ރިޔާޒުގެ ކިންގް އަބްދުލް އަޒީޒް ކޮންފަރެންސް ސެންޓަރުގައި، އަރަބް އިސްލާމިކް އެމެރިކަން ސަމިޓުގައި ރައީސް ޑޮނަލްޑް ޓްރަމްޕް ތަގުރީރު ކުރައްވަނީ. --ފޮޓޯ:އޭއެފްޕީ
21 މެއި 2017 - 20:39
14 comments
ރިޔާޒް (މެއި 21) - ހައްދުފަހަނަޅާ ދިއުމާ ދެކޮޅަށް ހަނގުރާމަ ކުރުމަކީ އެއްވެސް ދީނަކާ ނުވަތަ އެއްވެސް ބައެއްގެ އަގީދާއާ ދެކޮޅަށް ހަނގުރާމަ ކުރުން ނޫން ކަމަށާއި އެއީ "ރަނގަޅާއި ނުބަޔާ ދެމެދު" ކުރާ ހަނގުރާމައެއް ކަމަށް އެމެރިކާގެ ރައީސް ޑޮނަލްޑް ޓްރަމްޕް ވިދާޅުވެއްޖެ އެވެ.
ސައުދީ އަރަބިއާގެ ވެރިރަށް ރިޔާޒުގައި އިސްލާމީ ގައުމުތަކުގެ ވެރިންނާ އެކު މިއަދު ބޭއްވި އަރަބި އިސްލާމިކް އެމެރިކަން ސަމިޓުގައި ޓްރަމްޕް ވަނީ މުސްލިމް ގައުމުތަކުން ޓެރަރިޒަމަށާއި ހައްދުފަހަނަޅައި ދިއުމަށް ޖާގަ ނުދިނުމަށް އެދިވަޑައިގެންފަ އެވެ. ޓްރަމްޕް ވިދާޅުވީ އެމަނިކުފާން ވަޑައިގެންނެވީ ލޯތްބާއި ރަހުމަތްތެރިކަމާއި އުއްމީދުގެ މެސެޖް ހިއްޕަވައިގެން ކަމަށެވެ.
އަރަބް އިސްލާމިކް އެމެރިކަން ސަމިޓުގައި ބައިވެރިވެވަޑައިގަންނަވާ ލީޑަރުންނާ އެކު ރައީސް ޑޮނަލްޑް ޓްރަމްޕް ފޮޓޯއަކަށް ހުއްޓިވަޑައިގެން. --ފޮޓޯ:އޭއެފްޕީ
"ޓެރަރިޒަމާއި ހައްދުފަހަނަޅައި ދިއުމާ ދެކޮޅަށް ކުރާ ހަނގުރާމަ އަކީ ނާތަހުޒީބު މުޖްރިމުންނާ ދެކޮޅަށް ކުރާ ހަނގުރާމައެއް. ޓެރިޒަމްގެ މަގު ޚިޔާރުކޮށްފި ނަމަ ދިރިއުޅުމަށް ހުސްކަން ކުރިމަތިވެ، ހަޔާތަށް ނިމުން އަންނަލެއް އަވަސްވާނެ،" ގިނަ ބަޔަކު އިންތިޒާރު ކުރަމުންދިޔަ ތަގްރީރުގައި ޓްރަމްޕް ވިދާޅުވި އެވެ. "އަޅުގަނޑުމެން މިތަނަށް އައިސް މިތިބީ އެހެން މީހުން އުޅެންވީ ގޮތް، އެހެން މީހުން އަޅުކަން ކުރަންވީ ގޮތް ކިޔައިދޭކަށް ނޫން. އެކަމަކު އަޅުގަނޑުމެން އެއްވެ މިތިބީ އެންމެން ހިއްސާކުރާ ހަމަތަކާއި އުސޫލުތަކުގެ މަތިން ގުޅުންތައް ބަދަހި ކުރަން."
