައް ވިއްކަން ޖެހޭނީ ނުވަތަ އިފްލާސްކުރުމާ ހަމައަށް ދާން ޖެހޭނީ ގާނޫނީ ހުރިހާ މަރުހަލާއެއް ފުރިހަމަވުމުން. އެހެން ނޫނީ އެއީ އިންސާފުން ބޭރު، ނުވަތަ އަޅުގަނޑަކަށް ނޭނގެ އެއަށް ކިޔާނެ އެއްޗެއް،" ގާސިމް ވިދާޅުވި އެވެ.
ގާސިމް ވިދާޅުވި ގޮތުގައި އަތޮޅު އެލާ މައްސަލާގައި އެއްވެސް ފައިސާއެއް ދައުލަތަށް ދައްކާކަށް ނޯންނާނެ އެވެ. އެލާގެ އެއްބަސްވުން އެކުލަވާލާފައި އޮތް ގޮތުން ޑިސެމްބަރު 2018 ގެ ކުރިން އެއްވެސް ކުއްޔެއް ދައްކަން ނުޖެހޭނެ ކަަމަށް ވިދާޅުވި އެވެ.
އޭނާ ވިދާޅުވީ މިހާލަތު ކުރިމަތި ކުރުމުން ހިތާމަކުރައްވާ ކަމަށާއި ސަބަބަކީ އޭނާ މުސާރަ ދޭން ޖެހޭ އެތައް މުވައްޒަފުންނަށް މުސާރަ ނުދެވުމާއި ތަންތަނުގެ ކުއްޔާއި ބޭންކްތަކަށް އަދާކުރަން ޖެހޭ ލޯނު ދައްކަން ވަަރަށް ބޮޑެތި ހުރަސްތަކެއް ކުރިމަތިކޮށްފައި ވުމުން ކަމަށެވެ. މިއަދާ ހަމައަށް އެކަން ތަހައްމަލްކު ރަމުން ދިޔައަސް އެ ފައިސާ ހޯދަން ތަންފީޒީ މަރުހަލާ އަށް ސަރުކާރުން ދިއުމަކީ އެތައް
"ތ. އެލާގެ ކުއްޔާއި އެޑްވާންސްގެ ގޮތުގައި މިހާރު ވެސް އަޅުގަނޑުމެން ވާނީ 4.6 މިލިއަން ޑޮލަރު ދައްކާފައި،" ގާސިމް ވިދާޅުވި އެވެ.
ގާސިމް މިއަދު ނޫސްވެރިންނާ ވާހަކަ ދައްކަވަނީ. --ފޮޓޯ: ހުސެއިން ވަހީދު/ މިހާރު
އެލާގައި މިއަދާ ހަމައަށް އެއްވެސް މަސައްކަތެއް ކުރިއަށް ނުގެންދެވި އޮތީ 2014 ވަނަ އަހަރުން ފެށިގެން ސަރުކާރުން ކުޅެމުން އައި "ސަކަރާތައި މަޖާގަނޑާ" ހެދި ކަމަށް ވިދާޅުވި އެވެ. އެއާއެކު ގދ. ގަޒީރާ އާއި މާނިޔަފުށި އަދި ކައްދޫ އެއާޕޯޓުގައި ސިޓީ ހޮޓާ އެޅުމުގެ ބަދަލުގައި ދިން ފަޅުގެ މަސައްކަތް ވެސް ކުރިއަށް ނުދިޔައީ ސަރުކާރާ ހެދި ކަމަށް ވިދާޅުވި އެވެ.
ދައުލަތަށް ދައްކަން ޖެހޭ ފައިސާ އޮތް ކަމަށް ތުހުމަތުކުރާއިރު އެންމެ ރަނގަޅަށް ދައުލަތަށް ޓެކްސް ދައްކާތީ ދައުލަތުގެ ރަންލާރި ދީފައިވާ ކަމަށެވެ. ޖެހިގެން އައި އަހަރު 92 މިލިއަން ޑޮލަރު ދައުލަތަށް ދައްކަން ޖެހޭ ކަމަށް ބުނުމަކީ "ޖޯކެއް" ކަމަށް ގާސިމް ވިދާޅުވި އެވެ.
