އެއާޕޯޓު އަޅަން ކުޅުދުއްފުށީ ފަޅުން ހިއްކަން ޖެހޭ ސަރަހައްދުގައި ބަންޑު ވޯލް ޖަހާފައި: މި މަސައްކަތް ރަސްމީކޮށް ފަށަނީ މި މަހު 12އިގައި
05 ނޮވެމްބަރ 2017 - 14:51
68 comments
ހދ. ކުޅުދުއްފުށީގައި އެއާޕޯޓު ހެދުމަށް އެ ރަށުގެ ކުޅި ހިއްކަނީ ކުރު ރާސްތާއެއްގެ ތަރައްގީ އަށް ކުޅުދުއްފުށީގެ ކައުންސިލުން ކުޅި "ގުރުބާން" ކުރުމުން ކަމަށް ބުނެ ބައެއް ޖަމިއްޔާތަކުން އެ ކައުންސިލަށް ވަރަށް ބޮޑަށް ފާޑުކިޔައިފި އެވެ.
ތިމާވެއްޓާއި ދިރުންތައް ހިމާޔަތް ކުރުމަށް މަސައްކަތް ކުރާ ހަތް ޖަމިއްޔާއަކުން ގުޅިގެން ކުޅުދުއްފުށީ ކައުންސިލަށް ފޮނުވި "ހުޅުވާލާފައިވާ ސިޓީ" އެއްގައި ބުނީ ކުޅި އާއި އެ ރަށުގެ ރައްޔިތުން ގުޅިފައިވާ މިންވަރު ކައުންސިލަށް ވަރަށް ރަނގަޅަށް އެނގޭނެ ކަމަށެވެ. އެކަމަކު ކުުޅި ހިއްކުމަށް ކައުންސިލުން ތާއީދުކޮށް، "ކުރު ރާސްތާގެ ތަރައްގީއެއްގެ އެދުމުގައި ކުޅި ގުރުބާން ކުރުމުން" އެކަމާ ހިތާމަ ކުރާ ކަމަށް ސިޓީގައި ބުނެފައި ވެ އެވެ.
އީކޯކެއާ، ބްލޫޕީސް، އުތެމަ، ބީލީފް، އެމްޑީއެން، ފްރެންސްއެއިޑް އަދި ވޮއިސް އޮފް ވިމެން އިން ފޮނުވި ސިޓީގައި ބުނީ ކުޅުދުއްފުށީގެ މިހާރާއި މުސްތަގްބަލުގެ ސަލާމަތާއި ރައްކާތެރިކަން، ކުޅީގެ ގުދުރަތީގެ ވެއްޓާ ކަނޑާނުލެވޭނެ މިންވަރަށް ގުޅިފައިވާކަން ރަށުގެ ކައުންސިލަށް ވަރަށް ރަނގަޅަށް އެނގޭނެ ކަމަށެވެ. އަދި ކުޅީގެ ގުދުރަތީ، އިގްތިސޯދީ އަދި އިޖްތިމާއީ މުހިއްމުކަން އެހެން ބަަޔަކު ބަޔާންކޮށް ދޭން ނުޖެހޭނެ ކަމަށް ވެސް ބުނެފައި ވެ އެވެ.
އެކަމަކު ރަށުގެ ސަލާމަތާއި ރައްކާތެރިކަން އަދި ތަރައްގީ އާއި ކުރިމަގު ފަރުމާ ކުރުމަށް، ރައްޔިތުން ވޯޓު ދީގެން ހޮވާފައި ތިބި ބަޔަކު އެގޮތަށް އަމަލު ކުރުމުން ޖަމިއްޔާތަކުން ވަރަށް ބޮޑަށް ފާޑުކިޔާފައި ވެ އެވެ.
އެ ސިޓީގައި ޖަމިއްޔާތަކުން ވަނީ ކުޅުދުއްފުއްޓަށް ކުޅި މުހިއްމުު ވާ ވަރު ފާހަގަކޮށްފަ އެވެ.
