ވިލީ މުޓުންގާ: ކޮމަންވެލްތުން ރާއްޖެ އަށް ކަނޑައަޅާ ހާއްސަ މަންދޫބެއްގެ ގޮތުގައި އޭނާ ވަނީ ހަމަޖައްސާފައި.-- ފޮޓޯ: ނައިރޯބީ ޓައިމްސް
19 ޖޫން 2016 - 15:24
4 comments
ކޮމަންވެލްތުން ރާއްޖެ އަށް ހާއްސަ މަންދޫބެއް ހަމަޖެއްސުމަކީ ރާއްޖޭގެ ސިޔާސީ ލީޑަރުންނަށް ކުރެވޭ ދައުވާތައް ނިމުމަކަށް އައިސްފާނެ ކަމެއް ކަމަށް އިދިކޮޅު އެމްޑީޕީން މިއަދު ބުނެފި އެވެ.
ކޮމަންވެލްތުން ވަނީ ރާއްޖެ އަށް ކަނޑައަޅާ ހާއްސަ މަންދޫބެއްގެ ގޮތުގައި ކެންޔާގެ ކުރީގެ އުއްތަމަ ފަނޑިޔާރު ވިލީ މުޓުންގާ މިދިޔަ ހަފުތާގައި ހަމަޖައްސާފަ އެވެ.
އެމްޑީޕީން ނެރުނު ބަޔާނެއްގައި ބުނީ ރާއްޖޭގެ ސިޔާސީ މަސްރަހު ހަމައަކަށް އެޅުވުމުގެ ޒިންމާ ހަވާލުކޮށް، ކޮމަންވެލްތުން ކަނޑައެޅި މަންދޫބަށް މަރުހަބާ ކިޔާ ކަމަށެވެ. ކޮމަންވެލްތުގެ ނިންމުމަކީ ރާއްޖެ އަށް އިސްލާހީ ބަދަލުތަކެއް އަންނާނެ ފަދަ ނިންމުމެއް ކަމަށް ވެސް ބުންޏެވެ.
މުޒާހަރާއެއް ކޮންޓްރޯލްކުރުމުގައި ފުލުހުން ހަރަކާތްތެރިވަނީ: ކޮމަންވެލްތުގެ އާ މަންދޫބާއެކު ސިޔާސީ ހަރަކާތްތައް ހިންގުމަށް މަގުފަހިވާނެ ކަމަށް އެމްޑީޕީން އުއްމީދުކުރޭ. --ފޮޓޯ: އަހްމަދު އަންވަރު (ސިމް)
އެ ގޮތުން، ހިޔާލު ފާޅުކުރުމުގެ މިނިވަންކަން ލިބުމާއި ސިޔާސީ ލީޑަރުންނަށް ކުރާ ދައުވާތައް ނިމުމަކަށް އައުމާއި މީޑިއާތަކާއި އިދިކޮޅު ލީޑަރުންނަށް ހުރި ހުރަސްތައް ނައްތާލެވޭނެ ކަމަށް އުއްމީދު ކުރާ ކަމަށް ވެސް އެމްޑީޕީން ބުންޏެވެ. އަދި ބުނީ ޝަރުއީ ދާއިރާ އާއި މިނިވަން މުއައްސަސާތައް މިނިވަންވެ، އިންސާފުވެރި އިންތިހާބުތައް ބޭއްވުމަށް މަގުފަހިވެގެން ދާނެ ކަމަށެވެ.
އެ ބަޔާނުގައި ބުނި ގޮތުގައި ކޮމަންވެލްތުން މުޓުންގާގެ ތަޖުރިބާއާ އެކު އިދިކޮޅު ސިޔާސީ ޕާޓީތަކަށް މިނިވަންކަމާ އެކު ސިޔާސީ ހަރަކާތް ހިންގުމުގެ އުއްމީދު ވެސް އެބައޮތެވެ.
އެމްޑީޕީން ބުނި ގޮތުގައި 2012 ގައި ނެރުނު ކޯނީގެ ރިޕޯޓުގައި އިސްލާހު ކުރަން ޖެހޭ ކަންކަމުގެ ގޮތުގައި ފާހަގަކޮށްފައިވާ ކަންކަން މިއަދާ ހަމައަށް އައިއިރު ވެސް ތަންފީޒު ކުރަމުން ނުދެ އެވެ. މުޓުންގާގެ ލަފާ އާއި އިރުޝާދުގެ ދަށުން އެ ކަންކަން ތަންފީޒު ކުރަން ބާރު އަޅާނެ ކަމަށް އުއްމީދު ކުރާ ކަމަށް އެމްޑީޕީން ބުންޏެވެ. އެ ގޮތުން، ފުލުހުންނާއި ސިފައިންގެ މުއައްސަސާ އާއި ޝަރުއީ ދާއިރާ އިސްލާހު ކުރަން މަސައްކަތް ކުރަން އެ ޕާޓީން ވަނީ ގޮވާލާފަ އެވެ.