"ފުލުހުން ވިއަސް ކޯޓުތައް ވިއަސް އެހެން މުއައްސަސާތައް ވިއަސް ގަބޫލުކުރައްވާނެ ދިވެހިރާއްޖޭގެ ރައީސުލްޖުމްހޫރިއްޔާގެ އަތްޕުޅުން ރަންލާރި ދެއްވާފައި އޭގެ ދެ މަސް ދުވަސް ފަހުން 92 މިލިއަން ޑޮލަރު ދައުލަތަށް ދައްކަން ޖެހޭ ކަމަށް ބުނުމަކީ އެއް ދުވަހަކުން ވާނެ ކަމެއް ނޫން. އެ ހާލަތު އެހެން އޮއްވައި ރަންލާރި ދެއްވާނެ ކަމަށް ގަބޫލުފުޅުކުރައްވަނީ ކޮން ބޭފުޅެއްތޯ؟ ކޮން ރައްޔިތެއްތޯ؟،" ގާސިމް ވިދާޅުވި އެވެ.
ގާސިމް މިއަދު ވަނީ އޭނާގެ އަނބިދަރިންނާއި އޭނާގެ ކުންފުނީގެ މުވައްޒަފުންނަށް ވަސިއްޔަތް ވެސް ކުރައްވައިފަ އެވެ.
އޭނާ ފާހަގަކުރެއްވި ގޮތުގައި އަނިޔާވެރިކަމާ ދެކޮޅަށް މަސައްކަތް ކުރަން ޖެހޭ ކަން ކީރިތި ގުރުއާނުގައި މާތްﷲ ވަހީކުރައްވާފައިފައި ވެ އެވެ. އެހެންވެ ހައްގަށް ނަސްރު ލިބޭނެ ކަމަށް ތަކުރާރުކޮށް ވިދާޅުވި އެވެ.
"އަޅުގަނޑުގެ އަނބިދަރިންނަށް، އަޅުގަނޑުގެ މުވައްޒަފުންނަށް އަޅުގަނޑު ދޭ ނަސޭހަތަކީ ކެތްތެރިވާށޭ. ގާނޫނީ އިމުން ބޭރަށް ވަޑައިނުގަންނަވާށޭ. މާތްﷲ އެޅުއްވި ކޮންމެ ފުރާނައަކަށް ވެސް މަގުދައްކަވާނެ. ރިޒުގު ވެސް ތަނަވަސްކޮށްދެއްވާނެ އަދި އެހެން ކަންކަން ވެސް މިންވަރު ކުރައްވާނެ. އެއްވެސް މީހަކަށް މާތްﷲ އަނިޔާވެވޮޑިނުގަންނަވާނެއޭ،" ގާސިމް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުހައްމަދު20
05 April 2017
ސަރުކާރަށް ބޮޑުލާރިއެއްވެސް ދައްކަން ނުޖެހޭކަމަށް ވިދާޅުވާން ވަރަށް ފަސޭހަ އެކަމަކު މިއަދުގެ ޖީލް ކުރިމަތިކުރުވާނެ ސުވާލުތައް ވަރަށް ގިނަ އޭގެތެރޭގައި މީގެކުރިން ރާއްޖޭގެ އެއްވެސްބަޔަަކަށް ތެޔޮ އެތެރެކުރުން މަނާކޮށް ހަމައެކަނި ތެޔޮ އެތެރެކުރެވޭ ފަރާތަކީ ވިލާ ކަމުގަ ވަންނާ އެކަން އެހެންވީ ނާޖާއިޒް ބާރުތަކެއްގެ ތެރެއިންތޯ ވޯލްޑް ބޭންކް ލޯނަކަށް ވިލާ ފިޔަވާ އެހެން ދިވެއްސަކަށް ސަރުކާރުގެ ގެރެންޓީ ނުދީއޮތީ އިއްތިފާގަކުންތޯ ނުވަތަ ވިލާ ނޫނީ އެފަދަ ލޯނެއް ނެގިދާނެ ދިވެހި ކުންފުންނެއް ނެތްތޯ ސަރުކާރުތަކުގެ ބާރުގަދަ ފަރާތްތަކުން ވިލާއަށް ފަހިވާގޮތަށް ކަންތައްތަކެއް ކޮށްދީފައިވޭތޯ ނުވަތަ ނޫންތޯ ކުރެވިފައިވާނަމަ އެކަންކަން ދިވެހި އެހެންކުންފުންނަކަށް ނުވީކީއްވެތޯ ސިޔާސީ ގޮތުން ވޭތުވެދިޔަ ދުވަސްތަކުގައި އަމިއްލަ ވިޔަފާރީގެ މަސަލަހަތައްޓަކައި ކިތަށް ނިންމުން ނިންމުންތޯ ނިންމާފައިވާނަމަ ސަރުކާރަށް ދައްކަންޖެހޭ ފައިސާ އެއް ނުދެއްކި އޮތުމީ ހަމަވެދާނެކަމެއް
ދެރަ
05 April 2017
އަޅުގަނޑު ޤާސިމަށް ހަމްދަރުދީވަން < ޤާސިމަކީ އެތައް ދިވެހިންނަކަށް އެހީތެރިަކަން ދެއްވާ ދީލަތި ބޭފުޅެއް . މިއަދު މީރާގެ ވެރިޔަކަށް ހުންނެވި ބޭފުޅަކު އެތަނުގެ އުޞޫލުތަކާ ޚިލާފަށް ނުފޫޒުގެ ބޭނުންކޮށްގެން ތިޔަ ހިންގަވާ ޖަރީމާ، މިއަދު ނޫނަސް އޭނާގެ މައްޗަށް ދައުވާ ކުރުމަށްވެސް އަޅުގަނޑު އެދެން .
ހަސަން ފުޅު
04 April 2017
7 ފެބުރުއަރީ 2012 ގައި އެއިރު އޮތް ސަރުކާރު ވައްޓާލުމުގައި ބައިވެރިވި އެންމެންނަށް އެކަމުގެ އަދަބު ރަގަޅަށް އެދެއްވަނީ ރައީސް ޔާމީނު... ރައީސް ނަޝީދު ވެރިކަމުގައި ހުރިނަމަ ތިކަހަލަ ބޮޑެތި އަނިޔާތަކެއް ނުދެއްވާނެކަން ޔަގީން ކިތަންމެ ވަރަކަށް ބަސްނައަހާ އުޅުނަކަސް..... ވަރަށް ދެރަވޭ ގާސިމުމެން ފަދަ ބޭފުޅުންނަށް ތިހާބޮޑެތި އަނިޔާތައް ބަޔަކުމީހުން ދޭތީ.... ގާސިމުއަށް އަޅުގަނޑުގެ ތާއީދު އަބަދުވެސް އޮވޭ... އިރާދަކުރެއްވިއްޔާމު މުސްތަގުބަލް ވަރަށް އުޖާލާވާނެ... ކެތްތެރިކަމާއިއެކު ދެމިހުރުމަށް ދަންނަވަން...
ނަތަންޔާހޫ
04 April 2017
ކުރީގައިވެސް ބުނިހެން މާއެމޯޝަނަލްވެގެން މީހުންގެ ހަމްދަރދީ ހޯދައިގެން ދިވެހިންގެ ބޮލަށް ޗިޕްޖެހުމަކީ މިއުޅޭ ސިޔާސީ މީހުންގެ އާދައެއް، ޚާއްސަކޮށް ގާސިމަކީ އަބަދުވެސް ވަރަށް ވަނދު އެމޯޝަނަލީ ސަޕޯރޓް ހޯދަން އުޅޭމީހެއް! ދައްކަން ޖެހޭ ލާރިޔެއްނެތްނަމަ، މިހުރިހާ އެއްމެން އެކެއްޗެއް ކިޔާނެހެނެއް ހީޔެއްނުވޭ!
