ބަނޑޭރި ކޮށީގެ ގެއަކަށް ފުލުހުން ވަދެ އެ ގެ ހުސްކުރަނީ: މިއީ ފުލުހުންނާއި ސިފައިން ހިންގި ގާނޫނާ ޚިލާފު އަމަލެއް ކަމަށް އެ އާއިލާ އިން ތުހުމަތުކުރޭ.
27 އޮކްޓޯބަރ 2017 - 22:59
66 comments
ސިފައިންނަށް ހާއްސަކޮށްގެން ދޫކޮށްފައިވާ ބަނޑޭރި ކޮށިން ގެއެއް މިއަދު ހުސްކުރީ، އެތަނާ ގުޅޭގޮތުން ކަނޑައަޅާފައި އޮންނަ އުސޫލުގެ ދަށުން ކަމަށް މޯލްޑިވްސް ނެޝަނަލް ޑިފެންސް ފޯސް (އެމްއެންޑީއެފް) އިން މިރޭ ބުނެފި އެވެ.
ބަނޑޭރި ކޮށި 2 ގައި ހުނަން މެރީ ލޮޖްގެ ހުރިހާ ސާމާނެއް މިއަދު ހަވީރު މަގުމައްޗަށް ނެރެ، އެ ގެ ހުސްކުރީ އެންއެންޑީއެފުން އެދިގެން ފުލުހުންނެވެ.
އެމްއެންޑީއެފްގެ މީޑިއާ އޮފިސަރު، ކެޕްޓަން އިބްރާހިމް އާޒިމް ވިދާޅުވީ ބަނޑޭރި ކޮށިން ގެއެއް ހުސްކުރީ ތަކުރާރުކޮށް ނޯޓިސް ދިނުމަށް ފަހު އޮންނަ އުސޫލުގެ ދަށުން ކަމަށެވެ. އިތުރަށް އެ މައްސަލާގައި އޭނާ ވާހަކައެއް ނުދެއްކެވި އެވެ.
މީގެ 28 އަހަރު ކުރިން، 1989ގައި އެތަން ދޫކޮށްފައި ވަނީ ސިފައިންގެ ތެރޭގައި 40 އަހަރު ޚިދުމަތް ކުރެއްވި މުހައްމަދު ފިރާގު ކިޔާ ބޭފުޅަކަށެވެ. ސިފައިންގެ ވަޒީފާ އިން 1994 އަހަރު ރިޓަޔާކުރެއްވުމަށް ފަހު ވެސް އެތަނުގައި ދިރިއުޅުއްވަމުން ގެންދަވާތީވެ، ތަން ހުސްކުރަން އެކި ފަހަރު މަތިން އޭނާ އަށް ޑިފެންސް މިނިސްޓްރީން އޮތީ އަންގައިފަ އެވެ.
އެކަމަކު އާއިލާ އިން ބުނިގޮތުގައި، އެތަނުގައި ދިރިއުޅެނީ ސަރުކާރުގެ ހުއްދަ ލިބިގެންނެވެ.
ސިފައިންގެ ވަޒީފާ އިން ވަކިވެވަޑައިގަތް ފަހުން ވެސް، އެތަނުގައި ފިރާގު ދިރިއުޅުއްވުމުގެ ހުއްދަ ދެއްވައި، ރައީސް މައުމޫން އަބްދުލްގައްޔޫމްގެ ސަރުކާރުން ދީފައިވާ ލިއުމެއް ވެސް އޮތް ކަމަށް އާއިލާ އިން ބުނެ އެވެ.
ބަނޑޭރި ކޮށި ގެއަކަށް ވަދެ ފުލުހުން ވަދެ އެ ގޭގައި ހުރި ސާމާނުތައް ނެރެ ޕޭވްމަންޓުމަތީގައި ބަހައްޓާފައި.
އެ ގެއަށް މިއަދު ފުލުހުން ފޮނުވީ، ސިފައިންގެ އެންގުމާ އެއްގޮތަށް އަމަލުނުކުރުމުން ކަމަށް ބުނެ އެވެ. މި މައްސަލާގައި ފިރާގުގެ އާއިލާ އިން ދަނީ ސަރުކާރަށް ވަރަށް ބޮޑަށް ފާޑުކިޔަމުންނެވެ.
އެ އާއިލާ އިން ބުނާގޮތުގައި، އެ މީހުން ދިރިއުޅުނު ގެއިން ނެރެ މަގުމަތިކުރީ، އެތަން ހުސް ނުކުރެވޭނެ ކަމަށް ހައި ކޯޓުގެ އަމުރެއް ވެސް އޮއްވަ އެވެ.
