ޕޮލިސް ކޮމިޝަނަރު، އަނަސްގެ ބައްޕައާ މިއަދު ބައްދަލު ކުރައްވަނީ. - ފޮޓޯ: ޕޮލިސް
16 އޯގަސްޓް 2017 - 15:03
9 comments
ލިޓަސް ސާވިސް ސެންޓަރު ތެރޭގައި ވަޅި ހަރައި މަރާލި މުހައްމަދު އަނަސްގެ މަރުގެ ތަހުގީގާ ބެހޭ މައުލޫމާތުތައް ފުލުހުން އޭނާގެ އާއިލާއާ މިއަދު ހިއްސާކޮށްފި އެވެ. ޕޮލިސް ކޮމިޝަނަރު އަހުމަދު އަރީފު މިއަދު ވަނީ އަނަސްގެ ބައްޕަ އަބްދުއްރާފިއުއާ ބައްދަލު ކުރައްވައިފަ އެވެ.
ފުލުހުން ބުނި ގޮތުގައި ޝަހީދު ހުސެއިން އާދަމް ބިލްޑިންގައި ބޭއްވި ބައްދަލުކުރެއްވުމުގައި އަނަސްގެ މަރާ ގުޅިގެން ކުރަމުންދާ ތަހުގީގުތަކާ ގުޅޭ މައުލޫމާތުތައް އޭނާގެ ބައްޕަ އަށް ވަނީ ދީފަ އެވެ.
އަނަސް.
ނަމަވެސް އެކަމާ ގުޅޭ އިތުރު ތަފްސީލެއް ފުލުހުން ނުދެ އެވެ.
އަނިޔާވެރި ގޮތަކަށް މަރާލި އަނަސްގެ ގާތިލުން އެންމެންގެ ލޯތަކަށް ހާމަވާން ބޭނުންވާ ކަމަށް އޭނާގެ ބައްޕަ މީގެ ކުރިން ވަނީ ބުނެފަ އެވެ. އަބްދުއްރާފިއު ބުނި ގޮތުގައި އެދެނީ ވީހާ ވެސް އަވަހަކަށް ދަރިފުޅުގެ މަރަށް އިންސާފު ލިބުމެވެ. އަދި ފުލުހުން ހިންގާ ތަހުގީގަށް އެއްބާރުލުން ބޭނުންވެއްޖެނަމަ، އެހީތެރިކަން ދޭން ތައްޔާރަށް ތިބި ކަމަށާއި ފުލުހުންގެ ގާބިލިއްޔަތާ މެދު ފުރިހަމަ އިތުބާރެއް އޮތް ކަމަށެވެ.
ރ. އަތޮޅުގައި ދުއްވާ ލޯންޗެއްގެ ކެޕްޓަނަކަށް އުޅޭ އަނަސް، 25، އަށް ވަޅިން ހަމަލަދީ މަރާލީ މިދިޔަ މަހުގެ 31 ގަ އެވެ. އޭނާގެ ހަށިގަނޑުގެ 37 ތަނަކަށް ވަޅިން ހަމަލާދީފައިވެ އެވެ.
