ކުނޫޒްގައި ބޭއްވި ޕްރެސް ކޮންފަރެންސްގައި ޕާޓީތަކުގެ މަންދޫބުން ނޫސްވެރިންނާ ވާހަކަ ދައްކަވަނީ. --ފޮޓޯ: ހުސެއިން ވަހީދު/ މިހާރު
17 ޖުލައި 2017 - 20:24
31 comments
ރައްޔިތުންގެ މަޖިލީހުގެ މެމްބަރުންގެ ގޮނޑިއާ ގުޅޭ ގޮތުން ސުޕްރީމް ކޯޓުން ކުރި ހުކުމަކީ މާޒީގައި ވެފައިވާ ކަމެއްގެ މައްޗަށް ތަންފީޒުކުރުން ހުއްދަ ހުކުމެއް ނޫން ކަމަށް އަމުރު ނެރުމާ އެކު ޕީޕީއެމުން ވަކިވި 10 މެމްބަރުންގެ ގޮނޑި ކަށަވަރުވެ، ރައްޔިތުންގެ މަޖިލިހުގެ ރައީސް އަބްދުﷲ މަސީހުގެ މަގާމު ދިފާއުކުރުމުގެ ހުރިހާ މަގެއް ސަރުކާރަށް ބަންދުވެފައިވާ ކަމަށް އިދިކޮޅު ފަރާތްތަކުން މިއަދު ބުނެފި އެވެ.
ޖުމްހޫރީ ޕާޓީގެ އޮފީސް މ. ކުނޫޒްގައި ބޭއްވި ނިއުސް ކޮންފަރެންސްގައި ޕީޕީއެމްގެ ކުރީގެ ސެކްރެޓަރީ ޖެނެރަލް އަބްދުލްއަލީމް ވިދާޅުވީ މަސީހާ ދެކޮޅަށް ކުރެއްވި ސޮއި އަނބުރާ ގެންދެވުމަށް، ޕީޕީއެމުން ވަކިވެވަޑައިގަތް 10 މެމްބަރުންނަށް އެ ޕާޓީން އެންގީ ވެސް ވޯޓަށް ނުފޫޒު ފޯރުވައި ބިރު ދައްކަން ކަމަށެވެ. ޕާޓީއާ ގުޅުމެއް ނެތް މެމްބަރުންތަކެއް އަމަލުކުރަންވީ ގޮތް އަންގައި ސިޓީީ ފޮނުވުމުގެ ހައިސިއްޔަތެއް އެ ޕާޓީ އަށް ނެތް ކަމަށް އޭނާ ވިދާޅުވި އެވެ.
"ޕީޕީއެމުން ވަކިވެވަޑައިގެންނެވި މެމްބަރުންނަށް ވެސް ސިޓީ ފޮނުވައި ވަރަށް ދަށު ދަރަޖައިގެ އަމަލުތަކެއް މި ހިންގަމުން ދަނީ. ޕާޓީން ވަކިވި 10 މެމްބަރުންނަކީ ޕީޕީއެމްގެ މުސްތަޝާރަށް ބަލަދުއަރާ ބައެއް ނޫން. މުސްތަޝާރަށް ސިޓީ ނުފޮނުއްވޭނެ އެ މެމްބަރުން ސޮއި ނަގަން އަންގަވައި، އަދިވެސް މި ބަލަނީ ބިރުދައްކައި ނުފޫޒު ފޯރުވައިގެން މެމްބަރުން ހިފެހެއްޓޭތޯ،" އަލީމް ވިދާޅުވި އެވެ.
އޭނާ ވިދާޅުވި ގޮތުގައި ސިޓީ ފޮނުވައިގެންނާއި ކޯޓުތައް މެދުވެރިކޮށްގެން މެމްބަރުންނަށް ބިރުދެއްކިއަސް މަސީހުގެ އިތުބާރު ނެތް ކަމުގެ ވޯޓު ނެގުން ނުހުއްޓުވޭނެ އެވެ. އެމަނިކުފާނުގެ މަގާމު ވޯޓުން މިފަހަރު ގެއްލުވާލާނެ ކަމަށާއި އެ އަޒުމުގައި މަޖިލީހުގެ 45 އަށް ވުރެ ގިނަ މެމްބަރުން ސާބިތުވެވަޑައިގެން ތިއްބެވި ކަމަށް ވެސް އަލީމް ވިދާޅުވި އެވެ.
