ސިވިލް ކޯޓު ހިނގާ ޖަސްޓިސް ބިލްޑިން: ފަރިވާ ފިހާރާގައި ރޯވީ ކަރަންޓްގެ ހާދިސާއަކުން ކަމަށް ދައުވާގައިވޭ --މިހާރު ފޮޓޯ/ނިޝާން އަލީ
24 ޖޫން 2016 - 15:57
7 comments
ފަރިވާ އިލެކްޓްރޯނިކްސް ފިހާރާގައި މިދިޔަ ޖެނުއަރީ މަހު ރޯވެ، އެތަން އަނދާ ހުލިވީ ސްޓެލްކޯގެ އިހުމާލުން ކަމަށް ބުނެ ބަދަލުގައި 33 މިލިއަން ރުފިޔާ ހޯދަން ސްޓެލްކޯއާ ދެކޮޅަށް ފަރިވާ އިން ދައުވާކޮށްފި އެވެ.
ފާމުދޭރިމަގުގައި ހުރި ފަރިވާ ފިހާރާގައި ރޯވެ، އެ ތަނުގައި ހުރި މުދާ ވަނީ އެއްކޮށް އަނދާފަ އެވެ. ލިބުނު ގެއްލުން 30 މިލިއަނަށް އަރާނެ ކަމަށް ލަފާ ކުރެވޭ އެ ފިހާރައިގެ ވެރި ފަރާތުން ވަނީ ބުނެފަ އެވެ.
އެ ހާދިސާ ހިނގީ ސްޓެލްކޯގެ އިހުމާލުން، ކަރަންޓް މައްސަލައަކުން ކަމަށް ބުނެ 33 މިލިއަން ރުފިޔާ ހޯދަން ސްޓެލްކޯއާ ދެކޮޅަށް ދައުވާ ކުރަނީ ފަރިވާގެ ވެރިޔާ ހުސައިން ރަޝީދެވެ.
އެ މައްސަލަ މީގެ ދުވަސްކޮޅެއް ކުރިން ސިވިލް ކޯޓަށް ހުށަހަޅައި، ދެ ފަރާތުން ސުލްހަވެރި ހައްލަކަށް ނާދެވުމުން އެ މައްސަލައިގެ ޝަރީއަތް ހިންގަން މިހާރު ވަނީ ނިންމާފަ އެވެ. އެކަމަކު ޝަރީއަތް އަދި ނުފަށަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަމީޒު
25 June 2016
ތިޔައީ ސާބިތު ކުރަން ވަރަށް އުދަނގޫ ކަމެކެވެ. ކަތަންޓުގެ ހަކަތަ ދޭ ފަރާތުން ދެނީ ހަކަތައެވެ. އެ ހަކަތަ އެބައެއގއ އިމާރާތައް ވަނުމަށް ފަހު ދޫކުރަން ގެހޭ ސާމާނާ އެހެނިހެން ގޮތް ސޤޓެލްކޯއިން ވަނީ އަންގާފައެވެ. މިއިން އެއްޗެއް އެއީ ސްޓލްކޯއިން ދީފައިވާ އެއްޝަކަށް ވެ، އަލިފާނުގެ ހާދިސާ ހިނގީ ސްޓެލްކޯއިން ދީފައިވާ އެއްޗެއް މަސައްކަތް ނުކުރުމުން ކަން ސާބިތުނުވާހާ ހިދަލު ސްޓެލްކޯއިން ތިޔަކަމަށް ޒިންމާވާކަށް ނުޖެހެއެވެ. ނަމަވެސް މިއީ ދެވަނައެއްނތް ދިވެހި ޖުޑިޝަރީ ވީމާ ނިމޭނެ ގޮތް އެގޭނީ އެބޭފުޅުން ނަށެވެ.
