މެލޭޝިއާގެ ބޮޑުވަޒީރު ރާއްޖެ ވަޑައިގެންފި

ރައީސް ޔާމީންގެ ދައުވަތަކަށް މެލޭޝިއާގެ ބޮޑުވަޒީރު ނަޖީބު ރައްޒާގް ރާއްޖެ ވަޑައިގަތުމުން، ފޮރިން މިނިސްޓަރު ޑރ. މުހައްމަދު އާސިމް މިއަދު މަރުހަބާ ދަންނަވަނީ.---ފޮޓޯ: ރައީސް އޮފީސް---ފޮޓޯ: ރައީސް އޮފީސް

ފަޒީނާ އަހުމަދު، މިހާރު

19 ޑިސެމްބަރ 2017 - 17:05

9 comments

ރައީސް އަބްދުﷲ ޔާމީންގެ ދައުވަތަކަށް، މެލޭޝިއާގެ ބޮޑުވަޒީރު ނަޖީބް ރައްޒާގުގެ ދެކަނބަލުން މިއަދު ރާއްޖެ ވަޑައިގެންފި އެވެ.

ވެލާނާ އިންޓަނޭޝަނަލް އެއާޕޯޓުން، ބޮޑުވަޒީރުގެ ދެކަނބަލުންނަށް މަރުހަބާ ދެންނެވީ ފޮރިން މިނިސްޓަރު ޑރ. މުހައްމަދު އާސިމް އާއި ހޯމް މިނިސްޓަރު އަހްމަދު އަޒްލީން އެވެ.

މެލޭޝިއާގެ ބޮޑުވަޒީރަށް ރައީސް ޔާމީން ރަސްމީކޮށް މަރުހަބާ ދަންނަވާނީ މާދަމާގެ ވަގުތެއްގަ އެވެ. އެ ރަސްމިއްޔާތު އޮންނާނީ މާލޭގަ އެވެ.

މެލޭޝިއާގެ ބޮޑުވަޒީރު ރާއްޖެ އަށް ކުރައްވާ ދެ ދުވަހުގެ ދަތުރުފުޅުގައި، ދެ ގައުމުގެ ގުޅުން އިތުރަށް ބަދަހިކުރަން ރަސްމީ ބައްދަލުވުންތައް ބޭއްވެވުމުގެ އިތުރުން އެއްބަސްވުންތަކެއްގައި ސޮއިކުރައްވާނެ އެވެ. އެކި ދާއިރާތަކުން ޖުމްލަ ހަތަރު އެއްބަސްވުމެއްގައި ސޮއިކުރަން ހަމަޖައްސާފައިވާއިރު، އޭގެތެރޭގައި އިގްތިސާދީ ދާއިރާ އާއި ސިއްހީ ދާއިރާގެ އިތުރުން ތައުލީމީ ދާއިރާ ހިމެނެ އެވެ.

މި އެއްބަސްވުންތަކުގައި ސޮއިކުރައްވާނީ ރައީސް އޮފީހުގައި މާދަމާ ބާއްވާ ހާއްސަ ރަސްމިއްޔާތުގަ އެވެ.

ރައީސް އަބްދުﷲ ޔާމީން މެލޭޝިއާ އަށް ކުރެއްވި ދަތުރުފުޅެއްގައި، ބޮޑުވަޒީރު ނަޖީބް ރައްޒާގާ ސަލާމްކުރައްވަނީ. --ފޮޓޯ: ރައީސް އޮފީސް

މިއީ މިދިޔަ 33 އަހަރުގެ ތެރޭގައި، މެލޭޝިއާގެ ބޮޑުވަޒީރަކު ރާއްޖެ އަށް ދަތުރުފުޅެއް ކުރައްވާ ފުރަތަމަ ފަހަރެވެ. މެލޭޝިއާގެ އޭރުގެ ބޮޑުވަޒީރު މަހާތީރު މުހައްމަދު ރާއްޖެ ވަޑައިގަތީ 1984 ގަ އެވެ.

މެލޭޝިއާގެ ބޮޑުވަޒީރާއެކު އެ ގައުމުގެ އިންޓަނޭޝަނަލް ޓްރޭޑް އެންޑް އިންޑަސްޓްރީ މިނިސްޓަރާއި ހަޔަ އެޑިއުކޭޝަން މިނިސްޓަރާއި ހެލްތު މިނިސްޓަރުގެ އިތުރުން ޑެޕިއުޓީ ފޮރިން މިނިސްޓަރު ވެސް ރާއްޖެ ވަޑައިގަންނަވާނެ ކަމަށް އެ ގައުމުގެ ނޫސްތަކުން ވަނީ ރިޕޯޓްކޮށްފަ އެވެ.

ރައީސް ޔާމީންގެ ދައުވަތަކަށް މެލޭޝިއާގެ ބޮޑުވަޒީރު ނަޖީބު ރައްޒާގް ރާއްޖެ ވަޑައިގަތުމުން، ފޮރިން މިނިސްޓަރު ޑރ. މުހައްމަދު އާސިމް މަރުހަބާ ދަންނަވަނީ.---ފޮޓޯ: ރައީސް އޮފީސް

ރައީސް ޔާމީން ވެރިކަމާ ހަވާލުވެވަޑައިގެންނެވި ފަހުން، މިހާތަނަށް ވަނީ ދެ ފަހަރެއްގެ މަތިން މެލޭޝިއާ އަށް ވަޑައިގެންފަ އެވެ. މިދަތުރުފުޅުތަކުގައި އެކި ދާއިރާތަކުން ރާއްޖެ އަށް ލުއި ފަސޭހަތައް ހޯއްދަވައިދެއްވަން މަޝްވަރާކުރެއްވި އެވެ. މި މަޝްވަރާތަކުގެ ނަތީޖާއެއްގެ ގޮތުން، މެލޭޝިއާ އަށް ދާ ދިވެހިންނަށް 90 ދުވަހުގެ އޮން އެރައިވަލް ވިސާ ދޭން އެ ގައުމުގެ ސަރުކާރުން ވަނީ ނިންމައިފަ އެވެ. ދިވެހިންނަށް ކުރިން ދެނީ 30 ދުވަހުގެ އޮން އެރައިވަލް ވިސާ އެވެ.

