މައުމޫން މިރޭ ރާއްޖެ ވަޑައިގެން ވެލާނާ އިންޓަނޭޝަނަލް އެއާޕޯޓުގައި އިދިކޮޅު ލީޑަރުންނާއެކު.---މިހާރު ފޮޓޯ: ހުސެއިން ވަހީދު
15 ޖޫން 2017 - 00:52
30 comments
ގަތަރާ އެކު ރާއްޖެ އިން ބާއްވަމުން އައި ޑިޕްލޮމެޓިކް ގުޅުން ކަނޑާލަންޖެހޭ އެއްވެސް ސަބަބެއް ނެތް ކަމަށާއި ރާއްޖެ އަށް ގެއްލުންވާ ކަމެއް އެ ގައުމުން ނުކުރާ ކަމަށް ކުރީގެ ރައީސް މައުމޫން އަބްދުލް ގައްޔޫމް މިރޭ ވިދާޅުވެއްޖެ އެވެ.
ގަތަރުން ޓެރަރިޒަމަށް ވާގިވެރިވާ ކަމަށް ބުނެ، އެ ގައުމާ ސިޔާސީ ގުޅުން ކަނޑާލި އިސްލާމީ މަދު ގައުމުތަކުގެ ތެރޭގައި ރާއްޖެ ހިމެނިފައިވާއިރު، މައުމޫން މިރޭ ފާހަގަކުރެއްވި ގޮތުގައި އެ ގައުމާ އެކު ގުޅުން ގާއިމްކުރީ އެމަނިކުފާނުގެ ވެރިކަމުގަ އެވެ. އަދި އެއިރުއްސުރެ ފެށިގެން ރާއްޖެ އާއި ގަތަރާ ދެމެދު އޮތީ ވަރަށް ބަދަހި، އެކުވެރި ގުޅުމެއް ކަމަށް މައުމޫން ވިދާޅުވި އެވެ.
"އަޅުގަނޑުމެންނާ ދެކޮޅަކަށް ގަތަރުން ކަމެއް ކުރައްވާފައެއް ނެތް. އަޅުގަނޑުމެންނަށް މައްސަލައެއް ނުޖެހޭ ގަތަރަކާ. އެހެންވިމާ އެގޮތުން ބަލާއިރު، ގަތަރާ އެކު އޮތް ގުޅުން ކަނޑާލާކަށް ސަބަބެއް އޮތް ކަމަކަށް އަޅުގަނޑު ނުދެކެން،" އާއިލީ ބޭނުންފުޅެއްގައި ރާއްޖެ އިން ބޭރުގައި ތިން މަހެއްހާ ދުވަހު އުޅުއްވުމަށް ވަޑައިގެން ވެލާނާ އިންޓަނޭޝަނަލް އެއާޕޯޓުގައި މީޑިއާއާ ވާހަކަފުޅު ދައްކަވަމުން މައުމޫން ވިދާޅުވި އެވެ.
އެމަނިކުފާނު ފާހަގަކުރެއްވި ގޮތުގައި ރާއްޖެ އަކީ ސަތޭކަ ޕަސެންޓު މުސްލިމް ގައުމަކަށް ވާއިރު، އިސްލާމީ ގައުމުތަކާ ދެމެދު ބާއްވަން ޖެހޭނީ ބަދަހި ގުޅުމެކެވެ.
މައުމޫން މިރޭ މާލެ ވަޑައިގެން ވެލާނާ އިންޓަނޭޝަނަލް އެއާޕޯޓުގެ ވީއައިޕީން ލައުންޖުން ނުކުމެވަޑައިގަންނަވަނީ.---މިހާރު ފޮޓޯ: ހުސެއިން ވަހީދު
"ވަކި ފަރާތަކުން ބުނެގެން ނުވަތަ ވަކި ފަރާތަކަށް ލެނބުމުގެ ގޮތުން އެ ގުޅުން ކަނޑާލުމަކީ ދިވެހި ރާއްޖޭގެ މި ދަންނަވާ ސައްތައިން ސައްތަ މުސްލިމް ވަންތަ ކަމަށް އަޅުގަނޑު ދެކޭ ގޮތުގައި ބުރޫ އަރާފާނެ ކަމެއް. އެހެން ގައުމުތަކުން އެހެން ދެކޭނެ،" ރާއްޖެ އިން ގަތަރާ ގުޅުން ކަނޑާލީ ސައޫދީއަރަބިއްޔާގެ ނުފޫޒުން ކަމަށް ވާހަކަ ދެއްކެވޭ މި ދަނޑިވަޅުގައި މައުމޫން ވިދާޅުވި އެވެ.
