މަޖިލީހުގެ ރައީސް ކޮޓަރިކޮޅު ކުރިމަތީގައި އެސްޕީޖީ ސިފައިން މަޑުކޮށްލައިގެން.
24 އޯގަސްޓް 2017 - 11:43
15 comments
އިއްޔެ ބޭއްވި ރައްޔިތުންގެ މަޖިލީހުގެ ގަވާއިދު ކޮމެޓީގެ ބައްދަލުވުމަށް، އިދިކޮޅު ތިން މެމްބަރަކު ވަޑައިގަންނަވަން އުޅުއްވުމުން އެ ބޭފުޅުންނަށް ސިފައިން ހުރަސްއެޅި މައްސަލައެއް މަޖިލީހުގެ އިދާރާ އަށް ހުށަހަޅައިފި އެވެ.
ސަރުކާރާއި އިދިކޮޅު މެމްބަރުންގެ މެދުގައި ބޮޑު ހަމަނުޖެހުންތަކެއް މަޖިލީހުގައި އިއްޔެ ހިނގަމުންދަނިކޮށް، ހެނދުނު 9:30 ގައި ބޭއްވި ގަވައިދު ކޮމެޓީ އަށް ވަޑައިގަންނަވަނިކޮށް، މަޖިލީހުގެ އިދާރާގެ ސެކިއުރިޓީ ބަލަހައްޓާ އެސްޕީޖީގެ ސިފައިން ހުރަސްއެޅީ މަކުނުދޫ ދާއިރާގެ އަދާލަތު ޕާޓީގެ މެމްބަރު އަނާރާ ނައީމަށާއި މުލަކު ދާއިރާގެ އެމްޑީޕީގެ މެމްބަރު އިބްރާހިމް ނަސީރު އަދި ހިތަދޫ ދެކުނު ދާއިރާގެ އެމްޑީޕީގެ މެމްބަރު އަލީ ނިޒާރަށް ކަމަށް އެ ބޭފުޅުން ވިދާޅުވެ އެވެ.
އެ މެމްބަރުން ކޮމެޓީގެ ބައްދަލުވުމަށް ވަޑައިގަންނަވަން ސިޑިން އަރާވަޑައިގަންނަވަނިކޮށް، ސިފައިން ހުރަސް އަޅައި މަގު ބަންދުކޮށްގެން ތިބި ވީޑިއޯއެއް ވެސް ވަނީ އާއްމުކޮށްފަ އެވެ. ކޮމިޓީ އަށް ވަޑައިގަތުން ސިފައިން ހުއްޓުވުމުން އެކަން ނުކުރެވޭނެ ކަމަށް އެ މެމްބަރުން އެ ވީޑިއޯގައި ވިދާޅުވެ އެވެ.
އަނާރާ އާއި ނަސީރު އަދި ނިޒާރު ކޮމެޓީ އަށް ވަޑައިގަތުމުގެ ފުރުސަތު ސިފައިން ދިނީ އިރުކޮޅެއް ފަހުންނެވެ.