ގަނީރު
25 June 2016
ކަލޯ އެތަން އަނދާހުލިވީ ކިހިނެއްކަން އެގިގެންތަ ތިހާސަރުގަޑު ތިލިޔުނީ؟ އެތާ ރޯވީ ސްޓެލްކޯއިން މގުމަތީގަ ބހައްޓާފަހުރި ޑިސްޓްރިބިއުޝަން ބޮކްސް އެއްގަ ރޯވެގެން. ތިމާ ތިހީކުރާގޮރަށް ފިހާރަތެރޭގަ އިން ތްރީޕިންއެއް ބަޑިޖަހާގެނެއްނޫން. މާލޭގެ ގިނަ ޑީބޮކްސްތައް މިހާރުހުރީ ދެންމެދެންމެ ރޮވެދާނެ ހާލުގަ. މަގޭ މީގެ ދުވަސްކޮޅެއްކުރިން ލޮނުޒިޔާރަތްމަގުގަ ހުންނަ ޑޮންޑޮން ކެފޭ އިންނުކުމެ ރައްޓެހިންތަކަކާ ވާހަކަދައްކަންހުރިއިރު އަތަށްހޫނުވާތީ ކައިރީގަހުރި ޑީބޮކްސްގަ އަތްލިއިރު އެވެސްހުރީ އެހާހޫނުވެފަ. 104 އަށް ގުޅާފަ ބުނީމަ ފޮނުވާނަމޭ ބުނި. އެކަމ އެތާ 15 މިނެޓް ވަންދެން އަހަރުމެންތިބި އިރުވެސް އެމީހުނެއް ނައި. މާލޭގެ ވަސީލަތްތަކާނުގުޅޭ މިންވަރަށް މިތަނުގެ އާބާދީ އަރައިގެންގޮއްސައޮތްއިރު މިފަދަ ޚިދުމަތްތަކުގެ ގުޅުންހުރި އާލާތްތަކުގެ ކެޕޭސިޓީ އިތުރުނުކޮށް ޖަނަރޭޓަރު ބޮޑުކޮށްލާފަ ޚިދުމަތަށް އެދޭ ކޮންމެ ބަޔަކަށް ޚިދުމަތއދެވޭތީބަލަނީ. ޑީބޮކްސްތަކުގެ ކެޕޭސިޓީހަމަވެ ކޭބަލްތަކުގެ ކެޕޭސިޓީ އަށްވުރެމައްޗަށް ދާއިރުވެސް އެކަމަށްވިސްނާތަނެއް ނުފެނެ. ސްވޭޖް ސިސްޓަމް އޯވަލޯވެގެން ޖަންކްޝަންތަކުން ނަޖިސްތަކން މާލޭގެ މަގުތައް ފުރިގެންދާނީ މިރޭނޫނީ މާދަމަ ނޫންކަމެއްވެސް ނޭގެ. އެސިސްޓަމްވެސް އޮތީ ހަމަ އެހާލަތުގަ.
އަކްރަމް
25 June 2016
ދާނެ ވެސް ކަމެއް ނެތް.. ތި ނުލިބޭނެ
ޖާނޫ
24 June 2016
ތިޔަ 33 މިލިއަން ސްޓެލްކޯއިން ދޭން ހުކުމްކުރިއަސް ތިޔަ ދޭންޖެހޭނީ ހަމަ އަހަރުމެން ނިކަމެތި ރައްޔިތުން. ކޮންމެވެސް އެއްޗެކޭކިޔާ ތިޔަ ފައިސާ ސްޓެލްކޯގެ ބޖެޓަށް ވައްދން ބިލްބޮޑުކުރާނެ. ދައުވާކުރަންވީ އެތަނުގެ ވެރިންނާދެކޮޅަށް އަދި އެމީހުންގެއަތުން ތިޔަފައިސާ ހޯދަންވީ
ވަދޫދު
24 June 2016
ތިޔައީ ސްޓެލްކޫގެ އިހުމާލެއް ނޫން...
ބުޅާ
24 June 2016
މިކަމުގައި ސްޓެލްގޯގެ އިހުމާލެއް ވާނަމަ އެއީ ސީރިއަސްކޮށް ވިސްނަން ޖެހޭކަމެއް. ސަބަބަކީ ސްޓެލްކޯގެ އިހްމާލުން މިފަދަ އެހެން ކަމެއް ހިނގާފާނެތީ. ތަފާތަކީ ދެން ދިމާވާފަހަރު ދިމާވާނީ އާދައިގެ މީޙާއަށް. މަގުމަތީ ހުރި ކަރަންޓް ފޮށިތަކާޢި މެދު ވިސްނާލިއަސް އެނގޭ އެބަ ހުރިހާލު. ނަރުތަށް ބުޑުން ފެންނަން އެހުންނަނީ. ބައެއް ބޮކްސްތަށް ހަލާކުވެފަ. ބައެއް ނަރު ބުރިވެ މަގުމަށްޗށް ވެއްޓިފަ. މިއީ ކޮންމެސް ބަޔަކު ބަލަހައްޓަން ޖެހޭ ކަމެއް. ސުވާލަކީ އަހަރެމެންގެ މުޖުތަމައުން ބޭނުންވަނީ ހުރިހާކަމެއް ވަކި ގޮތަކަށް ނިންމަންތޯ. ނޫނީ ވީ ކިހިނެއްތޯ ބަލާފަ ރަނގަޅަށް ނިންމާ މިފަދަ ކަމެއް ދެވަނަ ފަހަރަށް ވިޔަނުދިނުން. އަހަރެމެންގެ މުޖުތަމައު އެބަހުރިބާ އެގާބިލުކަން
ޅަބޭ
24 June 2016
ލާހިކެއް ނޫން ފަރިވާއިން ތިމައްސަލައިގަ ކުރިހޯދާކައް. ހަމަ ބޭކާރު ވަގުތާއި ފައިސާތަކެއް އިސްރާފުވުން ފިޔަފައި އެހެން އެއްކަމެއްވެސް ނުވާނެ.