ވިލިމާލެ ދާއިރާގެ މެމްބަރު ނިހާނާއި (ވ) ކުޑަހުވަދޫ ދާއިރާގެ މެމްބަރު އާމިރު. - ފޮޓޯ: މަޖިލިސް/މިހާރު
15 ނޮވެމްބަރ 2017 - 16:04
14 comments
އަންނަ އަހަރަށް ލަފާކޮށް، ރައްޔިތުންގެ މަޖިލީހަށް ހުށަހެޅި ބަޖެޓުގެ ދިރާސާ ކުރާ ކޮމެޓީގެ މުގައްރިރަކަށް، ޕީޕީއެމްގެ ޕާލަމެންޓްރީ ގުރޫޕުގެ ލީޑަރު އަދި ވިލިމާލެ ދާއިރާގެ މެމްބަރު އަހުމަދު ނިހާން މިއަދު ކަނޑައަޅައިފި އެވެ.
މާލިއްޔަތު ކޮމެޓީ އާއި އިގްތިސާދީ ކޮމެޓީ ގުޅިގެން އުފައްދާފައި އޮންނަ، ބަޖެޓް ދިރާސާ ކުރާ ކޮމެޓީގެ ނައިބު މުގައްރިރަކަށް ހަމަޖެއްސީ ކުޑަހުވަދޫ ދާއިރާގެ އެމްޑީއޭގެ މެމްބަރު އަހުމަދު އާމިރެވެ.
ނިހާނާއި އާމިރަކީ މީގެ ކުރިން ބަޖެޓު ދިރާސާ ކުރަން ބޭއްވި ކޮމެޓީތަކުގައި ވެސް މުގައްރިރު ކަން ކުރެއްވި ބޭފުޅުންނެވެ.
ބަޖެޓް ކޮމެޓީގެ މުގައްރިރަކަށް ނިހާން، ނައިބަކަށް އާމިރު ހަމަޖެއްސީ މި އަހަރުގެ ބަޖެޓު ކޮމެޓީގެ ފުރަތަމަ ބައްދަލުވުމުގައި ޕީޕީއެމާއި އެމްޑީއޭގެ 14 މެމްބަރުންގެ އަޣުލަބިއްޔަތުންނެވެ. އެ ދެބޭފުޅުންނަށް އިދިކޮޅު މެމްބަރުން ވޯޓެއް ނުދެއްވަ އެވެ.
ނިހާނު މިއަދު "މިހާރު" އަށް ވިދާޅުވި ގޮތުގައި ކޮމެޓީގެ ބައްދަލުވުމުގައި ނިންމާފައިވަނީ 10 ދުވަސް ތެރޭގައި ބަޖެޓުގެ މަސައްކަތް ނިންމައި ތަޅުމަށް ހުށަހެޅުމަށެވެ.
ތިން ވަނަ ދައުރުގައި މައިގަނޑު ކަމެއްގެ ގޮތުގައި މަޖިލީހުގައި އޮންނާނީ ބަޖެޓު ދިރާސާ ކުރުމުގެ މަސައްކަތް އެކަންޏެވެ. އެއީ މި މަސް ނިމުމާއެކު، މެމްބަރުން ދެ މަސް ދުވަހުގެ ބޮޑު ޗުއްޓީއަކަށް ވަޑައިގަންނަވާނެތީ އޭގެ ކުރިން ބަޖެޓާ މެދު މަޖިލީހުން ގޮތެއް ނިންމުމަށެވެ. ގާނޫނުއަސާސީގައި ވާ ގޮތުން ބަޖެޓު ފާސްކުރަން ބާއްވާ ޖަލްސާ އަށް 43 މެމްބަރުން ހާޒިރުވެ ތިއްބަވަން ޖެހޭނެ އެވެ.