ކުޅި ހިއްކުމާ ގުޅޭގޮތުން ހަދާފައިވާ އެންވަޔަރުމެންޓަލް އިމްޕެކްޓް އެސެސްމެންޓް (އީއައިއޭ)ގެ ރިޕޯޓުގައި ވެސް ބުނެފައިވާ ގޮތުގައި އެތަން ހިއްކައިފި ނަމަ ކުޅި ހިމެނޭ ގުދުރަތީ ނާޒުކު ތިމާވެށީގެ ބޮޑު ބައެއް ފަނާވެދާނެ އެވެ. އެގޮތުން ކުޅީގައި ހުރި ތަފާތު ބާވަތްތަކުގެ ގަސްތައް ނެތިގޮސް، އަހަރުގެ އެކި ދުވަސް މަތިން އެތަނަށް ހިޖުރަ ކުރާ ދޫނި އައުން ހުއްޓުން ހިމެނެ އެވެ.
އަދި ކުޅުދުއްފުއްޓަށް ވެހޭ ފެން ޖަމާވަނީ ކުޅިއަށް ކަމުން އެތަން ހިއްކުމުން އެ ރަށުގައި ފެންބޮޑުވުމުގެ ނުރައްކާ އެބައޮތް ކަމަށް ވެސް ރިޕޯޓުގައި ވަނީ ބުނެފަ އެވެ.
ކުޅުދުއްފުށީ ކުޅީގައި މީހަކު މަސް ހިފަނީ
ޖަމިއްޔާތަކުން ފޮނުވި ސިޓީގައި ބުނީ އެމްޓީސީސީން ކުޅި ހިއްކަން ފެށީ ގާނޫނާއި ގަވައިދުތަކުގެ ބޭރުން ކަމަށާއި އެގޮތުން އެ މަސައްކަތް ފެށީ އީއައިއޭ ރިޕޯޓުގައިވާ ގޮތާ ޚިލާފަށް ކަމަށެވެ. އީއައިއޭ ރިޕޯޓުގައި ވާ ގޮތުން މަސައްކަތް ފަށަން ޖެހޭނީ އެކަމާ ގުޅޭގޮތުން އާއްމުންގެ ޚިޔާލު ހޯދުމަށް ފަހުގައި ކަމަށާއި އެކަމަކު އެ ފުރުސަތު ނުދީ މަސައްކަތް ފަށާފައިވާ ކަމަށް ސިޓީގައި ބުނެފައި ވެ އެވެ.
"ރަށުގެ ރައްޔިތުންނަށް އޭގެ މަންފާ ފައިސާއިން އަގު ނުކުރެވޭނެ ވަރުގެ މުހިއްމު ކުޅުދުއްފުށި ކުޅި ގުރުބާން ކުރުން ވަގުތުން ހުއްޓާލުމަށް ގޮވާލަމެވެ." ޖަމިއްޔާތަކުން ބުންޏެވެ.
ފާޑުކިޔުންތައް ހުރި ނަމަވެސް ކުޅި ހިއްކުމުގެ ތައްޔާރީތައް މިހާރު ވަނީ ފަށައިފަ އެވެ. ކުޅުދުއްފުށީގެ ހުޅަނގު ފަރާތު މޫދުން ހަ ހެކްޓަރު އަދި އެރަށު ކުޅިން ނުވަ ހެކްޓަރު ހިއްކަން ނިންމާފައިވާއިރު އެ މަސައްކަތަށް ބޭނުންވާ ހުރިހާ ސާމާނެއް ޖަމާކޮށް، އެމްޓީސީސީގެ އާ ކޮންނަ ބޯޓު މަހާ ޖައްރާފު ވެސް މިހާރު ވަނީ ބަނދަރުކޮށްފަ އެވެ.