އަދާލަތު ޕާޓީގެ މެމްބަރު ޝިދާތާ ޝަރީފް ވިދާޅުވީ ސުޕްރީމް ކޯޓުން ނެރުނު އަމުރާ އެކު 10 މެމްބަރުންގެ ގޮނޑި ނުގެއްލޭނެ ކަމުގެ ކަށަވަރުކަން ލިބިފައިވާ ކަމަށެވެ. ޕީޕީއެމުން ކުރިން ވަކިކޮށްފައިވާ ހަތަރު މެމްބަރުންގެ ވެސް ގޮނޑި ގެއްލުވާ ނުލެވޭނެ ކަން އެ ހުކުމުން ވަރަށް ސާފު ކަމަށް އޭނާ ވިދާޅުވި އެވެ.
އަދާލަތު ޕާޓީގެ ފޮރިން ރިލޭޝަން ކޮމެޓީގެ މުގައްރިރު ޝިދާތާ ވިދާޅުވި ގޮތުގައި މެމްބަރުންނަށް ބިރުދައްކައި ފިއްތައިގެން ސަރުކާރަށް ލިބޭނެ ކާމިޔާބީއެއް ނެތެވެ.
"މިހާރު ސުވާލެއް ނެތް، 24 ވަނަ ދުވަހުގެ ވޯޓާ ގުޅިގެން އެއްވެސް މެމްބަރެއްގެ ގޮނޑިއެއް ނުގެއްލޭނެ. ޕީޕީއެމުން ވަކިވެފައި ތިބި މެމްބަރުންނަށް ސިޓީ ފޮނުވުމުގެ ހައިސިއްޔަތެއް ނެތް،" ޝިދާތާ ވިދާޅުވި އެވެ.
އެމްޑީޕީގެ ޗެއާޕާސަންގެ ނައިބު އަލީ ނިޔާޒް ވިދާޅުވި ގޮތުގައި ރައްޔިތުން ބޭނުން ވަނީ ރައްޔިތުންގެ މަޖިލީސް މިނިވަންކުރާށެވެ. އެކަން މިފަހަރު ކާމިޔާބުވާނެ ކަމުގެ ޔަގީންކަން އެބަ އޮތް ކަމަށް ވެސް އޭނާ ވިދާޅުވި އެވެ..
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރެހެންދި
18 July 2017
މަހިތަށް އަރާ މިބައި މީހުން މިއަދު ސަރުކާރު ހިންގަން ތިބިނަމަ ކިޔާނީ ކީކޭބާއޭ؟
ކައުންސެލަރު
18 July 2017
ދެންއޮތީ ބޮނދުބުޑަށް ސައިކިޔުން.!
އަލީ
18 July 2017
މި ގައުމަށް މަސީހަކީ ތިޔަހާ މުހިއްމު މީހެއްނަމަ ތިޔަ ހެން ނޫޅެ މި ގައުމުގެ ރައީސް ކަމަށް އޭނާ ވީ ނޫންތޯ ގެންނަން
ަިއިސްމާއިލް
18 July 2017
އަޅަމެން ވާގި އެދެނީ މާތް ﷲ ގެ ހަޒްރަތުން. އިބަ އިލާހުއީ އަލަމެން ހައްދަވާ ގެންގުޅުއްވާ އިލާހު. މި ގައުމް ހުދުމުހުތާރު އަނިޔާ ވެރި ނުބައި ނުލަފާ ވެރިންގެ ކިބައިން ސަލާމަތް ކުރައްވާ ހެޔޮލަފާ ރަގަޅު އިހްލާސް ތެރިން ގައުމުގެ ވެރިންގެ ގޮތުގައި ލައްވާވާނދޭވެ. އަދި ނުބައި ނުލަފާ ވެރިން ބަލި ކުރައްވާ އެއުރެންގެ ނުބައި ކަމުން މި ދިވެހި ގައުމާއި އަޅަމެން ސަލާމަތް ކުރައްވާ އަޅަމެންގެ ފާފަތައް ފުއްސަވާ މާތް ﷲ އެންގެވި މަގުގައި ތި ބޭނޭ ބަޔަކު ކަމުގައި އަޅަމެން ލައްވަވާނދޭވެ، އާމީން
ބަހަބަރު
18 July 2017
ގައިކޮޅު ގައިގާ ދުރު ތިކަން ތިއޮތީ ނިމިފަ އެގޮތަށް ނިންމައިފިން
ޖަމަލޭ
18 July 2017
ބަލަގަ އެހެރީ ސޕރމ ކޯޓުގެ ދޮރުތަކާ ކުޑަދޮރުތައް ހުޅުވިފަ.ދެން ލަލަލާ. |
ކަރުމެން
18 July 2017
ވެރިމީހާ ކައިރީ ބުނޭ މަޖިލިސް އުވާލާސޭ ކާފިއު އުލާންކޮއްފަ....
