ތިނަދޫ އާ އިންޖީނުގެ ހެދުން ލަންކާ ބަޔަކާ ހަވާލުކޮށްފި

ތިނަދޫ އުތުރު ދާއިރާގެ މެމްބަރު ސައުދު (ކ)، އެ ރަށުގެ އާ އިންޖީނުގެ އަޅަން ހަވާލުކުރި ކުންފުނީގެ އެމްޑީއާ ސަލާމްކުރައްވަނީ: އެ މަސައްކަތަކަށް 11 މިލިއަން ރުފިޔާ ހަރަދުކުރާނެ. --މިހާރު ފޮޓޯ:މުހައްމަދު ޝަރުހާން

އާސިމާ ނިޒާރު، މިހާރު

27 ޖޫން 2016 - 15:23

6 comments

ދައުލަތުގެ ބަޖެޓުން 11 މިލިއަން ރުފިޔާ ހަރަދު ކޮށްގެން ގދ. ތިނަދޫގައި އާ އިންޖީނުގެއެއް އަޅަން ލަންކާ ކުންފުންޏަކާ މިއަދު ހަވާލުކޮށްފި އެވެ.

ފެނަކަ ކޯޕަރޭޝަންގެ އޮފީހުގައި ބޭއްވި ރަސްމިއްޔާތުގައި ލަންކާގެ އެޑްވާންސް ސްޓްރީޓް ސްޓްރަަކްޗާސްގެ ޑިރެކްޓަރު ދުޝަން ދަޔަރްތްރޭ އަދި ފެނަކަ ކޯޕަރޭޝަންގެ މެނޭޖިން ޑިރެކްޓަރު މުހައްމަދު ނިމާލް ވަނީ އެއްބަސްވުމުގައި ސޮއިކުރައްވައިފަ އެވެ.

ތިނަދޫގައި އާ އިންޖީނުގެއެއް އަޅަނީ، މިދިޔަ ޖެނުއަރީ 26 ވަނަ ދުވަހުގެ ރޭ އެ ރަށު އިންޖީނުގޭގައި ރޯވެ އެތަން ބޭނުންނުކުރެވޭ ވަރަށް އަނދާފައިވުމުންނެވެ. އެ ހާދިސާގެ ސަބަބުން 22 މިލިއަނަށް ވުރެ ގިނަ ރުފިޔާގެ ގެއްލުމެއް ލިބުނު ކަމަށް ފެނަކަ އިން ބުންޏެވެ.

ނިމާލް ވިދާޅުވީ ރާވައިލެވޭ ގޮތަށް ހަދާ އިންޖީނުގޭގެ މަސައްކަތްތައް ކުރި އަށް އޮތް 10 ދުވަސް ތެރޭގައި ފެށޭނެ ކަމަށެވެ. އަދި އެންމެ ޒަމާނީ ފެންވަރަށް ހަދާ އެ އިންޖީނުގޭގެ މަސައްކަތް ނިމުމުން އެއީ ނަމޫނާ އިމާރާތަކަށް ވާނެ ކަމަށް ވެސް އޭނާ ވިދާޅުވި އެވެ.

އިންޖީނުގެ އެނދުމުން ތިނަދޫ ރައްޔިތުން ހިތްދަތި ދުވަސްތަކެއް ތަހައްމަލު ކުރެއްވި ކަމަށާއި ނަމަވެސް ކުރިއަށް އޮތް ފަސް މަސް ތެރޭގައި އެ ރަށުގެ ރައްޔިތުންނަށް ދާއިމީ ހައްލެއް ލިބިގެންދާނެ ކަން އޭނާ ފާހަގަކުރެއްވި އެވެ.

"އިރާދަ ކުރެއްވިއްޔާ މި އަހަރުގެ ތެރޭގައި އިންޖީނުގެ ހުޅުވިގެން ދާނެ،" ނިމާލް ވިދާޅުވި އެވެ.

ތިނަދޫގައި އާ އިންޖީނުގެއެއް އަޅަން ބަޔަކާ ހަވާލުކުރުމަށް ފަހު ފެނަކަ ކުންފުނީގެ އެމްޑީ ނޫސްވެރިންނާ ވާހަކަ ދައްކަވަނީ. --މިހާރު ފޮޓޯ: މުހައްމަދު ޝަރުހާން

އޭނާ ވިދާޅުވީ ކުރިއަށް އޮތް ހަފުތާގެ ތެރޭގައި ތިނަދު އަށް ގެންނަ ހަތަރު ޖަނަރޭޓަރަށް އޯޑަރުކުރާނެ ކަމަށެވެ. އަދި އާ އިންޖީނުގެ ހަދަން ރާވާފައިވަނީ އެ ރަށުގައި ހިންގާ މަޝްރޫއުތަކަށް ވެސް ބަލައިގެން ކަން ނިމާލް ފާހަގަކުރެއްވި އެވެ.

