މާލޭ ކޮޅުން ބްރިޖް ފެށޭ ހިސާބުގައި ކޮންކްރީޓް ބޮޑެތި ބެރިތައް އެތުރުމުގެ މަސައްކަތް ކުރަނީ --ފޮޓޯ: ނިޝާން އަލީ/ މިހާރު
14 ނޮވެމްބަރ 2017 - 19:12
28 comments
މާލެ އާއި ހުޅުލެއާ ދެމެދު އަޅާ ބްރިޖުގެ 67 ޕަސެންޓު މަސައްކަތް ނިމިފައިވާ ކަމަށް އެ މަސައްކަތް ކުރަމުން އަންނަ ޗައިނާގެ ސީސީސީސީން މިއަދު ބުނެފި އެވެ.
ބޮޑުތަކުރުފާނު މަގު، އުސްފަސްގަނޑުގައި ހުންނަ ސީސީސީސީ ކުންފުނީގެ އޮފީސް ކޮމްޕްލެކްސްގައި ނޫސްވެރިންނާ ބައްދަލުކުރައްވައި ޕްރޮޖެކްޓް އެގްޒެކްޓިވް މެނޭޖަރު މރ. ލިން ވިދާޅުވީ ބްރިޖުގެ މައި ތަނބުތަކުގެ ކޮންކްރީޓް މަސައްކަތް އެއްކޮށް ނިމިފައިވާ ކަމަށެވެ.
މީގެއިތުރުން މެއިން ބްރިޖްގެ ޕެއާ ފައުންޑޭޝަން މަސައްކަތާއި އެޕްރޯޗް ބްރިޖްގެ ޕެއާ ފައުންޑޭޝަން ނިންމައި، އެޕްރޯޗް ބްރިޖްގެ ޕައިލް ކޮންސްޓްރަކްޝަންގެ މަސައްކަތް ނިމިފައިވާ ކަމަށް އޭނާ ވިދާޅުވި އެވެ.
ބްރިޖުގެ މަސައްކަތުގައި ޗައިނާގެ ސީސީސީސީ ކުންފުނީގެ މީހުން އުޅެނީ. - ފޮޓޯ: މިހާރު
ބްރިޖުގެ ސުޕަ ސްޓްރަކްޗާ އަށް ބޭނުންވާ އައިބީމްތައް ނުވަތަ ކޮންކްރީޓް ބޮޑެތި ބެރިތަކުގެ މަސައްކަތުގެ ބޮޑު ބައެއް ވެސް ނިމިފައިވާ ކަމަށް ލިން ވިދާޅުވި އެވެ. އަދި ބެރިތަކުގެ މަސައްކަތް އެއްކޮށް ނިންމާލެވޭނެ ކަމަށް ލަފާ ކުރެވެނީ އަންނަ މާޗު މަހުގެ ތެރޭގައި ކަމަށް ވެސް އޭނާ ވިދާޅުވި އެވެ.
ބްރިޖުގެ މެދުގައިި ހުންނަ އެންމެ އުސް ތިން ތަނބުގެ ބޮޑު ބައި ވަނީ ނިމިފަ އެވެ. އަދި ނޮވެމްބަރު މަހުގެ ފަހުކޮޅު ތިން ތަނބު އެއްކޮށް ނިންމުމުގެ މަސައްކަތް ކުރާނެ ކަމަށް ލިން ވިދާޅުވި އެވެ. ލިން ވިދާޅުވި ގޮތުގައި ބްރިޖާ ގުޅޭ ހުރިހާ ކަމެއް އޮތީ "އަންޑަ ކޮންޓްރޯލް" ގަ އެވެ. އަދި ބްރިޖުގެ ހުރިހާ ކަމެއް ކުރިއަށް ދަނީ ވަރަށް "ސްމޫތު" ކޮށް ކަމަށް ވެސް އޭނާ ވިދާޅުވި އެވެ.
ބެރިތައް ނިމުމުން، ޑެކު އަޅައި، ޗައިނާގައި މިހާރު ތައްޔާރުކުރަމުން އަންނަ ސުޕަ ސްޓްރަކްޗާ ގެނެސް އަތުރާލާނީ އެވެ. ބްރިޖުގެ ބައެއްގެ ގޮތުގައި ހިމެނޭ ބޮކްސް ގާޑާ ބީމްތައް ހެދުމުގެ މަސައްކަތް ކުރަމުން އަންނަ ކަމަށާއި އަންނަ ޖެނުއަރީ މަހުގެ ފަހުކޮޅު ބީމްތައް ރާއްޖެ ގެނެވޭނެ ކަމަށް އޭނާ ވިދާޅުވި އެވެ.
