ޗައިނާއާއެކު އޮތް ބައްދަލުވުމެއްގައި މިނިސްޓަރު ސައީދު ވާހަކަ ދައްކަވަނީ-- މިހާރު ފައިލް ފޮޓޯ
04 ޑިސެމްބަރ 2017 - 13:49
28 comments
ބޭރު ދުނިޔޭގެ ބޭންކުތައް ރާއްޖެ ގެންނަން މަސައްކަތް ކުރަމުން އަންނަ ކަމަށާއި މިނިވަން ވިޔަފާރީގެ ސަބަބުން އެކަމަށް މަގު ފަހިވާނެ ކަމަށް އިކޮނޮމިކް މިނިސްޓަރު މުހައްމަދު ސައީދު ރޭ ވިދާޅުވެއްޖެ އެވެ.
ޗައިނާއާ އެކު މިނިވަން ވިޔަފާރީގެ އެއްބަސްވުމެއްގައި ސޮއިކުރުމަށް ދިވެހި ސަރުކާރުން ނިންމައި މިދިޔަ ހަފުތާގައި ރައްޔިތުންގެ މަޖިލީހަށް ހުށަހެޅުމުން އެކަމަށް ރައްޔިތުންގެ މަޖިލީހުން ވަނީ ރުހުން ވެސް ދީފަ އެވެ.
ޓީވީއެމްގެ ރާއްޖެ މިއަދު ޕްރޮގްރާމްގައި ވާހަކަ ދައްކަވަމުން މިނިސްޓަރު ސައީދު ރޭ ވިދާޅުވީ މިހާރު ރާއްޖެ އިން ލޯންތައް ހޯދުމަށް ދިމާވާ ދަތިތައް ހައްލު ކުރުމަށް، ދުނިޔޭގެ އެހެން ގައުމުތަކުގެ ބެންކުތައް ރާއްޖެ ގެނައުމަށް ކުރާ މަސައްކަތަށް ފްރީ ޓްރޭޑް އެގްރިމެންޓްގެ ސަބަބުން މަގުފަހިވެގެން ދާނެ ކަމަށެވެ.
"އެހެންވެއްޖެއްޔާ ދިވެހި ބޭންކުތަކަށް ބޭރުގެ ބޮޑެތި ބޭންކުތަކުން ފައިސާ ގެނެސް ދިވެހި ވިޔަފާރިތަކަށް ދިނުމުގެ ފުރުސަތު ވެސް ހަމަޖެހިގެން އެބަދޭ. ނުވަތަ ބޭރުގެ ބޭންކުތަކުން ޑައިރެކްޓްކޮށް ދިވެހި ވިޔަފާރިތަކަށް ނުވަތަ އަލަށް ވިޔަފާރި ފަށަން ބޭނުންވާ ފަރާތްތަކަށް ހެޔޮ އަގެއްގައި ލޯން ނެގުމުގެ ފުރުސަތު ފަހިވެގެންދޭ." މިނިސްޓަރު ވިދާޅުވި އެވެ.
މުޅި ދުނިޔެ އިން "އަތްފުނާ" އަޅައިގެން މަސައްކަތް ކުރަމުންދަނީ އެކްސްޕޯޓަށް ރަނގަޅު ގޮތެއް ހޯދުމަށް ކަމަށާއި ފްރީ ޓްރޭޑް އެގްރިމެންޓާއެކު އެ ފުރުސަތު ލިބިގެންދާނެ ކަމަށް ސައީދު ވިދާޅުވި އެވެ. ޗައިނާއާއެކު ހަދާ އެއްބަސްވުމާއެކު އެހެން ގައުމުތަކުން ސީފުޑް އެތެރެކޮށް ޗައިނާ އަށް އެކްސްޕޯޓް ކުރުމުގެ ފުރުސަތު ލިބޭނެ ކަމަށް ވެސް މިނިސްޓަރު ވިދާޅުވި އެވެ.
"ޗައިނާގެ ޖުމްލަ ކަސްޓަމްސް ޓެރިފް ލައިން އެބައުޅޭ ހަ ހާސް ކޮންމެވެސް އަދަދަކަށް. އޭގެ ތެރެއިން 298 އައިޓަމަކީ ސީފުޑް. އޭގެ ތެރެއިން 296 އައިޓަމަށް އަޅުގަނޑުމެންނަށް ޒީރޯ ޕަސެންޓްގައި އެކްސްޕޯޓް ކުރުމުގެ ފުރުސަތު ލިބިގެން މިދިޔައީ،" މިނިސްޓަރު ވިދާޅުވި އެވެ.