މުހަނމަދު އިބުރާހިމް
04 April 2017
ގާސިމު ތިޔަކުރާ ހިތްވަރަށް ސާބަސް
ސަމާސާ
04 April 2017
ކޮބައިތޯ ލާރިގޯނިހިފައިގެން ދިޔައީ ތިމަންނާއޭ ގޮވަމުން ދުވިމީހާ! ކޮބައިތޯ އަދީބް އެބައްސަވަނީ ތިމަންނަގެ ފައިސާއޭ ބުނިމީހާ! މިއީ ތަހްޤީޤް ކުރެވެން ޖެހޭ މައްސަލަތަކެއް ނޫންތޯ! ޤާނޫނު އަސާސީގައި ބުނާ ހަމަހަމަ ކަމުގެ އުސޫލަކީ ކޮބައިތޯ؟
ނިންމާލާ
04 April 2017
މަޖްލީހުގެ ތަޅުމުގައި ދެއްކޭ ވާހަކަ ތަކަކީ އެއީ ކޯޓެއްގައި ވެސް ބެލޭނެ ކަންކަމެއް ނޫނެވެ. އެހެންވީއިރުން އެވާނީ ކަނޑުގައި އަޅާލާ ރޮނަގަކަށް. ނަމަވެސް ގާސިމް އިބްރާހިމް މެން ސަރުކާރަށް 18 މިލިއަން ޑޮލަރު ދައްކަން ޖެހޭ ކަން އެއޮތީ އަންގާފައި ކޯޓުން. ކަން މިހެން ހުރުމުން އަވަހަށް އެފައިސާ ސަރުކާރަށް ދައްކާ ޚަލާސް ކުރަންވީ ގާސިމް އިބްރާހިމް. މީގައި އޮވެގެން ނުވާނެ އިތުރު އެއްވެސް އެކްސްކިއުޒެއް ވެސް އަދި އިތުުރު އެއްވެސް ޗޮއިސް އެއްވެސް. މިމަގުން މިކަން ހިނގަން ޖެހޭނެއެވެ. އެނިމުނީ އެވެ.
ޒިންދަގީ
04 April 2017
އަދީބު ބަހަނީ ތިމަންނާގެ ފައިސާއޭ ވިދާޅުވީ މަޖިލީހުގައިތޯ؟؟ އެމައްސަލަވެސް ބެލޭނެދުވަސް އަންނާނެ. ކެތްތެރިވާންވީ...
ޚާދިމް
04 April 2017
މިމައްސަލައިގަ ގާސިމް ފިޔަވާ ހުރިހާ އެންމެން ހަދަނީ ދޮގު. ދައުލަތުގެ މުއައްސަސާ ތަކާ ކޯޓް ތަކުންވެސް ދޮގު. އަދިވެސް ސަރުކާރު ހައިޖެކް ކުރެވޭތޯ ބަލާ! ގާސިމަށް ވެސް އެނގެން ވެއްޖެ މިގައުމުގަ ވެރިއަކަށް ހުރީ ގާސިމް ޖަހާހާ މަޅިއެއްގަ ބެދޭނެ ވެރިއެއް ނޫންކަން.
ދުނގެތިން
04 April 2017
ދޮގު ހަދާ ކަން ތަމެން ސާބިތު ކޮށް ދެނީ ކިހިނެއް. ދުނގެތިވަލަށް ވަދެ އެވަލު ތެރޭގައި އުޅޭ ކަކުންނާއި ވާހަކަ ދައްކައިގެން ތޭ.
