ޚަބަރު / ޑރ. މުހައްމަދު މުއިއްޒު، މާލޭގެ މޭޔަރު

ދާއިމީ ލިސްޓު އާއްމު ކުރިއިރު، އިތުރު 60 މީހަަކަށް ފްލެޓް ކަށަވަރުވެއްޖެ

ފްލެޓްތަކާ ގުޅޭގޮތުން މިނިސްޓަރު މިއަދު މައުލޫމާތު ދެއްވަނީ-- ފޮޓޯ: ނިޝާން އަލީ/ މިހާރު

އާމިނަތު ޝިފްލީން، މިހާރު

27 ސެޕްޓެމްބަރ 2017 - 15:50

ހުޅުމާލޭން ދޫކުރާ ފްލެޓްތަކުގެ ފައިނަލް ލިސްޓު އިއްޔެ އާއްމު ކުރިއިރު، އިތުރު 60 މީހަކަށް ފްލެޓް ކަށަވަރުވެފައިވާ ކަމަށް ހައުސިން މިނިސްޓްރީން މިއަދު ބުނެފި އެވެ.

އެ މިނިސްޓްރީގައި ބޭއްވި ނޫސްވެރިންގެ ބައްދަލުވުމެއްގައި ހައުސިން މިނިސްޓަރު ޑރ. މުހައްމަދު މުއިއްޒު ވިދާޅުވީ ދާއިމީ ލިސްޓާ އެކު، ކެޓަގަރީ އެކަކުން 36 މީހަކަށް އަލަށް ފްލެޓް ލިބުނު އިރު، ކެޓަގަރީ 2 އިން 24 މީހަކަށް ފްލެޓް ކަށަވަރުވެފައިވާ ކަމަށެވެ.

ލިސްޓަށް އެންމެ ބޮޑު ބަދަލެއް އައިސްފައިވަނީ ދެމަފިރިންނަށް ފްލެޓް ލިބިގެންނެވެ.

މިނިސްޓަރު ވިދާޅުވީ ކެޓަގަރީ އެކަކުން 19 ދެމަފިރިއަކަށް ފްލެޓް ދީފައިވާތީ، އެކަން އިސްލާހުކޮށް، ލިސްޓުން މީހަކު އުނި ނުވާ ގޮތަށް އިތުރު 19 މީހަކަށް އެ ޖާގަ ދީފައިވާ ކަމަށެވެ. ދެމަފިރިންނަށް ފްލެޓް ދީފައިވާތީ ކެޓަގަރީ 2 އިން ފްލެޓެއް ހުސްވެފައި ވެ އެވެ.ު

އެޖާގަތަކަށް މީހުން ހަމަޖައްސާފައިވަނީ ލިބިފައިވާ ޕޮއިންޓްގެ ތަރުތީބުންނެވެ. އެކަމަކު ފްލެޓް ދީފައިވަނީ ކިހާ މަތިން ޕޮއިންޓް ލިބުނު މީހުންނަށްތޯ، ތަކުރާރުކޮށް ސުވާލު ކުރުމުން ވެސް މިނިސްޓަރު ޖަވާބެއް ނުދެއްވި އެވެ.

ފްލެޓް ދީފައިވާ ގޮތާމެދު ހުށަހެޅި ޝަކުވާތަކަށް ބަލައި، ޕޮއިންޓު ދީފައިވާ އުސޫލާ އެއްގޮތްވާ ގޮތުގެ މަތިން ދެ ކެޓަގަރީން ވެސް އިތުރު މީހުންނަށް ފްލެޓް ދީފައިވެ އެވެ. އެގޮތުން ކެޓަގަރީ އެކަކުން 16 މީހަކަށް އަދި ކެޓަގަރީ 2 އިން އަށް މީހަކަށް ފްލެޓް ދީފައިވާ ކަމަށް މިނިސްޓަރު ވިދާޅުވި އެވެ.

