ސީއެމްއީސީ އިން އެޅި 1500 ހައުސިން ޔުނިޓް ދިވެހި ސަރުކާރާ މިއަދު ހަވާލު ކުރަނީ.--- ފޮޓޯ: ހުސެއިން ވަހީދު/މިހާރު
04 ޑިސެމްބަރ 2017 - 18:40
22 comments
ޗައިނާ މެޝިނަރީ އިންޖީނިއަރިން ކޯޕަރޭޝަން (ސީއެމްއީސީ) އިން ހުޅުމާލެ އާއި ރާއްޖޭގެ ދެކުނުގެ އަށް ރަށެއްގައި އެޅި 1500 ހައުސިން ޔުނިޓް ދިވެހި ސަރުކާރާ މިއަދު ހަވާލުކޮށްފި އެވެ.
ހުޅުމާލޭގައި ބޭއްވި ރަސްމިއްޔާތެއްގައި މި ފްލެޓުތައް ޗައިނާގެ ފަރާތުން ހަވާލު ކުރެއްވީ ސީއެމްއެސީ އިން ރާއްޖެ އަށް ކަނޑައަޅާފައި ހުންނަވާ މަންދޫބު ލިއު ޝައުޑާ އެވެ. އަދި ސަރުކާރުގެ ފަރާތުން މި ފްލެޓްތަކާ ހަވާލުވެވަޑައިގަތީ ހައުސިން މިނިސްޓަރު ޑރ. މުހައްމަދު މުއިއްޒެވެ.
ޗައިނާގެ ސީއެމްއީސީ އިން އެޅި 1500 ހައުސިން ޔުނިޓް ސަރުކާރާ ހަވާލު ކުރުމަށް ހުޅުމާލޭގައި ބޭއްވި ރަސްމިއްޔާތުގައި ދިވެހިންތަކެއް ބައިވެރިވަނީ. - ފޮޓޯ: ހައުސިން މިނިސްޓްރީ
މި މަޝްރޫއުގެ ދަށުން ސީއެމްއީސީ އިން އެންމެ ގިނަ ފްލެޓް އެޅީ ހުޅުމާލޭގަ އެވެ. ހުޅުމާލޭގައި 704 ހައުސިން ޔުނިޓް އެޅި އިރު، ސ. ހިތަދޫގައި 264 ހައުސިން ޔުނިޓް، ހުޅުމީދޫގައި 48 ހައުސިން ޔުނިޓް، ޏ. ފުވައްމުލަކުގައި 200 ހައުސިން ޔުނިޓް، ގއ. ވިލިނގިލީގައި 52 ހައުސިން ޔުނިޓް، ގދ. ގައްދޫގައި 50 ހައުސިން ޔުނިޓް، ގދ. ތިނަދޫގައި 120 ހައުސިން ޔުނިޓް، ގދ. މަޑަވެލީގައި 22 ހައުސިން ޔުނިޓް އަދި ގދ. ހޯޑެއްދޫގައި 40 ހައުސިން ޔުނިޓް ވަނީ އަޅައިފަ އެވެ.
މި ހައުސިން ޔުނިޓްތަކުގެ ބިންގާ އަޅާފައި ވަނީ ޑިސެމްބަރު 9، 2014 ގަ އެވެ. މި މަޝްރޫއުގެ ބިންގާ އަޅުއްވައިދެއްވީ ރައީސް އަބްދުﷲ ޔާމީނެވެ.
ހުޅުމާލޭގައި 704 ފްލެޓު އިމާރާތް ކޮށްފައިވާ ސަރަހައްދުގައި ބޭއްވި ރަސްމިއްޔާތުގައި މިނިސްޓަރު މުއިއްޒު ވިދާޅުވީ ހުޅުމާލޭގައި ގާއިމުކުރި ހައުސިން ޔުނިޓްތަކަކީ، މީގެ ކުރީ ސަރުކާރުތަކުން ގާއިމުކޮށްފައިވާ ހައުސިން ޔުނިޓުތަކަށްވުރެ، ތަނަވަސް ހައުސިން ޔުނިޓްތަކެއް ކަމަށެވެ.
ހުޅުމާލޭގައި މިއަދު ބޭއްވި ރަސްމިއްޔާތުގައި މުއިއްޒު ވާހަކަ ދައްކަވަނީ. - ފޮޓޯ: ހައުސިން މިނިސްޓްރީ
"ޔަގީންކަން ދޭން ކެރޭ މިހާތަނަށް ރައްޔިތުންނަށް ސަރުކާރަކުން އެންމެ ފުރިހަމަ އަށް ބިނާ ކުރި ހައުސިން ޔުނިޓްތަކަށް ވާނީ މި ހައުސިން ޔުނިޓްތައް،" މުއިއްޒު ވިދާޅުވި އެވެ.
