ސޮއި ހަމައެއް ނުވޭ، ވޯޓަކުން ރައީސް ޔާމީން ބައްޔެއް ނުކުރެވޭނެ: ޝުޖާއު

މެމްބަރު ޝުޖާއު ރައީސް އޮފީހަށް ވަޑައިގަންނަވަނީ. އޭނާ ވަނީ މަސީހުގެ އިތުބާރު ނެތް ކަމުގެ ވޯޓު ނަގަން ބޭނުންވާ އަދަދަށް ސޮއި ހަމަނުވާ ކަމަށް ވިދާޅުވެފައި. - ފޮޓޯ: މިހާރު

މުހައްމަދު ޔާމީން، މިހާރު

30 ޖޫން 2017 - 17:19

49 comments

ވޯޓުން ރައީސް އަބްދުﷲ ޔާމީން ބަލި ނުކުރެވޭނެ ކަމަށް ރައްޔިތުންގެ މަޖިލީހުގެ ބާރަށު ދާއިރާގެ ޕީޕީއެމްގެ މެމްބަރު އިބްރާހިމް ޝުޖާއު މިއަދު ވިދާޅުވެއްޖެ އެވެ.

ޝުޖާއު މިހެން ވިދާޅުވެފައިވަނީ މިދިޔަ އަންގާރަ ދުވަހު ކުރެއްވި ޓުވީޓަކާ ގުޅިގެން އޭނާ ހުންނެވި ފަޅި ބަދަލުކުރި ކަމަށް ބުނެ، އަޑު ފެތުރިފައިވާ ދަނޑިވަޅެއްގަ އެވެ. އެ ދުވަހު އޭނާ ވިދާޅުވެފައިވަނީ "ދެންފަހެ އޭނާ ބުނާނެތެވެ. މަށަކަށްވާ ކެތެއް ނުކުރެވުނެވެ،" މިފަދައިންނެވެ.

ޝުޖާއު ކުރެއްވި ޓުވީޓެއްގައި ވިދާޅުވީ ރައްޔިތުންގެ މަޖިލިހުގެ ރައީސް އަބްދުﷲ މަސީހް މުހައްމަދުގެ އިތުބާރު ނެތް ކަމުގެ ވޯޓު ހުށައަޅަން ބޭނުންވާ އަދަދު އިދިކޮޅު ފަރާތްތަކަށް ހަމަވެފަިއ ނުވާ ކަމަށެވެ. މަޖިލިހުގެ ރައީސާއި ނައިބު ރައީސްގެ އިތުބާރު ނެތްކަމުގެ މައްސަލަ ހުށަހަޅަން 42 މެމްބަރުންގެ ސޮއި ބޭނުންވެ އެވެ.

MR Maseeh ge ithubaaru neiykamah hushahalhan beynunvaa adhadhu opposition akah hamaeh nuvey. Votakun RY bayyeh nukureveyne.#Visnaa
— Ibrahim Shujau (@Mp_Shujau) June 30, 2017

ޝުޖާއު ކުރެއްވި ޓުވީޓު.

ރައީސް ޔާމީންގެ ސިޔާސަތުތަކާ ދޭތެރޭގައި ހިތްހަމަޖެހިވަޑައިނުގެން ޝުޖާއު މީގެކުރިން ވެސް ކުރީގެ ރައީސް މައުމޫން އަބްދުލްގައްޔޫމްގެ ފަޅި އަށް ވަޑައިގެންނެވި އެވެ. އެކަމަކު ޝުޖާއު ސަރުކާރަށް ފާޑުވިދާޅުވި މައްސަލާގައި، އޭނާގެ އުޅުއްވާ ވިޔަފާރި އަށް ދަތިތަކެއް ކުރިމަތިކުރި އެވެ. މިގޮތަށް ބިރުދައްކަން ފެށުމުން، ޝުޖާއު ވަނީ އަލުން ރައީސް ޔާމީން ފަޅިއަށް ބަދަލުވެ ވަޑައިގެންފަ އެވެ.