ފްރީ ޓްރޭޑް އެގްރިމެންޓަށް ފާޑުކިޔާ ފަރާތްތަކަށް ރައްދު ދެއްވައި މިނިސްޓަރު ވިދާޅުވީ އެ ބޭފުޅުންނަކީ "އައުޑްޑޭޓް ޕްރޮޑަކްޓްސް" ކަމަށާއި އެ ސިޔާސީ ބޭފުޅުންނަށް ލިބުނު ފުރުސަތުގައި ކަންކަން ނުކުރުމަކީ މިއަދު ކަމެއް ނުކޮށްތިބެން ޖެހޭ ސަބަބެއް ނޫން ކަމަށެވެ.
"އަޅުގަނޑުމެންގެ ކުށެއް ނޫން 30 އަހަރުން ނަތީޖާ ނުނެރުވުމަކީ. އަޅުގަނޑުމެންގެ ކުށެއް ނޫން ތިން އަހަރުން ނުވަތަ ތިން އަހަރު ހަމަނުވަނީސް ބޭފުޅަކު އިސްތިއުފާދީފަ ވަޑައިގަތުމަކީ،" ސައީދު ވިދާޅުވި އެވެ.
ކުދި ވިޔަފާރިތައް ހިމާޔަތް ކުރަން އެންމެ މުހިންމު މަސައްކަތް ކުރަނީ މި ސަރުކާރުން ކަމަށާއި ލޯން ދިނުމުގެ އިތުރުން ވިޔަފާރިތަކަށް ޒުވާނުން ތަމްރީނު ކުރަމުން އަންނަ ކަމަށް މިނިސްޓަރު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބްދުއްލާ
05 December 2017
އިދިކޮޅުމީހުން ކުރިން ކިޔަމުންދި ހީރޯ އާ މޮނަލާލްސް ގެ ވިޔަފާރިފަދަ ވިޔަފާރިތައް ރާއްޖެ ގެނައުމުންވެސް ތިޔަ ކަހަލަ ވާހަކަ . އެމީހުން އައުމުން ދިވެހިންނަށޤވީ ފައިދާ ދިވެހިން ބާޒާރުގާ ވާދަކުރަން މަސައްކަތް ކޮށް ކާމިޔާބު ހޯދައިފި . މިއީ 60 ގެ އަހަރު ތަކެއްނޫން ވޯރާ ވިޔަފާވެރިން ގައުމު އަޅުވެތި ކުރި އިރު މަސްހަންދަރު އެއީކޯނަޗެއްކަން ވަރަށް މަދު ދިވެއްސަކަށް މެނުވީ ނޭގޭ އެޒަމާން ފާއިތު ވެގޮއްސި ދަިވެހިންނަކީ މޮޅުބައެއް ވިޔަފާރީގަ ވެސް މޮޅުވެވޭނީ މޮޅެތި މީހުނާ ވާދަކުރަން އެގިގެން އެމީހުނާ ބައްދަލުވެވިގެން.
މުގުރާން
05 December 2017
ދެން ސައީދު ވައެއްލާފައިވެސް ބުނަންވީ ދޯ މި ލެވުނު ވައިގެ ސަބަބުން ބޭންކުތައް އަންނާނެޔޭ. ފްރީ ޓްރޭޑް އެގްރީމެންޓެކޭ ކިޔާފަ ބޭންކުތައް އަންނާނެނަމަ މާ ރަނގަޅު ދެއްތޯ އެސްއީޒެޑުން ބޭންކުތައް އަންނަން. އެސްއީޒެޑް އެއީކީ ހަމައެކަނި ފްރީ ޓްރޭޑެއް ނޫން. ފްރީ އެވްރީތިންގް. އެކަމަކު ނާދެ ނޫންތޯ އަދި.
އަލްޖިބްރާ
05 December 2017
ޗައިނާގެ ބޭންކްތަށް އަންނާނެ !ދުނިޔޭގެ އެހެން ބޭންކެއް ހޭހުރެގެނެއް ނާންނާނެ !
އަބްދުއްލާ
05 December 2017
އިތުރު ބޭންކް ތައް އައުމުން މިހާރު ލޯނު ދޫކޮށްގެން ބޭންކް ތަކުން ނަގާ ފައިދާ ދަށް ވާނެ. އެއީ އޭރުން ލޯނު ދޫކުރަން ދަށް އިންޓަރެސްޓް ރޭޓެއް ގެންގުޅެން މަޖްބޫރުވާނެ.
