ޒަކާތު ފަންޑުގެ ޚަރަދުގައި ބޯންމެރޯ ހަދަން މި އަހަރު 32 ކުއްޖަކަށް ފުރުސަތު ދީފި

ޒަކާތު ފަންޑުން ބޯން މެރޯ ޓްރާންސްޕްލާންޓް ހަދަން ފުރުސަތު ލިބުނު ކުއްޖަކަށް، ފަސްޓް ލޭޑީ ފާތުން މިއަދު ސެޓްފިކެޓް ހަވާލުކޮށްދެއްވަނީ.-- ފޮޓޯ: ނިޝާން އަލީ/ މިހާރު

އާސިމާ ނިޒާރު، މިހާރު

15 ޖެނުއަރީ 2018 - 12:50

18 comments

ޒަކާތު ފަންޑުގެ ޚަރަދުގައި ބޯންމެރޯ ޓްރާންސްޕްލާންޓް ހަދަން 32 ކުއްޖަކަށް ފުރުސަތު ދީ އެކަމުގެ ލިޔުން މިއަދު ދީފި އެވެ.

އިސްލާމީ މަރުކަޒުގައި ބޭއްވި ރަސްމިއްޔާތެއްގައި ބޯންމެރޯ ހަދާ ކުދިންނަށް ލިޔުން ހަވާލުކޮށްދެއްވީ ރައީސް އަބްދުﷲ ޔާމީންގެ އަނބިކަނބަލުން ފަސްޓް ލޭޑީ ފާތިމަތު އިބްރާހިމެވެ.

މި ރަސްމިއްޔާތުގައި ވާހަކަ ދައްކަވަމުން ހެލްތް މިނިސްޓަރު އަބްދުﷲ ނާޒިމް އިބްރާހިމް ވިދާޅުވީ، ބޯން މެރޯ ހެދުމުގެ ފުރުސަތު ހޯދައި ދިނުމަކީ ރިޔާސީ އިންތިޚާބުގައި ރައީސް އަބްދުﷲ ޔާމީން ވެވަޑައިގެންނެވި ވައުދެއް ކަމަށެވެ.

ރައީސް ޔާމީން ކުރިން ވިދާޅުވެފައި ވަނީ ފަސް އަހަރުގެ ތެރޭގައި 25 ކުދިންނަށް ބޯން މެރޯ ހެދުމުގެ ފުރުސަތު ހޯދައި ދެއްވާނެ ކަމަށް ވާއިރު، ތިން އަހަރުގެ ތެރޭގައި އެ ވައުދު ފުއްދަވާފައިވާ ކަން ނާޒިމް ފާހަގަކުރެއްވި އެވެ.

ޒަކާތު ފަންޑުގެ ޚަރަދުގައި ބޯން މެރޯ ހެދުމުގެ ފުރުސަތު މިއަދު ލިބުނު ކުދިންނާއެކު، ޒަކާތު ފަންޑުން ވަނީ މިހާތަނަށް 55 ކުއްޖަކަށް ބޯން މެރޯ މަގު ފަހިކޮށްދީފަ އެވެ.

"ރައީސް ވައުދުވެވަޑައިގެންނެވީ ފަސް އަހަރުގެ ތެރޭގައި، ޖުމްލަ 25 ކުދިންނަށް ފުރުސަތު ދޭން. އެއީ އަހަރަަކު ފަސް ކުދިން. އެކަމަކު 2015 ވަނަ އަހަރުން ފެށިގެން މިދިޔަ އަހަރާ ހަމައަށް 23 ކުދިންނަށް ވަނީ އެހީތެރިކަން ފޯރުކޮށްދީފައި،" ނާޒިމް ވިދާޅުވި އެވެ.

އޭނާ ވިދާޅުވިގޮތުގައި، ބޯން މެރޯ ހަދަން ލިބުމަކީ އެ ކުދިންގެ އާއިލާތަކަށް ލިބުނު ބޮޑު އުފަލެކެވެ.

މިއަދުގެ ރަސްމިއްޔާތުގައި ވާހަކަ ދައްކަވަމުން އިސްލާމިކް މިނިސްޓަރު ޑރ. އަހުމަދު ޒިޔާދު ބާގިރު ވިދާޅުވީ، ބޮޑެތި ބަލިތަކަށް ފަރުވާ ހޯދަން މިދިޔަ އަހަރު 277 މީހަކަށް ޒަކާތު ފަންޑުން އެހީދީފައިވާ ކަމަށެވެ. އަދި މުޅި ސިއްހީ ދާއިރާއަށް ޒަކާތު ފަންޑުން ނުވަ މިލިއަނެއްހާ ރުފިޔާ ހޭދަކޮށްފައިވާ ކަން ޒިޔާދު ފާހަގަކުރެއްވި އެވެ.

