ތަފާތު ކަންކަމާ ގުޅިގެން ހުކުމް ތަންފީޒު ކުރައްވަމުން ގެންދަވާ ބޭފުޅުންގެ ތެރެއިން (ކ-ވ) އަދާލަތު ޕާޓީގެ ރައީސް އިމްރާން އަބްދުﷲ، ކުރީގެ ރައީސް މުހައްމަދު ނަޝީދު އަދި ކުރީގެ ޑިފެންސް މިނިސްޓަރު މުހައްމަދު ނާޒިމް: މީގެ ތެރެއިން ނަޝީދު އުޅުއްވަނީ ރާއްޖެ އިން ބޭރުގައި.
23 ޖުލައި 2017 - 20:28
32 comments
ތަފާތު އެކި މައްސަލަތަަކުގައި ހުކުމް ތަންފީޒު ކުރަމުންދާ ގައިދީންނާ ގުޅޭ ގޮތުން ހަދާފައިވާ ގަވައިދުތަކުގެ ބޭރުން ހޯދާ މައުލޫމާތު މީޑިއާ އިން އާންމު ނުކުރުމަށް މޯލްޑިވްސް ކަރެކްޝަނަލް ސާވިސް އިން މިއަދު އެދިއްޖެ އެވެ.
ޖަލުގައި ހުކުމް ތަންފީޒު ކުރަމުންދާ ސިޔާސީ ބޭފުޅުންގެ ފަރާތުން، އެކި ކަންކަމާ ގުޅޭ ގޮތުން ބަޔާންތައް އާންމު ކުރަމުންދާ މި ދަނޑިވަޅުގައި ކަރެކްޝަނަލް ސާވިސް އިން ނެރުނު ނޫސްބަޔާނެއްގައި ބުނީ، ހުކުމް ތަންފީޒު ކުރާ މީހުންނާ ބައްދަލު ކުރުމުގެ ކަންކަމުގައި އަމަލު ކުރުމަށް ދެ ގަވައިދެއް ގެޒެޓް ކޮށްފައިވާނެ ކަމަށެވެ. އެ ދެ ގަވައިދު ފިޔަވައި އެހެން ގަވައިދެއްގެ ދަށުން ގައިދީންނާ ބައްދަލު ނުކުރެވޭނެ ކަމަށް ވެސް ކަރެކްޝަނަލް ސާވިސްގެ ބަޔާނުގައިވެ އެވެ.
ގައިދީން ބަލަހައްޓާ އިދާރާގެ ބަޔާނުގައި ބަޔާންކުރާ ދެ ގަވައިދަކީ ގައިދީންނާއި ކުށުގެ ތުހުމަތުގައި ހައްޔަރުކޮށްފައި ތިބޭ މީހުންނަށާއި ކޯޓު އަމުރެއްގެ ދަށުން ބަންދުގައި ބައިތިއްބަންޖެހޭ މީހުންނަށް ލިބިދޭންޖެހޭ އަސާސީ ޚިދުމަތްތަކާއި އިނާޔަތްތަކާ ބެހޭ ގަވައިދާއި އެ މީހުންނަށް ފޯނުކުރުމާއި ސިޓީ ފަދަ ތަކެތި ފޮނުވުމާއި ލިބިގަތުމުގެ ގަވައިދެވެ.
"ހުކުމް ތަންފީޒު ކުރާ މީހުންގެ ފަރާތުން އިސްވެ ދެންނެވުމުން ދެ ގަވައިދުގެ ބޭރުން އެހެން ގޮތަކަށް ހޯދާ ނުވަތަ ލިބިގަންނަ މައުލޫމާތަކީ ގަވައިދުން ބޭރުން ހޯދާފައިވާ ތަކެއްޗެވެ. އަދި އެފަދަ ތަކެތި މީޑިއާ މެދުވެރިކޮށް ނުފެތުރުމަކީ މި ސާވިސްގެ އެދުމެކެވެ. ޝަރުއީ ހުކުމެއް އައިސްފައިވާ ފަރާތްތަކާ ހަވާލާދީ އެއްވެސް ވާހަކައެއް ޝާއިއުކޮށް އާންމު ކުރަން ވާނީ އެކަމާ ގުޅޭ ގޮތުން ހެދިފައިވާ ގަވައިދުތަކާއި އުސޫލުތަކާ އެއްގޮތްވާ ގޮތުގެ މަތިންނެވެ،" ބަޔާނުގައިވެ އެވެ.
