ދުންފަތުގެ ބާވަތްތަކުގެ ބޭރުގައި އިންޒާރުގެ މަންޒަރުތައް ގިނަކުރަން ނިންމައި ގަވާއިދު އެކުލަވާލި ނަމަވެސް ގެޒެޓްކުރުން ލަސްވާތީ ސިއްހީ ދާއިރާ އިން ދަނީ ކަންބޮޑުވުންފާޅުކުރަމުން.
05 ނޮވެމްބަރ 2017 - 11:46
28 comments
ދުންފަތުގެ އުފެއްދުންތައް ބަންދުކޮށްފައި ހުންނަ ފޮށީގެ ބޭރުގައި ގްރެފިކް ހެލްތު ވޯނިން ނުވަތަ އިންޒާރުގެ މަންޒަރުތައް ގިނަކޮށް، ވަކިން ސިނގިރެޓް ނުވިއްކޭ ގޮތަށް އެކުލަވައިލި ގަވާއިދު ރައީސް އޮފީހުގައި "ތާށިވެއްޖެ" އެވެ.
ދުންފަތް ކޮންޓްރޯލް ކުރަަން ކުރާ މަސައްކަތުގެ ދަށުން "ދުންފަތުގެ ބާވަތްތައް ޕެކޭޖްކުރުމާއި ލޭބަލްކުރުމާ ބެހޭ ގަވާއިދު"ގެ ނަމުގައި ގަވާއިދެއް ހަދައި، މިދިޔަ ސެޕްޓެމްބަރު މަހުގެ ތެރޭގައި ރައީސް އޮފީހަށް ފޮނުވީ އެޓާނީ ޖެނެރަލް އޮފީހުގެ ލަފަޔާ އެކު އެވެ. އެކަމަކު ދެ މަސްވިއިރު ވެސް ގަވާއިދު އާއްމެއް ނުކުރި އެވެ.
ދުންފަތް ކޮންޓްރޯލް ކުރަން އަޅަމުން އަންނަ ފިޔަވަޅުތައް އިތުރަށް ހަރުދަނާވާގޮތަށް ހެދި ގަވާއިދު ގެޒެޓްކުރުން ލަސްވަމުންދާތީ، ދުންފަތާ ދެކޮޅަށް މަސައްކަތް ކުރާ ފަރާތްތަކުން ދަނީ ކަންބޮޑުވުންފާޅުކުރަމުންނެވެ. ގަވާއިދު ލަސްވަމުންދާ ސަބަބާ ގުޅޭގޮތުން ރައީސް އޮފީހުން އަދި ކޮމެންޓެއް ނުލިބެ އެވެ.
މީގެކުރިން، ދުންފަތުގެ އިސްތިއުމާލްކުރުން މަނާކުރާ ތަންތަން ކަނޑައެޅުމުގެ ގަވާއިދު ގެޒެޓްކުރަން ރައީސް އޮފީހަށް ފޮނުވުމުން ވެސް "ޕާކުކޮށްފައި" އެތައް ދުވަހަކު ބޭއްވި އެވެ. އެ ގަވާއިދު ވެސް ގެޒެޓްކުރީ، ސިއްހީ ދާއިރާ އިން އެތައް "އާދޭހެއް" ކޮށްގެންނެވެ.
އެ ގަވާއިދާ ގުޅޭގޮތުން ނޫސްވެރިން ސުވާލުކުރުމުން، ހެލްތު މިނިސްޓަރު އަބްދުﷲ ނާޒިމް މިދިޔަ ހަފުތާގައި ވިދާޅުވީ ގަވާއިދު ގެޒެޓްކުރުމުގެ މަސައްކަތް ރައީސް އޮފީހުން ކުރަމުން އަންނަ ކަމަށެވެ. ތަފްސީލެއް ނުދެއްވަ އެވެ.
ދުންފަތާ ދެކޮޅަށް މަސައްކަތް ކުރައްވާ ސިއްހީ ދާއިރާގެ އިސް ބޭފުޅުން ދެކެވަޑައިގަންނަވާ ގޮތުގައި ގަވާއިދު ގެޒެޓްނުކޮށް ލަސްވާ ކޮންމެ ދުވަހަކީ ވެސް އެތައް ބައެއްގެ ފުރާނަ ނުރައްކަލަކަށް ހުށަހެޅިގެންދާ ދުވަހެކެވެ. ހެލްތު ޕްރޮޓެކްޝަން އޭޖެންސީ (އެޗްޕީއޭ)ގެ ތަފާސްހިސާބުތަކުން ދައްކާގޮތުގައި، ދުންފަތާ ގުޅުން ހުރި ބަލިތަކުގައި މީހުން މަރުވާ ރޭޓު ދުވަހެއް ދުވަހަކަށް ރާއްޖޭގައި ދަނީ އިތުރުވަމުންނެވެ.