"މިހާރު ކުރަނީ މަސައްކަތަކީ ބްރިޖުގެ ސުޕަ ސްޓްރަކްޗާ ނިންމުމުގެ މަސައްކަތް،" ލިން ވިދާޅުވި އެވެ.
"އަހަރުމެންގެ ގާބިލްކަން އެބަހުރި މި ބްރިޖުގެ ހުރިހާ މަސައްކަތެއް ކަނޑައެޅިފައިވާ ތާރީހުގައި ނިންމުމުގެ،"
ބްރިޖުގެ ސުޕަސްޓްރަކްޗާ އަންނަ މެއި މަހުގެ ތެރޭގައި ނިމެނޭ އެވެ. ޗައިނާ އާއި ރާއްޖޭގެ ސަރުކާރުން އެއްބަސްވެފައިވާ ގޮތަށް ބްރިޖުގެ ކަންކަން ކުރިއަށް ދާއިރު، ޝެޑިއުލަށް ވުރެން މާ އަވަހަށް ސީސީސީސީން މަސައްކަތް ނިންމޭނެ އެވެ. ދެ ގައުމުން އެއްބަސްވެފައި އޮތީ އަންނަ ސެޕްޓެމްބަރު މަހަށް މަސައްކަތް ނިންމާށެވެ. އެކަމަކު، ދިވެހި ސަރުކާރުން ބުނެފައިވަނީ އަންނަ ޖުލައި 26 ގައި ބްރިޖު ހުޅުވާނެ ކަމަށެވެ.
ބްރިޖުގެ ބޮޑު ބައެއް ފުރިހަމަވެފައި އޮތް ކަމަށް ސީސީސީސީ އިން ބުނިއިރު، ލިން ވިދާޅުވީ ބްރިޖުގެ ދެކޮޅު ގުޅުވައިދޭ މަގުގެ ކަންކަން ވެސް ކުރިއަށްދާ ކަމަށެވެ. އެގޮތުން އެ ދެ މަގުގައި އުޅަނދުތައް ދުއްވާއިރު، ޓްރެފިކް ޖޭމް ނުވާނެ ގޮތެއް ބަލައި މަޝްވަރާ ކުރަމުން އަންނަ ކަމަށް ލިން ވިދާޅުވި އެވެ.
ބްރިޖްގެ މަސައްކަތަށް 200 މިލިއަން ޑޮލަރު ޚަރަދު ވާއިރު އޭގެ ތެރެއިން 116 މިލިއަން ޑޮލަރަކީ ޗައިނާ ސަރުކާރުގެ ހިލޭ އެހީ އެވެ. އަދި 72 މިލިއަން ޑޮލަރަކީ ޗައިނާގެ ލޯނު އެހީ އެވެ. މި މަޝްރޫއަށް ދިވެހި ސަރުކާރުން 12 މިލިއަން ޑޮލަރު ހޭދަކުރެ އެވެ.
ބްރިޖުގެ ފަހުގެ މަސައްކަތްތައް ނޫސްވެރިންނަށް ދައްކާލަން މަސައްކަތް ކުރި ނަމަވެސް، މޫސުން ގޯސްވުމުގެ ސަބަބުން އެކަން ވަނީ ކާމިޔާބުވާ ގޮތް ނުވެފަ އެވެ. ހައުސިން މިނިސްޓްރީން ބުނި ގޮތުގައި ނޫސްވެރިންނާ އެކު ބާއްވަން މަސައްކަތް ކުރި ބްރިޖު ޓުއާ އެހެން ދުވަހަކަށް ވަނީ ފަސް ކުރެވިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސިފްލީން
15 November 2017
އަމާންކަމެއްނެތޭ ބުންޏަސް ބްރިޖް މަރާ ވޭނާ ކެކުޅުމާއެކު ޖީލެއް ހަލާކުވާއިރުވެސް ބްރިޖް . އަތާއަނގަޔާ ދިމާނުވިޔޭ ބުނީމާވެސް ބްރިޖް .މިތާ ނެތޭ އުޅެވޭކަށް ނެތީމާ އަދުލް އިންސާފްގެ ބްރިޖް
އައިޖޭ
15 November 2017
ފަިއބެ 2 އަހަރުން 67% ނިމުނ ކަމުގަި ވަނަމަ، ބަކީ 34% ނިންމަން 1 އަހަރު ނަގާނެ އެއންު، ދެނ ްކިހނެއް ޖުކޔ ގައި ހުޅުވާނީ
އައިޖޭގެ ބައްޕަ
15 November 2017
މަސައްކަތުގެ ރޭޝިއޯ ކުޑަނަމަ ބާކީ 34% ނިމޭނެ ދޯ 8 މަސް ދުވަހުން.