ކަރެކްޝަނަލް ސާވިސް އިން ވަނީ، ހުކުމް ތަންފީޒު ކުރަންޖެހޭ މީހުންގެ ތެރެއިން އެ އިދާރާއާ ހަވާލުނުވެ ތިބި މީހުން އެކަން ކުރުމަށް ވެސް އިލްތިމާސް ކޮށްފަ އެވެ.
ހުކުމް ތަންފީޒު ކުރަމުންދާ މީހުންގެ ތެރެއިން ފަހަކަށް އައިސް ސިޔާސީ ބޭފުޅުންގެ ފަރާތުން އަދި ބައެއް ފަހަރު އެ ބޭފުޅުން ސޮއިކުރައްވައި ބަޔާންތައް ނެރުއްވާފައި އެބަހުއްޓެވެ. މީގެ އިތުރުން އެފަދަ ބައެއް ބޭފުޅުން ސޮއިކުރައްވައި ކޯޓުތަކަށް ވެސް ތަފާތު ކަންކަމާ ގުޅިގެން ސިޓީތައް ފޮނުވާފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އައްޑޫ ބަކުރު
24 July 2017
މީތިކިޔާފަ ހިނިއައިސްފި މަގޭކާރިޔަށް. މީދެން ހަމަރަންގަޅަވެސް ބޮލަށް ބޭސްކުރަން ޖެހިފަ ތިބޭމީހުން ދައްކަމުން އުޅޭ ކަހަލަ ވާހަކައެއް މިމީހުން މިބުނަނީ ކުށެއްނުކޮއް ހުރިމީހަކު ބޭއިންސާފުން ޖަލަށް ލީމަ އެވާހަކަ ނުދައްކާށޭ އެދި އެމީހާ ކާރީގެ މިމީހުން މިބުނަނީ ކުށެއްނުކުރިނަމަވެސް އަންގަމަޑުން ލައިގެން ހުންނާށޭ ހުކުމް ތަންފީޒު ކޮއްނިމެންދެން.. ހަމަ ރަންގަޅައްވެސް ސަރުކާރުގެ ހުރިހާ މުއަސަސާ ތަކަށް މިވަނީ ރަންގަޅަށްް ބޭސްކުރަން ޖެހިފައެވެ
ަސދ
24 July 2017
އެވާހަކައެއް އަޑުއިވުމުން ކަރެކްޝަނަށް ޖެހޭނީ އެއިގެ ތެދު ދޮގު ބަލަން. ފަހަރުގައި އެމީހުންގެ ބަދަލުގައި އެމީހުން ތިބި ގޮޅީގައި ބަންދުވެސް ކުރަންޖެހިދާނެ. ވީމާ އެކަހަލަ ޚަބަރު ހޯދައި ދިރާސާކުރުން މުހިއްމު. ދެވަނަކަމަކީ ތިގަވައިދު ނޫސްވެރިކަމުގެ ގަވާއިދާއި ފުށުއަޜާ.
ނަޞީރު
24 July 2017
މީޑިއާއަކީ، ދައުލަތެއްގެ 4 ވަނަ ބާރު ކަމުގައިވާހިނދު، އެ ފަރާތްތަކުގެ އެންމެ ބޮޑު ޒިންމާއަީ، ޒިންމާދާރު ކުރުވުމެވެ. މީޑިއާއާއި ބެހޭގޮތުން ހެދިފައިވާ ގާނޫން ތަކާއި ގަވާއިދުތައް މީޑިޔާތައް ޙިމާޔަތް ކޮށްދެއެވެ. މިނިވަން މީޑިއާއެއްގެ އެންމެ ބޮޑު ޒިންމާއަކީ، ސަރުކާރުންކުރާ ކަންތައްތައް ޢާންމުނާއި ހަމައަށް ގެނެސްދިނުމާއި، ޢާންމުންގެ ކަންތައްތައް ސަރުކާރާއި ހަމައަށް ގެނެސްދިނުމެވެ. ޒިންމާދާރުކަމާއި އެކުގައެވެ. މީޑިއާއަކީވެސް މިނިވަން މުއައްސަސާއެކެވެ. ސަރުކާރުން އެމީހުން އުޅެންވާގޮްތް ބުނެދޭން ފަށައިފިނަމަ، މީޑިއާގެ މިނިވަންކަން ގެއްލި، އަޅުވެތިވާނެއެވެ. ޑިމޮކްރަސީއެއްގައި އެންމެ ބާރުގަދަ އެކައްޗަކީ، ނުފޫޒުން ސަލާމަތް ވެފައިއޮންނަ، ޒިންމާދާރު މީޑިއާއެކެވެ.
