ޓީއެސްގެ ދަރިވަރަށް ހަމަލާ ދިން މައްސަލާގައި އެއް ކުއްޖެއްގެ ބަންދަށް 10 ދުވަސް

އަހުމަދު ސާއިލް އަލީ، މިހާރު

18 ޖެނުއަރީ 2018 - 14:46

ތާޖުއްދީން ސްކޫލް (ޓީއެސް) ގައި އަންގާރަ ދުވަހު ހިންގި މާރާމާރީއާ ގުޅިގެން ހައްޔަރު ކުރި ދެ ކުދިންގެ ތެރެއިން 14 އަހަރުގެ ކުއްޖާ އާއިލާއާ ހަވާލުކޮށް 15 އަހަރުގެ ކުއްޖާގެ ބަންދަށް 10 ދުވަސް ކޯޓުން އިތުރުކޮށްދީފައިވާ ކަމަށް ފުލުހުން ބުނެފި އެވެ.

ދެ ދަރިވަރަކަށް ދިން ހަމަލާތަކާ ގުޅޭގޮތުން އެޑިއުކޭޝަން މިނިސްޓްރީގައި ބޭއްވި ނޫސްވެރިންގެ ބައްދަލުވުމެއްގައި ފުލުހުންގެ ތަރުޖަމާން އަހުމަދު ޝިފާން ވިދާޅުވީ ތާޖުއްދީން ސްކޫލުގައި ކުއްޖެއްގެ ބޮލަށް ކަތުރެއް ހަރާލުމާއި ދަރުމަވަންތަ ސްކޫލްގެ ދަރިވަރުގެ ގަޔަށް ވަޅިހެރުމާ އެއްވެސް ގުޅުމެއްނެތް ކަމަށެވެ.

ޝިފާން ވިދާޅުވީ އެ ދެ މައްސަލަ ފުލުހުން ތަހުގީގު ކުރަމުން އަންނަ ކަމަށެވެ. އެކަމަކު އިތުރު ތަފްސީލެއް ނުދެއްވަ އެވެ.

ދެ ދަރިވަރަކަށް ދީފައިވާ ހަމަލާއާ ގުޅިގެން އެޑިއުކޭޝަން މިނިސްޓްރީގައި ބޭއްވި ނޫސްވެރިންގެ ބައްދަލުވުގައި އެޑިއުކޭޝަން މިނިސްޓަރު އާއިޝަތު ޝިހާމް (ވ). -- ފޮޓޯ: ހުސެއިން ވަހީދު/މިހާރު

ތާޖުއްދީން ސުކޫލުގެ ގްރޭޑް 10ގެ ދެ ދަރިވަރުން ދެމެދުގައި ހިނގި ހަމަނުޖެހުމާއެކު އެތަނުން އެއް ކުއްޖަކު ސްކޫލުން ނުކުމެގެން ގޮސް އިތުރު މީހަކާއެކު ސްކޫލް ތެރެއަށް ވަދެ ހިންގި މާރާމާރީގައި ބޮލަށް ކަތުރު ހެރިގެން ޒަހަމްވި ކުއްޖާއަށް ސީރިއަސް އަނިޔާއެއް ނުލިބެ އެވެ.

TS ge maaraamaaree: Zahamkohlee hamanujehumai gulhumeh neiy dharivareh

The most trusted news source in the Maldives

Mihaaru

ތާޖުއްދީން ދަރިވަރަށް ދިން ހަމަލާގެ ތަފްސީލް--

ދަރުމަވަންތަ ސްކޫލްގެ ދަރިވަރަށް ވަޅިން ހަމަލާދިނުމުގެ އިތުރުން އޭނާގެ ބޮލަށް ވެސް ވަނީ އަނިޔާތަކެއް ދީފަ އެވެ. އަދި އަތުގެ ދެ އިނގިލި ވަނީ ބިނދިފަ އެވެ. ފަރުވާ ދިނުމަށް ފަހު އެ ކުއްޖާ ވަނީ ގެއަށް ދޫކޮށްލައިފަ އެވެ. ފަސް މީހުންގެ ގުރޫޕަކުން ދިން މި ހަމަލާއާ ގުޅިގެން އަދި މީހަކު ހައްޔަރު ކުރި ކަމެއް އެނގިފައެއް ނުވެ އެވެ.

UPDATE: Zahamvi Dharumavantha dharivarah vanee bodethi aniyaathakeh libifai

The most trusted news source in the Maldives

Mihaaru

ދަރުމަވަންތަ ދަރިވަރަށް ހަމަލާދިނުން-

ފުލުހުން ތައުލީމް ހަމަނުޖެހުން ދަރުމަވަންތަ ސްކޫލް ތާޖުއްދީން ސްކޫލް މާރާމާރީ

3 ކޮމެންޓް, 15 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހުސައިން ޢަލީ

19 January 2018

ކޮން 14 އަހަރެއް 15 އަހަރެއް ކިޔާކަށް؟ މި ރާއްޖޭގައި ކުޑަކުދިން ކަމަށް ކަނޑަ އަޅާ އުމުރު ބަދަލުކުރަން ވެއްޖެ. މީދެން މި ޤަޢުމަށް ޖެހިފައިވާ މުސީބާތެއްތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަން

19 January 2018

ވަރަށް ސީދާސާދާ ކޮށް މިބުނަނީ .. ދިވެހި ފުލުހުންނަކީ ފެއިލްވެފަ އޮތްބަޔެއް. އެއްވެސް ޤާބިލުކަމެއް ނެތް. ސަރުކާރުން ބުނާގޮތަށް ސިޔާސީމީހުން ފަހަތުންދުވެ، އެމީހުން އަނދަގޮޑި ޖައްސާފަތިއްބުން ކަމެއް ކުރާކަށެއް ނުއެނގޭ. ގިނަ ފުލުހުންނަކީ ލިބޭ މުސާރަޔާ ފްލެޓް ލިބޭތީ އަމިއްލަ ޡޮމީރު ވިއްކައިލައިގެން ތިބި މީހުން. މިމީހުން ދެކޭ ގޮތުގައި އެމީހުން އެއަދާކުރަނީ ވަޒީފާ ، ބޮޑު މީހާއަށް ކިޔަމަން ވީމަ ދެން އެނިމުނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޭކެނޑޭ

18 January 2018

ތި ޖަރީމާ ތައް ހިންގި ކުދިންގެ ވަނަވަރު ހާމަ ނުކުރަން މި އުލެނީ ކީއްވެބާ! އަނޑު ތައް އިވޭގޮތުން ކޮންމެވެސް ބޮޑުމީހެއްގެ ދަރިއެއް މި ކަމުގައި ޝާމިލް ވާކަމަށް ސައި ހޮޓާ ތަކުން ނާއި ކެފޭ ފަދަ ރެސްޓޯރަންޓް ތަކުން މަމެން އަނޑު އަހަމު.