އަންނަ އަހަރަށް ބޭނުންވާ ޓެކްސްޓް ފޮތްތައް ދޫކުރަން ފަށައިފި

އަމީނިއްޔާ ސްކޫލުގެ ދަރިވަރުންތަކެއް: އަންނަ އަހަރުގެ ދިރާސީ އަހަރުގެ ކިޔެވުން ފަށަން ހަމަޖައްސާފައިވަނީ ޖެނުއަރީ 14 ވަނަ ދުވަހު.-- މިޙާރު ފޮޓޯ

އާސިމާ ނިޒާރު، މިހާރު

07 ނޮވެމްބަރ 2017 - 13:18

3 comments

ރާއްޖޭގެ ސްކޫލްތަކުގައި ކިޔަވާ ދަރިވަރުންނަށް އަންނަ އަހަރަށް ބޭނުންވާ ޓެކްސްޓް ފޮތްތައް އެ ސްކޫލްތަކުން ދަރިވަރުންނަށް ދޫކުރަން ފަށައިފި އެވެ.

މި އަހަރުގެ ފަހު އިމްތިހާން ފަށާފައިވާ އިރު، ސްކޫލުތައް ބަންދުކޮށް އަހަރުގެ ބޮޑު ޗުއްޓީ ފެށުމުގެ ކުރިން އެޑިއުކޭޝަން މިނިސްޓްރީން ވަނީ ސްކޫލުތަކަށް ފޮތްތައް ދޫކޮށްފަ އެވެ.

ސްކޫލުތަކުން މިހާރު ދަރިވަރުންނަށް ޓެކްސްޓް ފޮތްތައް ދޫކުރި ނަމަވެސް، ދަރިވަރުންނަށް ބޭނުންވާ ސްޓޭޝަނަރީ ގަންނަން ބޭނުންވާ ވައުޗަރުތައް ދޫކުރަން ހަމަޖައްސާފައިވަނީ ދަރިވަރުންނަށް ރިޕޯޓު ފޮތް ދޭ ދުވަހު އެވެ.

ސްކޫލެއްގެ ބެލެނިވެރިއަކު ބުނި ގޮތުގައި، ބޮޑު ޗުއްޓީގެ ކުރިން ފޮތްތައް ލިބުމުން ވަރަށް ފަސޭހަ އެވެ. އެހެންވެ ބަންދުގެ ތެރޭގައި އަވަހަށް ފޮތްތަކުގައި ސެލޯފިން ލައި ކަންތައްތައް ނިންމާލެވޭނެ ކަމަށް ބުންޏެވެ.

"ސްކޫލުތައް ބަންދުވުމުގެ ކުރިން ފޮތްތައް ލިބުނީމަ، ފޮތްތަކާ ގުޅޭ ކަންތައްތައް އަވަހަށް ނިންމާލެވޭނެ. އެހެންވެ ވަރަށް ފަސޭހަވެގެން ވެގެންދޭ،" ސްކޫލެއްގެ ބެލެނިވެރިއަކު ބުންޏެވެ.

އެކަޑެމިކް ކަލަންޑަރުގައި ބުނެފައިވާ ގޮތުން މި އަހަރުގެ ފަހު އިމްތިހާނަށް ފަހު ރިޕޯޓު ފޮތް ދީ ސްކޫލްތައް ބަންދުކުރާނީ ނޮވެމްބަރު 23ގަ އެވެ. އަންނަ އަހަރުގެ ދިރާސީ އަހަރުގެ ކިޔެވުން ފެށޭނީ ޖެނުއަރީ 14 ވަނަ ދުވަހު އެވެ.

ސްކޫލް ތައުލީމް އެޑިއުކޭޝަން މިނިސްޓްރީ ކިޔަވާކުދިން ދިރާސީ އާ އަހަރު ޓެކްސްޓް ފޮތްތައް

3 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މެންޓަލިސްޓް

07 November 2017

އަޅުގަނޑަށް ލިބިފައިވާ މައުލޫމާތް ދޮގުކަމުގައިނުވަނީނަމަ ،،،، މިއަންނައަހަރު ހުރިހާ ކިޔަވާކުދިންނަށް އައިޕެޑް ނޫނީ ޓެބްލެޓްއެއް ސަރުކާރުންދީ ،،،، ހުރިހާ ޓެކްސްފޮތްތަށް އީބުކް ފޯރމެޓަށް ބަދަލުވެގެންދާނެ ،،،، އަދި އެޕްރޮޖެކްޓްއަށް އަބޫދާބީން އޮތީފައިސާވެސް ދެއްވާފައި ،،،، އަދިމިހާރު ހުވާވޭ އާޢި ދިވެހި ކޮންމެވެސް ބަޔަކާޢި ގުޅިގެން އެކަންކުރިއަށް އެބަދޭ ،،،، މުސްތަގްބަލްގައި ޓެކްސްފޮތްތަށް ގެންގުޅޭނީ އީބުކްފޯރމެޓްގައި ،،،، ހުރިހާ ދަބަސްތަކެށް ލުއިވެގެންދާނެ ،،، މީކޭންބުރިޖްގެ އިނިޝީއޭޝަންއެއްކަމަށް އެމީހުންބުނޭ ،،، އަދިރާއްޖޭގައި މިކަންކުރަނީ ރައީސްޔާމިންގެ ރިޔާސީ ކެމްޕެއިންއާޢި ދިމާކޮށް ،،،، ނަމަވެސް ހިތާމައަކީ އެބޭފުޚާގެ ނަމެއްނޯންނާނެތީވެ ،،، ވަރަށްވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބޫ މެންޓަލިސްޓް

08 November 2017

ތީ ވާނެކަމެއް ކަމަކަށް ޤަބޫލެއް ނުކުރެވޭ. ތިކަމަށް ދިން ފައިސާ ޚަރަދު ކުރާނީ ކެމްޕެއިން އަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަންބުލޮ

07 November 2017

ތިވެސްދޭނީ މާލެ ސްކޫލްތަކަށް ކުރިން. ނިކަމެތި ރާއްޖެތެރޭ ކުދި ރަށްރަށުގެ ސްކޫލްތަކަށް އަހަރު ފެށޭއިރުވެސް އެއްބައި ފޮތްތައް ނުލިބޭ. އަޅުގަނޑު މީ ރާއްޖޭތެރޭ ރަށެއްގެ އެޑްމިން އޮފިސަރެއްގެ ގޮތުގައި ފަސްވަރަކަށް އަހަރު މަސައްކަތްކުރި މީހެއް. އެންމެ އަހަރެއްގައިވެސް ފޮތްތައް ކިޔެވުން ފެށުނު އިރުވެސް ލިބިފައެއްް ނުވޭ