އަލީމް
04 December 2017
ފްރީޓްރޭޑް އެގްރިމެންޓްގެ ދަށުން މިހާރު މުޅިން ދިވެހިން ކުރަމުން އަންނަ ރިޓޭލް ވިޔަފާރިވެސް ޗައިނާ މީހުންނަށް ދިވެހިންނެކޭ އެއް އުސޫލުން ހުޅުވިގެންދޭ. ދިވެހި ކުދި ވިޔަފާރިތަކަށް މިހާރުވެސް ލޯނެއް ހޯދުން ފަސޭހަކަމަކަށް ނުވޭ. ޗައިނާ މީހުން ބޭންކު ހުޅުވައި އެމީހުންގެ މީހުންނަށް ފަންޑުކޮށްގެން މުޅި ރާއްޖޭގެ ކުދި ވިޔަފާރިތަށް ހިފާނެ. ޢަދި ބޮޑެތި ވިޔަފާރިތަކަށް ހުރި ބިރު ވަކި ކުޑައެއްނޫން. ދުވަސްކޮޅަކުން ބާޒާރު މައްޗާ މަގީދީ މަގު އަދި ޗާންދަނީ މަގުގެ ވިފާރިތައް ޗައިނާ މީހުން ހިފާނެ. ޑެން ބޮޑެތި ރައްރަށައް ފެތުރިގަންނާނެ. މީ ކޮންވައްތަރު ސަރުކާރު!
އަދިވެސް
04 December 2017
ކިތައްމެ ގިނަ ބެންކުތަކެއް ރާއްޖެ އަޔަސް ދިވެހިނަށް ލޯނު ދޭނީ އިންޓަރެސްޓް ބޮޑުކޮށް. މިކަމަށް ހައްލެއް އަންނާނީ ކޮން ދުވަހުކުންބާ.
ފިނިފެންމާ
04 December 2017
ހެވަންތަކާ ޝެޒްތަކާ އެއަރޕޯޓްތައް ވެސް މަތިން ވެހޭނެ ދެއްތޯ ފިނިފެންމާ ވަޒީރޫ؟
ސުޖާ
04 December 2017
ހޮޓްކިންގ ގެނަމުގަ ކޮމެއްޓުކުރި ފަރާތައް ދަންވާލަން ނަސީދު ވެރިކަމާހަވާލުވި އިރުދުނިއެގޭ އިގުތިސޯދު ފަހުގެތާރިހެގަ ދަށައްނުދާވަރައް ދަށައްގޮސް، ދުނިއޭގެ އިގުތިސޯދު ކަކޫބިންމަތިވެފަ އޮތް ދުވަސް ވަރެއްގައޭ! އެކަމަކު އަދިވަސް މިގައުމު ހިންގަމުންދަނީ އެމަނިކުފާނުގެ ވެރިކަމުގަ ތާރަފުކުރި ޓެކުސްނިޒާމުގެ މައްޗަށޭ
ތެކުސް
05 December 2017
ޓްރޫ. ނަޝީދަށް މުޅިން ސޮލިޑިފައި ނުކުރެވުނު ކަމެއް އެއީ ލާމަރުކަޒީ ނިޒާމު. މިހާރު އޭތި އެއްކޮށް ފުނޑާލައިފި.
Abdul Latheef
04 December 2017
ރިބަވީ ބޭންކުތައް މިހާރުވެސް އެބަހިންގާ....... ރައްޔިތުންނަށް ވަނީ ކޮންފައިދާއެއް؟
އެޑްމުންޑޯ
04 December 2017
30 އަހަރުގެ ވާހަކަ ސައީދުމެން ދައްކާތީ ހަމަ ހައިރާންވޭ ، މީގެ 20 އަހަރުކުރިން މިމާލޭގެ މީހުން ބޮޑުކަމު ދަނީ ފާކާނާ އަށްތޯ ސައީދު ދިރާސާ ކޮށް ހަދާބަލަ ، ބަލަ މީގެ 30 އަހަރުކުރިން ފެށިވެރިކަމަކީ 0 އިން ފެށިވެރިކަމަކޭ ، މިއަދު ސައީދުމެންނަށް ތިގޮތަށް ތިފުއްޕެނީ އެވެރިކަމުގައި ގެނެސްފައިވާ ތަރައްގީގެ ސަބަބުން ،