އަމީތާއި ސައުދު މިނިވަންވުމާ އެކު، ފުލުހުންގެ ކަސްޓޯޑިއަލް ސެކްޝަންގެ ބޭރުގައި، ޖުމްހޫރީ ޕާޓީގެ ސެކްރެޓަރީ ޖެނެރަލް ސަމީރާ އެކު ފޮޓޯއެއް މިއަދު ނަންގަވަނީ.---މިހާރު ފޮޓޯ: ހުސެއިން ވަހީދު
20 އޯގަސްޓް 2017 - 16:26
16 comments
މިދިޔަ މަހު ހައްޔަރުކޮށްފައިވާ މަޑުއްވަރީ ދާއިރާގެ މެމްބަރު މުހައްމަދު އަމީތާއި ވިލިނގިލީ ދާއިރާގެ މެމްބަރު ސައުދު ހުސެއިން ވެސް ޝަރުތުތަކާ އެކު ކްރިމިނަލް ކޯޓުން ދެންމެ ދޫކޮށްލައިފި އެވެ.
އަމީތާއި ސައުދު ދޫކޮށްލީ، ރައްޔިތުންގެ މަޖިލިހުގެ ގޮނޑި ގެއްލިފައިވާ ކަމަށް އިލެކްޝަންސް ކޮމިޝަނުން ކަނޑައަޅާފައި ވަނިކޮށް، މިދިޔަ މަހުގެ 24 ގައި މަޖިލިހުގެ އިދާރާ އަށް ވަން މައްސަލާގައި ހައްޔަރުކޮށްފައިވާތީ، ހަތަރުވަނަ ފަހަރަށް ބަންދުގެ މުއްދަތު ޖެހުމަށް ކޯޓަށް ހާޒިރުކުރުމުންނެވެ.
އަމީތާއި ސައުދަށް ވެސް ކްރިމިނަލް ކޯޓުން ޝަރުތުކޮށްފައި ވަނީ ރޭގަނޑު 9 އިން އަނެއް ދުވަހުގެ ހެނދުނު 6 އާ ދެމެދު ގެއިން ބޭރަށް ނުކުމެވަޑައިނުގަތުމަށާއި ހެކިވެރިއަކާ ބައްދަލު ނުކުރުމަށް އަދި ކޯޓަށް ހާޒިރުވުމަށް ޝަރުތު ކުރުމަށް ފަހު އެވެ.
ސައުދު މިއަދު މިނިވަންވުމާ އެކު، ފުލުހުންގެ ކަސްޓޯޑިއަލް ސެކްޝަންގެ ބޭރުގައި އިދިކޮޅު ފަރާތްތަކާ އެކު.---މިހާރު ފޮޓޯ: ހުސެއިން ވަހީދު
މިދިޔަ މަހުގެ 27 ވަނަ ދުވަހުގެ ރޭ އަމީތާއި ސައުދު ހައްޔަރު ކުރުމަށް ފަހު، ކޯޓުން މިއަދު މިނިވަންކުރިއިރު، އެ ދެބޭފުޅުންގެ މައްޗަށް ކްރިމިނަލް ކޯޓުގައި ވަނީ ދައުވާ އުފުލައިފަ އެވެ. އަމީތާއި ސައުދުގެ މައްޗަށް އުފުލާފައި ވަނީ ހުއްދަ ނޫން ތަނަކަށް ވަނުމުގެ ދައުވާ އާއި ގާނޫނު ތަންފީޒު ކުރާ މުވައްޒަފެއްގެ ވާޖިބަށް ހުރަސްއެޅުމުގެ ދައުވާ އެވެ.
އަމީތާއި ސައުދު މިއަދު މިނިވަންވުމާ އެކު، ފުލުހުންގެ ކަސްޓޯޑިއަލް ސެކްޝަންގެ ބޭރުގައި، އިދިކޮޅު ފަރާތްތަކާ އެކު ފޮޓޯއެއް ނަންގަވަނީ.---މިހާރު ފޮޓޯ: ހުސެއިން ވަހީދު
އަމީތާއި ސައުދުގެ އިތުރުން އެ މައްސަލާގައި ހައްޔަރުކޮށް މިދިޔަ ބުރާސްފަތި ދުވަހު ދޫކޮށްލި، ތުލުސްދޫ ދާއިރާގެ މެމްބަރު މުހައްމަދު ވަހީދު އިބްރާހީމް (ލޯޔަރު ވައްޑެ) އަށް ވެސް އެ ދައުވާ ވަނީ އުފުލައިފަ އެވެ.
