އެމެރިކާ ސަފީރު އަތުލް ކެޝަޕް ރާއްޖޭގެ އިދިކޮޅު ބައެއް ސިޔާސީ ބޭފުޅުންނާ ދާދި ފަހުން ބައްދަލުކުރައްވަނީ.
15 ޑިސެމްބަރ 2017 - 18:50
25 comments
ރައްޔިތުންގެ މަޖިލީހުގެ ދިއްގަރު ދާއިރާގެ މެމްބަރު އަހުމަދު ފާރިސް ޖަލުގައި ހުންނަވާތާ 150 ދުވަސް ވުމުން ދައްކައިދެނީ ރާއްޖޭގެ އިދިކޮޅު އިސް ހުރިހާ ލީޑަރުންހެން މި ވަގުތު ތިއްބެވީ ޖަލުގައި ނުވަތަ އަރުވާލެވިގެން ކަމަށް، އެމެރިކާގެ ސަފީރު އަތުލް ކެޝަޕް މިއަދު ސިފަކުރައްވައިފި އެވެ.
ފާރިސް ޖަލުގައި ހައްޔަރުކޮށްފައި ހުންނަތާ މިއަދަށް 151 ދުވަސް ވުމުން އޭނާގެ ހައްގުގައި ބަޔަކު ކުރި ޓްވީޓަކާ އެކު ކެޝަޕް ވިދާޅުވި ގޮތުގައި "މިއީ ވަރަށް ބަދުނަސީބު" ހަގީގަތެކެވެ.
އެމެރިކާގެ ސަފީރުގެ ޓްވީޓުގައި ސިޔާސީ އިދިކޮޅު ލީޑަރުންގެ ތަފްސީލުތައް ގެންނަވާފައި ނުވިޔަސް، އޭނާގެ ވާހަކަ ރައްދުވަނީ ހުކުމް އިއްވާފައިވާ ބޭފުޅުންނާއި ޖަލުގައި ތިއްބެވި ބޭފުޅުންގެ އިތުރުން މިވަގުތު ރާއްޖެއިން ބޭރުގައި އުޅުއްވާ ސިޔާސީ އިސް ބޭފުޅުންނަށެވެ.
ރާއްޖޭގެ ކުރީގެ ރައީސް މުހައްމަދު ނަޝީދަށް 13 އަހަރުގެ ޖަލު ހުކުމެއް އިއްވުމާ ގުޅިގެން ޖަލުގައި ހުންނެވުމަށް ފަހު މިދިއަ އަހަރު ބޭސްފަރުވާއަކަށް އިނގިރޭސިވިލާތަށް ވަޑައިގެންނެވި ގޮތަށް އެ ގައުމުގައި ހުންނެވީ އަރުވާލެވިގެންނެވެ.
ކުރީގެ ނައިބު ރައީސް ޑރ. މުހައްމަދު ޖަމީލް އަހުމަދު އަމިއްލައަށް އަރުވާލެވިގެން ހުންނެވީ ވެސް އިނގިރޭސި ވިލާތުގަ އެވެ. އޭގެ އިތުރުން އެމްޑީޕީގެ ޗެއާޕާސަން އަލީ ވަހީދާއި ޖުމްހޫރީ ޕާޓީގެ ޑެޕިއުޓީ ލީޑަރު އަދި ކުރީގެ ޓްރާންސްޕޯޓް މިނިސްޓަރު އަމީން އިބްރާހިމް ވެސް އެ ގައުމުގައި އުޅުއްވަނީ އަމިއްލައަށް އަރުވާލެވިގެންނެވެ.
ޖުމްހޫރީ ޕާޓީގެ ލީޑަރު ގާސިމް އިބްރާހިމަށް ތިން އަހަރާއި ތިން މަހުގެ ޖަލު ހުކުމެއް އިއްވި ފަހުން ބޭސްފަރުވާއަކަށް ސިންގަޕޫރަށް ވަޑައިގެންނެވުމަށް ފަހު މިހާރު ހުންނެވީ ޖަރުމަނުގަ އެވެ.
ފާރިސްގެ އިތުރުން ސިޔާސީ އެހެން ލީޑަރުންގެ ތެރެއިން މިވަގުތު ޖަލުގައި ހުންނެވި ހަމައެކަނި ބޭފުޅަކީ އަދާލަތު ޕާޓީގެ ރައީސް އިމްރާން އަބްދުﷲ އެވެ. އަދި ކުރީގެ ޑިފެންސް މިނިސްޓަރު މުހައްމަދު ނާޒިމްގެ މައްޗަށް ވަނީ 11 އަހަރުގެ ޖަލު ހުކުމެއް އިއްވާފަ އެވެ.