Flat thakuge kuli 6,000 rufiyaa, down payment 25,000 rufiya

The most trusted news source in the Maldives

Mihaaru

އަދި ފްލެޓަށް ހުށަހެޅި 15،000 ފޯމު އަލުން މުރާޖައާކޮށް، ނުކުޅެދުންތެރިކަން ހުންނަ އިތުރު މީހަކަށް ކެޓަގަރީ އެކަކުން ފްލެޓް ދީފައިވާއިރު، އަށް މީހަކަށް ކެޓަގަރީ ދެއަކުން ފްލެޓް ވަނީ ދީފަ އެވެ.

ހުޅުމާލޭން މި ފަހަރު 660 ފްލެޓް ދޫކުރިއިރު އޭގެ ތެރެއިން ނިސްބަތުން ބޮޑު އަދަދެއް، ކޮންމެވެސް ކަހަލަ ނުކުޅެދުމެއް ހުރި މީހުންނަށް ދީފައިވެ އެވެ. އެގޮތުން ކެޓަގަރީ އެކަކުން، އެ ފަދަ 103 މީހަކަށް ފްލެޓް ދީފައިވާއިރު، ކެޓަގަރީ 2 އިން 64 މީހުންނަށް ދީފައި ވެ އެވެ.

މުއިއްޒު ވިދާޅުވީ ޝަކުވާ ހުށަހަޅަން ދިން މުއްދަތުގައި 2،900 އަށް ވުރެ ގިނަ ޝަކުވާގެ ސިޓީ ލިބިފައިވާ ކަމަށެވެ. އަދި ދާއިމީ ލިސްޓު އެކުލަވާލުމުގައި އެ ހުރިހާ ސިޓީތަކަށް ރިއާޔަތް ކުރި ކަމަށް ވިދާޅުވި އެވެ.

"އަޅުގަނޑު އެ ހުރިހާ ސިޓީތަކެއް ވަކިވަކިން ކިޔައި، ކޮންމެ ސިޓީއަކަށް ވެސް ވަކިން ޖަވާބު ފޮނުވިން. މިއަދު އަދި މާދަމާ އޭގެ ޖަވާބު އެ ފަރާތްތަކަށް ލިބޭނެ. ފައިނަލް ލިސްޓު އެކުލަވާލީ، އެ ޝަކުވާތަކަށް ބަލައި، އަޅުގަނޑުމެންގެ އަތުން ދޫވެފައި ކަމެއް އޮތްތޯ ބެލުމަށް ފަހު،" މިނިސްޓަރު ވިދާޅުވި އެވެ.

އޭނާ ވިދާޅުވީ ފްލެޓަށް އެދި ހުށަހެޅި ހުރިހާ އެންމެންނަކީ ވެސް އޭގެ ހައްގުވެރިން ކަމަށާއި އެކަމަކު ފްލެޓް ދީފައިވަނީ ވަރަށް ގިނަ ކަންތައްތަކަށް ބެލުމަށް ފަހު، އޭގެ އެންމެ ހައްގުވެރިންނަށް ކަމަށެވެ. އަދި މި ފަހަރު ފްލެޓް ނުލިބުނު މީހުންނަށް ވެސް އަދި އެއަށް ހައްގުވާ އެހެން މީހުންނަށް ވެސްް، ކުރިމަތިލެވޭ ގޮތަށް އިތުރު ފްލެޓްތައް ވަރަށް އަވަހަށް އަޅާނެކަން މިނިސްޓަރު ފާހަގަ ކުރެއްވި އެވެ.

ސަރުކާރުން ވަނީ މި އަހަރު އިތުރު 7،000 ފްލެޓް އަޅައި އަންނަ އަހަރު، 8،000 ފްލެޓް އަޅާނެކަން އިއުލާން ކޮށްފަ އެވެ.

ފްލެޓްދޫކުރި ގޮތާމެދު ހިތްހަމަ ނުޖެހިގެން އެ މައްސަލަ، މަސްއޫލިއްޔަތު ބަލާ ރައްޔިތުންގެ މަޖިލީހުގެ ކޮމެޓީ އާއި އެންޓި ކޮރަޕްޝަން ކޮމިޝަން (އޭސީސީ)އަށް ވަނީ ހުށަހަޅައިފަ އެވެ.

