"އަސްލު" ނަމުގައި ޕީޕީއެމުން ބޭއްވި ޖަލްސާ: އެ ޕާޓީގެ ޖަލްސާތަކުގައި ބައިވެރިވާން ސަރުކާރުގެ މުވައްޒަފުންނަށް މަޖުބޫރުކުރާ މައްސަލަ ބޮޑު.
19 އޮކްޓޯބަރ 2017 - 12:08
132 comments
ކާނިވަލުގައި ޕީޕީއެމުން މިރޭ ބާއްވާ "ތައްޔާރު" ޖަލްސާގައި ދައުލަތުގެ މުވައްޒަފުން ބައިވެރި ނުވެއްޖެ ދެން ވާނީ ކިހިނެއް ހެއްޔެވެ؟ މިއީ މުވައްޒަފުންގެ މިއަދުގެ އެންމެ ބޮޑު ސުވާލެކެވެ. ސަބަބަކީ، ޕީޕީއެމުގެ އިސް ބައެއް ބޭފުޅުން މި ޖަލްސާއާ ބެހޭ ގޮތުން ދައްކަވަމުން ގެންދަވާ ވާހަކަތަކާއި ދެއްވާފައިވާ އިންޒާރުތަކެވެ. ޖަލްސާ އަށް ދިއުން ވަނީ މަޖުބޫރުވެފަ އެވެ.
ރައީސް އަބްދުﷲ ޔާމީން ބައިވެރިވެވަޑައިގަންނަވާ އެ ޖަލްސާ އަށް ނުދާ މުވައްޒަފުންނާ ސުވާލުކޮށް، ސަބަބު އޮޅުންފިލުވާނެ ކަމުގެ އިންޒާރު ޕީޕީއެމްގެ އިސް ވެރިން ވަނީ ދެއްވައިފަ އެވެ. އޭގެކުރިން، ޖަލްސާގެ ހާޒިރީ ބަލާނެ ކަމަށް އޮފީސްތަކުގެ ސިޔާސީ މަގާމްތަކުގައި ތިއްބެވި ވެރިން ވެސް އޮތީ ކުންފުނިތަކުގެ މުވައްޒަފުންނަށް އަންގައިފަ އެވެ.
މި މައްސަލާގައި ގިނަ ބަޔަކު ޝަކުވާ ކުރަމުން ދިޔަ ނަމަވެސް ސިވިލް ސާވިސް ކޮމިޝަން އޮތީ "ހިމޭނުންނެ"ވެ. ކޮންމެ ޖަލްސާއަކާ އެކު މުވައްޒަފުން ފާޅުކުރާ ކަންބޮޑުވުންތަކުގެ އަޑު އަހާހެނެއް ހިއެއް ނުވެ އެވެ.
ޕީޕީއެމްގެ ޖަލްސާއާ ގުޅޭގޮތުން އިއްޔެ ބޭއްވި ޕްރެސް ކޮންފަރެންސްގައި އެ ޕާޓީގެ ނައިބު ރައީސް އަބްދުއްރަހީމް ވިދާޅުވީ ގައުމުގެ ރައީސް ބައިވެރިވެވަޑައިގަންނަވާ ޖަލްސާ އަށް ސަރުކާރު މުވައްޒަފުން ދާން އެންގުމަކީ މަޖުބޫރު ކުރުވުމެއް ނޫން ކަމަށެވެ. އޭނާ ސިފަކުރެއްވީ، އެއީ މުވައްޒަފުން ކުރަން ޖެހޭ ކަމެއްގެ ގޮތުގަ އެވެ.
"ވަރަށް ސާފުކޮށް މި ދަންނަވަނީ. ކުންފުނިތަކުގެ މުވައްޒަފުންނަށް ދަންނަވާނަމޭ، ޖަލްސާ އަށް ވަޑައިގެންދެއްވާށޭ. ސަރުކާރުގެ މުވައްޒަފުންގެ ގޮތުގައި ތިބި މެމްބަރުންނަށް ވެސް ދަންނަވާނަމޭ ވަޑައިގަންނަވާށޭ. ވަޑައިނުގެންފި ނަމަ، ގެނެސްގެން ކީއްވެގެންތޯ ބަލާނަން،" އަބްދުއްރަހީމް ވިދާޅުވި އެވެ.