"ހަތަރު އިންޖީނު ގެންނަނީ ތިނަދޫ ރައްޔިތުންނަށް ދާއިމީ ހައްލެއް ހޯދައިދިނުމަށް. މިހާރު ވެސް އޮތީ ދާއިމީ ކަރަންޓެއް. ނަމަވެސް އެކަށީގެންވާ ރަނގަޅު ފެންވަރެއްގައި ހިދުމަތް ދެވޭނީ ތަން ތަރައްގީވުމުން،" ނިމާލް ވިދާޅުވި އެވެ.

އިންޖީނުގެ އެނދުމުގެ ކުރިން އެތަނުގައި ބޭނުންކުރީ ތިން ޖަނަރޭޓަރެވެ. އެތާނގައި އޭރު ހުރީ 2320 ކިލޯވޮޓްގެ ޖަނަރޭޓަރަކަށް ވިއަސް އެ އިން ނަގާނީ 1675 ކިލޯވޮޓްގެ ކަރަންޓެވެ. ނިމާލް ވިދާޅުވީ އިންޖީނުގެ އެނދުމުގެ ކުރިން އެ ރަށުން ކަރަންޓަށް އޮތް ޑިމާންޑަކީ 1300 ކިލޯވޮޓް ކަމަށެވެ.

އެ ހާދިސާ އަށް ފަހު ތިނަދު އަށް ކަރަންޓު ދެމުން އަންނަނީ، އެމްޑަބްލިއުއެސްސީ އާއި ސްޓެލްކޯގެ އެހީގައި ގެންދިޔަ ތިން ޖަނަރޭޓަރުންނެވެ. އެއީ ޖުމްލަ 3120 ކިލޯވޮޓްގެ ޖަނަރޭޓަރެވެ. ނަމަވެސް މިހާރު ތިނަދޫގައި ކަރަންޓް ބޭނުންކުރާ މިންވަރު ކުރިއަށް ވުރެ އިތުރު ވެފައިވާކަން ނިމާލް ފާހަގަކުރެއްވި އެވެ.

ތިނަދޫ އިންޖީނުގޭގައި ރޯކޮށްލި ކަމުގެ ތުހުމަތުގައި އެ ތަނުގެ ތިން މުވައްޒަފަކު މިދިޔަ ފެބްރުއަރީ މަހުގައި ހައްޔަރުކުރި އެވެ. ނަމަވެސް ކުޑަ ދުވަސްކޮޅެއްގެ ތެރޭގައި ވަނީ ދޫކޮށްލައިފަ އެވެ.

ގދ. ތިނަދޫ އިންޖީނުގެ މުހައްމަދު ނިމާލް ފެނަކަ ކޯޕަރޭޝަން ސްރީ ލަންކާ ކަރަންޓު

6 ކޮމެންޓް, 15 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޅޮޛޭޙީ

28 June 2016

ތީ މާ ކުރިން ވެސް ނިމިފަ އޮތް ކަމެއް. ތި ޕްރޮޖެކްތް އިއުލާން ކުރުމުގެ ކުރިން ނިމާލް ވަނީ ލަންކާ އަށް ގޮސް ތި ކުންފުނީގެ ވެރިޔާ އާއި ބައްދަލު ކޮށް ތި ޕްތޮޖެތް ދޭން އެއްބަސްވެފަ. އަދި ކަމިސަނުގެ ގޮތުގައި 25 ޕާސަންޓް ދޭން އެއްބަސްވި. އަދި މިހާރު ފެނަކަ އިން އިއުލާން ކޮއްފައިވާ 40 އިންޖީހުގެ ވެސް ދޭ ގޮތަށް އޮތީ ހަމަ ތި ކުންފުންޏަށް. ތީ ރޭވިގެސް ހިންގާ ބޮޑު ޖަރީމާ އެއް. އޭސީސީ އޮންނާނީ ނިދާފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝާން

27 June 2016

ވަރަށްދެރަ، 30 ޖޫންގައި އަހަރެން ބީޕީޓީ ދައްކަންޖެހޭ، ވިޔަފާރި ކުރިއަރުވަން އޮތް ފައިދާކޮޅުން ސަރުކާރަށް ބީޕީޓީ ދައްކަންޖެހޭ، އަހަރެންގެ ވިޔަފާރިއަކަށް ސަރުކާރުން އެއްވެސް ކަމެއްކޮށްނުދޭ، އަދި ނުވީތާގައި އަހަރެން ސަރުކާރަށް ދައްކާ ފައިސާއާއި، އެހެންމީހުން ދައްކާ ފައިސާ އެއްކޮށްލާފައި ބޮނޑިއަކަށް ހަދާފައި މިދެނީ އަވައްޓެރި ގައުމެއްގެ މީހަކަށް، ދެން އޭނާގެ އަތުން ބީޕީޓީ ސަރުކާރަށް ލިބޭނެތޯ؟ ކުރިއަރާނީ އޭނާ އަދި އެކުންފުނި، ދެން އަހަރެން މިޤައުމުގެ ވިޔަފާރިކުރުމުގެ ބޭނުމެއް އެބައޮތްތަށް؟ ދުވަހަކުވެސް އަޑުއެހިންތަ ލަންކާގެ ސަރުކާރުން ރާއްޖޭގެ ކުންފުންޏަކަށް މިފަދަ ކޮންޓްރެކްޓެއް ދިން ހަބަރު؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޭބެ

27 June 2016

ބިއުޓިފުލް ސަރުކާރުން ނުކުރާނެ ގޯސްކަމެއް. ޙަޖަމް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސެންބެއްޔާ

27 June 2016

މި ނޫނީ ގައުމުގެ ހުރިހާ ޕްރޮޖެކްޓުތައް ބޭރު މީހުންނަށް ދޭ ގައުމެއް ނޯވޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑަލް

27 June 2016

ތިނަދޫ އާއިންޖީނުގެ ހެދުން ލަންކާ ބަޔަކާއި ހަވާލުކުރީ އެއީ އެއްވެެސް ވަރަަކަށް ދުވަހަކު ވެސް ރާއްޖެ އަށް ޓެކްސް ދެއްކި ކުންފުންނެއް ނޫނެވެ. މީ ސްޓީލް ސްޓްރަކްޗަރ އިން އިމާރާތް ކުރުމުން ކުރު މުއްދަތެއްގެ ތެރޭގައި އިމާރާތް ނިމޭނެ އޭ ކިޔާ ޕްރޮޕެގެންޑާ ފަތުރައިގެން ފެނަކައިން ކަޓް ކާން ވެގެން ކުރާ ކަމެކެވެ. އިންޖީީނުގެ އިމާރާތް ކުރެވޭނެ ރާއްޖޭގެ އެތައް ސިވިލް ކޮންޓްރެކްޓަރުން ތިއްބާ ސްޓީލް ސްޓްރަކްޗަރ އަށް ދިޔުމުން އެއިމާރާތް ކުރާ ކޮންޓްރެކްޓް ލަންކާ ބަޔަކަށް ދީގެން ކަޓް ކެވޭނެ ނޫންތޯއެވެ. އަޅުގަނޑުމެން ލޮނު ލައިގެން ބަތެއް ނުކާނަން ތިއިމާރާތް މިއަހަރުގެ ނިޔަލަށް ނިމިއްޖެނަމަ. ފުރަތަމަ ޑެލިވަރީ ޕީރިއަޑް އެއީ 6 މަސް ދުވަސް. އިމާރާތް ރާވަން އަނެއް 6 މަސް ދުވަސް ދާނެއެވެ. ދެން އަނެއްކޮޅުން ތިފަދަ އިމާރާތް ތަކަކީ އެއީ ވަރަށް މެއިންޓަނަންސް ބޮޑު އިމާރާތް ތަކެވެ. މާލެ ވިލިގިލި އެހެރީ ތީގެ ސާމްޕަލް ނޫންތޯއެވެ. އަޑުމަޑެއްވެސް ނޫން އެތަނުގައި ވެސް. ދެން ތިތަނުގައި ވެސް އަޑު މަޑެއްވެސް ނުވާނެއެވެ. ތި މަސައްކަތް ލަންކާ ބަޔަކަށް ތިދިނީ އެއީ ފެނަކައިގެ ކްރުއަލް މައިންޑްގެ ރޭވުމަކުންނެވެ. ތިމަސައްކަތަކީ ހަގީގަތުގައި ޓެކްސް ޕޭޔަރުން ކަމުގައިވާ ރާއްޖޭގެ ސިވިލް ކޮންޓްރެކްޓަރުންނަށް ލިބެން ޖެހޭނެ މަސައްކަތެކެވެ. އަގު ދަށޭ ބުނެވިދާނެ ފެނަކައިގެ ބޮޑުންނާއި ލަންކާ ކުންފުނީގެ ބޮޑުންނާއި އެކު ރަނގަޅަށް މޭޒު ދަށުން ދަމާ ކުޅެން ފެށީމާ. މީ ނޫންތޯ ސަރުކާރުގެ ކުންފުނި ތަކުގެ ބިޑިންގް ސިސްޓަމް ގައި ގެންގުޅޭ ތިއަރީ އަކީ.