ރޭ ހުޅުމާލޭގައި ހާރިސް މަރާލި ސަރަަހައްދު ފުލުހުން ބަންދުކޮށްފައި
30 ސެޕްޓެމްބަރ 2017 - 10:24
8 comments
ރޭ ހުޅުމާލޭގައި ޒުވާނެއްގެ ގަޔަށް ވަޅި ޖަހައި މަރާލައި މާލޭގައި އިތުރު މީހަކަށް ވަޅިން ހަމަލާދިން މައްސަލައިގައި 12 މީހަކު ހައްޔަރުކޮށްފި އެވެ.
މާރާމާރީތަކާ ގުޅިގެން ފުލުހުން ރޭ ވަނީ މާލޭގައި ބޮޑު އޮޕަރޭޝަނެއް ފަށައިފަ އެވެ.
ފުލުހުން ރޭ ހައްޔަރުކުރި މީހުންގެ ތެރޭގައި މާލޭގައި ހިންގި މާރާމާރީގައި އަމަލީ ގޮތުން ބައިވެރިވި ހަތަރު މީހުން ވެސް ހިމެނެ އެވެ.
ފުލުހުން ބުނިގޮތުގައި އެ މީހުން ހައްޔަރުކުރީ މ. އެތުމާގެއިންނެވެ. އެގޭގެ ދޮރު ވައްޓާލައިގެން ފުލުހުން ވަންއިރު އެ މީހުން ތިބީ، މާރާމާރީ ހިންގަން ބޭނުންކުރި ވަޅި ފަދަ ތަކެތި ނައްތާލަން ކަމަށް ފުލުހުން ބުންޏެވެ.
ރޭ ހުޅުމާލޭ "ހާފްވޭ ހައުސް" ކައިރިން ހިންގި މާރާމާރީގައި މަރުވެފައިވަނީ ގއ. ދާންދޫ ގޯލްޑް ލީފް، ހާރިސް އަބްދުލް ޣަފޫރު 24، އެވެ.
ރައްޔިތުންގެ މަޖިލީހުގެ އިދާރާ ކައިރީ ހުންނަ "ޖީސިކްސް" ކެފޭ ދޮށުގައި ހިންގި މާރާމާރީގައި ޒަހަމްވި ޒުވާނާއަށް އަންނަނީ އޭޑީކޭގައި ފަރުވާ ދެމުންނެވެ.
މިއީ މިދިޔަ ހަފްތާގައި މާފަންނު އައިޓަމްސް ފިހާރަ ކައިރީ ވަޅި ހަރައި ޒުވާނަކު މަރާލުމުން އޭގެ ބަދަލު ހިފަން ހިންގި މާރާމާރީތަކެއް ކަމަށްވެ އެވެ.
ހުޅުމާލޭގައި މީހުން އުޅޭ ސަރަހައްދާ އެކަހެރިކޮށް، އަނދިރިކޮށް އޮންނަ ހިސާބެއްގައި ހިންގި މާރާމާރީގައި މަރާލި ހާރިސްގެ ހަށިގަނޑުގެ އަށް ތަނަކަށް ވަޅި ހަރާފައިވެ އެވެ. މަންޒަރު ދުށް ބައެއް މީހުން ބުނާ ގޮތުގައި ވަޅި ހެރީ ސައިކަލެއްގައި ދިޔަ ބަޔަކު ކަމަށެވެ. އޭނާ ހޮސްޕިޓަލަށް ގެންދިޔައީ ޕިކަޕެއްގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަންބި
30 September 2017
ހައަޔަރު ކުރީމަ އެ ނުމުނީތޯ؟ މިއީ އަޅުވާ އަނދުނެއް. ރައްޔިތުންނަށް ވަރަށް ސާފުކޮށް އެބަ އެނގޭ މި ވާގޮތް. މިގައުމުގަ މިއަހަރު ވެސް އެތައް ބަޔަކު މަރުވެއްޖެކަން އެއީ ޔަގީންވާކަމެއް. ކޮންމެ ފަހަރަކުވެސް ބަޔަކު ހައްޔަރު ކުރާނެ. ދައުވާކޮށް ހުކުމެއް ކުރެވިފަ އެބައޮތްތޯ؟ ހުކުމެއް ކޮށް އަދަބެއް ތަންފީޒު ކުރެވިއްޖެތޯ؟ މީހުން މެރީމަ އެބަޔަކަށް ހައްގުވާ އަދަބު ނުދެވޭނީ ބައެއްގެ އިހުމާލުން. ޒިންމާ ނަގަންޖެހޭ ބަޔަކު އެބަތިބިކަން ކޮންމެ ރައްޔިތަކަށްވެސް އިނގޭ.