މި ދަރަޖަ އަށް މަޖުބޫރުކުރާއިރު ވެސް މުވައްޒަފުންގެ ހައްގުގައި ސިވިލް ސާވިސް ކޮމިޝަނުން އެންމެ ކުޑަމިނުން، ބަޔާނެއް ވެސް ނެރެފައެއް ނުވެ އެވެ. މި މައްސަލާގައި ސުވާލުކުރުމުން ވެސް ކޮމިޝަނުން އަދި ވަކި އެއްޗެކޭ ނުބުނެ އެވެ.
ޕީޕީއެމްގެ ޖަލްސާތަކުގައި ސަރުކާރު މުވައްޒަފުން ބައިވެރިވުން މައްސަލައަކަށް ނުވާއިރު، އިދިކޮޅު ޕާޓީއެއްގެ ޖަލްސާތަކުގައި ބައިވެރިވި ސަރުކާރުގެ މުވައްޒަފުންނާ މެދު ފިޔަވަޅު އަޅާފައި އެބަހުއްޓެވެ.
އެ މުވައްޒަފަކު އަމިއްލަ އިޚްތިޔާރުގައި ޖަލްސާތަކުގައި ބައިވެރިވާން ގާނޫނުން މަނައެއް ނުކުރެ އެވެ. އެކަމަކު، ގާނޫނު އަސާސީއާ ސިވިލް ސާވިސްގެ ގަވާއިދުގައިވާ ގޮތުން ސިޔާސީ އެއްވެސް ކަމެއް ކުރަން މުވައްޒަފުންނަށް އިންޒާރުދީ ބިރުދައްކައި އިންޒާރު ދިނުމަކީ ކުރެވޭނެ ކަމެއް ނޫނެވެ.
މުވައްޒަފުންނަށް ކުރިމަތިވެފައިވާ މި ބިރުވެރި ކަމަށް ކަމާގުޅޭ މުއައްސަސާތަކުން ހައްލެއް ހޯދައިދޭން ޖެހެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ތުއްޓޭ
20 October 2017
. ކޮމެންޓު ތަކަށްބަލާލީމަ މިސަރުކާރުދެކެ ރައީތުން ނުރުހޭވަރު އެބަ އެނގޭ ގަދަބާރުން ހުރިހާ ކަމެތް ކުރީމަ ރައީތުން ރުޅިއަންނާނެ ހުޅުމާލެއިން މާލެޔައް ދިޔަ އެންމެން އުފުލީ އެޗްޑީސީ ވެހިކަލްތަކާ ދޯނިފަހަރާ ލޯންޗު ފަހަރު ބޭނުންކޮށްގެން ހަރަދައްބަލައި ފިއްޔާމީ ކުންފުނިންދާ ކިހާބޮޑު ހަރަދެއް މިކަހަލަ ހަރަދުތައް ސަރުކާރުން ކުރީމަ އެކަމަކު ހުރިހާ ގެއްލުމެއްވާނީ އެޗްޑީސީ މުވައްޒަފުންނަށް.. މިކަހަލަ ބޭކާރު ހަރަދު ކުރާތީ މުވައްޒަފުންގެ މުސާރަ ބޮޑު ނުވާތާ މުވައްޒަފުންނަށް ދޭންބުނާ ފުލެޓް ވެސް ނުދެވިގެން އެއުޅެނީ މިހާރު މި ސަރުކާރުން އެންމެގިނައިން ހަރަދުކުރާ ކުންފުންޏަކަށް ވާނެ އެޗްޑީސީ މިހާފާޅުކަން ބޮޑުގޮތެއްގަ ހުރިހާ ކަމެތް ވެސް މި ސަރުކާރުން އެކުރަނީ ރައީތުން ރުޅިމަޑު
އިބިރިހިންބެއްޔާ
20 October 2017
ސަރުކާރުގެ ގަދަފަދަކަމާއި ވަރުގަދކަން އަދި އިދިކޮޅު ރައްޔިތުން ނެތްކަން މިދަނީ ފެންނަމުން. ޢިދިކޮޅަށް އެއްޗެއް ބުނެލާނެ ރައްޔިތަކު ނެތްތާ، ރައްޔިތުންގެ ޚާދިމުގަޑެއްވަރުވެސް ނެތް. ބަޔަކު ނިކަމެތިވާނީ މިހާކަށްވަރަށް.
