ރައްޔިތުންގެ މަޖިލީހުގެ މިދިޔަ ހޯމަ ދުވަހުގެ ޖަލްސާގައި ޗެމްބަރުން މެމްބަރަކު ނެރެން ސިފައިން މަސައްކަތް ކުރަނީ.
02 އޯގަސްޓް 2017 - 15:54
62 comments
ރައްޔިތުންގެ މަޖިލީހުގެ ސަލާމަތީ ކަންކަން ބެލެހެއްޓުމުގައި ވަކިވަކި ސިފައިން ގާނޫނާ ޚިލާފުވަމުންދާ ކަމަށް ބުނެ ދައުވާކުރާނެ ކަމުގެ ބިރު އިދިކޮޅު ފަރާތްތަކުން ދެއްކިއަސް އެކަމާ ކަންބޮޑުނުވުމަށް ޑިފެންސް މިނިސްޓަރު އާދަމް ޝަރީފް އެދިވަޑައިގެންފި އެވެ.
މިނިސްޓަރު މިގޮތަށް އެދިވަޑައިގަތީ މަޖިލީހުގެ ސަލާމަތީ ކަންކަން ބަލަހައްޓާ ސްޕެޝަލް ޕްރޮޓެކްޝަން ގްރޫޕް (އެސްޕީޖީ)އާ އެކު ބޭއްވެވި ބައްދަލުވުމުގަ އެވެ.
ސިއްރު އެ ބައްދަލުވުމުގެ އޯޑިއޯ ލީކުވެފައިވާއިރު އެންމެ ގިނަ ސިފައިން ކަންބޮޑުވުން ފާޅުކުރީ، އެމްއެންޑީއެފްގެ ލީޑަޝިޕުގެ އަމުރަށް ސިފައިން އަމަލުކުރަމުން އަންނައިރު، އެއީ ގާނޫނާ ޚިލާފަށް އަމަލުކުރުން ކަމަށް ބުނެ އިދިކޮޅު ފަރާތްތަކުން ދައުވާ ކުރާނެ ކަމަށް ބުނާ ބުނުމެވެ. އެއީ، އިންތިހާ އަށް ކަންބޮޑުވުން އޮތް މައްސަލައެއް ކަމަށް ވެސް އެ ބައްދަލުވުމުގައި ބައެއް ސިފައިން ބުންޏެވެ.
އެ ކަންބޮޑުވުންތަކަށް ޖަވާބު ދެއްވައި މިނިސްޓަރު ވިދާޅުވީ ސިފައިންގެ ޔުނިފޯމުގައި ތިބެ، އަމަލުކުރަނީ ސިފައިންގެ އިސްވެރިންގެ އޯޑަރަށް ކަމަށްވާއިރު، ވަކިވަކި ސިފައިން ޒިންމާ ނަގަން ނުޖެހޭނެ ކަމަށެވެ. އެއީ މުއައްސަސާ އިން ޒިންމާވާން ޖެހޭ ކަމެއް ކަމަށާއި އެފަދަ ކަންކަމަށް އެ މުއައްސަސާ އޮތީ ތައްޔާރަށް ކަމަށް ވެސް ވިދާޅުވި އެވެ.
އިދިކޮޅު ފަރާތްތަކުން އެގޮތަށް ބިރުދައްކަނީ، މިނިސްޓަރު ވިދާޅުވި ގޮތުގައި، ނަފްސާނީ ގޮތުން ބަލިކަށިކޮށްލުމަށެވެ.
