ފުވައްމުލަކުގެ ކުނި މެނޭޖްކުރަން ވެމްކޯއާ ހަވާލުކުރިކަމުގެ އެއްބަސްވުން ބަދަލުކުރައްވަނީ.-- ފޮޓޯ: އެންވަޔަރްމަންޓް މިނިސްޓްރީ
17 މެއި 2017 - 17:04
5 comments
ފުވައްމުލަކުގައި އުފެދޭ ކުރި ހަރުދަނާ ގޮތެއްގައި އެއްކޮށް ނައްތައިލުމުގެ މަސައްކަތް ވޭސްޓް މެނޭޖްމަންޓް ކޯޕަރޭޝަން (ވެމްކޯ) އާ މިއަދު ހަވާލުކޮށްފި އެވެ.
އެ މަސައްކަތުގެ އެއްބަސްވުމުގައި އެންވަޔަރްމަންޓް މިނިސްޓަރު ތޯރިގް އިބްރާހިމް އަދި ވެމްކޯގެ ޑެޕިއުޓީ މެނޭޖިން ޑިރެކްޓަރު މުހައްމަދު މުއީން ވަނީ މިއަދު ސޮއިކުރައްވައިފަ އެވެ.
ފުވައްމުލަކުގެ ކުނީގެ މަސައްކަތް ވެމްކޯއާ ހަވާލުކުރުމުގެ އެއްބަސްވުމުގައި މިނިސްޓަރު ތޯރިގް (ކ-2) އަދި ވެމްކޯގެ ޑެޕިއުޓީ މެނޭޖިން ޑިރެކްޓަރު މުއީން ސޮއި ކުރައްވަނީ. --ފޮޓޯ: އެންވަޔަރްމަންޓް މިނިސްޓްރީ
އެއްބަސްވުމަށް ފަހު ވާހަކަ ދައްކަވަމުން މިނިސްޓަރު ތޯރިގް ވިދާޅުވީ ފުވައްމުލަކުގެ ހުރިހާ ގެއަކުންނާއި ވިޔަފާރި ކުރާ ތަންތަނުން އުފައްދާ ކުނި މި މަހުގެ ފަހުކޮޅުން ފެށިގެން ވިމްކޯ އިން ނަގަމުން ގެންދާނެ ކަމަށެެވެ. އެ މަސައްކަތް ކުރަން ބޭނުންވާ ވަސީލަތްތައް ފުވައްމުލަކަށް ފޮނުވަން ވަރަށް އަވަހަށް ފަށާނެ ކަމަށް ވެސް ވިދާޅުވި އެވެ.
ތޯރިގް ވިދާޅުވީ އައްޑު އާއި ފުވައްމުލަކު ހިމެނެނީ ކުނި މެނޭޖްކުރުމުގެ ޕޮލިސީގެ ދަށުން ރީޖަން ހަތެއްގައި ކަމަށާއި އެ ސަރަހައްދުގެ ރީޖަނަލް ވޭސްޓް މެނޭޖްމަންޓް ސެންޓަރު އައްޑޫގައި ގާއިމްކުރާނެ ކަމަށެވެ. އެ ސެންޓަރު ގާއިމްކުރުމުގެ މަސައްކަތްތައް ވެސް މިހާރު ކުރަމުން އަންނަ ކަމަށް ތޯރިގް ވިދާޅުވި އެވެ.
ކުނި މެނޭޖުކުރުމުގެ ޕޮލިސީގެ ދަށުން ރާއްޖޭގެ ހުރިހާ ރަށަކުން ވެސް ރައްކާތެރި ގޮތުގައި ކުނި މެނޭޖު ކުރެވިގެންދާނެ ކަމަށާއި އަންނަ އަހަރު ނިމުމުގެ ކުރިން ހުރިހާ ރަށެއްގައި ވެސް ކުނި މެނޭޖުކުރާނެ ސެންޓަރެއް ގާއިމްކުރެވިގެންދާނެ ކަމަށް ތޯރިގް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަފިރިން
18 May 2017
ފުޓުސަލް ދަނޑު ނައަޅާ އެންމެ ކުރިން މިކަން ނުކުރީ ކީއްވެތަ؟؟؟؟
މެކުސް
17 May 2017
ކޮންމެކަމެއް ފަށާއިރު ވަގުތު ބޭނުންވާނެ !! ވެމްކޯ ގޯސްކޮއް ހަޅޭއްލަވާއިރު ކުރީގަ އައްޑޫގަ ކުނި ނެގި މީހުންވެސް 10،12 އަހަރުވީއިރު ކުނި މެނޭޖުކުރާނެ ރަންގަޅު ނިޒާމެއްނެތި ކުނި ނަގާފަ ހުސްބިމަކައް އަޅާފަ ކޮންޓްރޯލް ނުވާ ހިސާބައް ދިޔާމަ އަންދާލަނީ .. މާބުރާ ، ދުމާ ދުވާމީރުވަހު ގެ ސަބަބުން ލިންކްރޯޑްން ދަތުރުކުރާ މީހުންގެ ސިއްހަތައް ލިބޭގެއްލުން ކޮބާ ؟؟؟
އައްޑޫމީހާ
17 May 2017
ތަންތަނާ ހަވާލުވިޔަކަސް އަދި ތިކަމެއްނުވާނެ!!! އައްޑުއަތޮޅުގަވެސް ހަރަކާތްތެރިވަނީ ތިޔަ ވެމްކޯއެއް، ހަފްތާއެކުއެއްދުވަސް ކީއްކުރަން ތިންހަފްތާއިންއެއްފަހަރު ވެސް ކުނިނުނެގޭ!ރައްޔިތުންމިޖެހޭނީ 200ރުފިޔާ ޕިކަޕަކަށްދީފަ ކުނިގޮނޑަށްދާން!
މެޑަމްގެފޭން
17 May 2017
ސަރުކާރު ހާދަހާ ހެޔޮފުޅޭ ސަރުކާރުން އެޔޮށް މީހުންގެ ކުނިވެސް ނައްތާލަދެނީ. ޝުކުރިއްޔާ މެޑަމް
ޗިއްލޫ
17 May 2017
ލައްކަ ހެވެއްނު، 150ރފ ނަގައިގެން މަހަކު އެއްފަހަރު! އެވެސް ހަމައެކަނި ކޮޓަރިންނެރޭ ކުނިކޮޅު!