ކުޅި ހިއްކުން ރަސްމީކޮށް ފެށުމަށް ހަމަޖެހިފައިވަނީ މި މަހުގެ 12 ގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަސްލު ދޯ
08 November 2017
އެހާ ކައިރީ ހަނިމާދޫ އެއާޕޯޓް އެބައޮތް. އެ ރަށަކީ ބިން އޮތް ބޮޑު ރަށެއް. ދެން ވަރަށް ބޭކާރު އެއާޕޯޓެއްނު އަސްލު. މަށަށް ހީވަނީ ކުޅުދުއްފުށި މީހުންވެސް އެމީހުންގެ އަމިއްލަ އެދުމާހެދި ފޯވެގެން ގައުމަށް އެންމެ ފައިދާހުރި ގޮތް ނުބަލަނީހެން. އަތޮޅުގެ ހުރިހާ ސަރުކާރު އޮފީސްތަކާ ހުރިހާ ކަމެއް އެރަށުގަ. މީހުން ގިނަވެފަ ސަރުކާރަށް ލިބޭ ވޯޓް ގިނަވީމަ އެނޫން ރަށެއް ނޯވެ. ގައިމު ހަނިމާދޫ އެއާޕޯޓް އިތުރަށް ތަރައްޤީކޮށް އިންޓަނޭޝަނަލް ގިނަ ފްލައިޓްތައް ޖައްސާގޮތަށް ހަދަންވީނު، އޭރުން ކުޅުދުއްފުށީ މީހުންނަށްވެސް މާ ފައިދާވާނެ. ކިތައްމެ ވަރަކަށް ހިއްކިޔަސް ކުޅުދުއްފުށިގަ އެޅޭނީ ކުޑަކުޑަ އެއާޕޯޓެއް، ބޮޑެތި ބޯޓު ނުވެސް ޖެއްސޭނެ
ސަރުކާނު
07 November 2017
ކަލޯ ބޮޑުބައި ނުހިއްކާނު. އޯކޭވާނެ ތިވަރު ހިއްކިޔަސް. އެއަރޕޯޓު އެޅި މަށިކުޅިވެސް ލިބި ޓޫރިސްޓުންނަށްވެސް ތިތަން ރީތިކޮށް ފެންނާނެ. މަ ހީކުރީ މުޅި ކުޅި އެއްކޮށް ހިއްކަނީކަމަށް. ތިވަރު އޯކޭ. ނިދިނައިސްގެން އުޅޭވަރެއް ނޫން.
ހަގަލް
07 November 2017
ހާދަރީތި ކުޅިއެކޭ. ތި ތަން ހަލާކު ކުރާކަސް ނުވާނެ. ޓޫރިސްޓުންނަސް ވަރަށް ކަމުދާނެ. ކުޅިތެރޭގަ ވޯޓަރ ބަންގަލޯ ކޮޅެއް އަޅާފަ ގެސްޓުން ގެނައިމަ މާ ރަގަޅުވާނެ. ކީއްކުރާ އެއަރޕޯޓެއް. 20 މިނިޓުން އާދެވޭ އެއަރޕޯޓެއް އެބައޮތް.
މުދިމު
07 November 2017
ޖާހިލުންނަށް ހެޔޮ ގޮތެއް ނޯންނާނެ. ރަށުގެ 1/3 ޗަކަގަނޑެއްގެ ގޮތުގައި ބާއްވައިގެން މަށިމާލި ކުޅެ ކުޅެ ތިބޭ.
