ސްރީ ލަންކާގެ ކޮލަމްބޯ: އެކްސިޑެންޓެއްގައި ދެމަފިރިންގެ ތަންތަން ވަނީ ބިނދިފައި
15 އޯގަސްޓް 2017 - 14:18
17 comments
ސްރީ ލަންކާގައި ހިނގި އެކްސިޑެންޓެއްގައި ދިވެހި ފުލުހަކަށް ސީރިއަސް ޒަހަމްތަކެއްވެ އައިސީޔޫގައި ފަރުވާދޭން ފަށައިފި އެވެ.
މިދިޔަ ހޮނިހިރު ދުވަހުގެ ރޭ 10:30 ހާއިރު ހިނގި އެކްސިޑެންޓްގައި ޒަހަމްވި ފުލުސް މީހާއަށް ފަރުވާ ދެމުން އަންނަނީ ލަންކާ ހޮސްޕިޓަލްގަ އެވެ.
އޭނާ އާއިލާއިން ވާހަކަދެއްކި މީހަކު ބުނީ އެކްސިޑެންޓްގައި ފުލުސް މީހާގެ އިތުރުން އޭނާގެ އަންހެނުންގެ ފައި ބިނދުނު ކަމަށެވެ.
އާއިލާ އިން ބުނި ގޮތުގައި އެކްސިޑެންޓް ވީ ދެމަފިރިން ބޭރަށް ގޮސް އޮޓޯއެއްގައި ގެއަށް ދިޔަ މަގުމަތީގައި ބާރު ސްޕީޑްގައި ދުއްވި ކާރަކުން ޖެހިގެންނެވެ.
"އެ ކާރުން ޖެހި އޮޓޯއިން އެ މީހުން ވިއްސައިގެން ގޮސްޖެހި ފިރިހެން މީހާގެ ފައިގެ ދެ ތަނަކުން ބިނދި މޫނުމަތި ވަރަށް ބޮޑަށް ވަނީ ހަލާކުވެފައި. އޭނާގެ އަންހެނުންގެ ފައި ބިނދުން ފިޔަވައި އިތުރު ސީރިއަސް ގެއްލުމެއް ނުލިބޭ،" އާއިލާގެ މެމްބަރު ބުންޏެވެ.
އޭނާ ބުނީ ޒަހަމްވި ފިރިހެން މީހާގެ އޮޕަރޭޝަނެއް ކުރަން އިއްޔެ ޑޮކްޓަރުން މަސައްކަތްކުރި ކަމަށެވެ. ނަމަވެސް އޮކްސިޖަން ލެވެލް ދަށްކަމުން ހޭނައްތަން ޑޮކްޓަރުން ބޭނުންނުވީ ކަމަށް ބުންޏެވެ.
"މޫނުމަތީގެ ޒަހަމްތަކަށާއި ބިނދިފައި ހުރި ދެ ތަނަށް ފަރުވާ ދެވެން އޮތީ އޮޕަރޭޝަން ކޮށްގެން. ނަމަވެސް މިހާރު އޭނާގެ ހާލަތު ހުރި ގޮތުން އަދި އެކަމެއް ނުކުރެވޭ،" އެމީހާ ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަސްނާ
16 August 2017
ވަރަށް ދެރަ ޚަބަރެއް! މާތްﷲ އިރާދަފުޅުން އެ 2 މީހުންނަށް އަވަސް ފުރިހަމަ ޝިފާއަކަށް އެދި ދުޢާ ކުރަން.
ާަައަލީ
15 August 2017
އަވަސް ޝިފާއަކަށް އެދެން.
ރަދީފް
15 August 2017
އަވަސް ޝިފާއަކަށް އެދެން.
ޢަލީ
15 August 2017
މިކޮމެންޓްތަކާ ލައިކްތައް ބަލާލީމަ އެނގޭ ދިވެހިންމިހާރު ފުލުހުންދެކެ ވ ފޫހިވާކަން މިކަން މިހެންވީ ސަބަބެއްވެސް ނެތިއެއްނޫން. އަވަސް ސިފާއަށް އެދެން.
