އަރަބިއްޔާ ސްކޫލުން އެއް ވަނަ ލިބުނު މަފާޒަށް، އިލެކްޝަންސް ކޮމިޝަންގެ ރައީސް ސުލެއިމާން (ކ) އެވޯޑު ހަވާލުކޮށްދެއްވަނީ.-- ފޮޓޯ: ހުސެއިން ވަހީދު/ މިހާރު
21 ޖުލައި 2017 - 11:16
19 comments
މިދިޔަ އަހަރު އަރަބިއްޔާ ސްކޫލުން ހުރިހާ ގޮތަކުން އެއް ވަނަ މުހައްމަދު މަފާޒު ހޯދައިފި އެވެ.
ރޭ އެ ސްކޫލުގައި ބޭއްވި މިދިޔަ އަހަރުގެ އިނާމު ދިނުމުގެ ހަފުލާގައި މަފާޒު، ގދ. ވާދޫ، މޫރިތި އަށް އިނާމުތައް ހަވާލުކޮށްދެއްވީ އިލެކްޝަންސް ކޮމިޝަން (އީސީ)ގެ ރައީސް އަހުމަދު ސުލެއިމާން އަދި އެޑިއުކޭޝަން މިނިސްޓަރު ޑރ. އާއިޝަތު ޝިހާމެވެ.
މަފާޒު ވަނީ ދެ މާއްދާއިން އޭ އަދި 16 މާއްދާއިން އޭ* ހޯދައިފަ އެވެ. އޭނާއަށް ރައީސް އަބްދުﷲ ޔާމީން ވަނީ ސްކޮލަޝިޕެއް ދެއްވައިފަ އެެވެ.
އަރަބިއްޔާގެ އަހަރީ އިނާމު ދިނުމުގެ ޖަލްސާގައި އެޑިއުކޭޝަން މިނިސްޓަރު އައިޝަތު ޝިހާމް ދަރިވަރަކަށް އިނާމް ހަވާލުކުރައްވަނީ.---މިހާރު ފޮޓޯ: ހުސެއިން ވަހީދު
މި ރަސްމިއްޔާތުގައި ވާހަކަދައްކަވަމުން އޭސީގެ ރައީސް ސުލެއިމާން ވިދާޅުވީ ދިރިއުޅުމުގެ ރީތި މިސާލުތަކާއި މުހިއްމު އަސާސުތައް ދަރިވަރުންނަށް ދަސްކޮށްދޭން ކަމަށެވެ. އެގޮތުން ފެނާއި އަލިފާނުގެ ތަފާތު ދަރިވަރުންނަށް ކިޔައިދޭންޖެހޭ ކަމަށް ސުލެއިމާން ވިދާޅުވި އެވެ.
ސުލެއިމާން ވިދާޅުވީ ދަރިވަރުންނަށް ގިޔާމަތުގެ ވާހަކައާ ޖިހާދުގެ ވާހަކަތައް ވެސް ކިޔަައިދޭންޖެހޭ ކަމަށެވެ. އެކަންތައްތައް ނުކިޔައިދެވުމުގެ ސަބަބުން އޭގެ ނުބައި ނަތީޖާ ފެންނަމުންދާ ކަމަށް ވިދާޅުވި އެވެ.
ތައުލީމު ފުޅާވެ ދަރިވަރުންނަށް މައުލޫމާތުގެ އެކި ދޮރުތައް ހުޅުވިފައިވާކަން ވެސް، ކުރިން އިސްލާމް ޓީޗަރެއްގެ ގޮތުގައި މަސައްކަތްކުރެއްވި ސުލައިމާން ވިދާޅުވި އެވެ.
"މިހާރު" އާ ވާހަކަދައްކަމުން މަފާޒު ބުނީ ހުރިހާ ގޮތަކުން އެންމެ މޮޅު ދަރިވަރަކަށް ހޮވޭނެ ކަމަކަށް އުއްމީދުނުކުރާ ކަމަށެެވެ. ނަމަވެސް ރަނގަޅު ވަނައެއް ހޯދުމަށް ވަރަށް ބުރަކޮށް މަސަައްކަތްކުރި ކަން އޭނާ ފާހަގަކުރި އެވެ.
މާލެ: ޖުލައި 20، 2017- މަދްރަސަތުލް އަރަބިއްޔާގެ އަހަރީ އިނާމު ދިނުމުގެ ޖަލްސާގެ ތެރެއިން.---މިހާރު ފޮޓޯ: ހުސެއިން ވަހީދު
އޭނާ ބުނީ ސްކޫލުގެ ގިނަ ކަންކަމާއި އަމިއްލަ ގިނަ ކަންކަން ވެސް ދޫކޮށްލައިގެން ހުސްވެގެން ހުރީ ހަމަ ކިޔެވުމަށެވެ. އެހެންވެ ސްކޮލަޝިޕާ ހަމައަށް ދެވޭނެ ކަމަށް އުއްމީދުކުރި ކަމަށް ބުންޏެވެ.
