މާލޭގެ މަގެއްގައި ޓެކްސީއެއް މަޑުކޮށްލައިގެން: ޓެކްސީ ދުއްވަމުން ދަނިކޮށް ޑްރައިވަރަށް ހާޓްއެޓޭކެއް ޖެހިގެން މިދިޔަ އަންގާރަ ދުވަހު ވަނީ މަރުވެފައި.---މިހާރު ފޮޓޯ
11 މެއި 2017 - 11:48
12 comments
ދުއްވަމުން ދިޔަ ޓެކްސީއެއްގައި އިން ޑްރައިވަރަކަށް ހާޓް އެޓޭކެއް ޖެހިގެން މިދިޔަ އަންގާރަ ދުވަހު މަރުވެއްޖެ އެވެ.
"ކުލީ ދުވެލި" ސެންޓަރުގެ ޓެކްސީއެއް ދުއްވަނިކޮށް ބ. އޭދަފުށީ އަބޫބަކުރު އިބްރާހިމް، 54، މަރުވީ، ހާޓްއެޓޭކް ޖެހުމުން ޓެކްސީން ފައިބައިގެން ހޮސްޕިޓަލަށް ގެންދިޔަ ފަހުންނެވެ.
އެ ސެންޓަރުން ވާހަކަ ދެއްކި މީހަކު ބުނީ މީގެ ކުރިން ވެސް ހާޓް އެޓޭކެއް ޖެހިގެން ކާރު ދުއްވުން ޑޮކްޓަރުން މަނާކޮށްފައިވާ އަބޫބަކުރަށް ދެ ވަނަ ހާޓް އެޓޭކް ޖެހުނީ މިދިޔަ އަންގާރަ ދުވަހު ދަތުރެއްގައި އުޅެނިކޮށް ކަމަށެވެ. ސެންޓަރުން ބޮޑަށް ލަފާކުރާ ގޮތުން ކާރުގައި އެ ވަގުތަކު ފަސިންޖަރަކު ނެތެވެ.
"މެޔަށް ކުއްލި ތަދެއް އެރުމާއެކު ލޮނުޒިޔާރަތް މަގު އެއް ފަރާތެއްގައި ޓެކްސީ ބޭއްވުމަށް ފަހު އޭނާ މަގުމައްޗަށް ނިކުތީ. މޭގައި އަތް އަޅައިގެން އޭނާ ހުރި ގޮތުން، މަގުމަތިން ދިޔަ ދެމަފިރިއަކު އޭނާ ކާރަކަށް ލާފައި ހޮސްޕިޓަލަށް ފޮނުވާލީ،" ސެންޓަރުން ވާހަކަ ދެއްކި މީހާ ބުންޏެވެ.
އޭނާ ބުނީ މޭގައި އަތް އަޅައިގެން، ތުރުތުރު އަޅާ ހާލު މަގުމަތީގައި ހުރި އިރު ވެސް، މީހެއްގެ ސަމާލުކަން ލިބުނީ ވަރަށް ފަހުން ކަމަށެވެ.
އަބޫބަކުރު ހޮސްޕިޓަލަށް ގެންދިޔަ މަގުމަތީގައި ވެސް ހާލު މާ ބޮޑަށް ގޯސްވެގެން، ޓެކްސީން ފޭބި ކަމަށް ވެ އެވެ. އެކަމަކު ޑްރައިވަރުގެ އެހީގައި އޭނާ އައިޖީއެމްއެޗަށް ގެންދިޔައީ ކަމަށް ސެންޓަރުން ބުންޏެވެ.
"ހޮސްޕިޓަލަށް ވަނީ ވެސް އޭނާ އެކަނި ހިނގާފައި. އެކަމަކު އޭގެ ގަޑިއިރެއްހާއިރު ފަހުން އަޅުގަނޑުމެންނަށް ހަބަރު ލިބުނީ އޭނާ މަރުވެއްޖެ ކަމަށް،" ސެންޓަރުން ވާހަކަ ދެއްކި މީހާ ބުންޏެވެ.
އޭނާ ބުނީ ކާރު ދުއްވުން ޑޮކްޓަރުން މަނާކޮށްފައި އޮތުމުން އަބޫބަކުރު ކާރު ނުދުއްވާ ވަރަށް ގިނަ ދުވަހު ހުރި ކަމަށާއި މަސައްކަތަށް ނިކުތީ ވަރަށް ފަހުން ކަމަށެވެ.
ޑްރައިވަރަށް ހާޓް އެޓޭކެއް ޖެހިގެން ހޮސްޕިޓަލަށް ގެންދިޔަ ކަމުގެ ހަބަރު ޓެކްސީ ސެންޓަރަށް ދީފައި ވަނީ އެ މަންޒަރު ފެނުނު ބައެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަސްލު
12 May 2017
އެމީހާ ހޮސްޕިޓަލަށް ދިއުމުންވެސް އެމެޖެންސީ ކެއަރ އެއްވެސް ވަރަކަށް ނުދެވި ހުރުމުގެ ސަބަބުން ތިހާލަތު މެދުވެރިވީ ކަމަށް ބެލެވެނީ. އައިޖީއެމްއެޗްގެ ޓްރިއޭޖް މެނޭޖުކުރާކަށް ނޭންގެ.
