ހަތަރު ގައުމަކުން ސިޔާސީ ގުޅުން ކަނޑާލި މައްސަލައިގައި ގަތަރުން ވަކިއެއްޗެއް އަދި ނުބުނޭ.
05 ޖޫން 2017 - 10:50
16 comments
ދޯހާ (ޖޫން 5) - ހަތަރު ގައުމަކުން ގަތަރާ ސިޔާސީ ގުޅުން ކަނޑާލައިފި އެވެ.
މެދުއިރުމަތީގެ ހަމަޖެހުން ނަގާލަން މަސައްކަތް ކުރާ ކަމަށް ބުނެ ގަތަރާ ގުޅުން ކަނޑާލި ގައުމުތަކަކީ ސައުދީ އަރަބިއާ، މިސްރު، ބަހުރޭން އަދި ޔުނައިޓެޑް އަރަބް އެމިރޭޓްސް އެވެ. އެ ގައުމުތަކުން ބުނަނީ ގަތަރުން ދަނީ ޓެރަރިސްޓް ޖަމާއަތްތަކަށް ވާގިވެރިވަމުން ކަމަށެވެ. އޭގެ ތެރޭގައި މުސްލިމް ބްރަދަހުޑުގެ ނަން ވަނީ ފާހަގަކޮށްފަ އެވެ.
ސައުދީ އަރަބިއާގެ ރަސްމީ ނޫސް އެޖެންސީން ބުނީ ގަތަރުގެ ބޯޑަރު ރިޔާޒުން ބަންދުކޮށްފައިވާ ކަމަށެވެ. އެހެންކަމުން އެއްގަމާއި ކަނޑު އަދި ވައިގެ މަގުން ގަތަރުން ސައުދީ އަށް ކުރާ ދަތުރުތަކަށް ހުރަސް އެޅޭނެ އެވެ. އޮފިޝަލުންނާ ހަވާލާދީ ބުނެފައި ވަނީ ބޭނުމަކީ ޓެރަރިޒަމުގެ ނުރައްކަލަކުން ސައުދީ ސަލާމަތް ކުރުން ކަމަށެވެ.
ސައުދީން ވަނީ އެ ގައުމުގައި ތިބި ގަތަރު މީހުން 14 ދުވަހުގެ ތެރޭގައި ފޭބުމަށް އަންގައިފަ އެވެ. ނަމަވެސް އުމްރާ އަށް ގޮސް ތިބި މީހުން އޭގެ ތެރޭގައި ނުހިމެނެ އެވެ. އަދި ގަތަރުގައި ތިބި ސައުދީ މީހުން ވެސް 14 ދުވަސް ތެރޭ އެ ގައުމުން ފޭބުމަށް ވަނީ އަންގައިފަ އެވެ.
މިސްރުން ވެސް ގަތަރަށް ވައިގެ އަދި އެއްގަމު ބަނދަރުތައް ބަންދުކޮށްފައި ކަމަށް ޚާރިޖީ ވުޒާރާ އިން ވަނީ ބުނެފަ އެވެ. ޔޫއޭއީން ވަނީ ގަތަރުގެ ޑިޕްލޮމެޓުން 48 ގަޑިއިރު ތެރޭ އެ ގައުމުން ފޭބުމަށް އަންގައިފަ އެވެ. ޔޫއޭއީން ބުނެފައި ވަނީ އެ ގައުމުގެ ގައުމީ އެއާލައިން، އިއްތިހާދުގެ ދަތުރުތައް މާދަމާ އިން ފެށިގެން ގަތަރަށް ހުއްޓާލާނެ ކަމަށެވެ. އަބޫ ދާބީން ތުހުމަތުކޮށްފައިވާ ގޮތުގައި ގަތަރުން ދަނީ ޓެރަރިޒަމަށް ސަޕޯޓްކޮށް ފައިސާ ޚަރަދު ކުރަމުންނެވެ.
ބަހުރޭނުގެ ރަސްމީ ނޫސް އެޖެންސީން ބުނީ ގަތަރާ ގުޅުން ކަނޑާލީ ގަތަރުން އެ ގައުމުގެ ހަމަޖެހުން ނަގާލަން މަސައްކަތްކޮށް އަދި ދާޚިލީ ކަންކަމުގެ ތެރެއަށް ވަންނަން އުޅުމުން ކަމަށެވެ.
ޔަމަނުގެ ހޫތީންނާ ދެކޮޅަށް ހަނގުރާމަ ކުރަން ސައުދީ އަރަބިއާ އިސްވެ އުފައްދާފައިވާ ކޯލީޝަނުން ވެސ ގަތަރު ވަނީ ބޭރުކޮށްފަ އެވެ. ގަތަރުން ވަނީ ހޫތީންނާ ދެކޮޅަށް ހަނގުރާމަ ކުރަން އެ ގައުމުގެ ހަނގުރާމަތީ ބޯޓުތައް ވެސް ދީފަ އެވެ.
ހަތަރު ގައުމަކުން ސިޔާސީ ގުޅުން ކަނޑާލި މައްސަލައިގައި ގަތަރުން ވަކިއެއްޗެއް އަދި ނުބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދދ
05 June 2017
ޢާލު ސޫދުގެ ޝާހީ ވެރިކަން ހިމާޔަތް ކުރަން މުޅި އިސްލާމީ ދުނިޔެ ހަލާކު ކުރަނީ!
