މާލޭގެ ވިޔަފާރި ބަނދަރާއި ޓީ ޖެޓީގެ ތޮށިގަނޑު މަރާމާތު ކުރުން އެމްޓީސީސީއާ ހަވާލުކޮށްފި

މާލޭގެ ވިޔަފާރި ބަނދަރާއި ޓީ ޖެޓީގެ ތޮށިގަނޑު މަރާމާތު ކުރަން އެމްޕީއެލް އިން އެމްޓީސީސީއާ ހަވާލުކުރުމުގެ އެއްބަސްވުމުގައި ސޮއިކުރެއްވުމަށް ފަހު ދެ ކުންފުނީގެ އިސްވެރިން ސަލާމް ކުރައްވަނީ.--- ފޮޓޯ: އެމްޕީއެލް

އަބްދުﷲ ޖަމީލު، މިހާރު

05 ޑިސެމްބަރ 2017 - 15:35

1 comments

މާލޭގެ ވިޔަފާރި ބަނދަރާއި ޓީ ޖެޓީގެ ތޮށިގަނޑު މަރާމާތު ކުރުން އެމްޕީއެލް އިން އެމްޓީސީސީއާ މިއަދު ހަވާލުކޮށްފި އެވެ.

ގާތްގަނޑަކަށް ނުވަ މިލިއަން ރުފިޔާގެ މި މަޝްރޫއުގެ އެއްބަސްވުމުގައި އެމްޕީއެލްގެ ފަރާތުން ސޮއިކުރެއްވީ ސީއީއޯ އިބްރާހިމް އަބްދުއްރައްޒާގް ހަލީމެވެ. އެމްޓީސީސީގެ ފަރާތުން ސޮއިކުރެއްވީ އެ ކުންފުނީގެ ސީއީއޯ އިބްރާހިމް ޒިޔަތެވެ.

އެ މަޝްރޫއާ ބެހޭ ގޮތުން "މިހާރު"އާ ވާހަކަ ދައްކަވަމުން އެމްޕީއެލްގެ ސީއީއޯ ހަލީމް ވިދާޅުވީ، މާލޭގެ ކޮމާޝަލް ހާބަރާއި ޓީ ޖެޓީގެ އެއްގަމު ތޮށިގަނޑުގެ ބޮލާޑާއި ކެޕިންތައް ވަރަށް ބޮޑަށް ހަލާކުވެފައިވާ ކަމަށެވެ. އަދި އެމްޓީސީސީއާ އެ މަޝްރޫއު ހަވާލުކުރީ އެއީ އެފަދަ މަރާމާތުތައް ކުރުމުގެ ތަޖުރިބާ ހުރި ކުންފުންޏަކަށް ވާތީ ކަމަށް ވެސް ހަލީމް ވިދާޅުވި އެވެ.

މާލޭގެ ވިޔަފާރި ބަނދަރާއި ޓީ ޖެޓީގެ ތޮށި މަރާމާތުކުރަން އެމްޕީއެލް އިން އެމްޓީސީސީއާ ހަވާލުކުރުމުގެ އެއްބަސްވުމުގައި ދެ ކުންފުނީގެ އިސްވެރިން މިއަދު ސޮއި ކުރައްވަނީ. މިއީ ނުވަ މިލިއަން ރުފިޔާގެ ޕްރޮޖެކްޓެއް. ފޮޓޯ: އެމްޕީއެލް

"ވިޔަފާރި ބަނދަރާއި ޓީ ޖެޓީގެ ތޮށިގަނޑު މަރާމާތު ނުކުރާތާ އެތައް އަހަރެއް ވެއްޖެ. ކުރިއަށް އޮތް ތަނުގައި ވަރަށް ގިނަ ޕްރޮޖެކްޓްތައް އެބަ ހިންގާ އަދި ކަނޑުމަގުން އުފުލާއިރު، ދަތިތަކެއް ދިމާވޭ އެ ތަންތަން ހަލާކުވެފައި ހުރުމުން. މީގެ ކުރިން އެ ތަންތަން މަރާމާތު ކުރަން މާބޮޑު ސަމާލުކަމެއް ދީފައެއް ނުވޭ،" އޭނާ ވިދާޅުވި އެވެ.

ހަލީމް ވިދާޅުވި ގޮތުގައި، އެމްޓީސީސީއާ އެ މަސައްކަތް ހަވާލުކުރީ ކޮންމެ ތަނެއް ދެ މަސްދުވަހުގެ ތެރޭގައި ނިންމާ ގޮތަށެވެ. އަދި އެމްޓީސީސީން އެ މަސައްކަތްތައް 28 ދުވަހުގެ ތެރޭގައި ފަށާނެ ކަމަށް ވެސް އޭނާ ވިދާޅުވި އެވެ.

"މި މަސައްކަތް ނިމުމުން އެއްފަހަރާ ގިނަ އުޅަނދުތަކަށް ހިދުމަތް ދެވޭނެ. އަދި މަސައްކަތްތައް ކުރިއަށް ގެންދާނީ އޮޕަރޭޝަނަށް ވަރަށް ބޮޑަށް ބަލައިގެން، ދަތިނުވާ ގޮތަށް،" ހަލީމް ވިދާޅުވި އެވެ.

އެމްޓީސީސީ އެމްޕީއެލް މާލޭ ވިޔަފާރި ބަނދަރު މާލެ އިބްރާހިމް ޒިޔަތު (ސީއީއޯ-އެމްޓީސީސ) އިބްރާހިމް ހަލީމް (ދަރުމަވަންތަ ހޮސްޕިޓަލް)

1 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ލޯފާރު

06 December 2017

ތިކަން ބިޑަކަޑަށް ލީ ބާ؟ އޭރުންދޯ ދިވެހި އެހެން ވިޔަފާރިތަކަށްވެސް ފުރުސަތު ލިބޭނީ. ސަލްޓަން ޕާކަށް ވީހެން ނުވެއްޖެއްޔާ ރަގަޅު. އޭރުން ދެން ކުރާނީ އުޖޫރަ ދީގެން ސިފްކޯއިން؟ އާންމު ދިވެހިންނަކަށް ފުރުސަތެއް ނެތް ދޯ؟