ކުރެންދޫ ދާއިރާގެ އެމްޑީޕީ މެމްބަރު އަބްދުލް ބާރީ އަބްދުﷲ. އޭނާ ވޯޓު ދެއްވީ ޓޫރިޒަމާ ބެހޭ ގާނޫނަށް ގެނައި އިސްލާހު ފާސް ކުރަން. - ފޮޓޯ: މަޖިލިސް
30 ޖޫން 2016 - 14:18
16 comments
ޓޫރިޒަމްގެ ބޭނުމަށް ރަށްރަށާއި ބިން އަދި ފަޅުތައް އިއުލާނު ކުރުމަކާ ނުލައި ކުއްޔަށް ދޫކުރެވޭ ގޮތަށް ޓޫރިޒަމް ގާނޫނަށް ގެނައި އިސްލާހު ފާސް ކުރަން ވޯޓު ދެއްވި ކުރެންދޫ ދާއިރާގެ އެމްޑީޕީ މެމްބަރު އަބްދުލްބާރީ އަބްދުﷲގެ މައްސަލަ ބެލުމަށް އެ ޕާޓީން މިއަދު ނިންމައިފި އެވެ.
އެމްޑީޕީގެ ޗެއާޕާސަންގެ ނައިބު އަލީ ނިޔާޒް ވިދާޅުވީ އެމްޑީޕީގެ ނިންމުމާ ދެކޮޅަށް ބާރީ ވޯޓު ދެއްވި މައްސަލަ ޕާޓީގެ ޕާލަމެންޓްރީ ގްރޫޕުން ބަލައި، މެމްބަރާ ދޭތެރޭ ފިޔަވަޅު އަޅަން ފެންނަ ނަމަ، ސުލޫކީ ކޮމެޓީ އަށް ފޮނުވާނެ ކަމަށެވެ.
ނިޔާޒް ވިދާޅުވި ގޮތުގައި ސުލޫކީ ކޮމެޓީ އަށް އެޅޭނެ ފިޔަވަޅުތަކުގެ ތެރޭގައި ނަސޭހަތް ދިނުމާއި، ޕާލަމެންޓްރީ ގްރޫޕްގައި ނަގާ ވޯޓުތަކުގައި ބައިވެރި ނުކުރުމާއި ޕާާޓީން ވަކި ކުރެވިދާނެ އެވެ.
"ބާރީގެ މައްސަލަ ބެލުމަށް ވަނީ ހަމަޖެހިފައި، އަޅާނެ ފިޔަވަޅަކާ ދޭތެރޭގައި ސުލޫކީ ކޮމެޓީން ގޮތެއް ނިންމާނީ،" ނިޔާޒް ވިދާޅުވި އެވެ.
ޓޫރިޒަމްގެ ބޭނުމަށް ރަށްރަށާއި ބިން އަދި ފަޅުތައް އިއުލާނު ކުރުމަކާ ނުލައި ކުއްޔަށް ދޫކުރެވޭ ގޮތަށާއި ގެސްޓްހައުސްތަކަށް އަންނަ ޓޫރިސްޓުންގެ އަތުން ދުވާލަކަށް ތިން ޑޮލަރުގެ ޓެކްސް ނެގުމަށް ޓޫރިޒަމް ގާނޫނަށް ހުށަހެޅި އިސްލާހަށް ވޯޓު ނުދޭން އެމްޑީޕީން ތްރީ ލައިން ވިޕެއް ނެރުނެވެ.