ޓްރަމްޕުގެ ބައިގަޑިއިރުގެ ތަގްރީރުގައި ވަނީ ގައުމުތަކަށް އުޖާލާ ކުރިމަގެއް ފެންނަން އޮތީ ޓެރަރިޒަމް ނައްތާލައިގެން ކަމަށް ވިދާޅުވެފަ އެވެ. އަދި ޓެރަރިސްޓުންގެ ގަބޫލް ކުރުމަކީ މަރު ކަމަށް ޓްރަމްޕް ވިދާޅުވި އެވެ. ހައްދުހަނަޅައި ދިއުމާއި ޓެރަރިޒަމްގެ ޝިކާރައަކަށް އަރަބި އަދި މުސްލިމް ގައުމުތައްވެ ކުށެއް ނެތް ލޭ އެ ގައުމުތަކުގެ މާތް ބިމަށް އޮހޮރެމުންދާ ކަމަށް އެމަނިކުފާން ވިދާޅުވި އެވެ.
ރިޔާޒުގެ ކިންގް އަބްދުލް އަޒީޒް ކޮންފަރެންސް ސެންޓަރުގައި ކުރިއަށް ދިޔަ އަރަބް އިސްލާމިކް އެމެރިކަން ސަމިޓުގައި ރައީސް ޑޮނަލްޑް ޓްރަމްޕް ބައިވެރިވެވަޑައިގަންނަވަނީ. --ފޮޓޯ:އޭއެފްޕީ
ޓްރަމްޕް ވަނީ ޓެރަރިޒަމަށް ވާގިވެރިވާ އީރާން އެކަހެރި ކުރުމަށް ހުރިހާ ގައުމުތައް އެކަތިގަނޑަކަށްވުމަށް އެދިވަޑައިގެންފަ އެވެ. އަދި ސީރިއާ، ޔަމަން އަދި އިރާގުގައި ޓެރަރިސްޓް ޖަމާއަތްތައް ތަމްރީނު ކުރުމުގެ ޒިންމާ އުފުލަން ޖެހޭނީ އީރާނުން ކަމަށް ޓްރަމްޕް ވިދާޅުވި އެވެ.
ޓްރަމްޕް ވަނީ އިސްލާމިކް ސްޓޭޓް (އައިއެސް) އަދި ހިޒްބުﷲ ފަދަ ޖަމާއަތްތަކަށް ފައިސާ ފޯރުކޮށްދޭ ޗެނަލްތައް ބަންދު ކުރުމަށް އަރަބް އަދި މުސްލިމް ގައުމުތަކުގެ ކިބައިން އެދިވަޑައިގެންފަ އެވެ.
އެމަނިކުފާނުގެ ތަގްރީރު ނިންމަވާލައްވަމުން ވަނީ އެމެރިކާގެ ގޮތް އެހެން ގައުމުތަކުގެ މައްޗަށް ފަތުރަން ނޫޅުއްވާނެ ކަމަށާއި އެކަމަކު އެމެރިކާގެ އަތް އޮންނާނީ ހުޅުވިފައި ކަމަށް ވިދާޅުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނޫސް ކިޔާމީހެއް
22 May 2017
މިމަނިކުފާނު ޓެރަރިޒަމް މާނަކުރައްވަނީ ކިހިނެއްތޯ ސާފުކުރަން ޖެހެއެވެ. ހަމަގައިމުވެއް ހުޅަނގާއި އިޒްރޭލް ޓެރެޒަމް ކަމުގައި ދެކެނީ އެމެރިކާގެ ސިޔާސަތާ ދެކޮޅުކޮންމެ މުސްލިމު ޤަުމްކެވެ. އަދި އިޒްރޭލާ ދެކޮޅު ކޮންމެ މީހަކީ ޓެރަރިސްޓެެއް ކަމަށް: މުސްލިމުންގެ ވެރިންގެ ނަމުގައި ސިއްކަ ޖެހިގެންވާ ޤައުމެއްގައި މުސްލިމުންގެ ބޮޑު ޖަމާޤަތެއްގައި މުސްލިމުންގެ ގޮތްކިޔަންވާ މާޙައުލެއްގައި މުސްލިމުންނަށް ފުރައްސާރަ ކުރުމަށް އިސްކޮށް ނެރުނު މީހަކަށް މީނާ ނުވެ ނުދާނެކަން ކަށަވަރު. ދެން އެންމެ އަވަހަށް ޓަރްމަޕް ބައްދަލިކުރާނެ މީހަކީ އިޒްރޭލުގެ ވެރިއެއް ؛
އާސަންދަކަނޑާ ރުޅިގަދަ މޫސަބެ
22 May 2017
އޭޙޭ އަމިލަގައުމުގެ މުސްލިމުންނަށާ އެހެންގައުމުތަކުގެ މުސްލިމުންނައް ފާޅުގަ ދަތިކުރާ ފައުގެ ތާރީހެއްގަ ދުއް އިސްލާމްދީނުގެ އެންމެ ބޮޑު އަދުއްވު ތަގުރީރުކުރަން ލައިގެން ވަށައިގެން އަތްޖަހަން އިސްލާމީގައުތަކުގެ ވެރިން ތިބުމަކީ އިސްލާމްދީން ނިކަމެތި ކުރުންކަމުގަ ދެކެން! ތިސަމިޓުގެ މަގުސަދަކީ އެމެރިކާގެ ހަތިޔާރުވިކަން މަގުފަހި ކުރުން! ބަލަ ދުނިޔެ އަމާން ތަނަކަނެއްގެ ގޮތުގައި އޮވެްޖެއާ 100 ބިލިޔަންޑޮލަރުގެ ހަތިޔާރުގެ އޯޑަރު ލިބޭނެތޯ!
ވިސްނާ
22 May 2017
އިސްލާމުންނާ ދެކޮޅަށް އަޑުގަދަކޮށްގެން ކުރިޔަށް ނުދެވޭނެކަން ޓަރަމްޕަށް ވެސް ވިސްނިއްޖެތާ!
ފޫހި
22 May 2017
މީނަދެންމިކާކު އަހަރުމެންނަށް ދީންކިޔަވައިދޭން. ދެން ތިބޭ މީނަގެދަށުވެގެން އަތްޖަހަޖަހާ
ސަނާ
22 May 2017
ކޮބައިތޯ ހައްދު ފަހަނައެޅުމަކީ؟ ހައްދުފަހަނައަޅާފަޔޭތިކިޔާމީހުން ބޮޑައް އިސްލަމީ އުސޫލުތައް ހިފަހައްޓަނީ! މިސާލަކައް އެކަލަންގެ ރަޖަމުކުރަންއަންގަވާފަ އޮތިޔާ ރަޖަމު ކުރުން ޖެހޭނެނޫތޯ؟ މިސާލަކައް ސޯމާލިޔާފަދަ ގައުމުތަކުގަ ރަޖަމް ކުރާތި އެއި ހައްދުފަހަނަ އެޅުންކަމައް ދެކޭ! އަދި ބަނގުރާ ބުއިމީހެކޭ ވިއްކިމީހެކޭ ހަމަހަމަ ކަމައް އޮއްވައެވިކައިގެން ދިރިއުމުގެ ބޭނުންތައް ފުއްދުމަކީ ހައްދުފަހަނަ ނޭޅުންތޯ؟ އެކަލާންގެ ކަމެއް މަނާކުރީމަ އެކަލާންގެ ވަހީބަސްފުޅައް ގޮންޖަހާ އެކަމެއްކުރުން އެއީ ހިސްލަމުންގެ ކޮންވައްތަރެއްތޯ!