މިއީ ކޮމަންވެލްތުގެ ހާއްސަ މަންދޫބެއް ރާއްޖެ އަށް ކަނޑައެޅި ދެ ވަނަ ފަހަރެވެ. މީގެ ކުރިން، 2012 ގައި ވެރިކަން ބަދަލުވުމާ އެކު ހިނގި ހަމަނުޖެހުންތަކާއި އޭރު އޮތް ސިޔާސީ ހަލަބޮލިކަން ހައްލު ކުރުމަށް ރާއްޖެ އަށް އެހީ ވުމަށް ވެސް ކޮމަންވެލްތުން ހާއްސަ މަންދޫބެއް ހަމަޖެއްސި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޏ
21 June 2016
ބަލަ ސިޔާސީ މީހުން ދިވެހި ރާއްޖޭގެ ގާނޫނާ އަސާސީ އާއި ޚިލާފް ނުވެ ކަންތައްތައް ކުރަން އެމީހުން ނަށް ދަސްކޮށްދިނުމަށް ކޮމަންވެލްތުން ރާއްޖެ އަށް ކަނޑަ އެޅި މަންދޫބު އަރިހުން އެދެންވީނުން؟ ޚާއްސަކޮށް ފިލި ނަޟީދު އާއި ދޫނި ރާއްޖޭގެ އޮރިޔާން ކެބިނެޓަށް ތަހުޒީބު މުޖުތަމައު ތަކުގަ މީހުން ނޫނީ ގައުމުތަކުން ކަންތައް ކުރާގޮތް ދަސްކޮށްދޭން ވެއްޖެއެއްނުން.. މިހާރަކު އަޑު ގަދަ މީހާ ރުއްގިނަ ވާ ޒަމާނެއްނޫން މީކީ!!!
މުރާސިލް
19 June 2016
ކޮންމެ މީހަކު މަންދޫބަކަށް އަޔަސް ކުށްވެރިންނަށް ކުރާ ދަޢުވާތައް ނުހުޓޭނެއެވެ. އެއީ މަންދޫބާއި ގުޅޭ ކަމެއް ނޫނެވެ. ލީޑަރު ފިލީމައި ތިހެން ކޮސް ބަޔާންތައް ނެރެނެރެ ތިބޭށެވެ.
މުއްލާ
19 June 2016
އެހެން ކަމަށްވާނަ ރައީސް ޔާމިނަށް ދައުވާ ކުރާނީ ކޮއްއިރަކުން ތޯ ؟ 1 މިލިއަން ޑޮަލަރު އެކައުންޓަ ޖަމާކުރި މައްސަލައާއި ކުރީގެ އޮޑިޓަރ ޖެނަރަލް ރައީސްއާއި އަދީބު މައްސަލާގައި ވާހަކަ ދެއްކުމުން ދޭހަވީ ރައީސް ޔާމިނުގެ ތާއިދުއާއެކު އަދީބު ކުރި ކަމެއްކަމަށެވެ. ސިފައިންގެ ބަޑި ގުދަނުން ހަތިޔާރު ބޭރުވެ އެކަމުގެ ޒިންމާ ވެސް ނަގަންޖެހޭނީ ރައީސް ޔާމިނެވެ. އަދި ގާނޫނާއި ޚިލާފަ ޕާޕާ ހައްޔަރުކޮށް ބެހެއްޓި މައްސަލަ ވެސް ޔާމިން މައްޗަށް ހިންގަންޖެހޭނެއެވެ. އަދި ވެސް ކިތަމެ ކަމެއްކިޔައި ދެވިދާނެއެވެ
ސައްޕު
19 June 2016
މީ ބޮޑުވެއްޖެ ކަމެއްނުން! ސިޔާސީ ބޯޑު އެޅުވުމުން، ކޮންމެ ފަދަކުށެއް މީހަކު ކުރިޔަސް އެއީ ކުޑަމިނުން ދަޢުވާއެއް ކުރެވިގެންވާނެ މީހެއްނޫން! އެކަމަކު ނިކަމެތި މަސައްކަތު މީހަކުވިޔަސް، އޮފީސް ބޭފުޅުން، އޮފީސް ބަޖެޓުން ގަނެފައި ހުންނަ، ފަސްމިނިޓުން ދެފަހަރު ބްރޭކް ހައްދަވާފައި ކޮފީބޯން ހުންނަ ކިރުދަޅުން ދެތިން ސަމުސާ ކިރު ގެއަށް ގެންދިޔަސް، ކުއްވެރި ވެ، ވަޒީފާގަޑު ގެއްލި، ހައެއްކަ މަހުގެ ނިޔާއެއް! މީ އިންސާފުތަ؟