ޓޫރިޒަމާ ބެހޭ ގާނޫނަށް ސަރުކާރުން ހުށަހެޅި އިސްލާހަށް ޕީޕީއެމް ކޯލިޝަންގެ މެމްބަރުންގެ ތެރެއިން ވޯޓު ނުދެއްވި ހަމައެކަނި މެމްބަރަކީ ދިއްގަރު ދާއިރާގެ މެމްބަރު އަހުމަދު ފާރިސް މައުމޫނެވެ. އަދި އެ ވޯޓުގައި ތުލުސްދޫ ދާއިރާގެ މެމްބަރު މުހައްމަދު ވަހީދު އިބްރާހިމް (ވައްޑެ) ވެސް ބައިވެރިވެވަޑައެއް ނުގަންނަވަ އެވެ. އެހެންވެ ދެ މެމްބަރުންގެ މައްސަލަ ޕީޕީއެމުން ދަނީ ބަލަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަގޭ ވޯޓް ކޮބާ
03 March 2017
ބަލަގަ ތިޔަ އެމް.ޑީ.ޕީ އައްޓަކައި އަހަރެމެންވީ ޤުރުބާނީ ކޮބާ؟ މެމްބަރުން ލޮލުގައި އަޅުވީނީ އަދުން. ބޮޑުން ކުޅެނީ ޑުރާމާ. އާއްމު މެމްބަރުން މިވެރިންނައްޓަކައި ހަނާވާންވީ މިވެރިން ހަދަނީޑު. ފުރެނީ ޖީބު. ބާރީ އެއް މާރީ ސަހަލު އެކަކުވެސް ނެތް. އައްނި ދެކެ ވިލޯބި މިމީހުނާހެދި ކަފުންވެއްޖެ. ވ.ވެދުން
ޜެތެ
30 June 2016
މޮޅު ޤާނޫނީ ވަކީލު ކުއްޓި ނަޝީދު ވޯޓު ދިންބާ؟
އައްޔު
30 June 2016
ޕާޓީން ބޭރުކުރޭ މިކަހަލަ މީހުން ބޭރުކޮއްގެން ޕާޓީއައް ލިބޭނެ ގެއްލުމެއް ނެއް ވާނީ ފައިދާ.
ޝިފާގު
30 June 2016
ތިހިސާބަށް ދުއްވާނުލާ ވެސް ތިކަން ހައްލު ކުރެވޭނެ ދޯ އަދުރޭ. ތީ ދެން ފުކެއް ބޮޑުވަރު. އަދުރޭމެން ހަނދާން ނެތަސް ތިހިސާބަށް އާދެވުނުގޮތް އަހަރެމެން ހަނދާން އެބަހުރި.
ކޮހުންމާ
30 June 2016
ތިމަޖިލީހުގަ ތިތާތިތިބީ ހަމައެއްވަރުގެ މީހުން ރައްޔިތުނަށް ރަގަޅުގޮތެއް އެމީހުންނަށް ފައިދާބޮޑުގޮތަށްވުރެ ގިނައިން ލާރިދޭމީހަކު ބުނާގޮތްހަދާ މެމްބަރުން މުޅިންވެސް
ވެލެޒިނީ
30 June 2016
ރ. މޫސަ ދިނީ ކޮން ކޮޅަކައްބާ...!!!!
ޔަގީން
30 June 2016
މީނާ ވަނީ ކުރިން ފަހަރަކުވެސް ވޯޓު ދީފައެވެ.
modaf
30 June 2016
ޔަގީން އަޑިއަޑިން އޮންނާނީ މިލިޔަނުން ދަވާލާފަ. މިކަހަލަ ދެފުއްކެހެރިންނާހެދި ގައުމު އަނދަވަޅަކަށް ވެއްޓިގެން މިދަނީ.
ޕައްލަންބެ
30 June 2016
ރަށްޔިތުންގެ އިތުބާރު ބޭނުންނަމަ މ.ޑ.ޕ ތެރޭގައި ތިބި މިކަހަލަ ފީ އެބަޖެހޭ ވަގުތުން ބޭރު ކުރަން ... ބޮޑެތި ޓައި އަޅައިގެން ލަދެއްވެސް ނުގަނޭ ...
މުހަންމަދު
30 June 2016
އިޞްލާޙެކޭކިޔައިގެން ތިކުރިކަމަކީ، ޤާނޫނާއިޚިލާފަށް ކުރަމުންއައި ވައްކަންތަކެއް ޤާނޫނީިގޮތުން ހުއްދަ ލިބިގެންކުރާކަމެއްކަމުގައި ހަމަޖެއްސީއެވެ. މިފަދަކަމަކަށް އެމްޑީޕީގެ އެއްވެސް މެންބަރަކު ވޯޓުދޭނެ ވިސްނުމެއް ފިކުރެއް ހަމައެއް އިންންސާފެއް އެއްގޮތަކަށްވެސްނުފެނުނެވެ.