މައުމޫން ވިދާޅުވީ އޭޝިއާ ސަރަހައްދުގައި މުސްލިމް ވަރަށް ގިނަ ގައުމުތައް ހިމެނޭއިރު، އެ ގައުމުތަކުން ވެސް ގަތަރާ ގުޅުން ކަނޑައެއް ނުލަ އެވެ. އެގޮތުން ޕާކިސްތާނާއި ބަންގްލަދޭޝް އާއި މެލޭޝިއާ އާއި އިންޑޮނީޝިއާ އަދި އަފްޣާނިސްތާނުން ގަތަރާ އެކު ގުޅުން ކަނޑާނުލާކަން އެމަނިކުފާނު ފާހަގަކުރެއްވި އެވެ.
"އެމީހުން ވަކި ޓެރަރިޒަމަށް ތާއީދު ކުރާތީ ގުޅުން ކަނޑާނުލާ އޮތީކީ ނޫން. އެމީހުން ދެކޭގޮތުގައި ވެސް ގަތަރަކީ މުސްލިމް ގައުމެއް. އަޅުގަނޑުމެންނާ އެކީގައި ހަމަ ކުރިއަށް ދާން ބޭނުންވާ ގައުމެއް. އެހެންވީމާ އެއްގޮތަކަށް ވެސް ގުޅުން ކަނޑާލަން ޖެހޭ ބޭނުމެއް ވެސް ނެތް. ސަބަބެއް ވެސް ނެތް. އެއްގޮތަކަށް ވެސް އަޅުގަނޑު ނުދެކެން އެއީ ރަނގަޅު ކަމެއް ކަމަކަށް،" މައުމޫން ވިދާޅުވި އެވެ.
އެމަނިކުފާނު ފާހަގަކުރެއްވި ގޮތުގައި ރާއްޖެއާ އެކުގައި އެކުވެރިކަން ބާއްވަން ބޭނުންވާ ގައުމުތަކާ ދުރަށް ޖެހިގެން ކުރެވޭނެ ކަމެއް ނޯންނާނެ އެވެ. އަދި އެކަހެރިވުމުގެ ސިޔާސަތަކީ ރާއްޖެ އަށް ފައިދާހުރި ސިޔާސަތެއް ނޫން ކަމަށް މައުމޫން ވިދާޅުވި އެވެ.
މައުމޫން މިރޭ މާލެ ވަޑައިގެން ކާރުކޮޅަށް އަރާވަޑައިގަންނަވަން ވަޑައިގަންނަވަނީ.---މިހާރު ފޮޓޯ: ހުސެއިން ވަހީދު
"އަޅުގަނޑު ދެކޭ ގޮތުގައި ރާއްޖޭގެ ހާރިޖީ ސިޔާސަތަކަށް ވާން ޖެހޭނީ ހުރިހާ ގައުމަކާ ވެސް ގުޅުން ބަދަހިކުރުން. ހާއްސަކޮށް އިސްލާމީ ގައުމުތަކާ ގުޅުން ބަދަހިކުރުން. އަދި އަޅުގަނޑުމެންގެ އަވަށްޓެރި ގައުމުތަކާ ގުޅުން ބަދަހިކުރުން. އަދި އަޅުގަނޑުމެންނާ އެކީގައި ބައިނަލްއަގުވާމީ މައިދާނުގައި މަސައްކަތްކުރަން ތައްޔާރަށް ތިބި ހުރިހާ ގައުމުތަކާ އެކީ ވެސް އެއްބާރުލުން ދީގެން މަސައްކަތް ކުރުން،" މައުމޫން ވިދާޅުވި އެވެ.
