ޚަބަރު / ދައުލަތުގެ ބަޖެޓް 2018

ގެދޮރުވެރިކުރުމުގެ މަޝްރޫއަށް 580 މިލިއަން ރުފިޔާ ބަޖެޓުގައި ހިމަނައިފި

މަޖިލީހުގެ މިއަދުގެ ޖަލްސާގައި މެމްބަރުން ބަޖެޓު ފޮތް ކިޔުއްވަނީ. - ފޮޓޯ: މަޖިލިސް

މުހައްމަދު ޔާމީން، މިހާރު

15 ނޮވެމްބަރ 2017 - 13:55

އަންނަ އަހަރަށް ލަފާކޮށް ރައްޔިތުންގެ މަޖިލީހަށް ހުށަހަޅާފައިވާ ދައުލަތުގެ ބަޖެޓުގައި އެންމެ ބޮޑު އިސްކަމެއް ދިނީ ރައްޔިތުންނަށް ބޯހިޔާވަހިކަން ފޯރުކޮށް ދިނުމަށް ކަމަށާއި އެ މަޝްރޫއަށް 580 މިލިއަން ރުފިޔާ ހިމަނާފައިވާ ކަމަށް ފިނޭންސް މިނިސްޓަރު އަހުމަދު މުނައްވަރު މިއަދު ވިދާޅުވެއްޖެ އެވެ.

ބަޖެޓުގެ ބޮޑު ބައެއް ގެދޮރުވެރިކުރުވުމުގެ މަޝްރޫއަށް ހޭދަކުރާއިރު، ހުޅުމާލޭން 80،000 މީހުންނަށް ބޯހިޔާވަހިކަން ދިނުމަށް ސަރުކާރުން ހިންގާ މަޝްރޫއު މިރޭ އިފްތިތާހު ކުރާނެ އެވެ. މި މަޝްރޫއުގެ ދަށުން 14 ބުރީގެ 25 ޓަވަރު އިމާރާތް ކުރުމަށް ވަނީ ހަމަޖެހިފަ އެވެ.

80,000 meehunge flat mashroou mirey ifthithaah kuranee

The most trusted news source in the Maldives

Mihaaru

2018 ބަޖެޓުގައި ހިމެނިފައިވާ މުހިންމު ކަންކަން:

- ކުނި ނައްތާލުމުގެ 27 މަޝްރޫއަކަށް 189 މިލިއަން ރުފިޔާ.

- ކަރަންޓާއި ކާޑުގެ ސަބްސިޑީއަށް 276 މިލިއަން ރުފިޔާ.

- ބަނދަރު ހެދުމުގެ 63 މަޝްރޫއަކަށް 650 މިލިއަން ރުފިޔާ.

- އުމްރާނީ ތަރައްގީގެ މަޝްރޫއުތަކަށް 7.1 ބިލިއަން ރުފިޔާ ކަނޑައަޅާފައިވޭ.

މަޖިލީހުގެ މިއަދުގެ ޖަލްސާގައި މެމްބަރު ޝިޔާމް ބަޖެޓު ފޮތް ކިޔުއްވަނީ. - ފޮޓޯ: މަޖިލިސް

މުނައްވަރުގެ ވާހަކައިގައި މާލެ އާއި ހުޅުލެއާ ދެމެދު އަޅާ ބްރިޖަށް އަންނަ އަހަރު ކުރާނެ ހަރަދާއި ވެލާނާ އިންޓަނޭޝަނަލް އެއާޕޯޓުގެ ތަރައްގީއަށާއި ހުޅުމާލޭގެ ތަރައްގީ ހަރަދު ކުރާނެ މިންވަރެއް ވިދާޅެއް ނުވެ އެވެ. އެކަމަކު، މިނިސްޓަރު ވިދާޅުވީ އެ ދެ މަޝްރޫއަށް ވެސް ބަޖެޓުގައި "ޖާގަ" ދީފައިވާނެ ކަމަށެވެ.

މީގެ އިތުރުން ޑޮމެސްޓިކް އެއާޕޯޓުތައް ތަރައްގީ ކުރުމާއި ފެނާއި ނަރުދަމާގެ ނިޒާމު ގާއިމުކުރުމާއި ބިން ހިއްކުމާއި މަގު ހެދުމަށް ބަޖެޓުގައި އިސްކަމެއް ދީފައިވާނެ ކަމަށް އޭނާ ވިދާޅުވި އެވެ. އެގޮތުން ހަތަރު ރަށެއްގައި އެއާޕޯޓު އެޅުމަށް ބިން ހިއްކުމާއެކު، އެއާޕޯޓުގެ މަސައްކަތް ކުރެވޭނެ ކަމަށް އޭނާ ވިދާޅުވި އެވެ.

ހަމައެއާކު، ޑިޒައިން ނިންމާފައިވާ ފެނާއި ނަރުދަމާ ނިޒާމުގެ 57 މަޝްރޫއަށް 1.1 ބިލިއަނަށް ވުރެ ގިނަ ރުފިޔާ ހޭދަކުރެވޭނެ ކަމަށް މުނައްވަރު ވިދާޅުވި އެވެ. އަދި 18 ރަށެއްގައި ހަދަމުން އަންނަ މަގު ހެދުމުގެ މަޝްރޫއުތައް ނިންމާލުމަށް 209 މިލިއަން ރުފިޔާ ހަރަދުވާނެ ކަމަށް އޭނާ ވިދާޅުވި އެވެ.