އެކަމަކު އޭނާ އިއްޔެ ވަނީ ޖަލުން ގޭ ބަންދަށް ބަދަލުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަތަރޭ
17 December 2017
ދޮންކަލޯ އެހެން ޤައުމުތަކުގެ ދާޚިލީ ކަންކަމާ ނުބެހި އަމިއްލަ ޤައުމުގެ ކަންކަން ފުރަތަމަ ރަގަޅު ކުރަން މަސައްކަތް ކުރަންވީ އެންނު. ދޮން ސޮރުމެން ބުނީމަ އަންނި ބިރުން ފުންމައިގަތަސް ޔާމީނެއް ނުގުޑާނެ. ދެން ލަލަލަާާ
ބަސްމަތަކުރާ
16 December 2017
އިންޑިއާގެ ސިސްޓަމްތެރޭން އެކި ސްޓޭޓްތަކުގައި ގެއްލިފައިވާ އެތައް ސަތޭކަ ސިޔާސީ ކުށްވެރިންނާ މެދުވެސް ބުނެވޭނީ އެއީ ވަރަށް ބަދުނަސީބު ހަގީގަތެކޭ. ބަހެއް ބުނުމުގެ އިތުރަށް ކެޝަޕަށް މިގައުމުގައި ކަމެއް ކޮށްދެވޭނީ އަމިއްލަ ގައުމުގައި ސިޔާސީ ކުށްވެރިންނަށް ހާހުން ހިނގާފައިވާ ކަންކަން ހައްލުވެފައި ހުރިނަމަ.
އަބްދުއްލާ
16 December 2017
ރާއްޖޭގެ އާބާދީގެ ތެރެއިން 20000 މީހުންނަކީ ސިޔާސީ ލީޑަރުން އޭ ގެ ތެރެއިން އަރުވާލެވިގެން އުޅޭ މީހުނާ ކުށް ކޮށްގެން ޖަލަށް އަމިއްލަޔަށް ގޮސްގެން އުޅެނީ މަދު ބައެއް .ދިވެހިރާއްޖޭގަ އަޅައިގަނެގެން ނުނެއްޓެވިގެން އުޅޭ އިރު ފަލަސްޓިނަށް ހަމަޖެހުންގެނެސް އެމީހުނަށް ވެރިކަމެއް ގާއިމްކުރަން ހަވާލުވެގެން އުޅޭތާ 60 އަހަރު ވެއްޖެ ވީކަމެއް ނެތް ކޮށްދެވުނު ކަމެއްވެސް ނެތް . ތިޔައީ އެއް ވެސް އިތުބާރެއް އޮތް ބައެއް ނޫން. މިތަނަށް ވަދެ ތިޔަ އުޅެނީ މިލިޓަރީ ބޭސް ހަދާނެ ބިންކޮޅެ ނުވަތަ ދީން ބަދަލު ކުރާނެ ބައެއް މަތިވޭތޯ ބަލަން .އެއް ވެސް ގައުމަކަށް ހެޔޮ އެދިގެނެއް އެމެރިކާ އަކުން ކަމެއް ނުކޮށްދޭނެ.
ބަލާމީހާ
16 December 2017
ޢެމެރިކާ ރައީސުގެ ހާލަތާމެދު ކަންބޮޑުވަން.
އަޖައިބު
16 December 2017
ދެން މިތާ ދީނޭ ފަލަސްތީނޭ ކިޔާ. އޭރުން ރާއްޖޭގައި ހިގާ ކަންކަން އެއީ ރަގަޅު ކަންކަމަށް ބަދަލުވާނެ. ބޭއިންސާފު އިންސާފަށް ވާނެ.
އަލީ_
16 December 2017
މާ ބޮޑަށް ޑިމޮކްރަސީ ކުރިއަށް ދިޔައިމާ ވާގޮތެއް. އިދިކޮޅަށް ވާދަކޮށްފާނެހެން ހީވާ އެންމެން ތިބޭނީ ބަންދުކޮށްފައި. ނޫނީ ރަށުން ބޭރުގައި. ނޫންނަމަ ކޮންމެވެސް އެހެން ގޮތަކުންވެސް ވާދަނުކުރެވޭ ހާލަތެއްގައި.
ދިރާސާ
16 December 2017
މިގައުމުގައި ގިނަ ދުވަހު ވެރިކަން ކުރަންވެއްޖެނަމަ އިދިކޮޅު މީހުން އޮބިއަޅުވައިގެން ނޫނީ ވެރިކަން ނުކުރެވޭނެ ކަމަށް އަދި ދައްކަނީ. އެގޮތަށް ވެރިކަން ކުރުމުގައި ކާމިޔާބު މީހަކު އެގޮތަށް ވެރިކަން ކުރާތަން ފެންނަނީ. އެކަން ކުރަން ނޭނގުމުން ވެރިކަމުން ވެއްޓޭތަން އަންނަނީ. މަޝްވަރާގެ ތެރެއިން އެއްކަމެއްވެސް ހައްލުކުރެވޭ ގައުމެއް ކަމަކަށް މިއީ ނުފެނޭ. އިދިކޮޅު މީހުންވެސް ހައްދުންނުނައްޓާ ސަރުކާރު ޒިންމާދާރުކުރުވާކަށް ހަގީގަތުގަ ނޫޅޭ ނުވަތަ އެކަން ކުރާނެ ގޮތެއް ރަގަޅަށް ނޭނގޭ. ވެރިކަމުގަ ފެންނަންނުވާ މަންޒަރުތައް ފެންނަނީ ހުރިހާ ފަރާތަކުން ގޮތްދޫނުކުރުމުގެ އަމަލު ކުރިއަށް ނެރޭތީ.