މައުމޫން ވިދާޅުވީ ގަތަރުގެ އިތުރުން އިރާނާ ގުޅުން ކަނޑާލައި އަދި ކޮމަންވެލްތުން ރާއްޖެ ވަކިވާން ޖެހޭނެ ކަމަކަށް ވެސް ދެކެވަޑައިނުގަންނަވާ ކަމަށެވެ.
"މި ހުރިހާ ތަނެއްގައި ބައިވެރިވެގެން އަޅުގަނޑުމެންނަށް މިއަދުގެ ދުނިޔޭގައި ކުރިއަށް ގެންދެވެން އޮތީ،" އެމަނިކުފާނު ވިދާޅުވި އެވެ.
މައުމޫން ވިދާޅުވީ މިހާރު ދުނިޔޭގެ ހުރިހާ ގައުމެއް ވެސް މަސައްކަތްކުރަނީ އެއްބަޔަކު އަނެއް ބަޔަކާ ގުޅިގެން ކަންތައްތައް ކުރެވޭތޯ ކަމަށެވެ. އަދި ކާމިޔާބު ލިބޭނީ އޭރުން ކަމަށް ވެސް އެ މަނިކުފާނު ވިދާޅުވި އެވެ.
މައުމޫން މިރޭ މާލެ ވަޑައިގެން ކާރުކޮޅަށް އަރާވަޑައިގަންނަވަން ވަޑައިގަންނަވަނީ.---މިހާރު ފޮޓޯ: ހުސެއިން ވަހީދު
"އަޅުގަނޑުމެން ބައިނަލްއަގުވާމީ ޖަމިއްޔާތަކުން ވަކިވެގެން ނުވަތަ އަޅުގަނޑުމެންނާއެކީ އެކުވެރިކަން ބާއްވަން ބޭނުންވާ ގައުމުތަކާ ދުރަށްޖެހިގެން އަޅުގަނޑުމެންނަށް ކުރެވޭނެ ކަމެއް ނޯންނާނެ. އަޅުގަނޑު ދެކޭ ގޮތުގައި އެއީ ރާއްޖެއަށް ފައިދާހުރި ސިޔާސަތެއް ނޫން،" މައުމޫން ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަން
16 June 2017
ޤަޠަރާ ގުޅުން ކަނޑާލަން ޖެހުނީ އަލްޖަޒީރާ ޓީވީން ރާއްޖެ ބަދުނާމުކޮށް ދެއްކި ޓީވީ ޕްރޮގްރާމެއްގެ ސަބަބުން.
އިންސައިޑަ
15 June 2017
އަލްޖަޒީރާ ޑޮކިއުމެންޓަރީ... އެއީ އަސްލު ސަބަބު
އެމެންނޭ
15 June 2017
ގަތަރާ ގުޅުން ކަނޑާލަންޖެހޭ ސަބަބު މަމެންނަށް އަންޑަރސްޓޭންޑް ވޭ ވަރަށް ރަނގަޅަށް. ގަތަރާއި ގުޅުން ކަނޑާލުމުން މަމެންނަށް ލިބޭނެ ވަރަށް އަވަހަށް ސައުދީގެ ހިލޭ އެހީގައި 2 ބިލިއަން ޑޮލަރު އެއީ މާލެ ސަރަހައްދުގައި ފްލެޓްސް ތައް އެޅުމަށް ޓަކައި. ދެން ކޮބާ ފައިދާ އެއް ނެތިފައި. މަހަށް ދާންވީއެެއް ނޫން ދޯ ގަތަރާއި ގުޅުން ކަނޑާލުމުން އެކަމާއި ކްރިޓިސިސައިޒް ކުރާ މީހުންދޯ.