އަންނަ އަހަރަށް ލަފާކޮށް، ސަރުކާރުން މަޖިލީހަށް ހުށަހެޅީ 27.9 ބިލިއަން ރުފިޔާގެ ބަޖެޓެކެވެ. އެގޮތުން ބަޖެޓުގައި ހިލޭ އެހީގެ ގޮތުގައި ދައުލަތަށް 22.4 ބިލިއަން ރުފިޔާ ލިބޭނެ ކަމަށް ލަފާކޮށްފައިވެ އެވެ. އެއީ ޓެކްސްގެ ގޮތުގައި ލިބޭ 16.3 ބިލިއަން ރުފިޔާ އާއި ޓެކްސް ނޫން ގޮތުގައި ލިބޭ 5.2 ބިލިއަން ރުފިޔާ އާއި އެހެނިހެން ފަންޑުތަކާއި ހިލޭ އެހީގެ ގޮތުގައި ލިބޭ 858 މިލިއަން ރުފިޔާ އެވެ.
މި އަހަރަށް ލަފާކޮށް، މަޖިލީހުން ފާސްކޮށްފައި ވަނީ 26.8 ބިލިއަން ރުފިޔާގެ ބަޖެޓެކެވެ. އެކަމަކު މިދިޔަ މަހުގެ ތެރޭގައި މަޖިލީހުން ސަޕްލިމެންޓްރީ ބަޖެޓުގެ ގޮތުގައި ފާސްކުރި އަދަދާ އެކު މި އަހަރުގެ ބަޖެޓުގެ އަދަދު ވެސް ވަނީ 27.3 ބިލިއަން ރުފިޔާ އަށް އަރައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފޮނިކަލޯ
16 November 2017
ބަޖެޓާއި ބެހޭގޮތުން ދިރާސާކޮށް އަދި ބަހުސްކުރުމައް ސަރުކަރުން މިދެބޭފުޅުން އައްޔަން ކުރި އިރު މިދެބޭފުޅުން ގެ ތައުލީމީ ފެންވަރައް ބެއްލެވިންތޯ މިކަމަކީ މުޅު ދިވެހިރައްޔަތުންނާއި ލާމެހި ގެން ހިންގާ ނުހަނު ޒިންމަދާރު ކަމަކައްވާހިނދު މިކަން ކަން ނިންމުމައް ސަރުކާރު ހަވަލުކުރިހިނދު މެދެބޭފުޅުން ކިޔަވާ ވިދާޅުވި ބޭރުގެ ކޮން ޔުނިވާރސިޓީ އަކުންތޯއާއި އަދި ކިޔަވާ ވިދާޅުވީ ބަޖެޓް ނުވަތަ ހިސާބު ޢިލްމުގެ ދާއިރާއިންތޯ ބަލަން ޖެހެއެވެ.
އައި
15 November 2017
ސަތޭކައިގެ ކަމެއް، މުޅި ދުނިޔެއަށް ބެލިޔަސް ތި ފެންވަރުގެ ދެމީހުން ނުލިބޭނެ. ތިޔަށް ވުރެ މާ ސަޅިވީސް ޕަޕެޓް އަދި ނައިބު ޕަޕެޓް ކީނަމަ
ޕޮކަންޑިވުމަން
15 November 2017
އަމައްޔާއި ދެން! ލަދުން ބޯހަލާކު؟؟؟؟
Thhhk
15 November 2017
މަޖިލިހުގެ ތަޅުމަށް ބަޖެޓުގެ އެއްގަޑު .....ނިހާނު ސޮއިކުރަން ފަންސާސްގަޑު ދެން ފްލެޓްދީ ...ދެން އުދުހޭ ދެން އަތްޖަހާ
ހެހެހެ
15 November 2017
ލޮލް !!!!!!!!!!!!!!!!!!!!!!!!!!!!!
ޒިންދަގީ
15 November 2017
ދެން ތިބަޖެޓު އޮންނާނެގޮތް ދިވެހިންނަށް ވިސްނޭނެ.. ތިތިބީ ރާއްޖޭގަ ބަޖެޓާއިބެހޭގޮތުން އެންމެ ފުންނާބުއުސް ބޭބޭފުޅުން ވިއްޔާ..