ާުއަހުުސެން
19 October 2017
ސަރުކާރު ފެއިލްވެފައިވާކަމުގެ އެންމެ ވަރުގަދަހެކި މިފެންނަނީ.
ޖެހޭނެއޭ
19 October 2017
ޕީޕީއެމް ގެ ޖަލްސާ އަށް ދާން ޖެހޭނެ ޖެހޭނެ ޖެހޭނެ. ނުދާ މީހުންނާއި މެދު ފިޔަވަޅު އެޅޭނެ. މަހަށް ދޭބަލަ ދެން ޓްވިޓަރޭ.
ރޯސް
19 October 2017
މާދަމާ އަކީ ތައްޔާރު ޖަލްސާއަށް ދިޔަމީހުންނަށް ޕުރަމޯސަން ދޭދުވަސް ތައްޔާރުބާ....
މަރީނު
19 October 2017
އަހަރެން ނުދާނަން ޖަލްސާއަށް، ނުވެސް ގެންދެވޭނެ!! ކަލޭމެންކުޅޭ ކުޅިވަރު އަހަރުމެން ހިތުދަސް.. ތިޖަލްސާއަށް ދިޔަ މީހުންނަށް ވާގޮތް އެގިދާނެ އިރުކޮޅަކުން...
ކްލޯސްޑް
19 October 2017
ޕީޕީއެމްގެ ޖަލްސާއާ އެކު ވަޒީފާގެ ބިރު ހީވާ މީހުން ސަރުކާރުގެ ވަޒީފާ އިން ވަކި ވެގެން ދިޔައިމާ ނިމުނީ އެވެ. އެއީ އެކަން އޮންނަން ޖެހޭނެ ގޮތަކީ. އެމްޑީޕީގެ ވެރިކަމުގައި ކެނެރީގެ ނަޝީދު މިގައުމު އިންޑިއާ މީހުންނަށް ވިއްކާ މިގައުމުގެ މިނިވަން ކަން ގެއްލުވާލާފައި ވަނި ކޮށް މަމެން ޕިންކީންގެ ބިއުޓިފުލް އެން އޯސަމް އެން ފްލޯލެސް ސަރުކާރު މިވަނީ ސިޗުއޭޝަން ބެކް ޓު ޕާރފެކްޓް ޕޮޒިޝަން އަށް ގެނެސް ފައެވެ. ޕިންކީންގެ ރައީސް އެއީ ޕާރފެކްޓް ވަން ފޯރ ދަ ސިޗުއޭޝަން ޓު މޭކް އިޓް ވެލް އިނަފް. ޖަލްސާ އަށް ދާން އުޅޭ ހަމަ މިހާރު، ޗެޕްޓަރ ކްލޯސްޑް.
އިގިރޭސިބަސް
20 October 2017
އަދިވެސް "ރައީސް" ނަޝީދު ނޫން އެއްޗެއް ނުކިޔޭ ދޯ؟
މަދިރި
19 October 2017
ސަރުކާރަކީ ޕީޕީއެމް ކަމަށް ނިންމާފައެއޮތީ. ދުވަސަކޮޅަކުން ގާނުނުވެސް ބަަލްކޮށްފާނެ ދިވެެއްސަކަށްވެވޭނީ ޕީޕީއެއް މެމްބަރަކަށްވެފަ ޖަލްސާއަށް ދިޔާއިމައޭކިޔާފަ.
ޢަބްދުﷲނާފިޒު
19 October 2017
ކާނިވަލުގައި ޕީޕީއެމުން މިރޭ ބާއްވާ "މަޖުބޫރު" ޖަލްސާގައި ދައުލަތުގެ މުވައްޒަފުން ބައިވެރި ނުވެއްޖެ ނަމަ ދެން ވާނީ ކިހިނެއް ހެއްޔެވެ؟
ސުވާލު
19 October 2017
ނުކުރާނެ ސުވާލެއް. ކަލޭމެން ތިއުޅެނީ މޮޔަވެގެން. ގޭމުޖައްސަނީ. ދިޔަޔަސް ނުިޔަޔަސް ނުވާނެ އެއްކަމެއްވެސް،