ކުރިގެ ރައީސް މުހައްމަދު ނަޝީދު ބައްދަލުވުމެއްގައި ތަގްރީރު ކުރައްވަނީ.-- ފައިލް ފޮޓޯ: އެމްޑީޕީ
10 ޑިސެމްބަރ 2017 - 15:56
10 comments
ހިއުމަން ރައިޓްސް ކޮމިޝަން (އެޗްއާރުސީއެމް) އިން ޒިންމާ އަދާ ނުކުރާ ކަމަށް ވިދާޅުވެ، ކުރީގެ ރައީސް މުހައްމަދު ނަޝީދު އެ ކޮމިޝަނަށް މިއަދު ފާޑުވިދާޅުވެއްޖެ އެވެ.
ބައިނަލްއަގުވާމީ ގޮތުން ފާހަގަކުރާ އިންސާނީ ހައްގުތަކުގެ ދުވަހުގެ މުނާސަބަތުގައި ނަޝީދު ކުރެއްވި ޓުވީޓެއްގައި ވިދާޅުވީ އިންސާނީ ހައްގުތަކުގެ ދުވަހެއް ފާހަގަ ކުރާއިރު، އެޗްއާރުސީއެމުން އެކަށީގެންވާ މަސައްކަތެއް ނުކުރާ ކަމަށެވެ. މިދިޔަ ދެ އަހަރު ތެރޭގައި ޖަލުގައި އަށް މީހަކު މަރުވެފައިވާ ކަމަށާއި ތަހުގީގު ނުނިމޭ މަރުތަކާއި ގްރޫޕް މާރާމާރީތައް ވަރަށް ބޮޑަށް ހިނގާފައިވާ ކަމަށް ނަޝީދު ވިދާޅުވި އެވެ.
ނަޝީދު ވިދާޅުވި ގޮތުގައި ރާއްޖެއަށް ޑިމޮކްރަސީ ތައާރަފް ކުރީ، ލާއިންސާނީ އަމަލުތަކާއި ޣައިރު ގާނޫނީ ކަންކަން ހުއްޓުވުމަށެވެ.
As we mark another Human Rights Day, @hrcmv is dysfunctional. Eight custodial deaths in the past two years, and countless unsolved murders and gang attacks. Our democracy movement was founded to prevent torture and ill treatment. #HRD2017
— Mohamed Nasheed (@MohamedNasheed) December 10, 2017
ނަޝީދު މިއަދު ކުރެއްވި ޓުވީޓު.
އިންސާނީ ހައްގުތަކުގެ ދުވަހާ ގުޅިގެން އެޗްއާރުސީއެމުން ނެރުނު ބަޔާނެއްގައި ބުނީ މިފަހަކަށް އައިސް ފުރައްސާރަ ކުރުމާއި އަބުރު ނަގާލުމާއި މީހުންގެ ފުރާނައަށް ގެއްލުންވާ ފަދަ އަމަލުތައް އިތުރުވެފައިވާ ކަމަށެވެ. އެކަމަކު، މިއަހަރުގެ ތެރޭގައި އިންސާނީ ހައްގުތަށް ހިމާޔަތްކުރަން ކާމިޔާބު މަސައްކަތްތަކެއް ކޮށްފައިވާ ކަމަށް ވެސް އެޗްއާރުސީއެމްގެ ބަޔާނުގައިވެ އެވެ.
އިންސާނީ ހައްގުތައް ރައްކާތެރިކޮށް ހިމާޔަތްކުރަން ބޭނުންވާ މުހިއްމު ބިލްތަކެއް ފާސްނުވާ ކަން ފާހަގަކޮށް އެޗްއާރުސީއެމްގެ ބަޔާނުގައި ވަނީ އިންސާނީ ހައްގުތައް ހިމާޔަތްކޮށް ރައްކާތެރި ކުރަން އެ ކޮމިޝަނުން ކުރަމުން އަންނަ މަސައްކަތްތަކުގައި ސަރުކާރުގެ އިދާރާތަކާއި އަމިއްލަ ޖަމިއްޔާތަކާއި ސިޔާސީ ފަރާތްތައް ވެސް ގުޅިގެން މަސައްކަތް ކުރަން އެދިފަ އެެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮލެޖް
30 January 2018
ޓެރަރިސްޓް ނަޝީދު ތި ޒިންމާ އަދާކުރަނީތަ.
