ފުލުހުންގެ ބެލުމުގެ ދަށަށް ކުނޫޒް ގެނެސް ފުލުހުން އެ ސަރަހައްދުގައި ހަރަކާތްތެރިވަނީ
25 ޖުލައި 2017 - 21:05
97 comments
ޖުމްހޫރީ ޕާޓީގެ މައި އޮފީސް އަދި ޖަލްސާ ބާއްވާ ހަރުގެ، މ. ކުނޫޒަށް، ކޯޓު އަމުރެއްގެ ދަށުން، މިރޭ ފާސްކުރި ނަމަވެސް އެ އަމުރުގައި ތުހުމަތުކުރާ އެއްވެސް އެއްޗެއް ނުފެންނަ ކަމަށް ފުލުހުން ބުނެފި އެވެ.
ތިން ދުވަހުގެ މުއްދަތު ދީ މިރޭ ހައެއް ޖެހިިއިރު ކްރިމިނަލް ކޯޓުން ނެރުނު އަމުރުގައި ބުނެފައިވާ ގޮތުގައި ޖުމްހޫރީ ޕާޓީ އާއި އެމްޑީޕީ އާއި އަދާލަތު އަދި "މި ނޫން ވެސް ބައެއް ފަރާތްތައް އިސްކޮށް ތިބެ" ގެންދަނީ ސަރުކާރު ހިންގުމަށް ދަތިވާ ގޮތަށާއި ސަރުކާރު ވައްޓާލަން "ސައްލާކޮށް ރާވަމުން" ނެވެ.
އޭގެ އިތުރުން ރައްޔިތުންގެ މަޖިލިހުގެ ރަސްމީ މަސައްކަތްތަކަށް ހުރަސް އަޅަން އުޅޭ ކަމަށް ތުހުމަތުކޮށް ވެސް އަމުރުގައި އެ ބައި ހިމަނާފައިވެ އެވެ.
ފުލުހުން ކުނޫޒަށް ވަދެ ބަލާ ހޯދަން އެދިފައިވާ ތަކެތީގެ ތެރޭގައި ހިމެނެނީ "ސަރުކާރު ބަދުނާމްވާ ގޮތަށް ލިއެފައިވާ ލިއެކިއުންތަކާއި ބެނާތަކާއި ފޮތިތަކާއި ސީސީޓީވީ ފުޓޭޖް" އެވެ.
ކްރިމިނަލް ކޯޓު ހިންގުން ވަގުތީ ގޮތުން ހަވާލުކޮށްފައިވާ ފަނޑިޔާރު އާދަމް އާރިފް ނެރުއްވި އަމުރު ބިނާކުރެއްވީ، ރާއްޖޭގެ ސިޔާސީ އިދިކޮޅު ލީޑަރުންގެ ގެދޮރު ފާސްކުރާށާއި އަދި ހައްޔަރުކުރަން ފުލުހުން ހުށަހަޅަމުން އަންނަ "ފުލުހުންގެ އިންޓެލިޖެންސަށް ލިބިފައިވާ ސިއްރު މައުލޫމާތުތަކަ"ށެވެ.
އިދިކޮޅު ހަރަކާތުގެ ޖަލްސާއެއް ކުރިއަށް ދަނީ: ކުނޫޒް މިހާރު ވަނީ ފުލުހުންގެ ބެލުމުގެ ދަށަށް ގެންގޮސްފައި --ފައިލް ފޮޓޯ
ފަސް ގަޑިއެއްހާއިރު ވަންދެން ކުނޫޒް ބަލައި ފާސްކުރުމަށް ފަހު، ޖުމްހޫރީ ޕާޓީ އަށް ދިން ފޯމުގައި ބުނެފައިވާ ގޮތުގައި "މައްސަލަ އާއި ގުޅުން ހުރި އެއްޗެއް ނުފެނެ" އެވެ.
ކުނޫޒަކީ އިދިކޮޅު އިއްތިހާދުގެ މައި ޖަގަހަ އެވެ. އެތަނަށް ފުލުހުން ވަދެ ފާސްކުރުން ކުރިއަށް ގެންދިޔައިރު، ޖުމްހޫރީ ޕާޓީގެ ލީޑަރު ގާސިމް އިބްރާހިމްގެ މައްޗަށް ކުރާ ޝަރީއަތް، ސިއްރުކޮށްގެން، މިރޭ ކްރިމިނަލް ކޯޓުގައި ކުރިއަށް ގެންދަން މިއަދު ނިންމި އެވެ. އެކަމަކު ގާސިމްގެ ސިއްހީ ހާލު ބޮޑުވުމުން ފަހުން ވަނީ އެ ޝަރީއަތް ކެންސަލްކޮށްފަ އެވެ.