ރާއްޖެ
15 August 2017
އެހެންވީ ސަބަބަކީ ރޫހާނީ ލީޑަރ ބުނާ ކޮންމެ އެއްޗެއް ތެދެއް ކަމަށް ބަލައިގެން އަމިއްލަ ސިކުނޑިން ނުވިސްނާ އިންސާނުން މިތާ އުޅޭތީ...
ކަށްޑޮއި
17 August 2017
ޑިމޮކުރަސީ އައުމުން ދިވެހީންގެ ގާތްތިމާގެ ކަމާއި އެކުވެރިކަމުގެ ސިފަތަސް ގެއްލި ދޭދޭމީހުނީ ދުޝްމަނުން ކަމުގައި ވެއްޖެ. ދެނަކު އެއުފާވެރި ސުލްހަވެރި އެކުވެރިކަމުގެ ދިވެހިރާއްޖެއެއް އެބުރި ނައަންނާނެ. އެދުވަސް މާޒީވެދިޔައީ.
ބޭބެ
15 August 2017
އަވަސް ޝިފާ އަކަށް އެދެން ... ހުރިހާ ފުލުހުންނެއް ގޯހެއް ނޫން.
ޢަލީ
15 August 2017
އަވަސް ޝިފާއެއް ދެއްވާށި. އާމީން
567
15 August 2017
އަޅޭ .. ހަތަރު ޕަސެންޓު "މީހުން" މިޚަބަރު ކިޔާފަ އުފާވެއްޖެޔޯ !!! ސިކޯޒް
އަތްފުނާ
15 August 2017
ތިއީވަރަށްވެސް ދެރަކޮށް ދިމާވީކަމެއް.މާތް ﷲ ގެ ރަހުމަތްފުޅުން ޔަގީން ކުރަން ތިޔަދެމަފިރިން ހެޔޮހާލުގައި އަހަރެމެންގެ މިފަސްގަނޑަ އަންނާނެކަމަށް.
ހައިވާނު ބަގީޗާ
15 August 2017
އެކާރުދުއްވި މީހާގެ މައްޗައް ވާޖިބައް ހުރަސްއެޅިކަމުގެ ދައުވާ އާއި އަބުރުގެ ދައުވާ އަދި ޓެރަރިޒަމްގެ ދައުވާ ކުރަންވީ...
ގަމާރު ހައިވާނު
15 August 2017
ކަލޭމެން ތީ ހާދަ ނުބައި ނުލަފާ ބަޔެކޭ. އިންސާނަކު އަދި ދިވެއްސަކު ރާއްޖެއިން ބޭރުގައި އުޅެނިކޮށް އެހާލުގައި އޮއްވާވެސް ތިބަލަނީ އެމީހާއަށް ނުރުހުމުގެ ބަސް ރައްދު ކުރެވޭތޯ. ހަޖޫޖަހައި ޖޯކު ޖެހޭތޯ. ބަލަ އޭނާ ފުލުހަކަށްވީ އިންސާނަކަށް އަދި ދިވެއްސަކަށް ވުމަށްފަހުގައޭ މިހިރަ ގަމާރާ.
ސދފަފ
17 August 2017
ދިވެއްސަކު ދިވެހި ގައުމުގަ މަރާލީމަ އޯކޭ؟
ސިއާ
15 August 2017
ޔާ ﷲ އަވަސް ޝިފާއެއް ދެއްވާފާނދޭވެ! އާމީން
ކަލޯ
17 August 2017
މީހެއްގެ ބަލިން ފަސޭހަ ކުރުމަށްއެދި ދުޢާކޮށްފައިވާއިރު، އެދުޢާއަށް "ޑިސްލައިކް" ދިން ފަރާތްތަކަށް، މާދަމާ ހަމަ އެފަދަ ހާދިސާއެއް ދިމާވެއްޖެނަމަ ކިހިނެތްބާ ހަދާނީ.