"އެތަނަށް ގޮސް އެ ހުންނަނީ އެއްގޮތަށް ވެސް ރަމީޒެއް ނޫން. ސިފައިން ކަނޑައަޅާފައިވާ ހެދުމެއްގައި ގޮސް ހުންނަ މީހެއް. އެހެންވީމާ އަޅުގަނޑުމެން ހަވާލުކުރާ މަސްއޫލިއްޔަތެއް ނުވަތަ ޒިންމާއެއް އަދާކުރަން ގޮސް ހުންނަ މީހަކު، ލީޑަޝިޕުން ހަވާލުކޮށްފައިވާ މަސްއޫލިއްޔަތު އަދާކުރަމުންދާ ހިނދެއްގައި އޭނަ އެކަންޏެއް ނުވާނެ. އެކުގައި މުއައްސަސާ އޮންނާނެ. ދައުވާ ކުރާ ކަމުގައިވާ ނަމަ ވެސް އެކަމަށް ވަކާލާތު ކުރާނަން. އެއީ މުއައްސަސާ އިން ކުރާ ކަމެއްގެ ގޮތުގައި،" މިނިސްޓަރު ވިދާޅުވި އެވެ.
"ފަހަރެއްގައި ވެސް ވަކިވަކި ކުއްޖަކަށް އެ ދައުވާއެއް ނުކުރެވޭނެ. އަދި އެ މީހުން އެ ވާހަކަ ދައްކާ ބޭނުމަކީ ވެސް އޭގެ ޒާތުގައި ކޮންމެހެން، އެ މީހުން އެކަން ކުރާކަށް ވެސް ނޫން. އެއީ ހަމަ ކަނޑައެޅިގެން ނަފްސާނީ ގޮތުން ބަލިކަށިކޮށްލުމާއި އޭގެ ޒާތުގައި އެގޮތަށް ތިބޭފުޅުންގެ ޒިންމާ އަދާކުރުމަށް ފުރުސަތު ނުދިނުމަށް ދެކެވޭ ވާހަކައެއް."
މިނިސްޓަރު ވިދާޅުވި ގޮތުގައި ރައްޔިތުންގެ މަޖިލީހުގެ ސަލާމަތީ ކަންކަން ބެލެހެއްޓުމުގައި ފުލުހުން މިހާތަނަށް ވެސް ގާނޫނާ ހިލާފު އަމަލެއް ހިންގާފައެއް ނުވާނެ އެވެ. ސިފައިންގެ މަސައްކަތުގެ ތެރޭގައި އެއްވެސް ޣައިރު ގާނޫނީ އަމަލެއް ހިންގަން ސިފައިންގެ އިސްވެރިން ނާންގަވާނެ ކަމުގެ ޔަގީންކަން ވެސް ޑިފެންސް މިނިސްޓަރު ދެއްވި އެވެ.
މިނިސްޓަރު މިހެން ވިދާޅުވި ނަމަވެސް، ރައީސް މުހަންމަދު ނަޝީދުގެ ވެރިކަމުގައި ކްރިމިނަލް ކޯޓުގެ އިސް ގާޒީ އަބްދުﷲ މުހަންމަދު ހައްޔަރުކުރި މައްސަލާގައި ސިފައިންގެ ތެރެއިން އެކަމުގައި ޝާމިލްވި ވަކިވަކި ސިފައިންނަށް ވަނީ ދައުވާކޮށްފަ އެވެ. އަދި އެ މައްސަލާގައި މިހާރު ވެސް އޭރުގެ މާލޭ އޭރިޔާގެ ކޮމާންޑަރު، ހިތަދު މެދުދާއިރާގެ މެމްބަރު އިބްރާހިމް ދީދީގެ މައްޗަށް އަންނަނީ ޝަރީއަތް ހިންގަމުންނެވެ.