ކުރާތި
30 September 2017
މާރާމާރީތަކާ ގުޅިގެން 12 މީހަކު ހައްޔަރުކުރުމުން ނުފުދޭނެއެވެ. މާލެ ސަރަހައްދުގައި އޮޕަރޭޓް ކުރާ ހުރިހާ ގޭންގްސް ތަކުގެ ލީޑަރުންނާއި މެމްބަރުން ހައްޔަރު ކުރަންވީ. އައްޑޫ ގައި އޮޕަރޭޓް ކުރާ ހުރިހާ ގޭންގްސް ތަކުގެ ލީޑަރުންނާއި މެމްބަރުން ހައްޔަރު ކުރަންވީ. އައްޑޫ މީހުން ބުނާނެ އައްޑޫގައި ގޭންގްސް ތައް އޮޕަރޭޓް ނުކުރެއޭ. އެމެން ކިޔާ އެއްޗަކަށް އަޅައެއް ލާ އެއްޗެއް ނޫނެވެ.
މުޑުދާސް
30 September 2017
މިސަރުކާރުގެ ޕްރިއޮރިޓީ އަކީ މަނީ ޕޮލިޓިކްސް. ތަނުގައި އިޖުތިމާޢީ މައްސަލަތައް ހައްލުކުރާކަށް ޚަރަދުކުރާކަށް ބޭނުމެއްނޫން. ކުޑަކުދިންގެ ހިޔާ ، ފިޔަވަތި، ޑްރަގް ރީހެބް ރަނގަޅުކުރާކަށް ނެތް ފައިސާއެއް، ސިޔާސީ ކުޅިވަރުތައް ކުޅެން ފައިސާހުރޭ ބޭނުން ވަރަކަށް.
ދާރީ
30 September 2017
ތިދެން ހައްޔަރުކުރުމަކީ ކޮންވާހަކައެއް. ދުވަހަކުވެސް މިއިން މީހަކަށް އަދަބެއް ލިބޭތަނެއް ނުފެނޭ. މާދަމާ ދޫކޮއްލީމަ އެކަން އެ ނިމުނީ. ކީއްވެހޭ މާލެ ނުބެލެހެއްޓިގެން މި އުޅެނީ.ދެ ކިލޯ މީޓަރ ހަމަނުވޭ.
ޒުވާނުން
30 September 2017
ބަލަ އަޒުލީނޫ މިގައުމުގާ ގޭންގު ކުދިން ނޫޅޭނެކަމަށް މަޖުލިސްމެޖޯރިޓީ ޕާޓީލީޑަރު ބުނިކަން ނޭގެނީތޯ. އުޅޭނީކަންމަތީ ޒުވާނުން. އެމީހުންނަކީ ހިމާޔަތް ލިބިގެންވާ ބައެއްކަމުގެ ހެކިތައް ލޮލުގެ ކުރިމަތިން ތާއަބަދަށް ފެންނަމުން މިދަނީ. އަޒުލީނޫ ރައްޔިތުން ގުބޯހައްދަން ނޫޅޭ.
ާއަހުމާ
30 September 2017
1000މީހުން ހައްޔަރުކުރިޔަސް ވާނެ ކަމެއްނެތް.. ކަމެއްޖެހޭ ވަގުތު ރައްޔިތުން ހަމަޖައްސާލަން އަބަދުވެސް އެތައް ބަޔަކު ހައްޔަރުކުރޭ.. ފަހުން ފަހަރަކު މީހަކު ދޫކޮށް ކުރިންއޮތް ހާލަތައް ބަދަލުވޭ..
އެންމެގާތުން
30 September 2017
މިހާރު މީހަކު ފްލެޓްތައް ރޯނުބައިކޮށް ބެހިގޮތުގެ ވާހަކަ ދައްކާވެސް ނުލާދޯ. 'ޑައިވާޝަން' އެއީ ވަރައް ގިނަ ގައުމުތަކުގައި ބޭނުންކުރާ ނުފޫޒުގަދަ ޓެކްނިކެއް.
ޝުގާ
30 September 2017
އޯކޭ. ދެން ދޫކޮށްލާ. ކަލޭމެނަށް ވާވަރަކީ އެއީނު؟