ކްރިމިނަލް ކޯޓުން ވައްޑެ ދޫކޮށްލީ އޭނާގެ ފޯނު ނަމްބަރު ދިނުމަށާއި ގާނޫނާ ޚިލާފު ކަމެއް ނުކުރުމަށް ޝަރުތުކޮށެވެ.
މަޖިލިހުގެ އިދާރާ އަށް ގަދަކަމުން ވަން މައްސަލައިގެ އިތުރުން ސައުދަށް ވަނީ ޓެރަރިޒަމްގެ ދައުވާ ވެސް އުފުލައިފަ އެވެ. އެއީ ހައި ކޯޓުގެ ފަނޑިޔާރު ޝުޖާއު އުސްމާން އަވަހާރަކޮށްލަން އުޅުނު ކަމަށް ބުނެ ސައުދުގެ މައްޗަށް އުފުލާފައިވާ ދައުވާއެކެވެ.
އަމީތާއި ސައުދު މިއަދު މިނިވަންވުމުން، ފުލުހުންގެ ކަސްޓޯޑިއަލް ސެކްޝަންގެ ބޭރުގައި ސްޓެޕިން އައްޔަ އެ ދެ ބޭފުޅުންނާއެކު ސެލްފީއެއް ނަގަނީ.---މިހާރު ފޮޓޯ: ހުސެއިން ވަހީދު
ޓެރަރިޒަމްގެ އެ ދައުވާ ސާބިތުވެެއްޖެ ނަމަ 17 އަހަރާއި 20 އަހަރާ ދެމެދުގެ ޖަލު ހުކުމެއް ސައުދަށް އަންނާނެ އެވެ. އޭނާގެ އިތުރުން އެޑިއުކޭޝަން މިނިސްޓްރީގެ ކުރީގެ ކޯޑިނޭޓަރު އިބްރާހިމް ހަނީފްގެ މައްޗަށް ވެސް އެ މައްސަލާގައި ޓެރަރިޒަމްގެ ދައުވާ ވަނީ ކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
21 August 2017
ބަލަގަ މި %100 މުސްލިމް ގައުމުގަ މި ބޮޑު ދެފިރިހެނުން ފަތިސް ނަމާދަށް ދިއުމުން މަހުރޫމް ވާގޮތަށް ހުކުމް ކުރިއިރު މި ގައުމުގެ ވަލިއްޔުލް އަމުރާއި ސްޕްރީމްކޯޓް ކޮބައިތޯ؟
ިސަން
21 August 2017
ބަލަމެންބަރުންނޭ ބުނަންތަ ވާހަކައެތް...ކަލޯމެންތީ ހަމަ ފައްކާ ދެފުއްކެހެރިންތަކެއް..
ފޮނިކަލޯ
20 August 2017
މިމީސް މީހުންގެ ގައި ތިމާގެ މީހުންނާއި ވާހަކަ ދެއްކުން ވެސް މަނާކުރީތޯ ތީ ހެއްދެވި ވަރައްބޮޑު ގޯހެއް ސަބަބަކީ މިހާރު ބާރުލިބެގެން ވާއިރު އާރާއި ބާރު ނެތި ދާނެ ދުވަސް މަތިން ހަނދާން ނުކުރީތީ...
