އީސީގެ މެމްބަރުންތެއް އިންތިބާ ބެހޭ ގޮތުން ވާހަކަ ދައްކަނީ: ލޯކަލް ކައުންސިލް އިންތިހާބުގައި ވޯޓްލާ މީހުންގެ ލިސްޓް މިއަދު ވަނި އާންމުކޮށްފައި.
20 އެޕްރީލް 2017 - 17:30
6 comments
އަންނަ މަހުގެ ހައެއްގައި ބާއްވާ ލޯކަލް ކައުންސިލްތަކުގެ އިންތިޚާބުގައި ވޯޓް ދިނުމުގެ ހައްގު ލިބިފައިވާ މީހުންގެ ފައިނަލް ރެޖިސްޓްރޭޝަން ލިސްޓް އިލެކްޝަން ކޮމިޝަން (އީސީ) އިން މިއަދު އާންމުކޮށްފި އެވެ.
އެ ކޮމިޝަނުން ބުނީ އެތަނުގެ ވެބްސައިޓުން ވެސް ލިސްޓް މިހާރު ފެންނާނެ ކަމަށާއި ނަން ހިމެނިފައިވޭތޯ އެސްއެމްއެސްކޮށްގެން ޗެކް ކުރެވޭނެ ކަމަށެވެ.
މި ފަހަރުގެ އިންތިޚާބުގައި ވޯޓުލުމުގެ ހައްގު 255،987 މީހަކަށް ލިބިފައިވާ ކަމަށް އީސީން ބުންޏެވެ.
ވޯޓްލާ މީހުންގެ ފައިނަލް ލިސްޓް އާންމުކޮށްފައި މި ވަނީ ވޯޓްލާ ލިސްޓްގައި މައްސަލަތަކެއް އުޅޭ ކަމަށް ބުނެ އެމްޑީޕީ އާއި ޖުމްހޫރީ ޕާޓީން އެ ލިސްޓްގައި ސޮއި ކުރަން ދެކޮޅު ހަދާފައި ވަނިކޮށެވެ.
ނަމަވެސް އީސީން ބުނެފައި ވަނީ ލޯކަލް ކައުންސިލްތަކުގެ އިންތިޚާބުގެ ވޯޓާސް ލިސްޓަކީ ސުޕްރީމް ކޯޓުގެ ގައިޑްލައިނާ އެއްގޮތަށް ތައްޔާރުކޮށްފައިވާ ލިސްޓެއް ކަމަށާއި ވޯޓު ލާ މީހުންގެ ލިސްޓުގައި ކެންޑިޑޭޓުންނާއި ކެންޑިޑޭޓުންގެ މަންދޫބުންނާއި ސިޔާސީ ޕާޓީތަކުން ސޮއި ނުކުރިޔަސް، އިންތިޚާބު ބާއްވަން އެއްވެސް ހުރަހެއް ނެތް ކަމަށެވެ.
ތިން ފަހަރެއްގެ މަތިން ފަސްކޮށްފައިވާ ލޯކަލް ކައުންސިލްތަކުގެ އިންތިޚާބު ބާއްވާއިރު، 1،497 ކެންޑިޑޭޓުން ވާދަ ކުރެ އެވެ.
އިލެކްޝަން ކޮމިޝަނުން ބުނީ މި ފަހަރުގެ އިންތިޚާބުގައި 422 ވޯޓް ފޮށި ބަހައްޓާނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އ
20 April 2017
ކީއްކުރަން ނެރޭ ލިސްޓެއް ތީ. ސޮއި ކުރިޔަސް ނުކުރިޔަސް އިންތިހާބް ބާއްވާނެ ނު.
ބެއްޔާ
20 April 2017
ށިސްޓަމް ލިސްޓާ ދިމާވޭތޯބަލާބަލަ. ޙިޔެއްނުވޭ ވާނެހެން. ޙުސް ޖަރީމާގަ އުޅޭތީ. ޞަޮހަލާކު.
މުހިއްމޭ
20 April 2017
ލޯކަލް ކައުންސިލްތަކުގެ އިންތިޚާބުގައި ވޯޓުލާ މީހުންގެ ފައިނަލް ލިސްޓް އާންމުކުރުން އެއީ ވަރަށް ރަނގަޅަށް އީސީން ކުރެއްވި ކަމެކެވެ. ވޯޓާރސް ލިސްޓްގައި ސޮއިނުކުރިއަސް ރަނގަޅު ވާނެއެވެ. މަމެން ވަރަށް އުފާވޭ ވޯޓާރސް ލިސްޓްގައި ނަން އެކަނި އިނދެ އެޑްރެސް އަދި އައިޑީ ނަމްބަރު ނެތުމުން. އެއިރުން ދެން އެ ލިބުނީ ވަރަށް ބޮޑު ރައްކާތެރި ކަމެއް ވޯޓް ލާމީހުންގެ. އެމީހާ އަކީ އެއީ ކޮން ޕާރޓީ އެއް ގެ މީހެއް ކަން ވެސް ނޭނގި އޮތުން އެއީ ވެސް މުހިއްމު ކަމެކެވެ.
ޢަބްދުﷲނާފިޒު
20 April 2017
އާނ ރަނގަޅު ތިވާހަކަ، ރައްޔިތުންގެ ތިޖޫރި މިސަރުކާރުން ދަވާލުމަކީވެސް ވަރަށް ރަނގަޅަށް މިސަރުކާރުން ކުރިކަމެއްކަމަށް ތިހީކުރައްވަނީ ދެއްތޮ، ހެޔޮ ކިތައްމެ ރަނގަޅަސް ވޯޓެއް ނުދޭނަން، އޯކޭ.
ުމުދިބެ
20 April 2017
މިނަށްވުރެ ބޮޑަށް ދެލޯ އަނދިރިވީމާ އެކައްޗެއްވެސް ނުފެންނާނެ. މީ ވަރަށް ވާހަކަ
ތުރުމިސް
21 April 2017
ދެން އެހެންވީއިރު ޕާޓީއަށް މަމެންވަންނަންވީމާ ފިންގަރޕްރިންޓް ނުޖަހަން ހިގާ؟ އޭރުން އަދި މާބޮޑުރައްކާތެރިކަމެއް ލިބޭނެނު؟ ކެރޭނެބާ؟