ލީކުވެފައިވާ މި އޯޑިއޯއާ ގުޅޭގޮތުން މިނިސްޓަރުގެ ބަހެއް އަދި ލިބޭ ގޮތެއް ނުވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބްދުއްލާ
06 August 2017
ވަކިވަކި ސިފައިންނަށް ވެސް މިނިސްޓަރަށް ވެސް ދައުވާ ކުރެވިދާނެ. މުވައްސިސާ އަކުން ކުށެއްނުކުރާނެ ، މުވައްސަސާ އަކީ ގާނޫނު ، ކުށްކުރާނީ ކަންކަމާ ހަވާލުވެ ތިއްބަވާ ބޭފުޅުން. އެކަކުވެސް ބެއްލެވިބާ ގާނޫނުއަސާސީގެ 43 ވަނަ މާއްދާ ވިދާލުވިންތޯ އިދާރީގޮތުން އަޅާ ފިޔަވަޅެއްގެ ސަބަބނުންލިބޭގެއްލުން. ގާނޫނު ނަންބަރ 1/68ޖ އޮފިސަލް ކަންތައް ޗެޕްޓަރު 1 ގެ 9 ވަނަ މާއްދާ އަށް ބެއްލެވިންތޯ ، މިމާއްދާ ބުނާގޮތުން ކޮންމެ މުވައްޒަފަކު ވެސް ޒިންމާ ނަންގަވަންޖެހޭނެ. ވީމާ ގާނޫނީ އޮނިގަނޑު މިހެން އޮއްވާ ޑިފެންސް މިނިސްޓަރަށްވެސް ސިފައިންނަށްވެސް ފުލުހުންނަށްވެސް ޒިންމާ ނުނަންގަވާ އުޅުއްވެވިދާނެތޯ؟
ހިޔާލު
03 August 2017
ހެ..ހެ..ހެ... މީ މިނިސްޓަރު ނިންމާކަމެއްބާ؟ މައްސަލަ ބަލާހިސާބަށް ދާއިރު ތިޔަ މިނިސްޓަރެއް ނުހުންނާނެ....
ތިމާ
03 August 2017
މެންބަރުންނަށް ދައުވާކުރާނަމަ 24ވަނަދުވަހު މަޖުލީހުގައި ތަޅުއަލުވައި މަޖުލީސްތެރެއަށްވަން ސިފައިންނާއި ފުލުހުންނާއިމެދުވެސް ޖެހޭނެ ދައުވާކުރަން
ދޮން ބަބުރު ސޮރު
03 August 2017
މިނިސްޓަރު އެ ވިދާޅުވާ ގޮތަށް މިހާރު އެއްވެސް ސިފައެއް ނުވަތަތަ ޕޮލިހަކަށް ދައޮވާ ނުކުރެވޭނެ ނަމަވެސް މާދަމާ ގާނޫނު އެމީހުންނާ ހަމަޔަށް އަންނަ އިރު މިނިސްޓަރ ކަމުގައި ހުންނާނީ އެހެން މިނިސްޓަރެއް ދެން މަނިކުފާނުވެސް.....
ޓޮނޭ
03 August 2017
އެހެންވީމާ އެމީހުންނަށް އަމުރު ކުރިގޮތާ ޚިލާފަށް ކަމެއް ކުރިޔަސް އެއީ ޤާނޫނާ ޚިލާފަށް ގަސްތުގައި ވަކި މީހަކު އަމިއްލަ އަމިއްލައަށް ކުރި ކަމަކަށް ވިޔަސް ދައުވާއެއް ނުކުރެވޭނެތާ. އެހެންވިއްޔާ އެމީހުން ބޭނުންކޮށްގެން ނުކުރެވޭނެ ހަމައެއްވެސް ކަމެއް ނެތްތާ.
ފކ ޕލސ/ ސފޢނ
03 August 2017
އެހެންވީއްޔާމު ވަކިވަކި މެމްބަރުން ވެސް ނުޖެހޭނެ ޒިންމާ ނަގާކަށެވެ. ސިފައިންގެ ޒިންމާއަކީ ސެކުޔުރިޓީ ބެލެހެއްޓުން. އިތުބާރުނެތް ރައީސްގެ ދިފައު ކުރުމަޢްޓަކަޢީ ސީލްޑު ކުރުމެޢްނޫން.