އެ ބޭފުޅުންނަށް ސިފައިން ހުރަސްއެޅި މައްސަލަ ބަލައި ދިނުމަށް އެދިވަޑައިގެން މަޖިލީހުގެ އަމީން އާންމު އަހުމަދު މުހައްމަދަށް ފޮނުއްވި ސިޓީގައި ވިދާޅުވެފައި ވަނީ ކޮމެޓީ އަށް ވަޑައިގަތުމުގެ ފުރުސަތު ދިނީ 10 ވަރަކަށް މިނެޓު ފަހުން ކަމަށާއި އެކަން ކޮށްފައި ވަނީ ކޮން އުސޫލަކުން ކަން ސާފުކޮށްދިނުމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ާދިވެހި ދަރިއެއް
24 August 2017
ބަރާބަރު ނިންމުމެއް މިހާލައްކަ ނޮހޮރައްޕާން ކުރަން ފުރުސަތު ދެވިއްޖެ ދެންހަމަ ކުޑަދުލެއްވެސް ދޭނެކަމެއްނެތް އެމީހުންޖަހާނެ ސަކަރާތެއް ޖަހަން ދޫކޮށްލާ ތިބެދާނެ ހަޅޭއްލަވައިގެން ވެރިކަން ވައްޓަން ﷲގެ އިރާދަފުޅުން ތިޔަކުރާ ވިޔާނުދާ މުޑުދާރު ކަންކަމަށް ޖަވާބުދާރީ ވާންޖެހޭ ދުވަހެއް ތިޔަ އިދިކޮޅޭ ކިޔާމީހުންނަށް އަންނާނެ
ބޫމް
24 August 2017
ތިޔަބުނާ ޖަވާބުދާރީވާން ޖެހޭ ދުވަސް ވެރިކަމުގައި ތިބި މިހުންނަކަށް ނާންނާނެތަ؟ އެމީހުން ހިންގާ ޖަރީމާތައް މަދީތަ؟ ޢަމަލުވެސް ތާހިރީތަ؟ މިއަދުވެސް ބިސްކޮތަޅު އޮތީ ކާކުއަތުގައިތަ؟ އެކަމަކު ތިޔަބައިގަނޑު އަޑުބައްދާފައި ބުނީ ކާކޭތަ ބިސްޖެހީ؟
ވަލީމާ
24 August 2017
އެއްކޮޅު މީހުންނަކަށް ނޭގޭދޯ 44 މެމްބަރުން ލިޔުމުން އިތުބާރު ނެތްކަމަށް ހުށަހެޅީމާ އިސްތިއުފާދޭންޖެހޭ ކަމެއް؟ އެއްކޮޅުމީހުންނަށް ރަގަޅުވާނެ ގާނޫނާ ގަވައިދު މުގުރާ މީހުން
ކޮސްބެ
24 August 2017
"ސަރުކާރާއި އިދިކޮޅު މެމްބަރުންގެ މެދުގައި ބޮޑު ހަމަނުޖެހުންތަކެއް މަޖިލީހުގައި އިއްޔެ ހިނގަމުންދަނިކޮށް، ހެނދުނު 9:30 ގައި ބޭއްވި ގަވައިދު ކޮމެޓީ އަށް ވަޑައިގަންނަވަނިކޮށް، މަޖިލީހުގެ އިދާރާގެ ސެކިއުރިޓީ ބަލަހައްޓާ އެސްޕީޖީގެ ސިފައިން ހުރަސްއެޅީ މަކުނުދޫ ދާއިރާގެ އަދާލަތު ޕާޓީގެ މެމްބަރު އަނާރާ ނައީމަށާއި މުލަކު ދާއިރާގެ އެމްޑީޕީގެ މެމްބަރު އިބްރާހިމް ނަސީރު އަދި ހިތަދޫ ދެކުނު ދާއިރާގެ އެމްޑީޕީގެ މެމްބަރު އަލީ ނިޒާރަށް ކަމަށް އެ ބޭފުޅުން ވިދާޅުވެ އެވެ." ކޮންމެ 5000 ރައްޔިތެއްގެ ބަސް ހުއްޓުވުމަކީ ވަރަށް ބޮޑު ކުށެއް . ސިފައިންވެސް މިވަރު ނޭންގޭނަމަ ތިތަނަށް ނުވެންނެވުން އެދެން. މަޖިލިސްގެ ޤާވާއިދު އަދި މަޖިލިސްގެ ޤާނޫނު ނުދަންނަމީހުން އެތަނުގެ ތެރެއައް ނުފުނުވާތި.