ފިރާގުގެ ދަރިފުޅު، ޝިފާއު ބުނީ އެމްއެންޑީއެފުން އަންގައިގެން ފުލުހުން އެ ގެއަށް ވަދެ ހިންގީ ގާނޫނާ ޚިލާފު އަމަލުތަކެއް ކަމަށެވެ. އެ އާއިލާ އަށް ބަދަލު ނުދީ، އެތަނުން ނުނެރެވޭނެ ކަމަށް ހައި ކޯޓުން ހުކުމްކޮށްފައިވާ ކަމަށް އޭނާ ބުންޏެވެ.
މީގެ އެތައް އަހަރު ކުރިން އޭނާގެ ބައްޕަ އަށް ދޫކޮށްފައިވާ އެތަނަށް ބަދަލު ދޭން ޖެހެނީ، އިމާރާތްކޮށް އެތަން ރަނގަޅު ފެންވަރަކަށް ހަދާފައި ހުރުމުންނެވެ.
"ހައި ކޯޓުގެ ހުކުމުން ވަރަށް ސާފު، އަޅުގަނޑުމެންނަށް ބަދަލު ނުދީ، މި ތަނުން ނުނެރެވޭނެކަން. އެ ހުކުމް އެހެން އޮއްވައި، އަދި ސިވިލް ކޯޓުގައި ވެސް މައްސަލަ އަންނަ އާދީއްތަ ދުވަހު 11:30 އަށް ޝެޑިއުލްކޮށްފައި އޮއްވައި ކޯޓު އަމުރަކާ ވެސް ނުލައި ފުލުހުން ވަނީ،" ޝިފާއު ބުންޏެވެ.
އޭނާ ބުނިގޮތުގައި އެއީ ފުލުހުންނަށް އަމަލުކުރެވޭނެ ގޮތެއް ނޫނެވެ. ކޯޓުގެ ހުކުމްތަކަކާ ޚިލާފަށް، ޣައިރު ގާނޫނީ ގޮތުން ފުލުހުން ހަރަކާތްތެރިވުމަކީ ކުށެއް ކަން ވެސް ޝިފާއު ފާހަގަކުރި އެވެ.
ބަނޑޭރިކޮށިން ގެތައް ސިފައިންނަށް ދޫކުރަނީ މިލްކުކުރެވޭ ގޮތަކަށް ނޫނެވެ. ސިފައިންގެ ވަޒީފާ އިން ވަކިވުމުން ތަން ހުސްކުރަން ޖެހެ އެވެ. އެކަމަކު، އެ އުސޫލާ ޚިލާފަށް އަމަލުކުރަމުންދާތީވެ، މީގެކުރިން ގިނަ ބަޔަކަށް ނޯޓިސްދީ ބައެއް މީހުން ނެރެފައި ވެސް ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖޭޑް އައްބާސް
29 October 2017
ތިބުނާ ޝިފާއު އެއީ ގާނޫނާ ހިލާފު ވާހަކައެކޭ ކިޔައިގެން ވާހަކަ ދައްކާއިރު ލާދުގަންނަން ޖެހޭނެ...!! ޝިފާއުތީ މިގައުމުގައި އޮތް އިންތިހާބީ ޤާނޫނީ ވެރިކަން ވައްޓާލަން ފުލުހެއްގެ ގޮތުގައި ހުރެ އެންމެ ގަދަޔަށް މަސައްކަތް ކުރި އެކަކު...!!!
ދޮންތުއްތު
29 October 2017
ތީ ސިފައިންނަށް ދޫކުރަން ހަދާފަ ހުރި ތަނެއް. ކަލޭމެންނަށް ތިތަނުގަ ރަނގަޅު ފެންވަރަށް ތަން ހަދައިގެން ތިބެވޭނަމަ އަހަރުމެންނަށްވެސް ތިގޮތަށް ލިބެން ޖެހޭނެ.
ޝަހާމު
29 October 2017
އާޓިކަލް ކިޔާލުމުން އިނގޭ މިއީ މައުމޫނު އަބްދުލް ގައްޔޫމުގެ ސަރުކާރުގައި އެކި މީހުންނަށް އެކި ގޮތްތައް ހަދާދިނުމަށް ގެންގުޅުނު ސަގާފަތުގެ ދަށުން ހިނގާފައިވާ ކަމެއްކަން. ސިފައިންގެ އިސް ބޭކަލުންނާ މައުމޫނާ ވަރަށް ގާތްވާނެ. ސިފައިންގެއިން ވަކިވި ނަމަވެސް، މައުމޫނުގެ އާއިލާ ހިމާޔަތް ކުރުމަށް ފޯރިމަރަން އާންމުކޮށް އުޅޭ ސިފައިންނަށް މިކަހަލަ ހާއްސަ ގޮތްތައް ހައްދަވާ ދީފައިވެސް އެބަހުރި. އެކަމުގެ ބޮޅެއް މިފެނުނީ. އަނެއްކާ އޭރު ސިފައިންގެ ބޭކަލުންނަށް ބަނޑޭރި ކޮށި ހެދީ ފްލެޓް ހަދާނެ ލާރި ދައުލަތުގައި ނެތިގެނެއްނޫން. ކަމެއް ކޮށްލަންވެގެން ހުސްކޮށްޓެއް ދައްކާފައި ރޯނުދަމާލީ. ދެން އެތަން ލިބޭ ސިފައިންގެ ބޭކަލު މިޖެނީ އެތަނަށް އިންވެސްޓް ކޮށްގެން ހަދަން. މިއުސޫލު ބަދަލުކޮށް މުޅި ބަނޑޭރި ކޮށި ރިފޯމް ކުރަންވެއްޖެ. ސިފައިންގެއިން ވަކިވީމާ ނުކުންނަންޖެހޭގޮތަށް.