އަންނަ އަހަރަށް ލަފާކޮށް، ސަރުކާރުން މަޖިލީހަށް ހުށަހެޅީ 27.9 ބިލިއަން ރުފިޔާގެ ބަޖެޓެކެވެ. އެގޮތުން ބަޖެޓުގައި ހިލޭ އެހީގެ ގޮތުގައި ދައުލަތަށް 22.4 ބިލިއަން ރުފިޔާ ލިބޭނެ ކަމަށް ލަފާކޮށްފައިވެ އެވެ. އެއީ ޓެކްސްގެ ގޮތުގައި ލިބޭ 16.3 ބިލިއަން ރުފިޔާ އާއި ޓެކްސް ނޫން ގޮތުގައި ލިބޭ 5.2 ބިލިއަން ރުފިޔާ އާއި އެހެނިހެން ފަންޑުތަކާއި ހިލޭ އެހީގެ ގޮތުގައި ލިބޭ 858 މިލިއަން ރުފިޔާ އެވެ.

27.9 Billion rufiya ge budget eh majileehah hushahalhaifi

The most trusted news source in the Maldives

Mihaaru

ފިނޭންސް މިނިސްޓްރީ ތަރައްގީގެ މަޝްރޫއުތައް ބޯހިޔާވަހިކަން ފްލެޓް ދައުލަތުގެ ބަޖެޓް ހައުސިން ޔުނިޓް އަހުމަދު މުނައްވަރު (ގަވަރުނަރު) ދައުލަތުގެ ބަޖެޓް 2018

10 ކޮމެންޓް, 13 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ލުކިންގްފޯރ

15 November 2017

ގެދޮރުވެރިކުރުމުގެ މަޝްރޫއަށް 580 މިލިއަން ރުފިޔާ ބަޖެޓުގައި ހިމަނައިފި ނަމަ އެކަމަކީ އެއީ ވަރަށް ރަނގަޅު ކަމެކެވެ. އެބަޖެޓް އިން ބޮޑު ބަޔެއް ހޭދަ ކުރަންވާނީ އެއީ މާލެ ސަރަހައްދުގައި ފްލެޓްސް ތައް އެޅުމަށެވެ. އެގޮތުން މާލެ ސަރަހައްދުގައި އަހަރަކު 50 ހާސް ހައުސިންގް ޔުނިޓްސް ހިމެނޭ ފްލެޓްސް އަޅާ ގޮތަށް ސަރުކާރުގެ ބަޖެޓް ޑިޒައިން ކުރެވިއްޖެނަމަ ރާއްޖޭގައި 10 ހާހުން ދަށުގެ އާބާދީ ހިމެނޭ ހުރިހާ ރަށް ތަކުގެ މީހުން ހުޅުމާލެ އަށް ބަދަލު ކޮށްލެވޭނެއެވެ. އެހެން އެކަން ވެއްޖެނަމަ ރާއްޖޭގެ ބަޖެޓްގެ ރިކަރަންޓް ޚަރަދު %56 އިން %35 އަށް ދަށް ވެގެން ދާނެއެވެ. ދައުލަތުގެ ރިކަރަންޓް ޚަރަދު ބޮޑުވެގެން އުޅެނީ މީސް ކޮޅު މަދު ރަށް ތަކުގައި މީހުން ދިރިއުޅޭތީއެވެ. އޭގެ ބަދަލުގައި ރާއްޖޭގެ 10 ހާހުން ދަށުގެ އާބާދީގެ އެންމެން މާލެ ސަރަހައްދުގައި ދިިރިއުޅޭނަމަ އެމެންނަށް ވެސް ރަނގަޅުވެ އަދި އެމެންގެ ސަބަބުން ކުލީގެ ގޮތުގައި ވެސް ދައުލަތުގެ ބަޖެޓަށް ރެވެނިއު ވަންނާނެއެވެ. އައި އޭމް ލުކިންގް ފޯރ އިޓް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕީޕީއެމް

15 November 2017

ތިއީ އައްޑޫ މީހުނާއި މާލޭ މީހުނަށް ދޭ ލާރި އެވެ.އަހަރެމެން އާބާދީ ކުޑަ ރަށެއްގައި ﷲ ލެއްވި ކަން މިވަނީ އަހަރެމެންގެ ހައްޤުތަށް ގެއްލޭ ކަމަކަށް ތާއެވެ؟ އެކަމަކު ވޯޓް ލާން ހަރެމެނަށް ވެސްވޖެހެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޮލްސް

15 November 2017

ގެދޮރުވެރިވަނީ ޕީޕީއެމްގެ އިސްސަފުގައި އުޅޭމީހުންނާއި އެމީހުންގެ އާއިލާ މީހުން. ނިކަމެތިން ނިކަމެތި ވަނީ. އަތްޖަހާ ގުރޫޕަށް އޮންނަނީ އަތްޖެހުން. މިއަހަރު %30 ފަގީރުން ރާއްޖޭގައި އިތުރުވިކަން ދިރާސާއިން ދެއްކީމަވެސް އެވާހަކަ ލިޔުނީ އެންމެ 2 ނޫހެއްގަ ވިއްޔަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަހާ ޖައްރާފު

15 November 2017

ރައްޔިތުންގެ މަޖިލީހަށް ބަޖެޓް ހުށަހަޅުއްވައި ދެއްވަމުން މުނައްވަރު ވިދާޅުވީ ކުދިކުދި ރަށްތަކުގައި މީހުން ދިރިއުޅުމަށް ވުރެ، ދިރިއުޅުމުގެ ފެންވަރު ރަނގަޅު ކުރެވޭނެ ބިމެއް އޮތް ހުޅުމާލޭގައި ދިރިއުޅެވޭނެ ފުރުސަތުތައް ފަހިކޮށްދޭން ޖެހޭ ކަމަށެވެ. އަދި ގެދޮރުވެރިކުރުމުގެ މަޝްރޫއަށް 580 މިލިއަން ރުފިޔާ ބަޖެޓުގައި ހިމަނާފަ. އަނެއްކާ ކުދި ރަށްރަށުގަ ބަނދަރު ހެދުމުގެ 63 މަޝްރޫއަކަށް 650 މިލިއަން ރުފިޔާ (މިހާރުވެސް ރާއްޖޭގައި ކިރިޔާވެސް އާބާދީ ބޮޑު ރަށެއްގަ ވިއްޔާ ބަނދަރު އޮންނާނީ ހަދާފަ). ހުޅުމާލެ އަދި ބިންބޮޑު ވަސީލަތްތައްގިނަ ރަށްރަށަށް ތަރައްގީގެ މަޝްރޫއުތައް އިތުރުކުރެވޭނީ ގައުމީފެއްވަރެއްގަ އާބާދީ އެއްފަސްކުރުމުގެ ސިޔާސަތެއް އެކުލަވާލައި އެންމެނަށް އެނގޭނެ ގޮތަށް ހާމަކޮށްގެން، އަދި ކޮންމެއިންތިހާބަކާ ދިމާކޮށް ކުޅޭކުޅިވަރެއްހެން އެކި ރަށްރަޝުގައި ކަންކަން ފެއްޓުން ހުއްޓާލައިގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުރާ

15 November 2017

މުޅި ގައުމަށް ލިބޭހާ ފައިސާ މާލެއަށް އަޅާ ހުސްކުރުމަކީ އިންސާފެއްނޫނެވެ. ރާއްޖޭގެ މީހުން އުޅޭ 20 އަތޮޅު އޮތްއިރު އެސަރަހަޢްދު ތައް ތަރައްގީ ކުރުމުގެ ބަދަލުގައި ހުރިހާ ފައިސާއެއް ހަރަދު ކުރަންޖެހެނީ މާލެއަށްތޯއެވެ ؟ ޓެކުސްގެ ގޮތުގައި ގިނަ ފައިސާ ދައްކަނީ އަތޮޅުތެރޭ ރައްޔިތުންނެވެ. ތީކީ އިންސާފެއް ނޫނެވެ. ތަރައްގީއެއްވެސް ނޫނެވެ. މިގައުމު ހިންގަން ޖެހެނީ ސަރަހައްދު ތަކަށް ބަހާލައިގެން ލާމަރުކަޒީ އުސޫލުންނެވެ. އަޅުވެތި ކުރުމުގެ ސިޔާސަތަކީ ފަނާކުރަނިވި ސިޔާސަތަކެވެ. ނަތީޖާއަކަށްވާނީ ރައްޔިތުން ނިކެމެތި ވުމެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިންސާ

15 November 2017

އަތޮޅުތަކަށް ކުރާ ޚަރަދު ނުފެންނަނީތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާރީ

15 November 2017

މީހުން އުޅޭ ރަށްތައް ފަޅުކޮށްފި. ވަރަށް ހިތާމަ ހުރިކަމެއް މިވާހަކަ ދައްކާނި ސިޔާސީ މީހަކުވެސް ނެތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިތާމަ

15 November 2017

މާލޭ ކަހަލަ ކުޑަ ޔުނިވާސިޓީ ޓައުން ސްޓައިލް ތަނަކަށް ލޯންޑްރީ މެޓެއް ވަރަށް މުހިންމު. ގެދޮރުވެރިކަމުގެ ކަންތަކުގަ އުޅުއްވާ ބޭފުޅުން މިކަމަށް ސަމާލުކަން ދެއްވާނެ ކަމަށް އުންމީދުކުރަން. އަދި އަގު ހެޔޮކޮށް ސިއްޙަތަށް ފައިދާހުރިގޮތަށް ކެވޭނެ ފުޑް ކޯޓެއް މެއްސެއް ނާސިކަންދަރެއް ކަހަލަ ތަނެއް ވަރަަށް މުހިންމު.