ސަމަރު
11 May 2017
މިރާއްޖޭގައި ދިރިއުޅުން މީ މިހާރު ވަރަށް ސްޓްރެސް ބޮޑުކަމެއް. ހަމަ އެކަނި ސިމެންތިއަކުން ނުވާނެ ހައްލެއް.
ބަޓޫކް
11 May 2017
ރެއާ ދުވާލުން ބުރަމަސައްކަތް ކުރަނީ އަބިދަރިންނަށްޓަކައި އެލިބޭ އެތިން ދެކޮޅުނުޖެހި އަނެއްފަހަރު ޖެހެނީ އެފަދަ ބުރަމަސައްކަތްކުރަން ﷲގެ ހެއުރަހުމަތަް ހުއްޓެވެ.
ކަނބުރުބެ
11 May 2017
.ކީއްކުރާނީ ކޮންމެފަދަ ހާލެއްގަވެސް ރައީތުން ރެޔާދުވާލު ބުރަމަސައްކަށް ކުރަން އެބަޖެހޭ އެންނޫނީ އަނބިދަރިން ތިބެންޖެހޭނީ ނުކައި ރެޔާދުވާލު ކުރާބުރަ މަސަތްކަތުން ސަރުކާރަށް ދައްކާފަ އަތުގައެތްޗެއް ނޯވޭ މީރާުޔައް ބިލިޔަނުން ރުފިޔާލިބޭ އެކަމަކު އެރުފިޔާވާތަނެތްނޭންގޭ ދުވަހުންދުވަހައް ނަގާޓެކްސްތައް ވަނީގިނަ މުސާރަ ބޮޑެއްނުވޭ މުސާރަ ކޮޅު ހުރިހިސާބުގަ މަރުވެގެން ވެއްޓޭދެން މަސަތްކަތް ނުކޮއް ކީއްކުރާނީ
911
11 May 2017
މިކަހަލަ އެމަޖެންސީއެއްގައި ގުޅާނެ ނަންބަރު އެނގެނީ ކިތައް މީހުންނަށްބާ؟ އެމެރިކާގައި އޮންނަ ކަހަލަ 911 ހޮޓްލައިނެއް އައިޖީއެމްއެޗުން ހަދަން ފެނޭ!
ކުލި
11 May 2017
އަސްލު މައްސަލައަކި ކުލިދައްކަން ދިރިއުޅުން ބައްޓަން ކުރުމެވެ. ރާއްޖޭގައި ދިރިއުޅޭނެރަގަނޅު ނިޒާމެއްނެތެވެ. ހުރިހާކަމެއް ކުލީގެ ވަށައިގެން ހިގާތަނެއް ރަގަނޅެއްނުވާނެ
ހެޔޮހިގުން
11 May 2017
ޢަބޫބަކުރުގެ ފުރާނައަށް ﷲގެ ހެޔޮ ރަހްމަތް މިންވަރު ކުރައްވާށިއެވެ.އާއިލާއަށް ކެއްތެރިކަން ދެއްވާށިއެވެ.
މޮހޮ
11 May 2017
މި ހަބަރު ކިޔައިފައި ވަރަށް ދެރަވެއްޖެ. ބޭބެއަށް އެހީގެ އަތެއް ދިއްކޮށްލަނެ ދިވެހި ދަރިއެއް ހަމަ ނުވީތަ. ޓެކްސީގައި ވެސް އަދި ހޮސްޕިޓަލްއަށް ވެސް ވަނީ އެކަނި އޭ ބުނީމަ ވަރަށް އަސަރުކުރި. ކީއް ވާނީ އެ ދެމަފިރިން ބޭބެއާއެކު ދިޔަ ނަމަ. ނޫނީ ޓެކްސީ ޑްރައިވަރު ދިޔަނަމަ.
އަސާ
11 May 2017
އަހަރެން ތިގޮތައް މިއަހަރު އެހީވިން ހަމަ އެހީވާނެ މީހަކު ނެތިގެން އޮފީސް ހެދުމުގަ !
ފާތުން
11 May 2017
މިކަހަލަގެ ކަންކަމަށް ދިވެހިން ހޭލުންތެރި ވާންވެއްޖެ. ނޫސްވެރިންވެސް ހުސްސިޔާސީ ޙަބަރުތައް ގެނެސްދިނުމުގެ ބަދަލުގަ މުޖުތަމަޢުއަށް ފައިދާއެއް ކުރާނެ ހޭލުންތެރިކުރުވަނިވި އާޓިކަލްތައް ލިޔުން މުހިއްމު. މަރްހޫމްގެ ފުރާަނައަށް ސުވަރުގޭގެ ދާއިމީ ނިޢުމަތް މިންވަރު ކުރައްވާށި.
ޑުރައިވަރ
11 May 2017
މަރުހޫމަށް ސުވަރުގޭގެ މަތިވެރި ނިއުމަތްދެއްވާށި. އާމީން.