އެ ހިސާބުތަކުން ދައްކާ ގޮތުގައި، ދުންފަތާ ހެދި ރާއްޖެ އިން އަހަރެއްގެ މައްޗަށް 350 މީހުން މަރުވެ އެވެ.
"މިއީ ސީރިއަސް އަދަދެއް. މި އަދަދުން ބަލާކަމަށްވާނަމަ ދުންފަތާ ހެދި ދުވާލަކަށް މީހަކު މަރުވޭ،" އެޗްޕީއޭގެ އިސް ބޭފުޅަކު ވިދާޅުވި އެވެ. އާ ގަވާއިދުގައިވާ ގޮތުން ސިނގިރެޓް ފޮށިތަކާއި އެ ނޫން ވެސް ދުންފަތާ ގުޅުން ހުރި ބާވަތްތަކުގައި ހިމެނޭ އިންޒާރުގެ މަންޒަރުތައް ހިމެނޭ މެސެޖްތައް މިހާރަށް ވުރެ ގިނަ ކުރާނެ އެވެ. ދުންފަތުގެ ބާވަތްތައް ވިއްކާއިރު އިންޒާރުގެ އެ މެސެޖުތަކުގައި ދުންފަތުގެ ގެއްލުން މިހާރަށް ވުރެން ބޮޑަށް ކިޔައިދީ އޭގެން ކުރާ ނޭދެވޭ އަސަރުތައް ވެސް ތަފްސީލު ގޮތެއްގައި ހިމަނަން ގަވާއިދުގައި ވަނީ ކަނޑައަޅައިފަ އެވެ.
މީގެ އިތުރުން، ފިހާރަތަކާއި ކެފޭ އަދި ރެސްޓޯރެންޓުތަކުން ވެސް ވަކިން ސިނގިރެޓް ނުވިއްކޭނެ އެވެ. އެ ގަވާއިދުގައިވާ ގޮތުން ފިހާރަތަކުން ވެސް ވިއްކަން ޖެހޭނީ މަދުވެގެން ފޮއްޓެކެވެ. އަދި ދުންފަތުގެ އެހެން ބާވަތްތައް ވެސް 30 ގްރާމަށް ވުރެން މަދުން ނުވިއްކޭނެ އެވެ.
މިއީ، ދުނިޔޭގެ އެހެން ބައެއް ގައުމުތަކުގައި ވެސް އަމަލުކުރަމުން އަންނަ އުސޫލެކެވެ. ދުންފަތުގެ ގެއްލުމާއި އޭގެއިން ހަށިގަނޑަށް ކުރާ ނޭދެވޭ އަސަރު ވީހާ ވެސް ބޮޑަށް އެނގޭ ގޮތަކަށް މަންޒަރާ އެކު ވިއްކަން ވޯލްޑް ހެލްތު އޯގަނައިޒޭޝަން (ޑަބްލިއުއެޗްއޯ) އާއި ރާއްޖެ ބައިވެރިވެފައިވާ ދުންފަތް ކޮންޓްރޯލް ކުރުމާ ބެހޭ މުއާހަދާތަކުން ވެސް ބާރު އަޅަ އެވެ. ސިއްހީ ދާއިރާގެ ތަފާސްހިސާބުތަކުން ދައްކާގޮތުގައި ރާއްޖޭގައި މަރުވާ މީހުންގެ 81 ޕަސެންޓް މީހުންނަކީ ދުންފަތުގެ ސަބަބުން ޖެހޭ އެކި ބަލިތަކުގައި މަރުވާ މީހުންނެވެ. އަދި ރާއްޖެ އަށް އަހަރަކު 462 މިލިއަން ސިނގިރޭޓް އެތެރެކުރާ އިރު އެކަމަށް 1.1 ބިލިއަން ރުފިޔާ އިސްރާފު ކުރާ ކަމަށް ވެސް ހިސާބުތަކުން ދައްކަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުދައިބު
06 November 2017
ތި ދިރާސާތަކުން ބުނާ ގޮތުގައި ކޮންމެ ދުވަހަކު ރާއްޖޭގައި މަރުވާ މީހަކީ ދުންފަތުގެ ބަލި ޖެހިގެން މަރުވާ މީހެއް، އެއީ ރާއްޖޭގައި ދުވާލަކު މަރުވާ އަދަދަކީ 2 ނުވަތަ 1 ކަމުގައިވާއިރު ގަބޫލް ކުރަން އުދަގޫ ކަމެއް ކޮންމެ މީހަކީ ހަމަ ދުންފަތުގެ ބަލިން މަރުވާ މީހެއް ހެން، 350 ތި އަދަދު ރަގަޅެއް ނޫން
