ޕީޕީއެމް/އެމްޑީއޭގެ ޖޮއިންޓް ޕާލަމެންޓްރީ ގުރޫޕުގެ ނިއުސް ކޮންފަރެންސްގައި ފަލާހް ވާހަކަ ދައްކަވަނީ --މިހާރު ފޮޓޯ: ނިޝާން އަލީ
26 ޖުލައި 2017 - 11:53
112 comments
ވަޒީރުންގެ ފެންވަރު މަތިކޮށް އެކަމަކު ރައްޔިތުންގެ މަޖިލީހުގެ މެމްބަރުންނަކީ "އަގެއް ނެތް، ނިކަމެތި" ބައެއްގެ ގޮތުގައި ދެކޭ ކަމަށް ވިދާޅުވެ އިނގުރައިދޫ ދާއިރާގެ މެމްބަރު އިބްރާހިމް ފަލާހުގެ އުދާސްތައް ޕީޕީއެމްގެ ޕާލަމެންޓްރީ ގްރޫޕްގައި ބޭރުކޮށްލައްވައިފި އެވެ.
ޕީޖީ ވައިބަ ގްރޫޕްގައި ފަލާހު ރޭ ލިއުއްވި މެސެޖެއްގައި ވިދާޅުވީ ދައުލަތުގެ ވަޒީރުންނާއި މަޖިލީހުގެ މެމްބަރުންގެ ތަފާތު އިއްޔެ އެނގިވަޑައިގެންފި ކަމަށެވެ. ވަޒީރުންނަކީ މާ މަތިވެރި ދަރަޖައެއް ލިބިގެންވާ ބައެއް ކަމަށާއި މެމްބަރުންނަކީ ނިކަމެތި ބައެއް ކަމަށް އޭނާ ސިފަކުރެއްވި އެވެ.
ޕީޕީއެމްގެ ޕާލިމެންޓްރީ ގްރޫޕްގެ ޑެޕިއުޓީ ލީޑަރެއްގެ ގޮތުގައި ހުންނެވި ފަލާހު ހިތްހަމަޖެހިވަޑައިނުގަތީ ކޮން ސަބަބަކާ ހުރެ ކަމެއް، ލީކުވެފައިވާ ވައިބާ މެސެޖްތަކުން، ސާފެއް ނުވެ އެވެ. އެކަމަކު ބެލެވޭ ގޮތުގައި އޭނާ ހިތްހަމަޖެހިވަޑައިނުގަތީ ޕާކިސްތާނުގެ ބޮޑުވަޒީރު ނަވާޒް ޝަރީފްގެ ދަތުރުފުޅުގެ ބައެއް ރަސްމިއްޔާތުތަކަށް ބައެއް މެމްބަރުންނަށް ދައުވަތު ނުލިބުމުންނެވެ.
ފަލާހު ވިދާޅުވީ ވަޒީރުންނަށް ދިދަ ޖެހި ކާރުގައި ވަޑައިގެންނެވޭ ތަންތަނަށް މެމްބަރުންނަށް ފައި މަގުގައި ވެސް ވަދެވަޑައިނުގެންނެވޭ ކަމަށެވެ.
އެހެން ލިއުއްވުމުން ގައްދޫ ދާއިރާގެ އަހުމަދު ރަޝީދު ސުވާލުކުރެއްވީ "ކާރު އެކަނިތޯ؟" އެވެ.
"ދެން ހުރި ކަންތައް އެނގިއްޖެއްޔާ ބަޔަކު މޮޔަވެދާނެ،" ރަޝީދުގެ މެސެޖްގައިވެ އެވެ.
ރަޝީދުގެ އެ ވާހަކައަށް "ވަރަށް ބޮޑު ތެދެއް" ކަމަށް ފަލާހު ޖަވާބުދެއްވުމުން އޭގެ ރައްދުގައި ރަޝީދު ވިދާޅުވީ "އެންމެ ރަނގަޅީ ޗުޕް ވެސް ނުބުނެ ތިބިއްޔާ" ކަމަށެވެ.
ނަވާޒް ޝަރީފަށް މަރުހަބާ ދެންނެވުމަށް ސަރުކާރު ކޯލިޝަންގައި ހިމެނިވަޑައިގަންނަވާ މަޖިލީހުގެ ހުރިހާ މެމްބަރުންނަށް ދައުވަތެއް ނުދެ އެވެ. ރަސްމިއްޔާތުތަކަށް ދައުވަތު އެރުވީ އޭގެ ތެރެއިން ބައެއް މެމްބަރުންނަށެވެ. އެއީ ކުރީގެ ސަރުކާރުތަކުން ވެސް ގެންގުޅެމުން އައި އުސޫލެކެވެ.