ޕޮކަންޑި މޭން
15 June 2017
ކަނޑާލިކަމަށް ބުނި އެމްއެންޑީއެފްގެ ސެކިއުރިޓީ ލޯއަވަރު ނޫން ކޮންމެ މީހަކަށް މައުމޫންގެ ވަށައިގެން ފެންނާނެ. ކޮންމެ ވާހަކައެއްވެސް ފަތުރާނެ ސިޔާސީ ފައިދާއަށްޓަކައި
އަލިފުތު
15 June 2017
މައުމޫނަކީ ޕީޕީއެމް އަށް ނިސްބަތްވާ މީހަކަށްވެފައި އަދި ސަރުކާރު ހިންގާ ޕާރޓީގެ މީހަކަށްވުމުން އަދި ޔާމީނަކީ މައުމޫނުގެ ކޮއްކޮއަށް ވުމުން ސިޔާސަތު ތަކާ ހިތްހަމަނުޖެހި މީޑިޔާ އަށް މައުލޫމާތު ދިނުމުގެ ބަދަލުގައި އެވާހަކަ ގައުމަށް ފައިދާ ހުރި ގޮތަކަށް ބަދަލުކޮށް ތައައްސުބެއްނެތި 30 އަހަރުގެ ތަޖްރިބާ ބޭނުންކޮށްގެން ސަރުކާރު ދެމެހެއްޓުމާ ސަރުކާރުގެ މާލީ އަދި ރައްޔިތުންނަށް މަންފާކުރާ ޢާއްމު ސިޔާސަތު ދެމެހެއްޓުމަށް މަސައްކަތް ކުރުން ބުއްދިވެރި. ދެއިރު ދެދަޅަ އަށް ސަރުކާރު ބަދަލުކުރުމަށް ސިޔާސަތާ ތޮޅުމަކީ ރައްޔިތުންނަށް ލިބޭ ގެއްލުން.
އަބުދުﷲ
15 June 2017
ކޮންމެ މީހަކު ކޮންމެ އެއްޗެއް ބުންޏަކަސް މައުމޫނު ލައިގެން ހުރި ގަމީހުގެ ކުލައިން މައުމޫނު ދައްކުވައި ދެނީ މައުމޫނުގެ ވިސްނުން ހުރީ ހަމަ ޔާމީން އާއެކުކަން.
ހެހޭ
15 June 2017
މައުމޫނު އަށް ފާދު ކިޔާމީހުން ނިކަން އަރަބި މީޑިއާ ބަލާބަލަ. މިކަމާ ގުޅިގެން ދިވެހިންނާއި ދިވެހިރާއްޖެއަށް އެމީހުން ޖޯކްޖަހާފައިވާވަރު. އަދި ކޮށްފައިވާ މަލާމާތް.
މާރިޔާ
15 June 2017
މަނިކުފާން މިޔީޔާމިންގެސަރުކާރެއްކަން ހަދުމަފުލުބަހައްޓަވާ
♞ އަސްގެ
15 June 2017
އެކަން އޮންނާނީ އެއްމެފަހުން ބޭއްވި ސައުދީ ފޯރަމްގައި ދައްކާލާފަ.. ގައުމެއް ރައީސަކު އާރުކާޓީ ހެދިގެން އެމްބަސީ ދޮރާއްޓަށް މައިތިރިއަރުވާފަ އުޅުއްވީ... ހމމމމމ.. މާއްކޮމެނަށް ހީވަނީތަ... އަރަބިންގެ ބްރޯއަކީ އަދިވެސް މައުމޫނު..
މަނިކުފާނު
15 June 2017
މައުމޫނު ޕީޕީއެމްއާއި ގުޅުން ކަނޑާލާ އެމްޑީޕީއާއި ގުޅެންޖެހޭ އެއްވެސް ސަބަބެއް ވެސް ނެތް.
