ޚަބަރު / ގދ. ތިނަދޫ

ތިނަދޫގައި އެކްސިޑެންޓެއް ހިނގައި ތިން މީހަކަށް އަނިޔާވެއްޖެ

ތިނަދޫ ބަނދަރު. - މިހާރު ފޮޓޯ

މުހައްމަދު ޔާމީން، މިހާރު

09 އޮކްޓޯބަރ 2017 - 00:40

2 comments

ގދ. ތިނަދޫގައި ހިނގި އެކްސިޑެންޓެއްގައި ތިން މީހަކަށް މިރޭ އަނިޔާވެއްޖެ އެވެ.

ފުލުހުން ބުނީ މިރޭ 11:30 ހާއިރު ތިނަދޫ އުރީދޫ އެންޓަނާ ކައިރީގައި ދެ ސައިކަލެއް ޖެހިގެން ހިނގި އެކްސިޑެންޓުގައި އަނިޔާވީ ދެ ފިރިހެނަކާއި އަންހެނަކަށް ކަމަށެވެ.

ތިން މީހުންނަށް ވެސް ތިނަދޫ ރީޖަނަލް ހޮސްޕިޓަލްގައި ފަރުވާދެމުން އަންނަ ކަމަށް ފުލުހުން ބުންޏެވެ. އެކަމަކު، އަނިޔާވި މީހުންނާ ބެހޭ ތަފްސީލެއް ފުލުހުން ނުދެ އެވެ.

މަންޒަރު ދުށް މީހަކު "މިހާރު" އަށް ކިޔައި ދިން ގޮތުގައި އެކްސިޑެންޓުގައި ޒަހަމްވި އެކަކަށް ވަނީ ސީރިއަސް އަނިޔާތަކެއް ލިިބިފަ އެވެ. އެގޮތުން އެމީހާ އެކްސިޑެންޓުވުމާ އެކު، ވަގުތުން ހޭނެތުނު ކަމަށާއި އޭނާގެ ބޮލަށް ގެއްލުންތަކެއް ލިބިފައިވާ ކަމަށް ބުންޏެވެ.

"އަނެއް ދެ މީހުންނަށް މާ ބޮޑެތި ގެއްލުންތަކެއް ލިބުނު ކަމަށް ލަފައެއް ނުކުރެވޭ. އެކަކު އަރިކައްޓަށް ގެއްލުން ވެފައި ވަނީ. އަނެއް މީހާ އަށް ކުދި ކުދި އަނިޔާތަކެއްވި،" އޭނާ ބުންޏެވެ.

ގދ. ތިނަދޫ ގދ. އަތޮޅު އެކްސިޑެންޓް ފުލުހުން މަގުމަތީގެ އެކްސިޑެންޓް

2 ކޮމެންޓް, 24 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރަބަރު

09 October 2017

މިގޮތަށް އެތައްބަޔަކަށް އަނިޔާވަމުންދާއިރު ނުކުޅދޭ މީހުނަށްވާއިރު މަރުވާއިރުވެސް ހަމަ އެކަކުވެސް ހޭއަރާހެން ހީނުވެއެވެ. އަހަރުމެންވެސް ސައިކަލު ދުއްވަމެވެ. މަގާއި މަގުގެ ހާލަތާއި ހަލަބޮލިކަމާއި ހުރިހާކަމަކަށް ވިސްނަމެވެ. އަދި ސައިކަލުގެ ހާލަތުވެސް ޓެސްޓްކުރަމެވެ. ރޭގަނޑުވީމަ މަގުތަކުގެ އަލިކަމާއި އަނދިރކަމަށްވެސް ވިސްނަމެވެ. އަދި ކުރިމަތިން ގޯޅިއެއް ފެންނަނަމަ އެ ގޯޅިން ރޮކެޓެއް އުދުއްސަފާނެކަމަށްވެސް ވިސްނަމެވެ. މިހުރިހާ ކަމަކަށް ބަލާއިރު ވެސް ބިރުގަންނަންޖެހޭ ހާލަތެއް އޮވެއެވެ. އެއީ ރޮކެޓް އުދުއްސާލި ތަނެއް ނެއެނގި ރާސްލާފަ ރޮކެޓެއް ކުރިއަށް އަރާގެންދާ ހާލަތެވެ.