އަތްފުނާ
20 August 2017
ތި ދެމީހުންނަށް ކުރި ށަރުތު މިހާރު ހަނދާނެއް ނެތް.ތިކަހަލަ މީހުން އެއްބަަޔަކަށްވެސް ހެވެއް ނޭދެން
މެންޓަލިސްޓް
20 August 2017
ހިތުން ވަރަށްބޮޑު މަޅިއެއްޖަހާފައި ދޫކޮއްފައި އެެހެރީ ،،، އެއީ މިހާރު ޕީޖީންއެއޮތީ އަނެއްކާ 13 މީހުންގެ މައްޗައްދައުވާކުރަން ނިންމާފައި ،،،، އާޙިރުގައި ކަންނިމިގެންދާއިރު ތިޔާގެން އެކެއްގެ ގޮނޑިއެއްވެސް ނުގެއްލޭނެ ،،،، ގެއްލޭނީ ޙުދު ރައީސްޔާމިންގެ ގޮނޑި ،،، އެއީ އަޑިއަށް ފީނާބެލީމައި ވަރަށްސާފްކޮށް ފެންނާންއޮތް މަންޒަރެއް ،، މިހާރު ރައީސްގެ ކައިރީގައި ތިބިމީހުންވެސް އެތިބެނީ ދަނޑިވަޅަކަށްބަލާލަބަލާލަ ،،، ހަމަކިރިޔާވެސް ނޭވާއެއްލެވޭ ވަގުތެއްދިމާވާއިރަށް ޖެހިފައި އޮތް ދަލުން ނިކުމެގެން ފެންމައްޗަށްއަރައި ސަލާމަތްވާނެ ،،، އެމީހުންގެ ހިތުގައިއަނދަމުން ދާ އަލިފާންގަނޑުރޯވާނެ ،،، މީހަގީގަތަކީ ،،، ވަރަށްވެދުން
ޏަމްޏަމް1
20 August 2017
ފަތިސް ނަމާދަށް މިސްކިތަށް ދިޔުން މަނާކުރުމަކީ އިސލާމީ ޤައުމެއްގައި ދަށުދަރަޖައިގެ ކަމެއް.
ހަސަނު
20 August 2017
ހުކުމް ކުރެވުނީ 9 އިން 6 އަށް ގޭ ބަންދަށް. ދެން ޖެހޭނީ އެގަޑީގަ ގޭގަ ހުންނަން.
އަލީ
20 August 2017
އަނެއްކާ އަނެއް ކަންތައް. ރޭގަނޑު 9 އިން ހެނދުނު 6 އަށް ގޭގައި ހުންނަން އަންގަންޖެހޭ އެއްވެސް ގާނޫނީ އަދި ޝަރުއީ ހަމައެއް ނެތް. ޝަރުތު ކަޑައަޅަން ޖެހޭނީ އެމީހާ ޝަރީއަތަށް ހާޒިރު ކުރުމަށް ފަހިވާގޮތަށް އަދި ފިލާފާނެ ނަމަ އެކަން ހުއްޓުވުމާއި، ހެއްކަށް ނުފޫޒު ފޯރުވުން ފަދަ ކަންކަމަށް ހުރަސްއެޅުމަށް. ވަކި ގަޑިއެއްގައި ގޭގައި ހުންނަން، ވަކި ބާވަތެއްގެ ކާނާ ނުކާން، ހަވީރު ބޭރަށް ދަންޏާ 110ސީސީ ގެ ސައިކަލެއްގައި ނޫނީ ބޭރުގައި ނޫޅެން، މެންދުރަށް ކުކުޅު ނޫނީ ނުކާން.. މިހެން ގޮސް މީހަކު ހިތު ހުރި ގޮތަކަށް ޝަރުތު ކުރަންޏާ ކުރެވޭނެ ކިތަންމެ ކަމެއް އެބަހުރި.
ޢަހުމަދު
20 August 2017
ނަސީބެއް އަނބިމީހާ ކައިރީ ނިދުން މަނާނުކުރިކަން.
ާދިވެހި ދަރިއެއް
20 August 2017
ބަލަމާހިނގާ ދެން ކުޅޭކުޅިވަރު ބަލިވެގެން ޖަލުގަ ނޯވިގެން އަބަދު ޑޮކްޓަރަށް ނުދެއްކިގެން އުޅުނު މީހުންގެ ބަލިތަކަށްވާގޮތް ހީވާގޮތުން ހުރިހާބައްޔެއް ފަސޭހަވީ ދެންހީވާނީ އާ ކުކުޅަަކަށް ގާބިހެއް އެޅިގެން އުޅޭހެން ބަލަން ތިބެމާ
ރޯސް ސިރަޕް
20 August 2017
ކަލޭ ސިކުނޑިއަށް ތިހަރީ ކިހިނެއް ވެފަ؟ މިނިވަނެއް ގޮތުގަ ހުންނަ މީހާ ބަލިވީމާ މީޑިޔާއަށް އަރާތަ؟ އަމިއްލަ އާއިލާޔާ އެކުވެރިންނާ އެކު އުޅެން އާދަވެފަ ހުރި މީހަކު ބަންދު ކުރީމާ ބަލިވުމަކީ ވެސް އަޖައިބެއް ނޫނެއްނު؟