ނަމްބަރ
15 June 2017
އަޅުގަނޑުމެންނަށް މައްސަލައެއް ނުޖެހޭ ގަތަރަކާ އެގޮތަށް ރައީސް މައުމޫނު ވިދާޅުވާއިރު ގްލޯބަލް ޕޮލިޓިކަލް ޖިއޮލޮޖީ ބުނަނީ އެހެން ނޫނެވެ. ގްލޯބަލް ޕޮލިޓިކަލް ޖިއޮލޮޖީ ބުނަނީ ގަލްފް ގައި އުފެދޭ ހަމަނުޖެހުން އަދި މެދު އިރުމަތީގައި އުފެދޭ ހަމަ ނުޖެހުން އެއިން ރާއްޖެ އަށް ވަރަށް ނޭދެވޭ އަސަރު ކުރާނެ ކަމަށެވެ. މިހާރު މެދު އިރުމތީގެ ގައުމު ތަކަށް ބަލާއިރު ލީބިޔާ އަދި ސީރިއާ އަދި މިސްރު އަދި ޔަމަން އެވަނީ ވަރަށް ބޮޑަށް ސިޔާސީ ކަންކަން ގޯސް ވެފައެވެ. މީގެ ތެރެއިން އެންމެ ހާލު ބޮޑީ ލީބިޔާ އަދި ޔަމަން ގައެވެ. ލީބިޔާ ގައި އޮތް ރީތި ވެރިކަމެއް ކަމުގައިވާ ގައްޒާފީގެ ވެރިކަން ވައްޓާލީ އެއީ ޓެރެރިސްޓް ޖަމާއަތް ތައް އަޑީގައި ތިބެގެން އެމެން އެގައުމުގެ ވެރިކަން ހޯދުމުގެ ބޭނުމުގައެވެ. އެގޮތުގެ މަތިން ލީބިއާގައި އެއިރު އޮތް ގައްޒާފީގެ ސަރުކާރާއި ދެކޮޅަށް ހަމަލާ ދީ ގައްޒާފީގެ ވެރިކަން ވައްޓާލާ ގައްޒާފީ މަރާލާ ލީބިޔާގެ ވެރިކަން ވައްޓާލުމުގެ ނަތީޖާ އަކީ ލީބިޔާގައި އަހުލީ ހަނގުރާމަ ފެށި ލީބިއާ ހަމައިން ނެއްޓި ލީބިޔާގެ އިގްތިސާދު ފުނޑިގެން ދިއުމެވެ. މީ ދުނިޔެ އަށް ވަރަށް ބޮޑަށް ގެއްލުން ހުރި ކަމެކެވެ. މިކަމުގެ ނޭދެވޭ އަސަރު ރާއްޖެ އަށް ކުރެއެވެ. އެގޮތުން ބަލާއިރު ގަތަރުގައި ހުރި ހަމާސް އަދި ހިޒްބުއްލާ ހެޑް ކްއާރޓަރު މެދު ވެރިކޮށް ލީބިޔާގައި މިހާރު ގާނޫނީ ގޮތުން އުފެދިފައިވާ ސަރުކާރާއި ދެކޮޅަށް ހަމަލާ ދޭން ހަތިޔާރު ގަނެފައި ފޮނުވަނީ. މީ އެންމެން ދަންނަ ބޮޑު ސިއްރެކެވެ. މިކަން ކީއްވެގެންތޭ ޕޮލިޓިޝަނުން ފާޅުގައި ނުކިޔަނީ. މީ ގަތަރުގެ ސަބަބުން މަމެންނަށް ވާ ގެއްލުމެވެ. ގަތަރުން ޓެރެރިސްޓް ޖަމާއަތް ތަކަށް ދޭ އެހީތެރިކަން ފޯރުކޮށްދޭނަމަ އެއީ ގަތަރުން މުޅި ދުނިޔެއިން ޓެރެރިޒަމް ނައްތާލަން މަމެން ވެފައިވާ ވައުދު ތަކާއި ޚިލާފު ވަނީ އެވެ. ޔޫ ގޮޓް ދަނަމްބަރ..
ނައީސް މީހާ
15 June 2017
ޖިޔޮލޮޖީ އާއި ޖިއޮގަރަފީގެ ތަފާތު ނޭނގޭ މީހުން ބޮޑެތި މަޒުމޫނު ނުލިޔާނީ!
ލީމަން ޒާހިރު
15 June 2017
މިއީ އިންފޯމެޝަން ކޮމިޝަނުގައި މިގޮތަށް ސަރުކާރަށް ތާއިދު ކޮށް ކޮމެންޓް ޖަހަ ވަޒީފާ ދީފައި ތިބި ބައެޖަހާ ދިގު ކޮމެންޓް..