أحمد.
29 January 2018
ހެހޭ ކަލޭ އެކަމު މިރާއްޖެ ނާރާތި ހިފާ ހައްޔަރުކޮއްގެން ގެންގޮސް ހަމަ ޖަލައްލާނީ إن شاءالله.
އަޖައިބު
11 December 2017
ގާޒީއަކު ޣައިރު ގާނޫނީ ގޮތަށް ހައްޔަރުކޮށްގެން ދައުލަތުގެ އެންމެ އިސްވެރިއާ ހުންނަ އިރު ދޫކޮށްލަން ހިއުމަން ރައިޓްސް ކޮމިޝަނުން ގޮވިއަސް އެކަން ކުރި މީހާ ދޫނުކުރާނަމޭ ބުނީމަ ކޮމިޝަނުން ކީއްތޯ ކުރާނީ؟ ޑިމޮކްރަސީގެ ބައްޕަ ދެއްކި މިސާލު.
ހަސަން ވަހީދު
10 December 2017
އަޅުގަޑުގެ އެއްމެ އަސާސީ ހައްޤުތައް މިސަރުކާރުން ނިގުޅާއިގެން އުޅޭތާ 2އަހަރުވަނީ. އަޅުގަޑުގެ އަސާސީމުސާރަ ނުދީގެން ހިއުމަން ރައިޓް ކޮމިޝަންގައި ޝަކުވާކުރާތާ އެހާދުވަސް ވީއެއްވެސް ކަމެއްނެތް ކުރެވުނު.
ހަސަނާފ
10 December 2017
އެހެންވެ ދޯ ތަޅާނެ ކުދިންކޮޅެއް ހޯދަން އުޅުނީ. އިންސާނީ ހައްގާހުރެ ލޮލަށް ނިދިނައިސްގެން. ކޮންބަޔަކަށް އޮޅުވާޅަންތަ. ނުވާނެތިކަމެއް. ބިގްޓައިމް ފެއިލްޑް.
ކޯއް
10 December 2017
ކޮވެލި ބޮނދާ އިނދެ ގޮވާ އަޑު އެހިންތަ
ޔޫކޭ
10 December 2017
ތިމަންނަ އަށް ވެރިކަން ހޯދަން ކަނޑަށް ފުންމަން ޒުވާނުން ތަކެއް ކައިރީގަ ބުނީމާ ހުންނާނީ ޒިންމާ އަދާކުރެވިފަ.
ރާއްޖެ
10 December 2017
ކުރި ކުށަށް ކޯޓުން ހުކުމްކޮށް ޖަލަށް ލީމާ ފިލައިގެން ގޮސް ހޮލިޑޭ ހެދުން. މި ވެސް ވައްތަރެއްގެ "އިންސާނީ ހައްގެއް"
މަ
10 December 2017
ކަލޭ ގެ މައްސަލަ ފުރަތަމަ ބަލަން ޖެހޭނީ. ބަލަ ތިވެސް ކުއްވެރިއެއް، ޖަލުގަ ދެންތިބީވެއް ކުއްވެރިން. ކީއްވެ ކަލެއަށް ތިހެން އަރާމުގަ ހުރެވިފަ އެ ނިކަމެތީންނަށް ޖަލުގެ ގޮޅިތަކުގަ ތިބެން ޖެހެނީ. ކޮބާ އިންސާނީ ހައްޤު،،،
ރަދީފް
10 December 2017
ހަމަ ނަމެއްގަ އޮންނަ ތަނެއް ހިއުމަން ރައިޓްސް ކޮމިޝަން (އެޗްއާރުސީއެމް) އެއީ.ވ.ވެދުން