އަހަންމާ
16 December 2017
އަހަރުމެންމުސްލިމުންގެކަންތަކާ ޔަހޫދީންބެހެންޖެހޭސަބަބަކީކޮބާތޯ އެހެންނޫނަސް އަހަމެންމީކިތަންމެކުޑަނަމަވެސްއަމިއްލަވެރިކަމެއްކުރާއަމިއްލަގައުމެއް އަހަރުމެންގާނޫނުއަސާސީއެއްހަދާއެއާއެއްގޮތައް ކަންކަންކުރަމުންދާއިރު ޔަހޫދީންހިޔާލުހޯދައި އެމީހުންބޭނުންވާގޮތައްއުޅެންޖެހޭބާ މުސްލިމުންނައްތިކުރާގޯނާތައްހުއްޓާލާފަ އެއައްފަހު ތިޔަވާހަކަދައްކަން މަޑުކޮށްލާ
ގޮހޮޑާ
16 December 2017
ސަފީރަށް ނޭގެނީތޯ.. އެވެރިން ޖަލަށް ދިޔައީ ގޭ ސިޓިންގ ރޫމްގަ ކާން އިންދަތޯ... ގައުމުތަކުގެ ސިޔާސީކަންކަމާ ބޭރުފަރާތްތަކަށް ކުޅުމުގެ ހައްގެއްނުވޭ
އަޖީތު
16 December 2017
ގޭ ސިޓިންގް ރޫމްގައި އިންދާ ފިސްތޯލައެއް ފެއްނިއްޖެ ކަމަށް ހަދާފައި ޖަލަށް ލާފައި ހުރި މީހަކުވެސް އެބަހުރި. ކާކު ތިޔަ ދައްކާ ވާހަކަތައް މި ޒަމާނުގައި ގަބޫލުކުރަނީ؟
ބޯޑާ
16 December 2017
ގޮހޮޑާ ކާން އިންދަވެސް ގެންދެވޭނެ. އެކަމަކު ގާނޫނީ އިމުގެ ތެރެއިން. ނާޒިމުގެ މައްސަލައިގައި އޭނާ ކުށްވެރި ނުވާކަން އެތެރެއާއި ބޭރުން ގަބޫލުކުރޭ. ގޮހޮޑާމެންކަހަލަ ކޮންމެވެސް ގޮތަކުން ސިކުޑިއަށް މައުލޫމާތު ފޯރުކުރުމުގެ މަގު ބަންދުވެފައި ވާ މީހުން ފިޔަވައި... މާތް ﷲ ގޮހޮޑާއާއި ގޮހޮޑާގެ އާއިލާ މިފަދަ އަނިޔާވެރި ކަންކަމުން ސަލާމަތްކުރައްވާނދޭވެ.
Thhhk
17 December 2017
ސިޔާސީ ވޯޓް ލާންވީމަ ބޭރުގައުމުގަ ކީއްކުރަން ބަހަޓާ ފޮއްޓެއްތޯ. ބަހަށްޓަންޏާބެހޭނެ ނެނޫންތޯ
ޙާލުގެ ދުލުން
15 December 2017
އެމެރިިކާ ވިިއަސްް އިިންޑިިޔާ ވިޔަސްް ޔޫ.ކޭ ވިިޔަސްް މުސްްތަގިއްްލު ދައުލަތްް ތަކުގެ ދާޚިިލީީ ކަންކަމުގެ ތެރެއަށްް ވަނުމުގެ ޙައްގެއް ނޯންނާނެ. އިންްޑިިއާގެ ސްޓޭޓްް ސަރުކާރު ތަކުންވެސްް މަރުކަޒީީ ސަރުކާރުގެ ހުއްދަނެތި ޚާރިިޖީ ޙަރަކާތްްތަކެއްް ނުހިންްގޭއިރު މީީނަގެ ފަޔަށްް ހިިނިއަރާފެންްތަ މިތެޅެނީީ.؟
ޖޖ
15 December 2017
ނަޝީދަކީ އަރުވާލެވިގެން ހުރި މީހެއްނޫން.އެއީ ޖަލުންފިލައިގެން އުޅޭ ގައިދީއެއް.