މަފާޒު ވަނީ މިހާރު ކިޔަވަމުން އަންނަ ދަރިވަރުންނަށް ނަސޭހަތެއް ދީފަ އެވެ؛ ދުނިޔެއަށް ނަތީޖާ ދެއްކުމަށްވުރެ އަމިއްލައަށް އެއްޗެއް އުނގެނުން މުހިއްމު ކަމަށް އޭނާ ބުންޏެވެ.
އޭނާ މިހާރު ތައްޔާރުވަމުން ދަނީ އުސޫލުލް ފިގުހުގެ ދާއިރާއިން މަތީ ތައުލީމް ހާސިލްކުރުމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޤައުމު
22 July 2017
ޗީޑި..ޤައުމު ކުރިމަތީ އަގުވެއްޓިފައި ތިބި މީހުން މިފަދަ ފަޚުރު ކުދީންނަށް ލިބޭ މުނާސަބާގައި ޗީފް ގެސްޓުންނަށް ބައިވެރި ކުރީމަ އެކުދިން ކުރި މަސައްކަތައް ވެސް ތި ޖަހަނީ ޖޯކު!
ހަމަ
22 July 2017
ސްކޫލް ކުއްޖެއްގެ އިސްތަށިގަނޑު ހުންނަންވާ ގޮތެއް
ރަގަޅަށް ބަލާ
22 July 2017
ހަަމަ ނޭގެނީ އެއީ އަރަބިއްޔާ ސޮކޫލު ނިންމާފަ ހުރި ދަރަިވަރެއް ސްކޫލުގެ މިދިޔަ އަހަރު ނިމުނު ދަރިވަރެއް
ޢަލީ
22 July 2017
އަރަބިއްޔާގެ ދަރިވަރުންގެ އަހުލާގު މީބޮޑަށް ރަގަލު.
ޢަހްމަދު
21 July 2017
މިފަދަ ރަސްމީޔާތަކަށް މިކަހަލަ މީހުން ނުލުމަށް ގޮވާލަން..
ސަމޫ
21 July 2017
ޢަރައްބިއްޔާގައި އަހަރުމެން އުޅުނު އިރު ސެޓްފިެޓްތަކާއި ޝީލްޑްތައް ހުންނަނީ ޢަރަބި ބަހާއި އިނގިރޭސި ބަހާއި ދެބަހުން.
ެުއުފާވޭ
21 July 2017
މަރުހަބާ މަފާޒު.
ހަޑިގިއްލާ
21 July 2017
ޗީ ޗީ ޗި! އޮއެ...... މައިންބަފައިންގެ ބަސްއަހައިގެން، ދުނިޔެވީ އެތައް އަރާމަކުން ދުރުވެ، ބުރަމަސައްކަތާއި އެކު މިފަދަ ޝަރަފުވެރި ވަނައެއް ލިބުމުން، ގޭ އަލަމާރީގަ ބަހައްޓާލަން ލިބުނު ފޮޓޯގަނޑުވެސް ޗަސްވީ!
މީމުހާ
21 July 2017
ލަދުން ބޯހަލާކުވޭ ސުލޭމާނުމެން ކަހަލަ މީހުން މިފަދަ ތަޢްލީމީ ފަޚްރުވެރި ހަފްލާތަކަށް ޝަރަފްވެރި ކުރާތީ
ޣޮންޑިކޮއްކޮ
21 July 2017
ޚޮން ގޮތަކަ ވިސްނާފަތަ ސުކޫލުގެ ވެރިން ސުލޭމާނު ޗީފުގެސްޓަކައް ގެނައީ.
ނަސްރު ﷲ
21 July 2017
ސުލައިމާނަކީ ޢަރަބިއްޔާ ސްކޫލުގެ ކުރީގެ ޑެޕިއުޓީ ޕްރިންސިޕަލަށް ވީމަ ޗީފް ގެސްޓަކަށް ގެނައީ!
މުހައްމަދު
21 July 2017
އެ މަޤާމު އަދާކުރި އެހެން މީހަކު ނެތީތަ؟ ކޮބާ ތިތާގެ ކުރީގެ ޕްރިންސިޕަލް މުޙައްމަދު ރަޝީދު އިބްރާހީމް ރަޝީދު؟
ގުރާ
21 July 2017
ދިރިއުޅުމުގެ ރީތިމިސާލު ވަރިހަމަ ސުލައިމާނު ދައްކާގޮތަށް ނުދެއްކިޔަސް. މީހުންގެ ހައްގުތަކަށް އަރައިގަނެގެން ގާނޫނު އަސާސީ ފުނޑާލާ. މިފަދަ މީހުންގެ ކިބައިން އަޅަމެން މިންޖުކުރައްވާށިއެވެ.