ރައްޔިތެއް
24 July 2017
ތިއިން ދޭހަވަނީ އެނގިތިބެ ނުހައްގުން ބަޔަކަށް އަދަބު ދެވެމުންދާ ކަމާއި އެކަން ފޮރުވަން ބަޔަކު މަސައްކަތްކުރާކަން. އިސްލާމްދީނުގައި ބާރުއަޅަނީ އެއްވެސް ޝައްކެތްނެތް މިންވަރަށް ޔަގީން ކުރުމަށްފަހު އިންސާފުވެރި އަދަބު ކުށްވެރިންނަށް ދިނުމަށް. އެހެންނޫންނަމަ އެބެލެވެނީ އަނިޔާވެރިވުންކަމަށް. އަނިޔާވެރިންނަށް ދުނިޔެއާއި އާޚިރަތުގައިވެސް އެކަމުގެ ޖަޒާލިބޭނެކަމަށްވޭ.
ސުވާދީބު ރާނީ
24 July 2017
މިޖެހުނީ ބޮޑުތާ
މަރީނު
24 July 2017
މިއުޅެނީ އެހެންޖަރީމާއެއް ހިންގަންވެގެން، ކޮބާ ތިބުނާ ކުއްވެރިންނަކީ؟ ސިޔާސީ ކުއްވެރިންތަ؟ ޔއޤ ވެރިކަމަށް ގެންނަން މަސައްކަތްކުރި އެންމެން ހިފާހައްޔަރުކޮށްފަވީ، މިމީހުން ބަޣާވާތްކުރުން އޯކޭ! އެހެންމީހުން ތިބެންވީ ބަލާ އަތްޖަހަން؟ މިހާރު ރައްޔިތުންނަށް އެބައިގޭ ވާނުވާ، ތިގޮތަކަށް މީހުންނަށް ފޮތިކާން ނުދެވޭނެ! ތިހިންގާ ހުރިހާ ޖަރީމާތައް ބަލާ ތަޙުޤީޤް ކުރާ ދުވަސް އެބައާދޭ ވަރަށް އަވަހަށް، ހާސްނުވޭ! އިންޝާ ﷲ
ޯބޮޑުވަރު
24 July 2017
ސަރުކާރެއް ޙިމާޔަތްކުރަން އުޅުނަސް ބޮޑުވަރު
އަލީ
24 July 2017
އެއީ ތެދެއް. އަދީބު ދައްކާ ވަހަކަތައް ހާމަ ކުރީމާ މިރައީސް ބޭޒާރުވާނެ. އެކަހަލަ ކަންތައް ނުކުރޭ. ކުރަންޏާ 1 މިލިއަން ނަގާނަން.
ޢަލީ
24 July 2017
ތިގޮތައް ރައްޔިރުންނައް ބިރުދައްކައިގެން ރަންނަމާރި ފުރޭތަ ވާހަކަ ވެސް ޖެއްސި،، އަދި ކުޅޭ ނާޗަރަގީ ފޮރުވައިގެން ދުވަސް ގަޑެއްވެސް ވި. އެންމެ ފަހުން ބޭރު މީހަކު އައިސް ދިވެހިންގެ ނިދިން ހޭލައްވާލީ! ބަލަ ކަލޭމެންނައް ހީވޭތަ މިހާރުވެސް މިކަހަލަ ގޮތަކައް ކަންތައް ކުރެވިދާނެހެން؟
ޑިމޮކްރަޓިސްޓް
23 July 2017
ތީ މާކުރިންވެސް ކުރަންޖެހޭކަމެއް.. ބޮޑެތި ކުއްވެރިން ހަމަ ހޭކަނޑާލާފަ ނޫސްތަކުގެ ފަލަސުރުހީއަށް ހަބަރުއަރުވަނީ.. ބަލަ މީ ކިއްވެރިންނޭ.. މިމީހުން ތިބެންޖެޖޭނީ ކިއްވެރިންގެގޮތުގަ.. ސައިޒުގަ..
ހެހެހެ
24 July 2017
ތިކަމެއް ނުވާނެ. ތިޔަ ދުވަސް ހިނގައްޖެ.
ހޭބޯ
24 July 2017
ބަލަ މީ 21 ވަނަ ގަރުނޭ