މުހައްމާ
03 August 2017
ހޮސްޕިޓަލެއްގެ ޑަކްޓަރެއް ގަސްތުގައި މީހަކައް ނުބައި ބޭހެއްދީ ނުވަތަ ފަރުވާއެއް ކުރުމުން ކުއްވެރިވާނީ ހޮސްޕިޓާތޯ ނުވަތަ ޑަކްޓަރުތޯ. ކުށްވެރިވީމަ ތަހުގީގުކޮށް ބަލަންޖެހެނީ އެފަރުދެއްނޫންތޯ؟ ތީ ބަލިމީހާ އޮށްނަ ފަށްޖެހި އެދުގެ ފައިގަ ބޭސްހޭކުންފަދަކަމެއް.
ޙަރ!
03 August 2017
ކީއްވެބާ ރ ނަޝީދު ޒިއްމާވަންޖެހި ހުކުމް އައީ
އަހުމަދު
03 August 2017
އެކަންކުރަން އަމުރުކުރީމަ...
ތަމެން
03 August 2017
އާ ދޯ !! މީނާއަށް ވެސް ކުރާނެތާ ތިޔަހެން ވީއްޔާ؟
ދޮން ބަބުރު ސޮރު
03 August 2017
އޭނަ ވެސް ވެރިކަމުގައި ހުރިއިރު ހިތަށް އެރިގޮތަށް، މިކަލޭގެވެސް ހިތަށް އަރަނީ އެކަމަކު ނަސީދަށް ކުރިހުކުމް އަންނަތަން ދެކެން މަޑުން ތިބޭ!!!!!
ހަނު ހުންނަ މީހާ
03 August 2017
މީހަކު ކުރާކުށަކަށް އެ މީހަކު ޒިންމާ ނުއުފުލާ މުއައްސަސާ ޒިންވާންޖެހެނީ ކީއްވެ. ތިބުނާ ގޮތުން ވިއްޔާ އެމް އެމް އާރު ޕީ ގެ މައްސަލާގައި އަދީބާ ޒިޔަތު ބަހައްޓާފަ، އެ ކުންފުނި ޖަލުގެ ތޭރިތަކުގެ ފުރަގަހުގައި އޮންނަން ޖެހޭނީ...............
ޤާނޫނު
03 August 2017
ހަމަ ޔަޤީނުންވެސް އިދިކޮޅުގެ ފަރާތްތަކުގެ މެސެޖް ވަރަށް ރަނގަޅަށް ޑިފެންސް ފޯރސްގެ ފައުޖީންނަށް ފަހުމްވެއްޖެއެވެ. އޭގެ ސަބަބުން މިނިސްޓަރަށް އެޖެހިވަޑައިގަތީ އިދިކޮޅު ފަރާތްތަކުން ދައުވާ ކުރާނެ ކަމަށް ބުނާ ބުނުމުގައި ޤާނޫނީ ހުއްޖަތެއް ނެތްކަން ސާބިތު ކޮށްދޭށެވެ. ނަމަވެސް ފެންނަ ފެނުމުގައި މިނިސްޓަރުއެ ހައްދަވަނީ ިތުރުފުޅެވެ. އޭގެ ހެއްކަކީ އިބްރާހިމް ދީދީ އެވެ. މާލޭ އޭރިއާ ކޮމާންޑަރަކަށް ހުންނަވައިގެން ޤާނޫނާއި ޚިލާފް އަމުރަކަށް ކިޔަމަންވެގެން. ފަތު އަޑުކިޔާފާ ޝަރީއަތް ހިނގަނީއެވެ. ކޮބާތޯ ސިފައިންގެއިން ކަނޑާލީ މޭޖަރު ޒިޔާދު.. އޭނާ އާ ދޭތެރޭ ވެސް ދައުވާ އުފުލީ ފަރުދީގޮތުން.... ފައުޖީންނޭވޭ...ޤާނޫނު ނުދަންނަ ޓީޗަރެއްގެ ބަހައްނުހެއްލޭތި...