ދިމާވޭ
06 November 2017
ހުދައިބު. ތަފާސް ހިސާބުދިމާވޭ. ރާއްޖޭގަ ދުވާލަކު ދެތިން މީހުން މަރުވޭ. މީގެތެރެއިން 30 އިންސައްތަ އެއީ ދުންފަތުގެ އިސްތިޢުމާލުކުރުމާ ސީދާ ގުޅުން ހުރި ބަލިތައްކަމަށް ރެކޯރޑް ކުރެވިފައިވާކަމަށްވަނީ. 350 ވީމަ އެއީ ދުވާލަކު މީހެއްވަރު. ތަފާސްހިސާބާ މެދު ސުވާލުއުފެއްދުމަކުން ޙަޤީޤަތް ބަދަލެއް ނުވޭ. ހިތުގެ ބަލިތަކާ ފުއްޕާމޭގެ ބަލިތަކާ ސްޓްރޯކް އަދި ގިނަ ކެންސަރު އެއީސީދާ ދުންފަތާ އޭގެ ދުމާ. ދެންއެކަން ކުރާވަރުއެބަފެނޭދޯ. ދިރާސާ އާ ތަފާސްހިސާބާ ސުވާލު ނޫފައްދާ ހުއްޓާލީމަ ނިމުނީ
މަރިޔަމް
06 November 2017
" މިހާ ރިޔާސީ އިންތިޚާބަށް ކައިރިވެފައިވަނިކޮށް ތި ގަވާއިދު ގެޒެޓް ކޮށްފިނަމަ ވޯޓު ނުލިބިދާނެތީކަމަށް ބުނެ ގެޒެޓް ނުކޮށް ލަސްކުރާކަމަށް މައުލޫމާތު ލިބެނީ.. 2018 ވަނަ އަހަރު ހޮވިއްޖެނަމަ ގެޒެޓް ކޮށް ދޭނަމޯ ވިދާޅުވަނީ" މީ ލިބޭ މައުލޫމާތަކީ.. އެކަމަކު ބުނާނެ ތިމަންނާމީ 21 ވަނަ ގަރުނުގެ ގަޑު ހުރި ރައީސްއޭ.. މިވަރރުކަމެއްވެސް ކޮށްލަން ނުކެރޭ ގަޓުހުރި ރައީސް
ދނދނ
06 November 2017
ތި ޖަމާޢަތްތަކުގެ ގަމާރުކަން ބޮޑުކަމާއެވެ. ދެން ފެނިގެންދާނީ 20 ސިގިރެޓްގެ ބަދަލުގައި 10 ނުވަތަ 6 ސިގިރެޓް ބަންދުކޮށްފަ ހުންނަ ސިގިރެޓް ފޮށިތައް. އެއިރުން މިހާރު 1 ސިގިރެޓް ގަންނަމީހާ ގަންނާނީ 6 ސިގިރެޓް. އަބަދު ޖީބުގައި ޕެކެޓް އޮންނާތީ ބޮވޭލެއް ގިނަވާނެ. އެކްސެސިބިލިޓީ ހައިވާވަރަކަށް ކޮންސަމްޕް ހައިވާނެކަން ގްރޭޑް 8ގަ އުޅޭކުއްޖާއަށްވެސް އެނގޭނެ. ފަހަރަކު އެއްޗެއް ގަންނަންދާންޖެހޭތީ ނުގޮސް ކިތަންމެފަހަރު މަޑުކުރެވޭ. އެކަމަށްވެސް ނިމުމެއް ތިގެނައީ. ދެން އަބަދުވެސް ޖީބުގައި ފޮއްޓެއް އޮންނާނެ. ހީވަނީ ތިޖަމާޢަތްތަކުގައި އުޅެނީ ސިގިރެޓް ޕްރޮމޯޓްކުރާމީހުންހެން.
ނުަބައި
06 November 2017
ދނދނ ގެ ވިސްނުންކޮށިކަމާއޭ. ތިބުނާ އެތި ދިމާވާނަމަ އެހެން ހުރިހާ ޤައުމެއްގަވެސް ވަކިވަކި ސިނގިރޭޓް ވިއްކުން ހުއްޓައެއް ނުލާނެ. މިއީ އަލަށްފަށާފާނެ ފައިސާމަދުންހުންނަ ސްކޫލްކުދިން އިންޓޯލް ލާރިން ގަންނަގަތުން ހުއްޓުވުމަށް ކުރާކަމެކޯ. ވަކިންވިއްކީމަ އިންޒާރުގެ މެސެޖްވެސް ނުފެންނާތީ ފޮށްޓަކަށްލައިފަ އިންޒާރާ އެކު ބޮޑުއަގުގަ ވިއްކަންވީ. ދނދނ އަށް ވާނުވާ އިނގޭތަ.
