އަގުލަބިއްޔަތު ލިބުނަސް މެމްބަރުންގެ މަސައްކަތަށް ހުރަހެއް ނޯންނާނެ: ރައީސް ނަޝީދު

ނަޝީދު ރައްޔިތުންނަށް ހައްގުވާ މިންވަރު ހޯދެން އޮތީ ގުޅިގެން މަސައްކަތްކޮށްގެން ކަމަށް ނަޝީދު ވިދާޅުވި. --ފޮޓޯ: އަހްމަދު އާޒިމް (އަންޖު)

މުހައްމަދު ޔާމީން، މިހާރު

04 ޖުލައި 2017 - 00:21

9 comments

ރައްޔިތުންގެ މަޖިލިހުގެ އަޣުލަބިއްޔަތު އިދިކޮޅު ފަރާތްތަކަށް ލިބުނު ކަމުގައިވިޔަސް، ގާނޫނީ މަސައްކަތަށް ހުރަސް ނާޅުއްވާނެ ކަމަށް ކުރީގެ ރައީސް މުހައްމަދު ނަޝީދު މިރޭ ވިދާޅުވެއްޖެ އެވެ.

އިދިކޮޅު ފަރާތްތަކުން ގުޅިގެން މ. ކުނޫޒުގައި ބޭއްވި ޖަލްސާގައި، މި ވަގުތު އިނގިރޭސި ވިލާތުގައި ހުންނެވި ނަޝީދު ދެއްވި އޯޑިއޯ މެސެޖެއްގައި އެމަނިކުފާނު ވިދާޅުވި ގޮތުގައި ސިޔާސީ ހަތަރު ލީޑަރުން ގުޅިވަޑައިގެން ކުރައްވަމުން ގެންދަވާ މަސައްކަތަކީ ރައްޔިތުންނަށް ހެޔޮވެރިކަމެއް ހޯދައިދިނުމެވެ.

"އަޅުގަނޑުމެން ނިކުމެ މިތިބީ އެ މަގްސަދުގައި، އެ މަސައްކަތުގައި. އިރާދަކުރެއްވިއްޔާ އަޅުގަނޑުމެން އެ މަސައްކަތް ކާމިޔާބުކޮށްދޭނަން. ރައްޔިތުންނަށް ހެޔޮ ރަނގަޅު ދިރިއުޅުމެއް ހޯދައިދިނުމުގައި އަޅުގަނޑުމެން ކުރާ މަސައްކަތުގައި ކާމިޔާބު ލިބިގެންދާނެ،" ނަޝީދު ވިދާޅުވި އެވެ.

ނަޝީދު ވިދާޅުވީ ވޭތުވެދިޔަ 15 އަހަރެއްހާ ދުވަހުގެ ތެރޭގައި ރާއްޖޭގެ ރައްޔިތުންނަށާއި ސިޔާސީ ވެރިންނަށް ގިނަ ގުނަ ފިލާވަޅުތަކަކާއި ތަޖުރިބާތަކެއް ލިބިފައިވާ ކަމަށެވެ.

ރައްޔިތުންނަށް ލިބުނު އިބުރަތްތަކުގެ ބޭނުންކޮށްގެން ރާއްޖޭގެ ސިޔާސީ މަސްރަހުގެ މިސްރާބު ހިފަން ޖެހޭ ކަމަށް އެމަނިކުފާނު ވިދާޅުވި އެވެ. ނަޝީދު ވިދާޅުވި ގޮތުގައި ބޭރު ގައުމުތަކުން ނުފެންނަ މަންޒަރުތައް ރާއްޖޭގައި ވަނީ ހިނގައިފަ އެވެ.

ނަޝީދު ވިދާޅުވީ ގުޅިގެން މަސައްކަތް ކުރަމުން މިދަނީ ރައްޔިތުންނަށް ދިމާވެފައިވާ ހާސްކަމުން، ތަނަވަސްކަމެއް ލިބޭނެ ގޮތެއް ހޯދައިދިނުމަށް ކަމަށެވެ. އަދި ބޯހިޔާވަހިކަމާއި ރަށު ބަންދުން ސަލާމަތްވެ، ރަނގަޅު ވަޒީފާއަކާއި ބޭސްފަރުވާ އާއި ދަރިންނަށް ކިޔަވައިދެވޭނެ ގޮތެއް ހޯދައި ދިނުމަށެވެ.

ރައްޔިތުންނަށް ތަނަވަސްކަމާއި ރިވެތިކޮށް ދިރިއުޅެވި، ރައްޔިތުންނަށް ހައްގުވާ މިންވަރު ހޯދައިދެވެން އޮތީ ގުޅިގެން އެކުގައި ސިޔާސީ ޕާޓީތައް މަސައްކަތްކޮށްގެން ކަމަށް ނަޝީދު ވިދާޅުވި އެވެ.