ޕާކިސްތާނުގެ ބޮޑުވަޒީރުގެ ދެ ކަނބަލުންގެ ޝަރަފުގައި ކުރުނބާ ރިސޯޓުގައި ރޭ ބޭއްވި ރަސްމީ ޖާފަތަށް ޕީޕީއެމާއި އެމްޑީއޭގެ ޕާލަމެންޓްރީ ގްރޫޕުގެ އިސް ބައެއް ބޭފުޅުންނަށް ދައުވަތު އެރުވި އެވެ. އެކަމަކު އެ ހަފުލާގައި ފަލާހު އިންނެވިތަނެއް ނުފެނެ އެވެ.
ރައީސް ޔާމީން ބައިވެރިވެވަޑައިގެންނެވި ޕީޕީއެމްގެ މަޖިލިސް މެމްބަރުންގެ ބައްދަލުވުމެއް
ވަޒީރުންނާއި މެމްބަރުންގެ ތަފާތުކުރާ ކަމަށް ފަލާހު ވިދާޅުވުމުން، އެ ތަފާތަކީ "އޭ އަކުރުން ސީ އަކުރަށްތޯ" ގައްދޫ ދާއިރާގެ މެމްބަރު އަހްމަދު ރަޝީދު އެއްސެވި އެވެ. ޖަވާބުގައި ފަލާހު ވިދާޅުވީ އެއަށް ވުރެ ވެސް ތަފާތު މާ ބޮޑު ކަމަށާއި "އޭ އަކުރުން ޒެޑް އަކުރާ" ދެމެދު އެ ތަފާތު ހުރި ކަމަށެވެ.
ރައީސް ޔާމީން އާއި ފަސްޓް ލޭޑީ ފާތުމަތު އިބްރާހިމާ ވަރަށް ގާތް ގުޅުމެއް އޮންނަ ފަލާހު ވިދާޅުވި ގޮތުގައި "ކަންކަން ދެމިގެންދާނީ ވަކި ވަރެއް ވަންދެން"ނެވެ.
"ރެ އާއި ދުވާލު ރައްޔިތުންގެ ކުރިމަތީގައި މެމްބަރުން ގަނަތެޅެނީ،" އޭނާ ލިއުއްވި އެވެ.
ވައިބަ ގްރޫޕްގެ މި މެސެޖްތަކަކީ އަސްލެއް ކަމަށް ބައެއް މެމްބަރުން ކަށަވަރުކޮށްދެއްވި އެވެ. އެކަމަކު ފަލާހަށް ގުޅުމުން އޭނާ ވިދާޅުވީ "އެއީ ފޭކެއް" ކަމަށެވެ.
ޕީޕީއެމްގެ ޕާލަމެންޓްރީ ގްރޫޕްގެ ތެރޭގައި ޚިޔާލު ތަފާތުވުން ބޮޑުވެ އެތައް މެމްބަރުންނެއް ވަނީ އިދިކޮޅު ފަރާތްތަކާ ގުޅިފަ އެވެ. އަދި މަޖިލީހުގެ ރައީސް އަބްދުﷲ މަސީހު ވަކިކުރުމުގެ ވޯޓުގައިި ޕީޕީއެމްގެ 10 މެމްބަރަކު ސޮއިކުރެއްވުމުން، ރައްޔިތުންގެ މަޖިލިހުގެ މެޖޯރިޓީ ވެސް ސަރުކާރަށް ވަނީ ގެއްލިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮސް
27 July 2017
މިގްރޫޕްގެ ތަކެތި މިވަރަށް ލީކްވާއިރު ޕެޗުއަޅަން ނޫޅޭތީ މަ މިހިރީ ވަރަށް ހައިރާންވެފަ. ކޮންމެވެސް ސަބަބަކާހެދި ދޯ މި ލީކް ވިޔަދެނީ؟
ސްވަރާ
27 July 2017
ތިޔަ މެމްބަރުންނަކީ އަމިއްލަޔަށް އަގު ވައްޓާ ލައި ގެން އުޅޭބަޔެއް ގޮތެއްފޮތެއްނެތިގެން ތެޅިބާލާތަން ފެންނަނީ ތިޔަވަރުގެ ބަޔަކަށް އިއްޒަތަކާ ޤަދަރެއް ނުދެވޭނެ
ފަރޯ
27 July 2017
80،000 ރުފިޔާ ނަގައިގެން ވެސް "ނިކަމެތި"؟
ހަބޭސް13
27 July 2017
ކޮބާ ފިހި ކަފަންގެންގުޅުނުވަޅި ވަޅިހިފައިގެން 2018 ފަހުން އަނެއްކާވެސް ކުރީގަކުރި މަސައްކަތްކުރަންތައްޔާރުތަ އެދުވަހުން ވަރައްދެރަވާނެދޯ ފަލާހް ނޭގުމައްވުރެ ޖާހިލްކަމެއްނޯންނާނެ
ހޭލާ
27 July 2017
މެމްވަރުންނަށްވެސް ކެތްކުރެވޭނީ ވަކިވަރެއް ވަންދެނެވެ. ރޯމާދުވާލު ހިނގަމުންމިދާ ކަންކަމަކީ އިންސަނީ ތަބީއަތާވެސް ހިލާފު ކަންކަމެވެ. މިކަންކަން ދިފާއުކުރުމުގައި ހިތާދެކޮޅަށް ތާއަބަދު ތިބެވެނީ ކިނިނެތް ހެއްޔެވެ. ހަށިފޮޅާލާފައި ނުނުކުމެ ތިބެވޭކަށް ނެތެވެ. އެހެންނޫނީ އަޅުވެތިކުރުން ހައްތާދާނީ ކުރިއަށެވެ.