ހައިހައީ
18 July 2017
ކަރުމެން ނަށް އެނގޭތަ އެކަހަލަ ކައިފިއު ހިންގާ ކޮންމެ ފަހަރަކު ގެސްޓުން އައުން އެތައް ދުވަހަކަށް ދަށްވަނީ
ޕްރިންސެސް
18 July 2017
މިތާނގައި އުޅޭ މަހަށް ފަރަށް، ބޮނބިފާލަށް ދާހިތުން އުޅޭ މީހާ ލިލްޓް ސިންގަޕޫރަށް ދަނީ ކޮންއިރަކުތަ؟
އަންނަނީ ހިނި
17 July 2017
މިހާރު ތިކިޔަނީ ކީކޭ؟ ކޯޓު ހުކުމުގަ ބުނެފަ އޮތް އެއްޗެއް އެނގުނު ކަމަކަށް ނުވި. ތެޅިފޮޅިގަނެފަ ފަނޑިޔާރުގެއަށް ހެއްދެވި ނެހެއްދެވިއަށް ގޮވާފަ ގޮނޑި ގެއްލޭ މީހުން އަލުން ހޮވައިދިނުމަށް ރައްޔިތުން ގާތު ބުނެ އެއްބަޔަކު ހިތް ހުއްޓި އެނދުމަތި ކުރެވި މި ހާލަތަށް ވެއްޓެން ޖެހޭ ކަމެއް ވީކަން ދެނަހުރި މީހަކު ހަމަހޭގަ ތިބި މީހުން ތެރެއަކު ނެތް. މައިތރިއަށް ކިޔެވީ އޮތަ؟
ނޫނުއަލިފް
18 July 2017
ކޮއްކޯ ! ނަގޫ ފިތިގފައި ތިބީމަ އެހެން ގޮވާނެ. އެމީހުން ގޮވީ އެހެން މީހުންގެ ނަގޫ ފިތިފައި ތިބިކަމަށް. ތި ޙުކުމާއެކު މިހާރު ވައްޑޭ، މަހްލޫފް މުސްތަފާބޭމެންގެވެސް ދުވަސް ތި ދިޔައީ. ޕާޓީން ވަކިވެ ގޮނޑިގަނޑު ގެއްލޭނެކަން ޔަޤީން.
އަބްދުއްލާ
17 July 2017
މަގުތައް އެބައޮތޭ ހީވެ ލެއްވިޔަސް ސްޕްރީމް ކޯޓްގެ ހުކުމުގެ ކުރިން ޕާޓީން ވަކިވާން ސިޓީ ފޮނުވި ފަރާތްތައް އެސިޓީ ޕީޕީއެމް އަށް ލިބުމާ އެކު ޕާޓީ ގެ މެމްބަރު ކަމުން އެމީހަކު ވަކިވާނެ ކަމަށް ގަވާއިދުގާއޮތުމުން އެމީހަކު ވަނީ ސިޓީލިބުމުން އޮޓަމެޓިކުން ވަކިވެފާ ، ތިޔަ ގޮވެލި ފަތީގައިވާ ވާހަކަތަކަކީ ޕާޓީން ކުރަންޖެހޭ ނަމްކަމް އެމީހާ ކުރަންޖެހޭ ކަމަކީ ސިޓީ ޕާޓީއަށް ފޮނުވާ ވަކިވެއްޖައީމޭ ބުނުން އެކަނި ، މޮޔަނުގޮވާ.