ހުޅުމާލޭގައި ގާއިމުކުރި ކޮންމެ ހައުސިން ޔުނިޓެއްގައި ތިން ކޮޓަރި އާއި ފާހަނާއެއް ހުންނާނެ އެވެ. މުއިއްޒު ވިދާޅުވީ ކުރިމަގުގައި ވެސް މި ފެންވަރުގެ ނުވަތަ މި އަށް ވުރެ ފެންވަރު ރަނގަޅު ހައުސިން ޔުނިޓްތައް ރާއްޖޭގެ އެކި ކަންކޮޅުތަކުގައި އަޅާނެ ކަމަށެވެ.
މުއިއްޒު ވިދާޅުވި ގޮތުގައި މިފަހަރު ހައުސިން ޔުނިޓްތައް ލިބުނު މީހުންނަކީ ވަރަށް ނަސީބު ރަނގަޅު ބައެކެވެ. އެއީ އެންމެ ފުރަތަމަ މި ސަރުކާރުން ހިންގި ބޯހިޔާވަހިކަމުގެ މަޝްރޫއުގެ ދަށުން ހައުސިން ޔުނިޓްތައް ލިބިފައިވާ މީހުންނަށް ވީމަ ކަމަށް ވެސް އޭނާ ވިދާޅުވި އެވެ.
ޗައިނާގެ ސީއެމްއީސީ އިން އެޅި 1500 ހައުސިން ޔުނިޓް ސަރުކާރާ ހަވާލު ކުރުމަށް ހުޅުމާލޭގައި ބޭއްވި ރަސްމިއްޔާތުގައި އާންމުންގެ ބަޔަކު ބައިވެރިވަނީ. - ފޮޓޯ: ހައުސިން މިނިސްޓްރީ
މުއިއްޒު ވިދާޅުވީ ރައީސް ޔާމީންގެ މެނިފެސްޓޯ އަށް ބަލާއިރު، އެންމެ މުހިންމު އިސްކަމެއް ދީފައި އޮތީ ގެދޮރުވެރިކުރުމުގެ މަޝްރޫއަށް ކަމަށެވެ. އަދި މި ކަންކަން ސަރުކާރުން ރާވާފައިވާ ގޮތަށް ހާސިލްވަމުންދާ ކަމަށް ވެސް މިނިސްޓަރު ވިދާޅުވި އެވެ.
މުއިއްޒު ވިދާޅުވި ގޮތުގައި 1500 ހައުސިން ޔުނިޓަށް 15000 އަށް ވުރެ ގިނަ މީހުން ކުރިމަތިލި އިރު، އެ އެންމެންނަކީ ގެދޮރު ލިބެން ޖެހޭ މީހުންނެވެ. އެކަމަކު، މި ފަހަރު ހައުސިން ޔުނިޓް ލިބުނީ އެންމެ ބޮޑަށް ބޭނުންވެފައި ތިބި މީހުންނަށް ކަމަށް ވެސް އޭނާ ވިދާޅުވި އެވެ.
ރައްޔިތުންނަށް ބޯހިޔާވަހިކަން ހޯދައިދިނުމަށް ރައީސް ޔާމީން ކެނޑިނޭޅި މަސައްކަތް ކުރައްވަމުން އަންނަ ކަމަށާއި "ހިޔާ" މަޝްރޫއަކީ މިކަން ހައްލުކޮށް ދިނުމަށް ފެށި މަޝްރޫއެއް ކަމަށް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮއްކޮ
05 December 2017
ހަމަ ގައިމުވެސް ރައީސް ނަޝީދުގެ ސަރުކާރުގައި އަޅާފައި ހުރި ފުލެޓުތައް މާތަނަވަސް. ބަދިގޭގެ އިތުރުން ކާމޭޒު ބައިދާފަ އަދި ބޮޑު ސިޓިންރޫމެއް އޮވޭ، އެކަމަކު މިފަހަރު ރައީސް ޔާމީނުގެ ސަރުކާރުން ހަދާފައި ހުރި ފުލެޓުތަކުގެ ސިޓިންރޫމުވެސް އެހާކުޑާ. ބަދިގެ އިންނަނީ ކުޑަ ގޯޅިގަނޑެއްގެ ތެރޭގައި. ކޮންމެ ކޮޓަރިއަކަށް ފާހާނާއެއް މެވުނީމާ އެއީ ތަނަވަސް ވީކީ ނޫން، މީހަމަ ކުދި ގޮޅިތަކެއް.