ޔާނު
15 November 2017
އަޅެދޯ....އިންޖިނިއަރުން ނެތި ބުރިޖު ...މިހާރު ކޮބާ ބާ ދަގަޑު ބުރިޖު...ދަޅަ ދެއްކިކަމައް ބުނާ ބައިގަޑު މިހާރު މި ކިޔަ އިންސާފޭ..ހުކުމޭ...ޔާމީން ބޭނުމެއް ނުވާނެ ތާއިދެއް..ބޭނުމީ ބުރިޖުތަކާ ހޮސްޕިޓަލް ތައް އެއާޕޯޓާއި ތާރުއެޅި މަގުތައް ފުޑުސަލްދަޑުތަކާއި ބަށިކޯޓު ތައް ޕާކުތަކާއި ހިށފަސޭހަ މައިޒާން ތައް މިތަކެތީން ރައްޔަތުން ހިއް އުފާކޮއްދޭނެ ..މީމި ރައީސްގެ ވައުދަކީ...ވަރައް ސަލާމޭ...
ހޫމް
15 November 2017
ކޮބާ ބެޔަސް ނުބެޔަސް ދޭންބުނި ލާރިކޮޅު؟ ކޮބާ ދަނޑުވެރިންނައް ދޭން ބުނި ލާރިކޮޅު؟ ކޮބާ ރިސޯރޓްގެ ހިއްސާ މުވައްޒަފުންނަށް؟ ކޮބާ އަލަތު ކައިވެނި ފުލެޓް؟ މީ ކާކުގެ ވައުދުތަކެއް ތޯ؟ މީ ކޮން ރައީސްއެއްގެ ވައުދެއްތޯ؟
ރަށު މީހާ
15 November 2017
ދަންނަވަންތޯ އެވެ ؟ ބުރިޖް އެޅުމުގެ ވިސްނުން ހުރިހާ ވެރިން ވެސް ގެންގުޅުނެވެ. އެކަމަކު ރައީސް ޔާމީން ނޫނީ މިކަން ކުރެވޭ ފަދަ ވެރިޔަކު ނެތީއެވެ. ތަފާތަކީ ކަން ކުރަން އެގުމާ ނޭގުމުގެ ތަފާތެވެ. ބުރިޖް އެޅޭނެ ފޯރމިއުލާ ރައީސް ޔާމީން އަށް މާކުރިންވެސް އެގިފަ އޮތް ކަހަލަ އެވެ. ފުލެޓް އެޅޭނެ ގޮތް ވެސް އެމަނިކުފާނަށް އެގިލައްވައެވެ. މާލޭގައި ތޮއްޖެހިގެން އުޅޭ ލޮބުވެތި ރައްޔިތުން ނަށް ފުލެޓްގެ ފޮނި މީރުކަން ވެސް ގެނެސްދެއްވާނީ ހަމަ ރައީސް ޔާމީން އެވެ. 2018 ގައި ރައީސް ޔާމީން އަށް 2 ވަނަ ދައުރެއް ދިނުން ދިވެހިންނަށް ވަރަށް މުހިއްމު ވެއްޖެއެވެ.