އަބްދުއްލާ
06 November 2017
ތަރައްގީގެ މަސައްކަތަށް ބޭނުންވާ ބިން ނުލިބޭނަމަ ބިން ޙޯދުމަށް ޓަކާ ކުޅިޔާ ފަޅާ ކަނޑު ވެސް ހިއްކާނެ. މިކަނަކަން ދެމި އޮންނާނީ އޮންނަ ސަރުކާރެއްގެ ގާބިލް ކަމުގެ މައްޗަށް . އޭގެ ހެއްކްކީ އެމްޑީޕީ ން 3 އަހރުވީ ސރުކާރުގާ އުޅުނީ ޑޮލަރު ނުލިބިގެން . އޭރަކު ނުގޮވާ މަނީލޯންޑްރިން އެކޭ ، މިހާރު އެމްޑީޕީން މަނީލޯންޑްރިންނޭ ގޮވަގޮވާފަ ޖަގަހައިން ނިކުމެގެންގޮސް ކާޑު ޖަހާ އެ ނަގަނީ ޑޮލަރު ވީމާ ގާބިލްކަން ބޮޑީ އެމްޑީޕީ ތަ؟ ޕީޕީއެމްތަ ؟ ބުނެބަލަ
މުދިމު
07 November 2017
ސާބަހޭ.ތިޔާބުނީ ހެއުކޮށް.
falaku ain
06 November 2017
ކައުންސިލް ތިމައްސަލާގައި ވަރަށް ވިސްނުންތޫނުކަމަށް ފެންނަނީ. އެމް.ޑީ.ޕީގެ މަސައްކަތުން އެއަރޕޯޓް އެޅީކަމަށް އާޚިރުގައި ކަންނިމޭނީ. ބުނާނެކަމަށް މަށަށްފެންނަ ވާހަކައަކީ އެމްޑީޕީން ޔާމީނަށް ކުރި ޕްރެޝަރެއްގެ ބޮޑުކަމުން މަޖުބޫރުވީއޭ ކުޅިހިއްކައިގެންވިޔަސް އަޅަން. 2018 ގެ ކެމްޕޭނަށް އެމީހުން ނެރޭނެ ޝިޢާރެއް ކަމަށް ފެންނަނީ.
މުދިމު
07 November 2017
ކަށަވަރު.
ތޯރިޤް
06 November 2017
އެހާ ކައިރީގައި އެއަރ ޕޯޓެއް އޮށްވައި ތިތނުގައި އެއަރޕޯޓެއް އެޅުން އެއީ އެންމެ ރަނގަޅުގޮތްބާ... މިއީތޯ ތިކިޔާ ދެމެހެއްޓެނިވި ތަރައްގީ...އެންވަޔަރަމަންޓް މިނިސްޓަރު ވަނީ ފެޭލްވެފފަ..
ލަންޑަނުސޮނިބެ
06 November 2017
މަމެން ކުޅިގިރައިގެން ބުޔަސްތަމެންނައް ކޮންކަމެއް
ޢަލިދީދީއައްޑޫސިޓީ
06 November 2017
ރުކަކުން މީހަކު ވެއްޓިދާނެތީ، އެމީހާ ސަލާމަތްކުރަން އުޅެންވާނީ، އެމީހާ ވެއްޓި ބިންމަތީ ޖެހުނީމަބާ!
ކުޅުދުއްފުށި
06 November 2017
ތިއީ ކޮންތާކުން އައި ޖަމިއޔާތަކެއް؟ މިވީހާ ދުވަހު ނެތް ތިއިން އެއްވެސް ތަނެއްގެ ވާހަކަ އަޑުވެސް އަހާފަކަ. އެހެންނޫނަސް ތިއިން ޖަމިއްޔާއަކުން ކުޅުދުއްފުށްޓަށް ނޫނީ ރާއްޖޭގެ އެއްވެސް ރަށަކަށް ކޮށްދިން އިޖްތިމާޢީ އެއްވެސް ކަމެއްގެ ވާހައެއް ނެތް އަޑުވެސް އވިފައެއް. ދެން ކުއްލިއަކަށް ބަޔަކުންގެ ތައްޕާހުން ނިކުމެ ކައުންސިލަށް ކޮން ސިޓީއެއް ފޮނުވާހަކަށް