ޔުނައިޓެޑް އައްޑޫ
29 October 2017
އޮންނަ އުސޫލުން ރައީސް އޮފީސް ފޮޅާ ސާފުކޮށްދިނުން އެދެން.
ނަސީމު
29 October 2017
ތީ ގައުމަށް ހިދުމަތްކުރުމެއްނޫން ތީ ބޮޑު މުސާރަޔައް މަސައްކަތްކުރުން މުސާރަދީފަ އުޅޭނެތަންދިނީމަ އޭގެ ބަދަލުގަ ކުރި ކަންތަށްނުވާނެ ހިދުމަތަކަށް ވ ސަލާމް ..... އަވަހައް ނެރޭ ނެރޭ
ބެއްޔާ
28 October 2017
ފަލާހް ގެއަށް ވައްދާފަ ފިރާގު ގެއިން ނެރުނީއެވެ.
ބެއްޔާ
29 October 2017
ކޯޓު އަމުރެއްގެދަށުންތޯ މަގޭ އައިޑީތިބޭނުންކުރަނީ.... ނަންވެސްހުސްކުރޭ...؟؟
އައިޖޭ
28 October 2017
ހައިކޯޓުން އަމުރު ކޮށްފަ އޮތްދޯ އެކަށޭނ ބަދަލެއް ދޭން، އެކަން ނުކޮށް މިބީދައިން ނެރުން އެއީތަ ތިަޔ ބުނާ އުސުލަކީ؟؟ ދެން އަނެއްކާ މި ޙޯމަ ދުވަހު، އެގެއާއި ގުޅޭ ކޭހެއް ސިވިލްކޯޓް ގައި ތާވަލް ވެފައި އޮއްވާ، ކުއްލި އަކަށް މިހެން ނެރުނީމަ ވަރަށް ސުވާލު އުފެދޭދޯ..
ޖުންދަބް
28 October 2017
އަހަންނަށް އެނގިފައިވާ ގޮތުގައި ފިރާގުގެ ދަރިއަކަށް ހުޅުމާލޭން ފްލެޓް ވެސް ލިބިފައިވޭ، އެތަން ހުންނަނީ ކުއްޔަށް ދީފަ، އެހެން ވީމަ ތިތާ ފިރާގު ދައްކާނެ އިތުރު ބަހަނާތަކެއް ނެތް
ރަނގަޅު
28 October 2017
އަހަރެން ދެކޭގޮތުގައި ތި ޢާއިލާއިން ތިހާ ގިނައަހަރު ރައްޔިތުންގެ މުދަލެއް ރައްޔިތުންނަށް ބަދަލު ދޭންޖެހޭނެ. އެތާނގަނުގަވައިދުންއުޅޭބަަޔަކު ޢިމާރާތް ކުރާނީވެސް ނުޤަވާއިދުން. އަހަރެމެންވެސް މިދަނީ ޤައުމަށް ޚިދުމަތް ކުރަމުން. އެކަމަކު ބޮޑުކުލީގަ
އަލިބެއްޔާ
28 October 2017
މީގައި ސިފައިންނަށް އޮންނަގަވާއިދު ކަމުގައިވާނަމަ ހުރިހާ ސިފައިންނަށް އެއްވަރަކަށް ހިނގަންވާނެ. އެހެންވީމާ ގަވާއިދު ތަންފީޒުކުރުން ގޯހެއްނޫން. ސުވާލަކީ މިގޮތަށް ނުނެރެ ކިތައްމީހުން ބަނޑޭރިކޮށީގައި ދިރިއުޅޭތޯ؟ އަނެއްކަމަކީ މިއީ ސަރުކާރުތަކުގެ އިހުމާލެއް. ހުރިހާ ސަރުކާރެއްވެސް. މިކަން މިއަށްވުރެ ޚަރުދަނާ އުސޫލަކުން ހިނގަންވާނީ. މިބުނީ ރައްޔަތުންނަށް ދަތިހާލު ނުޖައްސާ ހާސްކަމެއްނެތި ދިރިއުޅެވޭނެ މަގު ތަނަވަސް ކޮއްދެވެންވާނެ.