ކޮއްކޮ
15 November 2017
ތިޔަ ވިދާޅުވީ ގޯސްކޮށް. ތީ ނުނިމޭ ޕަސަންޓު. ރައްޔިތުންނަށް އޮޅުވާނުލާ. ރީތިކޮށް ބުންޏަސް ރަނގަޅުވާނެ. އަދި ހަމަ ހުރީ ހުސް ތަނބުތަކެއް އެވެސް އަދި އެއްކޮށް ނުނިމޭ. ތިކުރާ ކަންތަކާ ދެކޮޅެއްނޫން. އެކަމަކު އޮޅުވާލައިގެން ބުނާތީ މައްސަލައަކީ. ތަނބުތައް އެއީ ގާތްގަނޑަކަށް %40 އަދި ބާކީ ހުރިހާ ކަމެއް އެއީ %60 ކަމަށް ބަލާ. ނިންމާލަ ނިންމާލަ މުއިއްޒުއަށް ތިކަންވާނީ.
ކިރުސަރުބަތު
15 November 2017
ކުލަ ބްރިޖްގަ ނުލާނަމަ 67 % ފިރިހަމަ ވިކަކަމަކަށް ނުދެކެން، އަދި ރޭގަނޑު ނިވި ދިއްލޭ ޕިންކް ބޮކި ހަރުކުރެވިފަ ޗައިނާ މޯލްޑިވްސް އެވަރ ލާސްޓިންގް ފްރެންޑްޝިޕް މިއަކުރުތައް ވެސް ހުންނަން ޖެހޭނީ ޕިންކް ކުލައިން ދިއްލިފަ އެއީ ބްރިޖްގެ ސުޕަރ ސްޓްރަކްޗަރ އަކީ ވެސް، އަދި އަންނަ 26 ޖުލައިއަށް މުހައްމަދު ނަޝީދު މާލެގެނެސް ރައީސް ޒީ ޖިން ޕިން އާ އެކީ ރިބަން ފަށް ކަނޑާލެވެން ޖެހޭނެ، ދެން ނަޝީދު ވާހަކަ ފުޅުގައި މިއީ އިންޖިނޭރިންގްގެ ލާމަސީލު މިސާލެކޭވެސް އޭނަ ލައްވާ ބުނެވެން ޖެހޭނެ، އެނޫން ގޮތަކަށް މަމެން ޕިންކީން ތިކަމެއް ގަބޫލެއް ނުކުރާނަން ވިއްޔަ
ޕޮކަންޑިމޭން
14 November 2017
ކާކު ބުނީ ބުރިޖު އެޅޭނެއޭ؟ ބުރިޖެއް ނޭޅޭނެ.
އަބްދުއްލާ
14 November 2017
ކޮރި ބޯއްޓެއް ނޫން ކުރިބޯށި ބުނަން ބޭއިންސާފުންވިޔަސް ކޯޓުން މައްސަލަ ނިންމަނީ ގާނޫނުގައިވާގޮތަށް . ޭއޭގަ ތާށި ވަނީ އަމިއްލަޔަސް ކަންކަން ކުރެވޭގޮތުން.
ސޮކްތެރެޕީ
14 November 2017
ޔާމިނަކީ މިރާއްޖެތެރެވެސް ތަރައްގީ ކުރާ ރައިސްއެއް ވަރައް ފާހަގަކުރެވޭ.
ކޮރި ބޯށި
14 November 2017
ބޭއިންސާފުން މީހުންނަށް ހުކުމް ކުރާ ކަމުގައި ވާނަމަ ކިތަންމެ ބޮޑު ބްރިޖެއް އެޅިޔަސް ކިތަންމެއުސް ހުސްޕިޓަލް އެއް އެޅިޔަސް ރައްޔިތުންގެ ތާއިދެއް ޔާމިންއަކަށް ނުލިބޭނެ.
ދޮންބީފާނު
15 November 2017
ބްރިޖް އަޅާތަ އެބަ؟ ކަލެއަށް ގަބޫލު ކުރެވިއްޖެތަ އެކަން؟ ކަލޭގެ ރޫހާނީ ލީޑަރު ބުންޏެއްނު ނޭޅޭނޭ. ދެން ކަލޭގެ ލޮލާމެދު ޔަގީންކަން ދީގެން ނުވާނެނު. އެ މަނިއްޕުޅު ވިދާޅުބަހެއްނު ކަލޭ ގަބޫލު ކުރަން ޖެހޭނީ. ބްރިޖެއް ނޭޅޭނެ. ނޭޅޭނެ. ނޭޅޭނެ. ކާކު ދައްކާ ވާހަކައެއް. ގުނބޯ ހައްދަނީ. ކެކެކެކެކެކެކެ