ދިވެހި ސަރުކާރު މެލޭޝިއާ ޑިޕްލޮމެސީ ރާއްޖެ-މެލޭޝިއާ ޑިޕްލޮމެޓިކް ގުޅުން ކުރީގެ މިނިސްޓަރު މުހައްމަދު އާސިމް

9 ކޮމެންޓް, 43 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ލަނޑާ

20 December 2017

ލަނޑައާއި ވާނީި ލަނޑަޔާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެޑަމް

19 December 2017

މީވަރަށް ކަރަޕްޓް މީހެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެންޓަލިސްޓް

19 December 2017

މެލޭޝިއާގެ ބޮޑުވަޒީރަށް މަރުހަބާ ދަންނަވަން ،،،، އަދި އާދޭހާއިއެކު ބުނެލަން އޮތީ ބޭފުޅާގެ އެކައުންޓްގައި ހުރި 600 އެތަށް މިލިއަންޑޮލަރަކުން 100 މިލިއަންނަމަވެސް ރާއްޖޭގެ ރައްޔަތުންނަށް ހަދިޔާއެއްގެ ގޮތުގައި ދެއްވާށޭ ،،،، ސައޫދީން ބުނެފައިއޮތީ އެއީ އެމީހުން ހަދިޔާއެއްކަމަށް ،،، މުސްލިމުންގެ ގޮތަކީ ސޮދަގާތްކުރުން ކަމަށްވުމާއިއެކު އަޅުގަނޑު އުއްމީދުކުރަން މިދަތުރުގައި އެފަދަ ދީލަތި އެހީތަކެއް ވެދެއްވާނެކަމަށް ،،،، މައައްސަލާމާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަރިހަމަ

19 December 2017

ދެބޭފުޅުންވެސް ދާދި އެއްގޮތް ކަންތައްތަކެއް ހުރެއެވެ. މީހުން އަޅައިގަންނަ ސިފަތަކެއް ހުރެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފެންތަށި

19 December 2017

ބޮޑުވަޒީރަކީ ޔާމީންވަރަށްރަގަޅަށް ދަންނަކުއްޖެކެވެ. ޔާމީނަކީ މެލޭޝިޔާގެ ބޮޑުވަޒީރުވެސް ވަރަށް ރަގަޅަށް ދަންނަ ކުއްޖެކެވެ. ދެގައުމުގެ ރައްޔިތުންވެސް ކުރަނީ އެއްޝަކުވާއެކެވެ. ދައްކަނީ އެއްވާހަކައެކެވެ. ތަފާތަކީ އެއްބަހުރުވައިން ދެގައުމުގެ ރައްޔިތުން ވާހަކަ ނުދައްކާކަމެވެ. މިނޫން އެހެން ތަފާތެއް ނެތެވެ. ހުރިހާ ކަމެއް އެއްގޮތެވެ. ޝުކުރިއްޔާ ޔާމީން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަޒްލީނާ

19 December 2017

ދުނިޔޭގައި ކުރިއަރާފައިވާ ގައުމުތަކާ ދިވެހިރާއްޖެ ގުޅުން ބަދަހިކޮށް ތަރައްގީގެ މަގުގައި ރާއްޖެ ކުރާ މަސައްކަތަށް އެމްޑީޕީ އާއި އިންޑިއާއިން ގެންގުޅޭ ދެކޮޅުވެރި ކަމަށް ނުބަލާ ދިވެހިން ބަދަހިކަމާއި އެކު ކުރިއަށް ދިއުން މުހިންމު ކަމަށް ދެކެމެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަމެންގެ އަޑު

19 December 2017

ބޮޑެތި ކޮރެޕްޝަން ތަކުގެ ތުހުމަތުތަކެއް ކުރެވިފައިވާ މެލޭޝިުޔާގެ ބޮޑުވަޒީރަކު މިގައުމަށް ޒިޔާރަތް ކުރުމުން ފަރުދާގެއަނެއްފަރާތް ވަރަށްސާފެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރުމާލް 2

19 December 2017

"ލަނޑަޔާވާނީ ހަމަ ލަނޑަޔާއެވެ. " ބުނާނެ އިތުރުއެއްޗެއް ނެތެވެ. އެނބުރި ގައުމަށް ވަޑައިގަންނަވާތަނުން މަގާމުން ދުރުނުނުކޮށް ނުވަތަ އިސްތިއުފާނުދެއްވާ ހުރެއްޖެނަމަ ކިތަންމެހާވެސް ރަގަޅެވެ. އެންމެ ފަހުން މިގައުމަށް ވަޑައިގަތް ޕާކިސްޓާނުގެ ބޮޑުވަޒީރަށްވެސް ޖެހުނީ މަގާމުން އިސްތިއުފާ ދެއްވާށެވެ. ބާއްޖަވެރި ދަތުރަކަށް އެދެމެވެ.