މެކުސް
22 May 2017
އިރާގު ، ސީރިއާ ، ލީބިޔާ ، ޔަމަން ، އަފުގާނިސްތާން ފަދަ އިސްލާމީ ގައުމުތަކައް އަރާ އެގަުމުތައް ފުންޑާ ކުށެއްނެއް އިންސާނުންގެ ލޭގެ ކޯރުތައް އެގައުމުތަކުގަ ހަދަނީ އީރާނުން ތޯ ؟؟ ދެންކީއްވެ ފަލަސްތީނުގެ މާއްބިމުގަ އިންސާނުންގެ ލޭބޯ އިސްރާއީލޭކިޔާ ޔަހޫދީ ދައުލަތުގަ ވާހަކަ ނުދެއްކީ ؟؟
ބޭޝަރަމް
21 May 2017
މެދުއިރުމަތިވެސް ފުނޑާލެވިދާނެއެވެ. އިރާގެކޭ އެއްގޮތަށް އީރާންވެސް ފުނޑުފުނޑުކޮށްލެވިދާނެއެވެ. އެހެނަސް އިސްލާމް ދީނުގެ ހުޅުކޮޅު ނިއްވައެއް ނުލެވޭނެއެވެ.
ޓުރަމްޕެޓު
21 May 2017
ޓުރަމްޕް ދެއްކިވާހަކަތަކުގައި ރަގަޅު ޕޮއިންޓުތަކެއްވެސް އެބަހުރި އެކަމަކު ދުވަސްކޮޅެއްފަހުން އެއާއިދިކޮޅަށް ވާހަކަދެއްކުމަކީ ވެދާނެކަމެއް... އެއީ ޓުރަމްގެ ގައިގައި ހިފާފައި ހުންނަށް އާދައަކަށްވުމުން... ހުރިހާ ގައުމަކަށްވެސް ޕީސްގެންނަން މަސައްކަތްކުރުމުގެ ވިސްނުން އެބަހުރިހެންހީވޭ... އެކަމަކު މައްސަލައަކީ ހުދުމުހުތާރު ވެރިން ގައުމުތަކުގެ ލީޑަރުންނަށް ތިބުން އިތުރުވަމުންދާކަން.... ކުދި ޖަޒީރާ ގައުމުތަކުން ފެށިގެންގޮސް އެފްރިކާ ބައްރުން ގޮސް މެދުއިރުމަތީގައިވެސް ހުދުމުހުތާރުވެރިން ތިބިމުން ހުރިހާ އެންމެން ބޭނުންވާ ޕީސް ލިބުމަށް ވަނީ ބޮޑުހުރަކަށްވެފައި...
އާދަނު
21 May 2017
ސައުދީ ސަރުކާރު ބަދަލުކޮށް މިނިވަން ސަރުކާރެއް ގާއިމުކުރެވިގެންނީނީ މެދުއިރުމައްޗަކަށް ހައްލެއްލިބޭކަށްނެތް. އެހެނީ މިހާރު ސައުދީއަކީ މުސްލިމުގައުމުތައް ހަލާކު ކޮށްލަން އެމެރިކާއިން ބޭނުންކުރާ އެޖެންޓަކަށްވާތީ
އައިރޯލް
21 May 2017
ތިވާހަކަ ހިއްސާ ކޮށްލަން ސަމިޓަށް ދިޔަނަމަ...
މޮހޮނު
21 May 2017
އެ ކީއްވެ އިރާންގެ ވާހަކަ އެކަނި ބުނީ؟ ވާއޯ. ދުނިޔޭގެ ތަންތަން ގޮއްވާ، އަދި އައިއެސް، އަލްގައިދާގަ އީރާނު މީހުން އެހާ ގިނަތަ؟ މިހާރު އެނގިއްޖެ. ޓްރަމްޕަކީ މުސްލިމުންނަށް ހެޔޮ އެދޭ މީހެއްނޫން. ނަމަވެސް ސައަުދީގެ ހަތިޔާރު ޑީލާ އެހެނިހެން ވިޔަފާރިގެ ޑީލް ހަދާލުމަށް ބުނެލި އެއްޗެކަށްވާނީ.