ނާޝިދު
06 November 2017
ޞިއްޙީ ދާއިރާއަށް އިންގިލާބީ ބޮޑު ބަދަލެއް ގެންނާނެކަމަށް ރައީސް ވިދާޅުވާއިރު، އެންމެ މުޙިއްމު ކަމަކީ ބަލި ޖެހުމުގެ ކުރިން އެކަމުން ރައްކާތެރިވުން، މިކަމުން މި އެނގެނީ ރައީސްގެ އިޚްލާސްތެރިކަން ނެތްކަން
އަލި
06 November 2017
ދުންފަތުގެ ވިޔަފާރީގެ އިސް ސަފުގައި ތިބީ ބައެއް މިނިސްޓަރުންގެ ފިރިން.. އެހެންވެކަންނޭނގެ ތިކަން ނުވެގެން ތިއުޅެނީ، ރައީސުލްޖުމުހޫރިއްޔާއަށް ޢާންމު ރައްޔަތުންގެ ޞިއްޙަތު އެހާ މުހިއްމެއް ނުވާނެ ސިޔާސީ ކަމަކާ ޖެހުނީމަ
ކަޑަ
06 November 2017
މިކަހަަލަ ކަންކަމުން ވެރިންގެ އިޚްލާޞްތެިކަން ޓެސްޓް ކުރެވޭނީ. އެބަ އިނގޭ 25 ބުރީގެ އިމާރާތާ މެޝިންތަކާ ޑޮކްޓަރުންނާ ބޭހަކީ ބަލިވުމުން ފަރުވާ ހޯދުމަށް ބޭނުންވާ ވަޞީލަތްތައް. އެންމެރަނގަޅީ ބަލިނުވެތިބުންކަމާ ޞިއްޙަތަކީ ހާސް ނިޢުމަތްކަމާ ދުރާލާ ރައްކާތެރިވާންޖެހޭކަން. ދުންފަތަކީ ބޮޑެތިބަލިތައް ޖައްސާ ބޮޑުއިޝްރާފުވެރި ޢަމަލެއްކަން. ޑްރަގަށް އެޅޭ ފާލަމެއްކަން. ޒުވާން ޖީލުގެ ދުޅަހެޔޮކަމާ އުފެއްދުންތެރިކަމަށް އެކުދިން ދުންފަތާ ދުރުކުރަންޖެހޭ ކަން. ތިމަންނާއަކީޤާނޫނާ ޤަވާޢިދު ތަންފީޒުކޮށް މުއާހަދާތަކަށް ޢަމަލުކުރާނެ މީހެކޭ އަޑަށް ބާރުލާ ވިދާޅުވާއިރު ދުންފަތުން ރައްޔިތުން ސަލާމަތްކުރުމަށް ފިޔަވަޅުތަކެއް އަޅަން ލާޒިމުކުރާ މުއާހަދާއަކާ ޤާނޫނެއް އެބައޮތް. ޑޮކްޓަރުންނާ އާއްމު ރައްޔިތުން މިކަމަށް އެދި ގޮވާއިރު ހެލްތުމިނިސްޓަރާ ބަންޑާރަނައިބުގެ އާނބަހާ އެކު ގެޒެޓްކުރަން ފޮނުވީމާވެސް ޤަވާޢިދު ހުއްޓުވަނީ ކީއްވެގެންބާ. ކާކުގެނުފޫޒުން ކާކުގެ ފައިދާއަކަށްބާ. އިޚްލާޞްތެރިކަމެއްހުރިއްޔާ ގެޒެޓްކުރޭ.ޕްލީސް
ވޯޓޭ
06 November 2017
ވޯޓުކޮޅު ގެެއްލިދާނެތީ ދޯ؟ ނުލިބޭނެ ދެން ލަލަލާ
ބޫމް
05 November 2017
ވަތްނ ދޮރަށްވުރެ ނުކުންނަންވީ ދޮރު މާކުޑަވީ ދޯ. ސިޔާސީ ކަމަކާ ގުޅުން ނެތީފާ ޢާއްމު ރައްޔިތުންނަށް ދެރަ ލިބޭ ކަމަކަށް ވާތީ. ޢާއްމު ރައްތުން ބަލިވީމަ ބޮޑުންގާތަށް ސަލޏް ޖަހަން ދާން ޖެހޭނެތީ.
އަލްޖިބްރާ
05 November 2017
މަރަށް މަރު ހިފުމުގެ ޤާނޫނު ތާށިވީ ކޮންތާކުތަ ؟ތީއަދި ދުންފަތެއްނު !
އަންމަޑޭ
05 November 2017
ޖަމިއްޔާ ތަކުން ފިހާރަތަކަށާ ހޮޓާ ތަކަށް ވަދެ ނަސޭހަތް ދީ ސިނގިރޭޓް ވިއްކުން ހުއްޓުވުމަށް މަސައްކަތް ކުރަން ވީއެވެ. އޭގެ ގެއްލުން ހާމަ ކޮށްދޭން ވީއެވެ.