ތަނަވަސްކަން ހުރި މީހުންނަށް ޒަކާތް ދެއްކުން އަވަސް ކުރުމަށް ޒިޔާދު ވަނީ އެދިވަޑައިގެންފަ އެވެ. އެކަމުގެ ފޮނި ފައިދާ ގިނަ ބަޔަކަށް އޭރުން ކުރާނެކަން ފާހަގަކުރެއްވި އެވެ.

ތެލެސީމިއާ ބައްޔަކީ މައިންބަފައިންގެ ފަރާތުން ވާރުތަކުރާ ކަމެކެވެ. މި ބަލި ޖެހިގެން މިހާތަނަށް 861 ކުއްޖަކު ރަޖިސްޓްރީ ކޮށްފައިވާއިރު، މިދިޔަ އަހަރު އަލަށް 12 ކުއްޖަކު ވަނީ ރަޖިސްޓްރީކޮށްފަ އެވެ. ބޯން މެރޯ ޓްރާންސްޕްލާންޓަކީ މި ކުދިންނަށް އޮތް ހަމައެކަނި ދާއިމީ ފަރުވާ އެވެ.

ޒަކާތު ފަންޑުން ބޯން މެރޯ ޓްރާންސްޕްލާންޓް ހަދަން ފުރުސަތު ލިބުނު ކުދިންނަށް ސެޓްފިކެޓް ހަވާލުކުރުމަށް މިއަދު ބޭއްވި ރަސްމިއްޔާތުގައި އިސްލާމިކް މިނިސްޓަރު ޑރ. ޒިޔާދު ވާހަކަދައްކަވަނީ.-- ފޮޓޯ: ނިޝާން އަލީ/ މިހާރު

ބޯން މެރޯ ހަދަން ދާ ކޮންމެ ކުއްޖަކަށް ނުވަ ލައްކަ އާއި މިލިއަން ރުފިޔާއާ ދެމެދުގެ އަދަދެއް ޚަރަދުވެ އެވެ. އަދި މި ކުދިން ފަރުވާ ކުރުމަށް ތިނެއް ނޫނީ ހަތަރު މަސް ހޭދަވެ އެވެ.

ބޯން މެރޯ ހެދުމަށްފަހު، ރިވިއު ހަދަން ޖެހޭނެ އެވެ. އެކަމަށް ވެސް ހަރަދުކުރާނީ ޒަކާތު ފަންޑުންނެވެ.

ސިއްހަތު ތެލެސީމިއާ ޒަކާތު ފަންޑް ހެލްތު މިނިސްޓްރީ ކުރީގެ ފަސްޓް ލޭޑީ ފާތުމަތު އިބްރާހީމް ކުރީގެ މިނިސްޓަރު ޑރ. އަހުމަދު ޒިޔާދު ބާގިރު މިނިސްޓަރު އަބްދުﷲ ނާޒިމް އިބްރާހިމް އިސްލާމިކް މިނިސްޓްރީ އިސްލާމިކް މިނިސްޓަރު

18 ކޮމެންޓް, 29 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ާވީގޮތް

16 January 2018

މަނަދޫ ގާދިރު ތިއުޅެނީ އަދިވަރައް ފަހަތުގަ، މީޑިއައް ތިލަވެގެން ފުރަތަމަ ޒަކާތުފަންޑުން ސްކޮލަރސިޕްތަކަށާއި، ބޮޑެތި ބަލިތައް ޖެހޭމީހުންނައް ހަރަދުކުރެވޭނެ އޮނިގަނޑެއް ހަދާ އެކަން ކުރީ އަންނިވެރިކަމުގަ އޭރުގެ އިސްލާމިކް މިނިސްޓަރ ޑރ. ޢަބްދުލް މަޖީދުބާރީ އިގޭތޯ، މިހާރުސަރުކާރުގަ ކޮންމެ ކަމެއްތިއޮތީ ވޯޓް ހޯދަން އޮޅުވާލުން، ތިލާރިއަކީ ރައްޔިތުން ޒަކާތުގެ ލާރި. ޔާމީން މެޑަމްދޭ ލާރިއެއްނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހަންމަދު ހަސަން

