ގެއްލުނު ދޯނި
06 އޮކްޓޯބަރ 2017 - 10:39
2 comments
ދޯނި އަޑިއަށް ދިޔަ ހިސާބުން، ދޯނީގައި ހުރި ބައެއް އެއްޗެހި އޮޔާ ދާތީ ދަތުރުވެރިން އެކަމަށް ސަމާލުވުމަށް އެމްއެންޑީއެފުން ވަނީ އެދިފައި.
ގެއްލުނު ތިން މީހުން ވެސް މިހާރު ވަނީ ފުލުހުންގެ ލޯންޗެއްގައި މާލެ ގެނެސްފައި.
ފުލުހުން ބުނީ ތިން މީހުން ފެނުނީ ރަންނާޅި ރިސޯޓާ ދިމާލު ބޭރުން، ޕެލެޓްތަކެއްގެ މަތީގައި ތިއްބާ ކަމަށް.
އަޑިއަށް ދިޔަ ދޯނިން ގެއްލުނު ތިން މީހުން ފެނިއްޖެ. އެމްއެންޑީއެފުން ބުނީ އެ މީހުން ފެނުނީ ފުލުހުންގެ ލޯންޗަކަށް ކަމަށާއި ތިން މީހުންގެ ހާލު ވެސް ރަނގަޅު ކަމަށް.
_________________________________________
މާލެއިން ފުރައިގެން އ.އަތޮޅަށް ދަތުރުކުރި ދޯންޏެއް އަޑިއަށްދާ ކަމަށް ރިޕޯޓްކުރުމާ ގުޅިގެން އެ ދޯންޏާއި އޭގައި ތިބި ތިން މީހުން ހޯދުމުގެ މަސައްކަތް ސިފައިން ފަށައިފި އެވެ.
އެމްއެންޑީއެފްގެ ކޯސްޓްގާޑުން ބުނި ގޮތުގައި "އުންމީދު" ދޯނި އަޑިއަށްދާ ކަމަށް ރިޕޯޓްކޮށްފައި ވަނީ ރޭ ފަތިހު 5:30 ހާއިރު އެވެ. އޭރު ދޯނި އޮތީ މާލެ އަތޮޅު ބޮލިފުށީ ހުޅަނގުން ހަތް މޭލު ބޭރުގައި ކަމަށްވެ އެވެ.
ދިވެއްސަކާއި ތިން ބިދޭސީއަކު ތިބި އެ ދޯނި އަޑިއަށްދާ ކަމަށް ރިޕޯޓްކުރުމުން ހާބަ ކްރާފްޓް ލޯންޗެއް ގޮސް ދޯންޏާއި މީހުން ހޯދުމުގެ މަސައްކަތް ފެށި ކަމަށާއި މިހާރު އަންނަނީ ހެލިކޮޕްޓަރު ބޭނުންކޮށްގެން ވެސް އެ ސަރަހައްދު ބަލަމުން ކަމަށް އެމްއެންޑީއެފުން ބުންޏެވެ. އެތަނުން ބުނީ އެ ސަރަހައްދުން ދަތުރުކުރާ ސީޕްލޭންތަކުން ވެސް ދޯނީގެ ނިޝާނެއް ވޭތޯ ބަލަމުން އަންނަ ކަމަށާއި މިހާތަނަށް ދޯނީގެ ވެސް އަދި ގެއްލުނު މީހުންގެ ވެސް ނިޝާނެއް ނުވާ ކަމަށެވެ.
ދިގުމިނުގައި 60 ފޫޓު ހުރި މި ދޯނި އަޑިއަށްދާ ކަމަށް ރިޕޯޓް ކުރި ނަމަވެސް، ދޯނި އޭރު އޮތް ކަމަށް ބުނާ ސަރަހައްދުން ދޯންޏެއް އަޑިއަށް ދިޔަ ކަމުގެ ނިޝާނެއް މިހާތަނަށް ވެފައި ނުވާ ކަމަށް ވެސް އެމްއެންޑީއެފުން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހެޔޮހިތުން
06 October 2017
ވަލް ހަމްދުލިﷲ
ހައްވަ
06 October 2017
ސަލާމަތުން ރަށަކަށް އެރުނީބާ؟ ނޫނީ ރަށެއްގެ ފަޅަށް ސަލާމަތުން ވަދެވުނީ ބާ؟ އެމީހުން ނަށް ރަށަކަށް އެރުންނަމަ އަވަށް އެކަން އެންގުން ބުއްދިވެރި. ވަރަށް ބުރަ މަސައްކަތް ތަކެއް މިއޮށް ދަނީ ބަޔަކު ކުރަމުން، އެމީހުން ހޯދުމުގާ. އަޑިއަށް ދިއަނަމަ އޮޔާދާ ތަކެތި ފެނުން ވަރަށް ގާތް. އެކަމް އެއްވެސް ނިޝާނެއް އަދި ނުފެނޭ.