އެ ހައްގު
05 December 2017
ތި ފްލެޓް ތަށް ބަހާ ނިންމާފަ،ފޯމް ނަމްބަރ ޖަހާފަ ހުރީމަ ލިބުނު މިހުން ނޭގިގެން ޝަކުވާ ކުރަންފެށީމަ މުއިއްޒު އަންގަނީ އެއީ އެމީހުންގެ ހައްގުތަށް ހިމާޔަތް ކުރާށެ،އެކަމް އިއް އެތަނުން ގިނަ މީހުން ޕިންކް ހެދުން ލައްވައިގެން ރަސްމިއްޔާތަށް އަތް ޖަހަން ގެންދިޔާމަ އެއްކަލަ ހިމާޔަތް ކުރި ހައްގަށް ވާނީ ކިހިނެއްތޯ؟؟؟؟
ބެއްޔާ
05 December 2017
ތީކިހިނެތް ކުރިކަމެއް؟ ހަމަޔަގީނުންވެސް ސ.ހިތަދޫގައި އެޅި ފުލެޓްތަކުގައި ކަރަންޓް ، ފެން ، ނަރުދަމާ އެއް އަދި އެތަނަށް ވަދެވޭނެ ގޮތެއްނެތް. އެކަމަކު މިހާރު މަސައްކަތް ނިމި ހަވާލުވީ؟! ކީކޭ ބުނާނީ.
ޔުނައިޓެޑް އައްޑޫ
05 December 2017
ތިޔަ ހައުސިން ޔުނިޓްތަކަކީ އެމްޑީޕީ ސަރުކާރުން ޑިޒައިންކޮށް އެޕްރޫވް ކުރި ހައުސިން ޕްރޮޖެކްޓެއް. ތި ޕްރޮޖެކްޓަށް ފައިނެންސްކުރީ ޗައިނާގެ އެގްޒިމް ބޭންކުނުން. ލޯނު އެއްބަސްވުމުގައި ސޮއިކުރީ 22 މާޗް 2010 ވަނަ ދުވަހު. މިހަގީގަތް އޮޅުވާ ނުލެވޭނެ. http://www.housing.gov.mv/v1/news/contract-signed-on-the-largest-housing-project-in-the-maldives/
ޕުލޭނު
05 December 2017
އެއީ ދޯ ކޮތަރިތައް ދޫނިދޫ ޖަލު ގޮޅިއެއް ވަރަށް ކުޑަކޮށް 8 ފޫޓް 8 ފޫޓް މި ހުރި ސަބަބަކި.. ބަލާތި މި ސަރުކާރުން އަޅާ ނިންމާ ފުލެޓްތަކުގެ ކޮތަރިތައް ހުންނާނި އިންސާނުން ދިރިއުޅެވޭނެ އެކަށީގެންވާ ބޮޑުމިނެއްގަ ތަނަވަސްކޮށް..2010 ގަ ސޮއިކުރި އެއްޗެއްތަ ބަލ.ާނެކަމެއް ނެތް މާބޮޑު ޕުލޭނެއް ނެތި އޮންނާނި
ޔުނައިޓެޑް އައްޑޫ
05 December 2017
މި ޕްރޮޖެކްޓްގެ ދަށުން ސައުތު ޕްރޮވިންސްގައި އަޅަން އޮތް 1500 ފުލެޓްގެ ތެރެއިން 704 ފެލްޓް ހުޅުމާލެއަށް ބަދަލުކުރީ މިސަރުކާރުން. އެބަދަލާއެކު ފްލެޓްގެ ޑިޒައިން ކޮންމެ 3 ކޮޓަރިއަކަށް 1 ފާޚާނާ ހުންނަ ގޮތަށް ބަދަލުކުރީ ކަޓު ނަގަންވެގެން. ދެން އަތްޖަހާ!
555555
05 December 2017
މާލޭގައި، ތަޢުލީމުގެ ސްޓޭންޑަޑް ހިފެހެއްޓުމަށްވުރެ އިސްކަން ދީފައި އޮންނަނީ ރާއްޖެތެރޭން ކުލީއަޅުން ގިނަ ކުރުމަށް. ދަރި ރަށުގައި ދުވެ ކުޅެ ފަތާ ގަހަށް އަރައަރާ ހުއްޓާ، އުފުރާލައިގެން ގެނެސް އެބުނާ ސުކޫލަށް ލާ، ގޮޅީގައި ހައްޔަރުކޮށްލުމަކީ މޮޅުކަމެއް ނޫން. މަޅިއެއް. ކުލީއަޅުން ހަދަން އެހެރަ މީހާ ޖަހާފައި އޮތް މަޅިއެއް. އެމަޅީގައި ނުޖެހޭ!
ހަސަނު
05 December 2017
ކޮން ފަދަ ނަސީބެއްތޯ އެ މިއީ 3 ކޮޓަރިއާއެކު އެންމެ ފާހާނާ އެއް ލިބުން މީ.....
އަސްލުގޮތް
05 December 2017
ނުބައި ކޮންފަދަ ނަސީބެއް ތޯ އެ މީ 8 ފޫޓް 9 ފޫޓުގެ 3 ކުޑަ ގޮޅި ލިބުމީ.. ހަންހާރަވެތި ތިވެހިދަރިން ކުށެއް ނުކޮށް ޖަލު ގޮޅިއަކަށް ލެވި ގިންތީތެރޭން ނެރުއްވުމީ..
މުއިއްޒު
05 December 2017
މުއިއްޒު ވިދާޅުވި ގޮތުގައި މިފަހަރު ހައުސިން ޔުނިޓްތައް ލިބުނު މީހުންނަކީ ވަރަށް ނަސީބު ރަނގަޅު ބައެކެވެ. އެއީ އެންމެ ފުރަތަމަ މި ސަރުކާރުން ހިންގި ބޯހިޔާވަހިކަމުގެ މަޝްރޫއުގެ ދަށުން ހައުސިން ޔުނިޓްތައް ލިބިފައިވާ މީހުންނަށް ވީމަ ކަމަށް ވެސް އޭނާ ވިދާޅުވި އެވެ.
މިންނު
05 December 2017
ތިތަނުން އެންމެ ބޮޑު ކޮޓަރީގަ އެކަނި 10 ފޫޓު ހުންނަނީ ފާރެއްގެ ދިގުމިނުގަ... ދެން 8 ފޫޓުގެ ކުދި ކޮޓަރި.. ތި ދެން ބޮޑުވަރު ދެއްތޯ؟ ތިޔަވުރެއް ތަނަވަސްކޮށް ކޮޓަރިތައް ހެދޭނެ
މެންޓަލިސްޓް
05 December 2017
ޗައިނާއިން ރައީސްމައުމޫންގެ ވެރިކަމުގައި ސިނަމާލެ ފްލެއްޓްތައްވެސް އެޅިހަނދާނެއް އަޅުގަނޑުއެބަވޭ ،،،،، މިހާރު އެފްލެޓްތަށް ވަރަށްބާވެ ،،، ހަލާކުވުމުގެ މަގުމަތީގައި އެހެރީ ،،، ހަމަގައިމުވެސް އަދި 30 އަހަރެއްނުވާނެ ،،،، ވީމާ ތިޔައަލަށް ހެދި 1500 ޔުނިޓްތަށް މީގެ 40 އަހަރުފަހުން ހުންނާނީ ކިހިނަކުންބާއޭ ސުވާލު އުފެދެނީ ،،، ހަމަގައުމުވެސް 60 އަހަރުވާއިރު ޖެހޭނީ ތަޅާބިމާ ހަމަކުރަން ،،،، މިކަމާއި ބެހޭގޮތުން އެބަޖެހޭ ސިވިލްއެންޖިނަރުން ރަގަޅު ދިރާސާއެއްކުރުމަށްފަހު އާންމުންނަށް ހާމަކުރަން ،،،، އެއީ އެމީހުންގެ ކޮނޑުގައި އެޅިފައިއޮތް ބޮޑުމައްސޫލިއްޔަތެއް ،،، އިންސާނުން އަނދިރީގައި ބައިތިއްބާކަށްނުވާނެ ،،، އެނގޭމީހުން ނޭންގޭ މީހުންނަށް ކިޔައިދޭންވާނެ ،،،، މައަޢްސަލާމް ،،
އާޒާދީ
04 December 2017
8 ފޫޓް 9 ފޫޓްގެ ގޮޅި ކޮޓަރިއޭ ކިޔާފަ.. ހެޔޮނުވާނެ ތި އިންސާނުން ތިރިއުޅެން ހަދާ ތަންތަނޭ ކުއްތާ ނޫނީ ޖަނަވާރު ގެންގުޅެން ހަދާފަ ހުރި ކޮއްޓެއް ނޫނޭ.. ދޫނިދޫ ޖަލު ގޮޅިތައްވެސް މާ ތަނަވަސް ވެފަ ހިތް ފަސޭހަވާނެ ތި ތަންތަނަށް ވުރެން