ނަޝީދު ވިދާޅުވި ގޮތުގައި އެމަނިކުފާނާއި ކުރީގެ ރައީސް މައުމޫން އަބްދުުލްގައްޔޫމާއި ޖުމްހޫރީ ޕާޓީގެ ލީޑަރު ގާސިމް އިބްރާހިމް އަދި އަދާލަތު ޕާޓީގެ ރައީސް އިމްރާން އަބްދުﷲ އެއްބަސްވެވަޑައިގަތީ ދިވެހިރާއްޖެއަށް ދެމެހެއްޓެނިވި ހަމަޖެހުމެއް ހޯދައިދިނުމަށެވެ.

ރައީސް މުހައްމަދު ނަޝީދު އެމްޑީޕީ ސިޔާސީ ޕާޓީ އިދިކޮޅު ފަރާތްތައް

9 ކޮމެންޓް, 75 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހެޔޮވެރިކަން

04 July 2017

އިހަށް ހެޔޮވެރިކަން ޑިފައިންކޮށްގެން ތިކަން ވާންއަންނަނީ. މައުމޫން ކުރެއްވި ހެޔޮނޫންވެރިކަމުން ކޮންމެހެންވެސް ވެރިކަމުން ދުރުކުރަން އޭރު ބޭނުންވީ...އިސްލާހުތައް ގެނައިމަވެސް ކަމަކުނުދިޔަ ހަމަ ވެރިކަމުން ބާލަން ބޭނުންވީ. އެކަން ކޮށްފަ މިއަދު ހަމަ އެއްކަލަ ބޭފުޅާ އަތުގަ ހިފައިގެން އުޅުއްވީމަ ދެން ހެޔޮވެރިކަމެއްގަ ހުންނަންވީ ކަންކަމަކީ ކޮބައިކަން އެކަކަށްވެސް އެބަ އެނގޭތަ؟ މިއަދު ޔާމީންގެ ވެރިކަން ގޯސްކަމުން ވެރިކަމުން ދުރުކޮށްފަ މީގެ 1 އަހަރުފަހުން އެއަތުގަ ހިފައިގެން ހުންނަތަން ފެންނާނީ. މަނިކުފާނަށް ވެރިކަން ނުލިބޭހާ ހިނދަކު މިގައުމުގައި ދުވަހަކުވެސް ހެޔޮވެރިކަމެއް ނުކުރެވޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމަދު އަހްމަދު

04 July 2017

ނަޝީދަށް ވެރިކަން ނުލިބޭ ގޮތެއް ޤަބޫލެއް ނުކުރައްވާނެ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަންނި

04 July 2017

ނަޝީދުވެސް އަދި އެހެން ލީޑރުންގެ ވެސް އަމިއްލަ މަސްލަހަތު މިކަމުގައި އޮވެދާނެއެވެ. އެކަމަކު މިވަގުތުން މިވަގުތަށް ދިވެހިން މިތިބި ބިރުވެރިކަމުން ދިވެހިން ސަލާމަތްކުރުމުގައި މި ހުރިހާ ލީޑަރުންގެ އެއްބައިވަންތަކަން މި ގައުމަށް މިއަދު ބޭނުންވާވަރަށް މީގެކުރިން ބޭނުންވެފައި ނެތެވެ. އެއްވެސް ކަމެއްގެ ޒިންމާ ނުނަގާ ހުރިހާކަމެއް ކުރަމުން ކުރުވަމުން މިދަނީ މީގެކުރިން އެއްވެސް ވެރިއަކު ނުކުރާވަރަށެވެ. ދިވެހިރައްޔިތުން މިވަނީ ސިހިފައެވެ. ހަމަހިމޭންކޮށް މިގައުމު މިވަގުތު މިއޮތް އޮތުމަކީ މީގެ އަލިގަދަ ހެއްކެކެވެ. ކިރިޔާވެސް އެއްޗެއް ބުނާއިރަށް ހައްޔަރުކުރަނީ އެވެ. ޖަލަށްލަނީއެވެ. ދިގުމުއްދަތަކަށް ހުކުމް އިއްވަނީއެވެ. ވަޒީފާތަކުގައި އުޅޭ މީސްމީހުނަށް ވެސް ބިރުދައްކަނީ އެވެ. މަރުގެ އިންޒާރުދެނީއެވެ. މަރަނީއެވެ. އަދި އެކަންކަމަށް ތާއިދު ލިބޭގޮތަށް ފާޅުގައިވާހަކަ ދައްކަނީއެވެ.