ކާށިބެ
24 August 2017
މަސީހު ގެ ލަދު ކޮބާ؟
ސިފާ
24 August 2017
ބަލަގަ ސިފައިންނަކަށް ވެސް ޤާނޫނުން ލިބިފައިވާ ބާރެއްމެނުވީ ބޭނުމެއް ނުކުރެވޭނެ. ތިމާގެ ޖާނުގަ ވަރުހުއްޓެއްކަމަކު އުޞޫލެއް ހަމައެއްނެތި ކަންކަމެއް ނުކުރެވޭނެ.... އެހެންވިއް ބަޑިހުރީމަ އެވެސް ޖަހަން ވަކިގޮތެއް ބަލާނެކަމެއް ނެތްތާ.. މޮޔަނުވޭ. ޤައުމު މިއޮއްފުޑެނީ.. ތިޔަގޮތަށް ނުހައްގުން ކަންކަން ކުރީމަ ދެންފެންނަންފަށާނީ މާހިތާމަވެރި މަންޒަރުތަކެއް.
މޮޔަގޮވަނީ
24 August 2017
ކީއްކުރެވޭނީ؟ ތެޅިތެޅި ތިބެން ޖެހޭނީ. ޤާނޫނާ ޚިލާފުވިޔަސް ގަވައިދު ފުނޑާލިޔަސް ހަމަ ހަޅޭ ލަވަލަވާ ތިބެން ޖެހޭނީ. ބޭނުން އެއްޗެއް މަމެން ހަދާނީ. މަމެންގެ ވެރިކަމޭ.
ބޫޅާ
24 August 2017
ވާޖިބު އަދާ ކުރުމަށް ހުރަސް އެޅުމުގެ ދައުވާ ކުރަންވީ މި މީހުންގެ މައްޗަށެވެ.އެކަމަކު އެދައުވާ ކުރަނީ މެމްބަރުންގެ މައްޗަށެވެ.
ރުޅި
24 August 2017
ތިޔަ މަޖިލީހަކީ ސިފައިންގެ ވެސް ތަނެއްނޫން. ތިޔައީ ރައްޔިތުންގެ ތަނެއް. މީގެ ފަހުން ސިފައިންވެސް އަދި ޕީޕީ މީހުންނަކަށްވެސް ތިޔަތަނަށް ވަދެވިގެންނުވާނެ. ހާދަގޮތްކުޑަނުބައި ނުލަފާ ބައެކޭ.
އުމަރު
24 August 2017
އިދިކޮޅު މެންބަރުންނަށް ގޮވާލަން ބޭނުންވަނީ ހުރަސްއެޅި ސިފައިން ގޮވައިގެން ކޯޓަށް ވަޑައިގަތުމަށް
ސޯޓު
24 August 2017
ނުގެންދެވޭނެ. އަތު ހިފިޔަސް ގުޑުވާވެސް ނުލެވޭނެ. ދެން ކިހިނެއް ދަމާފައި ކޯޓާ ހަމަޔަށް ގެންދަނީ؟
ޖަޑިބެ
24 August 2017
މިޔަންމާގަ ކުރީގަ އޮތް ގޮތަށް ސިފައިންނަށް ވެސް ވަކި އަދަދަކަށް މަޖްލީހުން ގޮނޑި ދޭންވީ..
އަރިދެކުނު
24 August 2017
ކިހާބޮޑވެއްޖެކަަމެއްދެންމީ..މިލިޓްރީ ވެރިކަމަކަށްވެ ނިމުނީ..ޔުނީފޯމްއަށް ބަދަލެއް ގެންނަން ޖެހެނީ..އެކަންކޮއްލާ އެއިރުން ކިޔާނެ އިތުރުއެއްޗެއް ނޯންނާނެ ދެއްތޯ..ސަރުކާރު ހިނގަމުން މިލިޓަރީސަރުކާރުތަށް ހިނގާގޮތަށް...
ހަސަނު
24 August 2017
ތީ މާ ރަނގަޅު ގޮތެއް.. މަޖުލީހާސް ހަމަ އެކަނި ސަރުކާރު މެމްބަރުން އެކަނި ވައްދާފަން ދެން ތިބި މީހުން ލޮލަށް ސުޕުރޭ ޖަހީމާ ހުންނާނީ ސީދާ މެޖޯރިޓީ ލިބިފަ...