އިދިކޮޅު ފަރާތްތަކުގެ މަސައްކަތްތަކަށް ފުލުހުންނާއި ސިފައިން ހުރަސްއެޅުން އިއްޔެ އިން ފެށިގެން ވަނީ ވަރުގަދަވެފަ އެވެ. އެގޮތުން ރައްޔިތުންގެ މަޖިލިހުގެ ރައީސް އަބްދުﷲ މަސީހުގެ އިތުބާރު ނެތްކަމުގެ މައްސަލަ އިއްޔެ އަށް އެޖެންޑާކޮށް އެކަމަކު ފަހުން އެ ޖަލްސާ ކެންސަލްކުރުމުން، އަލުން ޖަލްސާއެއް ބޭއްވޭތޯ ބަލަން އިދިކޮޅު މެމްބަރުން ރައްޔިތުންގެ މަޖިލިހަށް ވަންނަން ވެސް، ސަލާމަތީ ބާރުތަކުން ހުރަސް އެޅި އެވެ.
އިއްޔެ އެތަނަށް ވަން މެމްބަރުން ގަދަކަމުން ނެރެން ފުލުހުން މަޖިލިހުގެ އިދާރާ އަށް ވަދެ ހިންގި އަމަލަކީ ރާއްޖޭގެ ޑިމޮކްރަސީގެ ތާރީޚުގައި ވެސް މުޅިން އާ ކަމެކެވެ.
ރައްޔިތުންގެ މަޖިލިސް އަދިވެސް އޮތީ ސިފައިންގެ ބެލުމުގެ ދަށުގަ އެވެ. އެތަނަށް މިއަދު ވެސް އިދިކޮޅު މެމްބަރަކަށް ވަދެވޭ ގޮތެއް ނުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގޫގުލް ސާރޗް
26 July 2017
ކޮބާ ޖެޓް؟ޖެޓެއްވެސް ނުފެނުނީ ތަ؟"
ނަޑެއްލާ
26 July 2017
ހާދަހާ ދެރައޭ ދޮތަ! ދޭތެރެ ދޭތެރެ އިން ތެޔޮވަޅު ފެނިފަ ގެއްލޭތީ! ނޫނޭ ދިވެހިންމީ ހާދަހާ ނަސީބު ދެރަ ބައެކޭ! ދެން ތި ތެޔޮވަޅުތައް މަށައް ހީވަނީ ފެންނާނީ މަޖުލިސް ކުރާ ގޭތެރެއިންކަމަށް! ސާބަހޭ މި ޤައުމުގަ މި ތިއްބަވާ ވަޒީރުން ނާއި މި ސަރުކާރު ދިފާޢު ކުރަވަން ތިއްބަވާ ވެރިންނަށް. ވެރިކަން ކުރެވޭތޯ ބަލާތި ރައްޔިތުން ބުރާންތި ކޮއްފަވެސް.
އެޑްމުންޑޯ
26 July 2017
އަޅެ ފުލުހުންގެ ތިތަ ކުޅޭ ކުޅޭ އިންޓަލިޖެންސް ރިޕޯޓްތަކަށް މިފަޑިޔާރުންވެސް ހަމަބުއްދިން ވިސްނަނަް ވެއްޖެއެއްނު ، ދުނިޔޭގެ ގައުމުތަކުގައި އިންޓަލިޖެންސް ރިޕޯޓް ތަކކީކީ ވަރަށް ހަރުދަނާ އޮއްޓަރ ހުރިގޮތަށް ނެރޭ ރިޕޯޓްތަކެއް ، މިރިޕޯޓްތަކަށް މީހުން އިތުބާރުކޮށް އިހްތިރާމް ކުރޭ ، ނަމަވެސް މިގައުމުން މިފެންނަނީ ، ކޮންކަހަލަ ދިއުޅިއެއްނުވާ ރިޕޯޓްތަކެއް ، މިކަމުގެ ސަބަބުން އަގުވެއްޓީ އިތުބާރުގެއްލުންނޫންކަމެއްނުވާނެ ، ބަޔަކު މިވަނީ ފުލުހުންގެ އިންޓަރލިޖެންސްވެސް ހިސޯރުކޮށް ވެއްޔާއި މޮޑެފައި . ހިތާމަހުރި ... ހިތާމަހުރި...