ކޮލޮމްބޯ
05 June 2017
ދިވެހިރާއްޖެއިންވެސް ގަތަރާއި ސިޔާސީ ގުޅުން ކަނޑާލައިފިއެވެ. ޣަރުދާވީ ކަހަލަ ނުލަފާ ބަޔަކު ގަތަރު ސަރުކާރުގައި ތިބެގެން އެތައް ބައިވަރު ޓެރަރިސްޓުންނަށް އެގައުމުންދަނީ ހިމާޔަތް ދެމުންނެވެ. އެތައްް ފަހަރަކު އިންޒާރު ދިނުމުންވެސް، މުސްލިމް ބްރަދަރހުޑް، ހަމާސް، ހިޒްބުﷲ، އައިއެސް، ތާލިބާންފަދަ ޖަމާއަތްތަކަށް ދަނީ ބޮޑެތި ހަރަދުތައް ކޮށް އެހީވަމުންނެވެ.
ނައީމާ އާދަމް
05 June 2017
ދިވެހި އެތަަށް ކުދިންނެއް ގަތަރު އަދި ދުބާއީގައި ވަޒީފާއަދާކޮށް ދިރިއުޅެމުންދޭ. ދިވެހި ފޮރިންމިނިސްޓްރީން ދިވެހިންގެ ހާލަތު ބައްލަވަމުން އެބަގެންދަވާތޯ؟ ނުރައްކަލެއްގެ ހާލަތުގައި އެނބުރި ގައުމަށް ގެނެވޭނޭ ގޮތްތަކެއް ރޭވިފައިއެބައޮތްތޯ؟
އިބޫ ސާލިހް
05 June 2017
ގަތަރާ ގުޅުންކަނޑާލާ 5ވަނަ ގައުމަކަށް ރާއްޖެ ވާނެ ކަމަށްބެލެވޭ....މީގެ ކުރިންވެސް ސައުދީން އީރާނާ ގުޅުން ކަނޑާލީ ރާއްޖެއިންވެސް އިރާނާ ގުޅުން ކަނޑާލީ
ސިޔާސީ
05 June 2017
ސައުދީ އަރަބިއްޔާއަކީ ސިޔާސީގޮތުން މިހާރު އިސްލާމީ ދުނިޔޭގައި އޮތް އެންމެ މުނާފިގު ގައުމު
ޒާ
05 June 2017
ޤަތަރެއް ނޫން ގޯހީ، ގޯހީ ސަޢުދީ. ސަޢުދީން ދަނީ މުސްލިމް އުއްމަތް ބަލިކަށިވާނެހާ ކަންކަން އެމެރިކާއާއި ގުޅިގެން ކުރަމުން. އެގޮތުން ސޫރިޔާ އާއި ޔަމަނުގައި ހަނގުރާމަ ފެށުވީ ސަޢުދީންގެ އެހީތެރިކަމުގައި. ހަމަ އެފަދައިން އީރާނާއު ޖައްސާލައިގެން ދުޝްމަނުކަން ދައްކައި އިޒްރޭލު ބަނޑުދޮށަށް ލައިގެން އުޅެނީ ވެސް ސަޢުދީން.
އުއްމަތް
05 June 2017
އަރަބި އިސްލާމީ އުއްމަތް ހަލާކު ކޮށް ފުނޑުފުނޑު ކުރުމުގެ މައި ސޯބަކީ ސަޢޫދިއަރަބިޔާގައި މިތިބި ޔަހޫދީ ދަރިފަސްކޮޅުގެ ޝާހީ އާއިލާއެވެ. ގަތަރުގައި ހިންގާ އަލްޖަޒީރާ އަކީ މި މީހުންގެ ނުބައި ރޭވުންތައް މި މީސްމީހންގެ ވިޔާނުދާ އަމަލުތައް ދުނިޔެއަށް ހާމަކުރާ ބައެކެވެ. އެހެމްކަމުން އެކަން ހުއްޓުވަން މި މީސްމީހުން ކުރި މަސައްކަތް ނާކާމު ވުމުން ކުރާ ދެކޮޅުނުޖެހޭ ކަންތަކެވެ. ޤަޠަރަކީ މިއަދު އިސްލާމީ ދުނިޔޭގެ އެންމެ މުއްސަދި ގައުމެވެ. ކުރިއަށް ޤަޠަރު.
ޭޑޯގް
05 June 2017
ޔަމީނޫ ކޮބާ ސައުދީގެ ހިޔަނި ނޫންތޯ. ރާއްޖެއަކީ މިނިވަން މުސްތަތިއްލު ގައުމެކޯ! ކޮން އިަރަކުން ކަނޑަނީ
ކުޑޭ
05 June 2017
ގަތަރޫ! ދޫނުކުރާތި އިރާދަކުރެއްވިއްޔާ އެ ބައިގަނޑު މިފަހަރު ބަލިވާނެ، އެއީ ޔަހޫދީންގެ އަތްދަށުގައިވެފައިވާ ބައިގަނޑެއް
އަލީ
05 June 2017
ގަތަރަކީ މުސްލިމުންނަށް ތަންކޮޅެއް ހެޔޮ ބައެއްވީމަ ސައުދީ އިން ޖޭ ވީ. ފަލަސްތީނުގެ މިނިވަންކަމަށް މަސައްކަތްކުރާ ހަމާސް ޖަމާއަތާވެސް ގާތް ގުޅުމެއް ގަތަރުން ބާއްވާ. އެއާ ހިލާފަށް ސައުދީ މިސްރު ފަދަ ގައުމުތަކަކީ އިޒްރޭލާއި އަޑިއަޑިން ޑީލް ތަށް ހަދައިގެން އުޅޭ ބައެއް.