15 January 2018

ޒަކާތު ފަންޑުން އެހީވީމާ ކީއްވެތޯ އެވާނީ ޔާމީނުގެ ހެޔޮފުޅުންނޭ؟ ސަރުކާރުގެ ނޫނީ މެޑަމްގެ ހެޔޮފުޅުންނޭ. ބަލަ ޒަކާތު ފަންޑަށް ލާރި ލަނީ އާންމުން. އެއިން ވާ އެހީއަކީ ދިވެހި ރައްޔިތުން ދިވެހި ރައްޔިތުންނަށްވާ އެހީއެއް އިނގޭތޯ. ވަރަށް ސާފު. ވަރަށް ވެދުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަނަދޫ ގާދިރު

15 January 2018

ރައީސައް ސުކުރު ދަންނަވަން ޖެހުނީ މިގައުމުގަ މިއަދަކު ނޫނޭ ޒަކާތް ނަގަނީ.. ވޭތުވެދިޔަ ދިގު މާޒީގަ ޒަކާތް ނަގައޭ.. ބޯންމެރޯ ހެދުމާ ސުކޯލަޝިފު ދިނުމާ މިކަންކަން ކީއްވެބަ ނކުރީ ..މިއަދުގެ ސަރުކާރުން މިކަން ކަން ކޮއްދެއްތީ ސުކުރު ދަންނަވަން ޖެހެނީ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޙުމަދު

25 July 2019

މަނަދޫ ގާދިރޫ، ޒަކާތުފަނޑުން މިހާތަނަށް ޚަރަދުތަށް ކުރަމުން އައިގޮތުގެ އެއްއްވެސް މައުލޫމަތެއް ނެތި، ކޮންމެންޓް ކުރީތިީ ވަރަށް ދެރަ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެންޓަލިސްޓް

15 January 2018

ބޯންމެރޯ ނުހަދާ ބޭސްދީގެން މިހާރު ތިޔަކަން ރަގަލުކުރާ ޑަކްޓަރެއް އިންޑިޔާގައި އުޅޭކަމަށާއި އަދި ދިވެހިން އޭނާކައިރިއަށް ގޮސް އެބޭސްބޭނުންކޮށް ރަގަޅުވެފައި ވާކަމަށް އެތަނުން ކުއްޖެއްގެ އާޢިލާއިން އަޅުގަނޑު ގާތުގައި ބުނި ،،، އޭރު އެތަނަށްގޮސް ބޭސްކުރަން ބައިވަރު މީހުން ތިބީ ބޭނުންވެފައި ،،،، ނަމަވެސް އޭރު އާސަންދަގެ ޙިދުމަތް އެކަމަށް ނުލިބޭތީވެ އެމީހުން އެކަމާޢި އުޅުނު ،،،، ވީމާ މިއި ކިހާވަރެއްގެ ކަމެއްތޯ ބަލާ ތިޔާބޯންމެރޯ ނުހަދައި ސަލާމަތްވާންއޮތީޔާ މާރަގަޅުތާ ،،،،، އަޅުގަނޑު އުއްމީދުކުރަން މިކަންސަރުކާރުން ބަލާނެކަމަށް،،،، މަައައްސަލާމާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަސޭހަތް

15 January 2018

ތިކަމަށް މަރުހަބާކިޔަން އެކަމަކު ތެލަސީމިޔާ ދެ ކެރިއަރުންކަން އެނގިތިބެގެން ކައިވެނިކުރަން ކޯޓަށް އައީމަ ކޯޓުން މަރުހަބާކިޔައިގެން ނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަކަސަކަ

15 January 2018

ﷲއަށްޓަކައި އަހަރުމެން ޒަކާތް ދައްކަނީ ބޭނުންޖެހިފައިވާ ތިފަދަ މީހުންނަށް ހޭދަކުރުމަށް. އެކަންކޮށްފަ ކޮންމެހެނަކުން ރައީސްއަށް ކޮޅުނެތްވަރަށް ޝުކުރުވެރިވާކަށް ނުޖެހޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެކަމު

15 January 2018

ޒަކާތަށް ދައްކާ ފައިސާއިން ކުރާ ކަންކަން ނޭގޭނަމަ ރައީސަށް އެއްޗިހި ކިއުން އޮންނަންވާނެ. އެ ފައިސާއިން ކަމެއްކުރިކަން އަންގައިފިއްޔާ އެކަމާ ޝުކުރުވެރިވާކަށްނުޖެހޭ އަދި ކުރި ކަމަށް ދެނެގަންނާކަށްވެސް ނުޖެހޭ.. ހުރި ލޮޖިކް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޫޅު

15 January 2018

މިކަމަށް ވެސް މެޑަމްތަ؟ ޒަކާތުފަންޑަކީ ސަރުކާރާ އެއްވެސް ގުޅުމެއްވާއެއްޗެއްނޫން. އެ ވެސް ސިޔާސީ ބޭނުމަށް ތިޔަ ބޭނުންކުރަނީ. ޒަކާތު ފަންޑަކީ ރައްޔިތުން ދައްކާ ޒަކާތް. އެއީ ސަރުކާރު މޮޅުކަމުން ހޯދާ އާމްދަނީއެއްނޫން. މީހުންނަށް އޮޅޭގޮތަށް ކަންކަން ނުކުރުމަށް ގޮވާލަން. އަދި ތިޔަ ފަންޑުން ތިޔަގޮތަށް ލިއްލާހިއަށްޓަކައި ކަންކަންކޮށްފައި ރައީސްގެ ހެޔޮފުޅުކަމުން ކޮށްދެއްވާކަމެއްކަމަށް ދެއްކުމަކީ ވަރަށް ދެރަކަމެއް. ތިޔަ ކުދިންނަށް ތިޔަ ފަންޑުން އެހީ ދިނުމަކީ މައްސަލައެއްނޫން. މައްސަލައަކަށްވަނީ ސިޔާސީ މަޤްޞަދުހާސިލްކުރަން ދެއްކުންތެރިކަން އިސްކުރާތީ. އެކުދިންނަށް އަވަސް ޝިފާއަކަށް އެދެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވެދާނެ

15 January 2018

ސަރުކާރު މޮޅުކަމުން ހޯދާ އާމްދަނީއެއް ނޫންނަމަވެސް ބަޔަކު ސަރުކާރާ ހަވާލުކުރާ ފައިސާއަށް ވާނުވާ އެނގެން ކޮންމެހެން ބޭނުން. ދެން އެއީ ދެއްކުންތެރިކަން ކަމަށް އެއްބަޔަކު ކިޔާނެ. އެކަމު ދެފުއްފެންނަ ގޮތަށް ސަރުކާރުން ކުރާ ކަންކަން ނޭނގިގެން އަބަދު އުޅޭނަމަ ސަރުކާރުންވެސް މިކަހަލަ ކަންކަން ފަލަ ސުރުޚީއަށްލާވަރު ކުރާނެ. ކުރިއަސް ތިޔަކަހަލަ ނެގެޓިވް ކޮމެންޓުން ސަލާމަތްނުވާނެ. ހެޔޮ އެއްގޮތެއްވެސް ނޯންނާނެ. ފަންޑުން ކުރާ ޚަރަދު ނޭނގުނީމަ އެކަމުގެ ސިޔާސީ ފައިދާ ނެގުން އޯކޭ. އެކަމު ރަގަޅު ކަމެއްކުރިމަށް ބުނީމަ ވަރަށް ގޯސްކަމަކަށް މިވަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަބްދުﷲނާފިޒު

15 January 2018

އަހުން ހީކުރީ ސަދަގާތު ފައުންޑޭޝަނުން ކަމަށް މުޅިން ސަކަރާތެއްނު، ތިވީ ގޮތުން ވޯޓެއް ނުލިބޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފުންއަސަރު

15 January 2018

ލިބުނު އުފަލެއްގެ ބޮޑުކަމާއެވެ! ކަމެއް ކޮށްދޭނަމޭ ކިޔާފާ ވިހިތިރީސް އަހަރު އެކަމަށް ނެގުމަކީ ބަލައިގަނެވޭނޭ ކަމެއްނޫން. އެކަމަކު ރައީސް ޔާމީންގެ އިސްނެންގެވުމާއެކު ތިޔަ ގެނެސްދެއްވި ނިމުމަކީ ބަޔާންކޮށްދޭން ދަތި ކަމެކެވެ! ރައީސް ޔާމީންއަށް ހިފެހެއްޓުމެއްނެތް ޝުކުރު ދަންނަވަމެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙުސެން

15 January 2018

މާނަޔަކީ ކުރީ އަހަރުތަކު ޒަކާތުފަންޑުން ބެހީ އޮރެންޖެވެ މިއަހަރު ބަހަނީ އާފަލެވެ. ތިގޮތަށް ކާޑުގެ ސަބްސިޑީ ކަނޑުއްވާލާފަ ސައުދީންފޮނުވާ ކަދުރުކޮޅު ހިލޭބައްސަވާ.