8000 ލިބޭ ދަނޑުވެރިޔާ
26 July 2017
"ފަނޑިޔާރު އާދަމް އާރިފް ނެރުއްވި އަމުރު ބިނާކުރެއްވީ، ރާއްޖޭގެ ސިޔާސީ އިދިކޮޅު ލީޑަރުންގެ ގެދޮރު ފާސްކުރާށާއި " ކޮންމިންގަޑަކުންތޯ ސިޔާސީ އިދިކޮޅު ލީޑަރުން ކަނޑައަޅަނީ؟ އެނަންކިޔާމީހަކު އުޅޭތޯ؟ ތީގަވާގޮތުން ސަރުކާރާ ހިޔާލުތަފާތުވާ ކޮންމެ މީހެއްގެ ގެދޮރުވެސްފާސްކުރެވޭ ނޫންތޯ؟ މީތޯ ޤާނޫން އަސާސީ ބުނާގޮތަކީ؟ ފަނޑިޔާރު އާދަމް އާރިފް ފަނޑިޔާރުކަމުގެ ސަރުތުހަމަވޭތޯ؟ މީގެބޭނުމަކީ ރައްޔިތުންނަށް ބިރުދެއްކުމާ އަބަދުވެސް ރައްޔިތުން ބިރުވެރިކަމެއްގަބޭތިއްބުންނޫން ދެންކޮންކަމެއްތޯ؟
ޕްރިންސެސް
26 July 2017
ފުލުހުންނަށް ފެންނާނީ މަސްތުވާތަކެތި ކަމަށް، ބަނގުރާ ކަމަށް ޝައްކު ކުރެވޭ ތަކެތި...އެކަމަކު އިދިކޮޅު ސިޔާސީ މީހުންނާއި ގުޅޭގޮތުން ފެންނަ ކޮންމެ އެއްޗެއް އޮން ދަ ސްޕޮޓް ގައި 10000℅ ޔަޤީން ކުރެވޭނެ ކޮން އެއްޗެއްކަން...މިސާލަކަށް ކަނޑި، ބަޑި، ވަޒަން......
ހީހީ ހަލާކު
26 July 2017
ތިގެއަށް ކުނޫޒް ކިޔުނީ ކަމެއްވެގެން. ކުނޫޒްގެ މާނައަކީ ކަންޒުތައް. އެހެންވީމަ ބިން ކޮނެގެން ނަމަވެސް ކަންޒުތައް ހޯދަން އެބަޖެހޭ.
ބޯބުރާންތި
26 July 2017
ކިހިނެއްތަ ވެގެން މިއުޅެނީ؟ ކޯންޗެއް ނުފެނުނީއޭތަ؟
އަބުދުﷲ
26 July 2017
ތެޔޮވަޅު...
890
26 July 2017
އެގޭ ތެރޭން ވެޕަންސް އޮފް މާސް ޑެސްޓްރަކްޝަން ހޯދަން ދިޔައިރު ހަމައެކަނި ބަޔަކު އިށީންނަން ބަހައްޓާފަހުރި ގޮނޑި ތަކެކޯ ފެނުނީ
ސަނާ
26 July 2017
ނާ ތަހުޒީބު އިންޓެލް އެއް މިހާރު މިފެންނަނީ. މީހަކު ޖަލަށް ލާން ބޭނުން ވީމަ ގެންގުޅޭ ފެންކައްކާ ބޮއްޔެއް. ނޯ ޕްރޮފެޝަނަލިޒަމް އެޓް އޯލް. ޤައުމުގެ އިއްޒަތާ އަބުރު ވެއްޔާ މޮޑެލައިފި. އިންޓެލްއަކަށް ނޭނގުނު ބަޑިގުދަނުން ހަތިޔާރު ގެންގޮސް ފަރުފަރާ ފުން ކަނޑުތަކުގަ ފުނި ފުންޏަށް ޖެހި އިރަކު. ލޮލް..
ނެތީމުދޯ
26 July 2017
ނާ ތަހުޒީބު ދޮގާއި މަކަރާއި ހީލަތް ކުނޫޒު ތެރޭގައި ތިބެގެން އެމެންގެ ދެ ޓީވީ ޗެނަލަކުން ގެނެސްދޭތީވެ އެކަން ހުއްޓުވަން މިއުޅެނީ. އަނެއް ޖޫރީމަނާ ޑިފަމޭޝަން ގެ ދަށުން މިފަހަރު ތިން ޓީވީ ޗެނަލެއްގެ މައްޗަށް އަންނާނެ އޭ މަމެންގެ ހިތް ބުނެއޭ ބުނަން މަމެން ނެތީމު ދޯ.
ހުސައިން
26 July 2017
ކޮންމެ ފުލުހަކީ ރައްޔިތުން ހިމާޔަތްކޮށް ޚިދުމަތް ދޭން ހުރި ފުލުހެއްކަން ނޭގުނަސް , 2018 ނޮވެމްބަރ 11 ގައި , ހުވާކުރާނޭ ރައީސް އަކީ , އޮނަރަބްލް ޤާސިމް އިބްރާހިމްގެ ސަޕޯޓާއި އެކު އަންނަ ރައީސް އެއްކަން ޔަޤީންކުރާނެ.
ދިސްވޭ
26 July 2017
ފުލުހުންގެ ޒިންމާ އަކީ ފުރަތަމަ ވެސް ސަރުކާރު ހިމާޔަތް ކުރުމެވެ. އެއީ ރައްޔިތުން ހިމާޔަތް ކުރުމަކީ.
މަޒް
26 July 2017
ފުލުހުންގެ އިންޓެލިިޖެންސްގެ ބަލިކަށިކަމާއެވެ. އިއްޔެވެސް އެއްކަަމަކާއި ގުޅިގެން ވަޅީގެ ތިން ހަމަލާ ދެވުނު އިރި އިންޓެލިޖެންސް އޮތީ ނިދާފައި