މި ފިތުރު އީދު ބަންދަށް ފަހު ރައްޔިތުންގެ މަޖިލިހުގެ ޖަލްސާތައް ފެށުމާ އެކު "ރައްޔިތުން އެދޭ ފަދަ އުފާވެރި ޚަބަރުތަކެއް" ލިބޭނެ ކަމަށް އިދިކޮޅު ބައެއް ފަރާތްތަކުން އަންނަނީ ބުނަމުންނެވެ. އިދިކޮޅު ފަރާތްތަކުން އެންމެ އިސްކަމެއް ދީގެން ކުރަމުން އަންނަ ކަމަކީ މަޖިލިހުގެ ރައީސް މަސީހުގެ އިތުބާރު ނެތް ކަމުގެ ވޯޓު މަޖިލިހަށް ހުށަހެޅުމަށެވެ.

ނަމަވެސް ވެރިކަންކުރާ ޕީޕީއެމަށް ނިސްބަތްވެވަޑައިގަންނަވާ މަޖިލިހުގެ މެމްބަރުން ގެންދަވަނީ ސަރުކާރަށާއި ރައީސް ޔާމީނަށް ތާއީދު ކުރައްވަމުން ގެންދަވާކަން ހާމަކުރައްވަމުންނެވެ.

އެގޮތުން ޕީޕީއެމް ޕާލަމެންޓްރީ ގްރޫޕްގެ ލީޑަރު އަހުމަދު ނިހާނު ކުރެއްވި ޓުވީޓެއްގައި ވިދާޅުވީ އަންނަ އަހަރު އޮންނަ ރިޔާސީ އިންތިހާބުގައި ޕީޕީއެމް/އެމްޑީއޭ ކެންޑިޑޭޓަކީ ރައީސް ޔާމީންކަން ޔަގީންވާ ކަމަށެވެ. އަދި ރިޔާސީ އިންތިހާބު ވެސް ކާމިޔާބު ކުރައްވާނީ ރައީސް ޔާމީން ކަމަށް ނިހާނު ވިދާޅުވި އެވެ.

2018 Riyaasee Inthikhaabah PPM, MDA coalition Candidate akee Raees Yamin kan Yageen! Allah iraadhafulhaa eku 2018... https://t.co/9KBCYo8ae0
— Ahmed Nihan (@ahmed_nihan) June 30, 2017

ނިހާނު ކުރެއްވި ޓުވީޓު.

އުނގޫފާރު ދާއިރާގެ މެމްބަރު ޖައުފަރު ދާއޫދޫ ކުރެއްވި ޓުވީޓެއްގައި ވިދާޅުވީ ސާބިތުކަމާއެކު ރައީސް ޔާމީންގެ ސަރުކާރު ދިފާއު ކުރެއްވުމުގައި ދެމި ހުންނަވާނެ ކަމަށެވެ.

ރައްޔިތުންގެ މަޖިލިސް އިދިކޮޅު ފަރާތްތައް ޕީޕީއެމް އަބްދުﷲ މަސީހް މުހައްމަދު ރައީސް އަބްދުﷲ ޔާމީން މެމްބަރު އިބްރާހިމް ޝުޖާއު މަޖިލީހުގެ މެމްބަރުން އިތުބާރުނެތްކަމުގެ ވޯޓް

49 ކޮމެންޓް, 120 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މަންސޫރު

10 July 2017

ތިޔަ ބުނާ ވޯޓުގައި ބައިވެރިވާނީ ކެނޑިޑޭޓަށާއި ވޯޓުލާންވެސް ޔާމީނު އެކަނި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދޫ

05 July 2017

75 ފެން ތައްޓެއް ބޯލުންހާ ފަސޭހަ ވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދޫ

04 July 2017

ޓިޔަހެން ހީނުކުރަެްވާ ޔާމީނާ ދެކޮޅަށް 75 ވާނެ ވީމާ ނުވާނީ ކީއްވެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަލިކުރާނަން

01 July 2017

އެމްޕީ ޝުޖާ ބުންޏަސް ވޯޓުންވެސް ކޯޓުންވެސް ﷲ އިރާދަކުރެއްވިޔާ ބަލިކުރާނަން... ބަލިކޮށްފަ ހިންގި ޖަރީމާތަކަށް ޖަވާބުދާރީ ވެސް ކުރުވާނަން.. ބަދަލު ހިފުމަކީ ދިރުމެއްވާ ކަމެއްކަން ދަންނާތި!!!