އަނަސްގެ ގާތިލުން ހައްޔަރުކޮށްފައިވާ ކަމަށް ފުލުހުން ވަނީ ބުނެފަ އެވެ. އެ މީހުންގެ ބަންދަށް ކްރިމިނަލް ކޯޓުން 8-10 ދުވަހުގެ މުއްދަތެއް ދީފައިވާއިރު، އެއީ ކިތައް މީހުންނެއް ކަމެއް ފުލުހުން އަދި ނުބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވިޒިޓަރ
17 August 2017
ހަމަ ތިގޮތަށް ކީއްވެބާ ރިޟުވާނުގެ އާއިލާ އާއި ބައްދަލުނުކުރެވެންވީ؟؟؟
މެންޓަލިސްޓް
16 August 2017
ބަަލަތިޔަކަމަށްވެސް ރައީސްޔާމިންއެއޮތީ ޖަވާބުދެއްވާފައިނޫންތޯ ؟؟ އެއްކަހަލަ ޓީޝާޓްއެއްލައިގެން ހުރީމައި މަރާލީކަމަށް ،،، ދެންއިތުރު ތަފްސީލްއެއް ބޭނުންވާނެތޯ ؟؟ ފުލުހުންނާއި ސިފައިންގެ ވެރިމީހާ އެބަުނަނީ އެކަންހިނގިގޮތް ،، ދެން ދަންނަވާލަންއޮތީ ރިލްވާންއަށް ވީގޮތެއް އަދިވެސް ތިޔަފުލުހުންނަކަށް ނުހޯދޭނޫންތޯ ؟ އޭނާގެ އާއިލާ އެކަމުގައި ކަރުނައަޅާތާ މިހާރު 3 އަހަރުވެގެންދިއައީއޭ ؟؟ 3000 ފުލުހުންލައިގެން ޔުނީފޯމްއަޅުވައިގެން ފޮރެންސިކްއާޢި ފޯންއަޑުއަހާ ސިސްޓަމް ބަހައްޓައިގެން ސީސީޓީވީ އާޢި އިންޓެލިޖެންސުންކުރަނީ ކޮންކަމެށްތޯ ؟؟ ފުޓްބޯޅަލީގްތަށް ބަލާފައި ކޮފީބޯން ރައްޔަތުން ކުރާ ޙަރަދެއްތޯ ؟؟ އަޅެނިކަން ފުލުހުން ފުންކޮށްވިސްނާލަބަލަ ،،، ވަރަށްވެދުން
ރައްޒާޤް
16 August 2017
ތީހަމަ އިންސާފުގެ ނަމުގައި ހިންގާ ހަރަކާތްތައް ހުޓުވުމަށް ކުރިކަމެއް! ވަރަށް ވާހަކަ!
އަތްފުނާ
16 August 2017
ތިއި ފުރަތަމަ ފަހަރު ދޯ.ކީއްވެ މީގެ ދުވަސްކޮޅެއްކުރިން މަރާލި ކުދިންގެ ޢާއިލާ ތަކަށް ތިފަދައިން ބައްދަލު ނުކުރެވުނީ.
ނާދިރާ ސކ
16 August 2017
އަނަސްގެ ޢާއިލާއާ ކޮންމެ ފެންވަރެއްގެ މަތީ ބޭފުޅަކު ބައްދަލުކުރެއްވިޔަސް، ތިފަދަ މަރުތަކުގެ އަޞްލު ޙަޤީޤަތް، އެ ޢާއިލާތަކުގެ ބޭފުޅުންނާ ޙިއްޞާ ކުރައްވާނޭ ކަމުގެ ޔަޤީންކަމެއްނެތް. އޮޅުވާލުމާއި މަކަރާއި ޙީލަތް މުޅި ރާއްޖޭގައި ވަނީ އިންތިހާއަށް ގޮއްސަ. ދެން ކިހިނެތް މިކަހަލަ ވާހަކަ ފޮޓޯ އާއެކު ނޫސްތަކުގާ ޖެހިޔަސް ޤަބޫލުކުރާނީ!
ޢޮރިޖިނަލް
16 August 2017
ތިޔަ ހިއްސާ ކުރެއްވީވެސް ލައްކަ ބޮޑުވަރެއް.
ާަފިތޫރު
16 August 2017
އަނަސްގެ ކުރިން މަރާލާފަވާ ނަދީމް ގެ މަރުގެ މައްސަލައިގެ ތަހްޤީގު ގޮސްފަވާ ހިސާބު އާއިލާ އާއި ހިއްސާ ކުރާނީ ކޮންއިރަކުންތޯ؟ ކީއްވެތޯ މި ދެމަރުގެ ކަންތައްތަކުގައި ބޮޑެތި ތަފާތުކުރުންތައް ގެންގުޅެނީ؟؟؟
ޢަަހުމަދު
16 August 2017
ޢަނަސް އަކީ މާލޭގައި މާރާމާރީ ހިންގަމުންދުވީ މީހެއް ނޫން. ކުށުގެ ރެކޯޑް އޮތްމީހެއްނޫން. ޢެވެެސް ތަފާތެއް. ޢެހެން ކޮންމެމީހަކުވެސް މީހަކަށް ގޮތެއްހަދާފަ މިއިންނަނީ ފުއްޕާފަ.
އިގްބާލް
16 August 2017
ބަލަގަ، ތިޔަ މަޢުލޫމާތު އަޅުގަނޑުމެންނަށް އޮތީއެނގފައެވެ. އަނަސްގެ ކުށަކީ ނުބައި ކުލައެއްގެ ޓީޝާޓެއް އެގަޑީގައި ލައިގެން ހުރެވުނީއެެވެ.