މެންޓަލިސްޓް
15 November 2017
ތިޔަހުންނަނީ 21 ވަނަގަރުނުގެ ބޮޑެތި ޖޯކޭދެންނެވޭނީ ،،،، ދިވެހިރާއްޖޭގެ ކިޔަވައިގެން ތިއްބެވި ބޭފުޅުންނާއި ގައުމަށް އޮތް ލަދުވެތި ކެމެކޭ ދެންނެވޭނީ ،،،، ދައުލަތުގެ ބަޖެޓް ރިވިއުކޮށް އެފާސްކުރާ ކޮމެޓީގައި ތިއްބެވިބޭފުޅުންގެ އެކަޑެމިކް ފެންވަރު ރަގަޅަށްބައްލަވާލެއްވީމައި މިބުނާ އެއްޗެއްސާފްވާނެ ،،،، އަލިފްބާ ނޭންގޭމީހުންނަށްވެސް މަޖިލިސް މެންބަރުކަން ކުރެވޭގޮތަށް އޮތީމައި ވާނެހަތަރެތި މިވަނީ ،،، މިކަންރަގަޅުކުރަން ބޭނުންވާ އެއްވެސް ސިޔާސީޕާޓީއެއްވެސް ނެތް ،،، އެކަމު ގާނޫނީ ލޯޔަރުކަން ނޫނީ ގާޒީކަން ލިބެނީ ސެޓްފިކެޓްއޮވެގެން ،،، އެކަމު ގާނޫންހަދަން ތިބޭމަޖިިލިސްގައި ތިބޭމީހުންނަށް އަލިފްބާ ނޭންގުނަސް އޯކޭ ،،، ކަލޯ މިއޮތީވާގައުމެއް ،،، ،ވަރަށްވެދުން
ކްރިޓިކަލް އޯވަރ ޑްރައިވް.
15 November 2017
ކަމުގެ ފެނަވަރުނެތް މީހުން ގައުމީލެވެލްގެ ބަޖެޓް ރިވިއު ކުރީމާ އެއިން ދައްކާދެނީ ގައުމުގެ ގާބިލިއްޔަތު ނެތްކަން، ނުވަތަ ގާބިލިއްޔަތު ހުރި މީހުން ތިއްބަސް މިހާ ކްރިޓިކަލް ކަންތައްތަކަށް އެކަށޭނެ މީހުން ލިބުމުގެ ފުރުސަތު މިއޮތް ޕާލަމެންޓަރީ ސިސްޓަމުގައި ނެތްކަން. ދިވެހި ރައްޔަތުން ދެން ވިސްނަންވީ މެމްބަރުންނަށް ވޯޓްލާއިރު، މިފަދަ މުހިއްމު ކަންކަން ކުރަން އެކަށޭނެ ތައުލީމާއި ހުނަރު ހުރި މީހުންނަށް ވޯޓްލާށެވެ. ހަމަ އަޑުގަދަކޮށްލާފައި ބެރިކޭޑުމަތިން ފުންމާލާ ކޮންމެމީހަކީ ޕާލަމެންޓަރީ ވާޖިބު އަދާކުރެވޭނެ މީހެއްނޫނެވެ. މީގައި ރައްޔަތުންގެ ޒިއްމާ ނިހާޔަތައް ބޮޑެވެ. ޕާޓީތަކަށް އިގިލި ދިއްކުކުރުމުގެ ކުރީގައި، ދެން ލިބޭ ދަޑިވަޅެއްގައި އަޅުގަޑުމެންގެ ޒިއްމާ ރަގަޅަށް އަދާކުރަމާބަހީއެވެ. ޑިމޮކުރޮސީ ގައި ކުރިއަށް ދާއިރު މިކަހަލަ ފިލާވަޅުވެސް ދަސްކުރަން ޖެހޭނެއެވެ.
އައިމިނާ
15 November 2017
ތިޔަ ކަހަލަ މީހުންނެގީމަތާ ވާނުވާނޭނގި ތިބެ ތި އެއްޗެއް ފާސްކުރާނީ. ރަނގަޅު .ގޯހެއްނޫން.
އުމަރު
15 November 2017
އާއިމާއި ނިހާނު ބަޖެޓް ދިރާސާކުރާއިރު ދުވަހަކުވެސް ވިޔަފާރިއެއް ކުރިބައެއްވެސްނޫން، ކޮންތާކުން އައިސްގެން އުޅޭބައެއް ގައުމުގެ ބަޖެޓް ދިރާސާކުރަން ތިޔަ ހަވާލުކުރީ؟
ހެހެހެ
15 November 2017
2 "ޕްރޮފެސަރުން" ދެއްތޯ!