އުސޫލް
27 July 2017
މެމްބަރުން ނިކަމެތި ކުރުމަކީ ރައްޔިތުން ނިކަމެތި ކުރުން. މެމްބަރުންގެ ބާރުތަށް ނެގުމަކީ ވަޒީރުނަ ކޮރަޕްޓް ކުރަން ފުރުސަތު ދިނުން.ރައީސް ޚުދުމުޚްތާރު ވުމަށް ފުރުސަތު ލިބުން. އެއްބަޔަކުގެ ކިބައިން ބާރު ތަށް އަތުލަނީ އަނެއް ބަޔަކު ބާރުވެރި ވުމަށް...އެއްބަޔަކު ކޮރަޕްޝަން ހުއްޓުވަނީ އަނެއް ބަޔަކު ކޮރަޕްޓް ވުމަށް..މުއީ އުސޫލަކީ.
މުހައްމަދު ރިޒާ
27 July 2017
ކޮއްކޯ ފަލާހް ،ބޭބުނަން ރަންގަޅު ވާހަކަ އެއް !!!! ތިޔަކުދިން މިއަދު ތިތިބީ ވަރަށް ނިކަމެތި ހާލުގައި ތިޔަ ނިކަމެތިކަން ލިބިގަތީ ވެސް ތިޔަކުދިން އަމިއްލައަށް ، ހިތާމަޔަކީ ތިމާއަށް ލިބިފައިވާ ބާރު ވިއްކާލާ އިރު ގުދުރަތުން ތިމާގެ މުސްތަގުބަލް ނިންމާފައިވާ ގޮތް ނޭންގޭ ކަން ، ދިވެހިރާއްޖޭގެ ރައްޔިތުން ރައްޔިތުންމަޖިލިސްގެ މެންބަރުންނަށް ދިންބާރު ރައްޔިތުންނަށް ނޭންގި ތިޔަކުދިން ވިއްކާލީ މިއަދު ތިޔަ އިހްސާސް ކުރެވެނީ ނިކަމެތިކަމާ އާރެއް ބާރެއް ނެތްކަން، އަދިވެސް ތިކުދިންނަށް ނުވިސްނޭނެ، މިއަދު ރައްޔިތު މީހާއަށް އޮޅުވާލުމަށްޓަކައި ޕްރެސް އެއްބާއްވައި ކިތައްމެ ބޮޑުދޮގެއްވެސް ހަދައި ފާނު ، ﷲ އެއީ ހުރިހާ ކަމަކަށް ކުޅަދުންވަންތަ އިލާހު ، އެކަލާންގެ އެއްވެސް ފަރާތަކަށް އޮޅުވައެއް ނުލާނެ ، ވީމާ ، މީސްތަކުންނަށް އޮޅުވާލައި މަކަރާ ހީލަތް ހަދާފަރާތް ތަކަށް އެކަމުގެ ނަތީޖާ ލިބޭނީ ތިފަދަ ގޮތަކަށް މިއަދުވެސް ހޭރާ ނިކަމެތިކަމަކީ އަމިއްލައަށް ހޯދާ އެއްޗެއްކަން ތިމާ އަމިއްލައަށް ޤަބޫލް ކޮށް އިސްލާހު ނުކުރާހާ ދުވަހަކު ނިކަމެތިކަން ދަނީ އިތުރުވަމުން. ﷲ ތިޔަ ހުރިހާ ކުދިންނަށް ހެޔޮވިސްނުނަ ދެއްވާށި ... އާމީން
ސިނާ
27 July 2017
އަދި ސީނިއަރ ޓީމަށް ކުޅެން އެރޭނެ. ތަންކޮޅެއް ބޭޑް ވާންވީ.
ޢަބްދުﷲނާފިޒް
27 July 2017
ރައީސް ޔާމީނުގެ ކުރިމަތީގަ ތީ ހަމަ ހައްތަހާވެސް ފެެނުކައްކާ ބޮލީގެ އިއްޒަތް ދީފަ ތިބިބައެއް، ތީގެ ތެރޭގަ ގިނަވާނީ ވަލުބުޑުން ނުކެނޑޭ މެމްބަރުންނޭ ބުންޏަސް ކުށަކަށް ނުވާނެ.
ޢަސްލު ތެދެއް
27 July 2017
ފަލާހު އެބުނީތެދެއް ކުރިންވެސް ވައިބާ ގުރޫޕުގައި ފެތުރުނު ވާހަކައެއް އެއީ، ޕީޕީއެމް ބައެއް މަޖިލިސް މެމްބަރުންނާ ދޭތެރޭ ކަންކުރަނީ ތަފާތު ކޮއްކަން.