މުއިއްޒު ވިދާޅުވީ އެ އިދާރާތަކަށް ވެސް އެއްބާރުލުން ދީފައިވާ ކަމަށާއި، މަޖިލީހަށް ވެސް އެކަމާ ގުޅޭ ތަފްސީލުތައް ވެސް ފޮނުވާފައިވާނެ ކަމަށެވެ.

ހުޅުމާލޭން ދޫކުރާ ތިން ކޮޓަރީގެ މި ފްލެޓްތައް ކުއްޔަށް ދޫކުރާ އަގުގެ ގޮތުގައި ސަރުކާރުން ކަނޑައަޅާފައިވަނީ 25 އަހަރަށް، މަހަކު 6،000 ރުފިޔާ އެވެ. އެއީ ޑައުންޕޭމަންޓްގެ ގޮތުގައި 25،000 ދައްކައިގެންނެވެ.

ހުޅުމާލެ ފްލެޓް ހައުސިން މިނިސްޓްރީ ހައުސިން ޔުނިޓް ޑރ. މުހައްމަދު މުއިއްޒު، މާލޭގެ މޭޔަރު ބޯހިޔާވަހިކަން

19 ކޮމެންޓް, 76 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަލިފުއަލިފު2017

28 September 2017

ސީ، ކެޓަގަރީގެ ފުލެޓްތަށް ލިބޭމީހުން އިއުލާން ކުރަނީ ކޮންދުވަހަކުންތޯ. އަނެއްކާ މިކެޓަގަރީ އުވުނީތޯ. އެވާހަކަ ދައްކާ އަދޭއް ނީވޭތީ. ގައިމު އެތަށް ދުވަހކު ކިޔުގަ ޖެހިގެން ، މިކެޓގަރީއަށްވެސް އެތައް ހާސް ބަޔަކު ފޯމު ލި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފްލެޓް ބަގުޑި

28 September 2017

ފުރަތަ ކަމަކީ ޕޮއިންޓް ދޭ ޤަވާއިދު ވެސް އޮތީ އަދުލު އިންސާފު ނުލިބޭ ގޮތަށެވެ.މިސާލަކަށް މާލެ އިން އެމީހެއްގެ މަންމަ / ބައްޕަ އަދި ކިއެއްތަ ބަފާބެ ނުވަތަ މައިދާތަ އަށް 200 އަކަފޫޓްގެ ބިންކޮޅެއް އޮތަސް އެ މީހަކަށް ޕޮއިންޓް އުނިވެއެވެ.އެކަމަކު ރާއްޖެ ތެރޭ ގައި ސިދާ އެމީހެއްގެ އަމިއްލަ 5000 އަކަފޫޓް ބިމެއް އަދި އަނބި މީހާ ނުވަތަ ފިރިމީހާ ނުވަތަ ބައްޕަ /މަންމަގެ ކިތައްމެ ބޮޑު ބިމެއް އޮތަސް ޕޮއިންޓް އުންޏެއް ނުކުރެ ވެއެވެ.ދެވަނަ ކަމަކީ ކިތައްމެ މަތިން ޕޮއިންޓް ލިބުނަސް ފްލެޓް ލިބޭނެ ކަމުގެ ޔަޤީންކަން ނެތުމާއި ކިތައްމެ ދަށުން ޕޮއިންޓް ލިބުނަސް ފްލެޓް ލިބުމެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަށިކެތޮ

27 September 2017

ފްލެޓު ބެހިލެއް ތެދުވެރިކަމުން މައުލޫމާތު ހާމަ ނުކުރަނީ. 100 ޕޮއިންޓު ލިބިގެން ފޮލެޓު ނުލިބުނީ 700 ޕޮއިންޓް ލިބުނު މީހުން ގިނަކަމުން ކިކިިކިިކިކި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަތޫތާ

27 September 2017

މިނިސްޓަރު މުއިއްޒު - "ފްލެޓްތައް ވަރަށް އަވަހަށް އިމާރާތްކުރެވޭ ގޮތްގޮތް ހުންނަކަން ފާހަގަކުރައްވަމުން މިނިސްޓަރު ވިދާޅުވީ 15،000 ފްލެޓް އެޅުމަކީ އުނދަގޫ ކަމެއް ނޫން ކަން އިމާރާތްކުރުމުގެ ދާއިރާ ދަންނަ ކުންފުނިތަކަށް އެނގޭނެ ކަމަށެވެ. އެހެންކަމުން އެއީ ހާސިލްކުރެވޭނެ ކަމެއް ކަމަށް ވިދާޅުވި އެވެ." މިއީ އޯގަސްޓް 2016 ގައި ބުނި ވާހަކައެއް. https://mihaaru.com/news/3513 އެހާ ފަސޭހައިން ކުރެވެންހުރި ކަމެއްވިއްޔާ ކީއްވެތަ ނުކުރަން ތިއުޅެނީ؟ އެމް އެމް ޕީ އާރު ސީގެ ޚިޔާނާތުގެ ފައިސާއިން އެކަނިވެސް 600 ހައުސިން ޔުނިޓް އެޅުނީސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަޑިއެދުރު

27 September 2017

ތިޔަ ލިސްޓުން ޖާގަ ލިބުނު މިނިސްޓްރީ ތަކުގެ ޕާމަނަންޓް ސެކްރެޓަރީންގެ ބިޓުންނަށްވެސް. ފިޔާތޮށި ހުން ޖެހިފަތިބިއްޔާ އޯކޭތާ ދޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދުއްލާ

27 September 2017

ވާލު ސޮރު އަށް ފެނުނީ ކޯންޗެއް ބާ؟ ރަށްރަށުގައާމަދަނީ ލިބޭމަގުތައް ބުނެދީބަލަ ؟ އަދާކުރާނެ ވަޒީހާ އުފެއްދޭނެ ގޮތަ ބުނެދީބަލަ . ގެދޮރު ހެދުމަށް ބޭންކުން ލޯނު ނަގާ ހެދީމަ ކުއްޔަށް ހިފާނީ ކޮންބަޔަކު ބުނެދީބަލަ ފއިސާ ދެއްކެންނެތް ލޯނުތައް ދޭނެ ބަޔަކު ބުނެދީބަލަ ،މަތީތައުލީމު އެ ރަށްރަށުން ލިބޭނެ މަގު ހާސިލް ކުރެވިދާނެ ގޮތަ ބުނެދީ އެކަންކަން ހާސިލް ކޮށްދީބަލަބ. ބޭސްފަރުވާ އާ ރަށުގާ ތިބެގެން އެންމެ މަތީ ނުވަތަ ރާއްޖޭ އިންލިބޭ އެންމެ މަތީ ބޭސް ވެރިކަން ގާއިމްު ކޮށްދީ ނުވަރަ އެކަން ތިޔަ ދިރާސާ އިން ހާމަ ކޮށްދީބަލަ ، އެކަނަކަމަށް ހަރަދު ކުރަން ފައިސާ ހޯދާނެ ގޮތް ބުނެދީބަލަ . މިކަންކަން ފުރިހަމަ ވެއްޖެ ނަމަ މާލެ އޮތް ކޮޅަށް އެކަކުވެސް ބޯނުލާނެ ތިސޮރުގެ ގެވެސް ބޭންކަށް ނަގާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާލުސޮރު

28 September 2017

ރަށެއްގަ ހުރިއިރު މަ ކުރި މަސައްކަތަކީ ބިދޭސީންގެ ބަދަލުގަ ދިވެހި ޒުވާނުންގެ ބަޔަކަށް ވަޒީފާ ދީގެން މަސައްކަތްކުރުވީ. ދިވެހިންގެ އަގު ވަޒަންކޮށް ބަރާބަރަށް މަހުގެ 1، 2 ގަ މުސާރަކޮޅު ދީފަ އެކުދިންގެ ހުނަރު ދެއްކޭނެ ފުރުސަތު ހޯދަދިނީ. ރޯދަމަހު ރޯދަ ވީއްލައިގެން ނަމާދު ކޮށްގެން މަސައްކަތް ފަށާގޮތަށް ޝަކުވާއެއްނެތި 11 ޖަހަންދެން ބުރަ މަސައްކަތްކުރި ޒުވާނުން ގެންގުޅުނިން. ލޯންޗް ޑްރައިވަރުން ފެށިގެން ކޮންސްޓްރަކްޝަން މަސައްކަތްކުރީވެސް ހަމަ ދިވެހި ޒުވާނުން ގޮވައިގެން. އިރާދަކުރެއްވީތީ އެއްވެސް މަސައްކަތަކަށް އަދި ލޯނެއް ނަގާކަށްނުޖެހޭ. ކެރޭ މީހަކަށް ރަނގަޅު އާމްދަނީ ނުހޯދޭނެ އެއްވެސް ރަށެއް ރާއްޖެއަކު އަދި ނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބެއްޔާ އައްޑޫ

27 September 2017

ތުރުކީ ބަޔަކާއި އެއްކޮށް 15000 ފްލެޓް އަޅަން އެއްބަސވުންތަކުގައ ސޮއިކުރި. ޭ ފްލެޓްތައް ނިމުނީތޯ އިތުރު 7000 ފްލެޓް މިއަހަރު އަޅަނީ. ކޮންމެ ދިވެއްސަކަށް ފްލެޓެއް ޔަގީންވާނެ މިދާ ސްޕީޑްގައި. ޝުކުރިއްޔާ ގައުމު. ޅޮލް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާލުސޮރު

27 September 2017

ދިވެހިން ހިތްފަސޭހަ ދިރިއުޅުމުގެ ބަދަލުގަ ދަތި އުނދަގޫ ދިރިއުޅުމަށް އެހާ ލޯބި ކުރާ ސަބަބު ކޮންމެވެސް ނޫސްވެރިޔަކު ދިރާސާކޮށް ރިޕޯޓެއް ލިޔާނެ ނަމައޭ ހިތަށްއަރާ. ދިރިއުޅެން ފަސޭހަ ހިތްގައިމު ރީތި ރަށްރަށުގެ ގޯތި ތައް ފަޅުކޮށްފަ އައިސް ތޮއްޖެހިފަވާ މާލޭ ސަރަހައްދުގެ ކުދި ކުދި ތަންތަންކޮޅުގަ އިންތިހާ އަށް ބޮޑު ކުލީގަ ދަތި ހާލުގަ އުޅޭ އެއްވެސް ސަބަބެއް މަށަކަށް ހަމަ ނުވިސްނުނު. މަ ކުރި ތަޖުރިބާ ދިރާސާގަ އާއިލާ ގޮވައިގެން އަތޮޅު ތެރޭ ދިރިއުޅުނު އިރު އާމްދަނީ އާ ކުދިންގެ ކިޔެވުމާ ދިރިއުޅުމުގެ ޚަރަދަުތައްވެސް މާ ރަނގަލު. މިހާރުވެސް ރަނގަޅު ރަށަކުން ފުރުސަތެއް ލިބިއްޖިއްޔާ އެއްވެސް ފަސްޖެހުމެއްނެތި ރަށަކަށް ދިރިއުޅުން ބަދަލުކުރަން ތައްޔާރު. މަށަކީ ގެދޮރު ހުރި މާލެ އުފަން މީހެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނުިވިސްނޭނެ

27 September 2017

ތިބުނީ މާލެ އައިސް ގަނެ ތެޅެނީ އެހެން މާ ރަނގަޅު ގޮތްތަކެއް އޮތްވާ ކަމަށްތަ؟ މި އެންމެން މާލެ އަންނަނީ ގަމާރު ކަމުން ކަމަށްތަ؟ މާލޭ ބައެއް ކުދިންނަށް ނުވިސްނޭނެ. ރަށެއްގައި ގޮސް ދެތިން އަހަރު އުޅެލަބަލަ.