އިންސާފު
04 April 2017
ވަރަށް ދެރަވޭ
ކަޓްމޭން
04 April 2017
ސަރުކާރަށް ދައްކަން ޖޭހެ ޓެކްސް އެެއްޗެހި އެންމެ ގިނައިން މާފުކުރާނީ ރަށްރަށުގެ ކައުންސިލު އިދާރާ ތަކުންނެވެ. މީ މަމެންނަށް އިނގޭތީވެ މިހެން މިބުނަނީ. އައްޑޫގައި އައްޑޫގެ ވިޔަފާރިވެރިންނަށް ބިން ނުދީ އައްޑޫ ގެސްޓް ހައުސް ވެންޗަރ އޭ ކިޔާ ޕްރޮޕެގެންޑާ އެއް ފަތުރައިގެން އިންޑިއާ މީހުންނަށް އައްޑޫ ބިމުގެ ދެބައި ކުޅަ އެއްބައި ދިން އިރު އަދި ވެސް އެމެން އެތަނުގައި އެއްކަމެއްވެސް ނުކުރެއެެވެ. އެކަމަކު އެމެން އަތުން ޖޫރީމަނާ އެއްވެސް ނެތް ދޯ ނެގެން. މިވައްތަރު އިންސާފު ބޭނުންވާ މީހުން ދެރަވާނެ ކަޓް ނުލިބޭ ގޮތަށް ކަންކަން ދާނަމަ ދޯ.
ޗިކުސް
04 April 2017
ޢެހެންވީމަ މަދުވެގެން 25000 ގަނޑު ވޯޓް ޔަގީނުންވެސް ތި ގެއްލުނީ ނު ހައްގުން ދޭ އަނިޔާތަކުގެ ސަބަބުން. ތިގޮތައް ކިތެއް ރައްޔިތުން ނުހައްގުން ޖަލައް ގެންދަވާފަ ރައީސްކަމުގަ ހުންނަވަން ތޯ ތި ހިޔާލް ކުރައްވަނީ.
ނުޖެހޭނެއޭ
04 April 2017
އެއް ގަނޑު ވޯޓް ވެސް ނުގެއްލޭނެއެވެ. އެއީ ގާސިމް އިބްރާހިމް މެން ދައްކާ ދަޅަ އެވެ. ގާސިމް އިބްރާހިމް ގާތު ވަޒީފާ އަދާ ކުރަނީ އެއީ ހިލޭ ސާބަހަށް ނޫނެވެ. މަސައްކަތް ކޮށް ދިނީމާ މުސާރަ އާއި އިނާޔަތް ތައްދެނީ. އެނިމުނީ އެވެ. ގާސިމް ބުނާ މީހަކަށް ނުޖެހޭނެ ވޯޓް ދޭން.
ޒިންދަގީ
04 April 2017
ބަލަންތިބެމާ؟؟؟
މީދުކިލަގެ
04 April 2017
ޤާސިމަށް ޔާމީނުގެ ފަހަތައް އެރުއްވުމުން އެކަމުގެ ހަދިޔާ އެދެއްވަނީ އެމަނިކުފާނަށް އެހީތެރިކަމެއް ވެދެއްވި ކޮންމެ ފަރާތަކަށްވެސް ވަރަށް ދީލަތި ކަމާއެކު ވަނީ އެހީތައް ދެއްވާފާ ކޯޓްގެ ތެރެއިން ދެވެންއޮތް އެހީއެއް ޤާސިމަށްވެސް ދެއްވާނެ ކަމަށް ފެނޭ.
ދައްކަންވީ
04 April 2017
ފަހަތަށް އެރުމުގެ މާނަައަކީ ދައުލަތަށް ދައްކަން ޖެހޭ ފައިސާ އެއް ނުދައްކާ އޮތުމެއް ނޫނެވެ. އެފައިސާ އެއް ހުރި ނަމަ އެދައްކަން ޖެހޭނެއެވެ.