ކުޅުދުއްފުށީ މަގެއްގައި އެމްއާރުޑީސީން ތާރު އަޅަނީ: އެތަން އުވާލަން މަޝްވަރާކޮށްފައިވާ ކަމަށް ސަރުކާރުގެ ބައެއް އޮފިޝަލުން ވިދާޅުވޭ.-- ފޮޓޯ: ހައުސިން މިނިސްޓްރީ
22 ޖެނުއަރީ 2018 - 14:02
21 comments
މޯލްޑިވްސް ރޯޑް ޑިވެލޮޕްމަންޓް ކޯޕަރޭޝަން (އެމްއާރުޑީސީ) އުވާލަން އެ ކުންފުނީގެ ބޯޑުން އިއްޔެ މަޝްވަރާކޮށްފި އެވެ.
އިތުބާރު ހުރި ގޮތަކަށް "މިހާރު" އަށް އެނގިފައިވާ ގޮތުގައި، ސަރުކާރުގެ ވިސްނުމަކީ އެމްއާރުޑީސީ އުވާލައި، އެތަނުގެ މަސައްކަތްތައް، ގުޅޭ އެހެން މިނިސްޓްރީތަކަށް ބަހާލުމެވެ. އެކަމާ ގުޅޭ ގޮތުން މަޝްވަރާކޮށްފައިވާއިރު، އެ ކުންފުނިން ކުރާ މަސައްކަތުގެ އެންމެ ބޮޑު ބައި ބަދަލުކުރަން ވިސްނާފައި އޮތީ ހައުސިން މިނިސްޓްރީގެ ދަށަށް ކަން ވެސް އެނގިފައިވެ އެވެ.
އެމްއާރުޑީސީ އަކީ ސަރުކާރުގެ ގިނަ މަޝްރޫއުތަކެއް ހިންގަމުން އަންނަ ކުންފުންޏެކެވެ. ހދ. ކުޅުދުއްފުށީ އެއާޕޯޓުގެ ރަންވޭ ހެދުން ވެސް މިދިޔަ ހަފުތާގައި ހަވާލުކުރީ އެ ކުންފުންޏާ އެވެ.
ކޮރަޕްޝަންގެ ބޮޑެތި ތުހުމަތުތަކެއް ކުރިމަތިވެފައި އޮތް، އެމްއާރުޑީސީ އުވާލަން އުޅޭ ކަމަށް ސޯޝަލް މީޑިއާގައި ވެސް ވަނީ އަޑުތައް އަރައިފަ އެވެ. އެކަމަކު މިކަމާ ގުޅޭގޮތުން، ސަރުކާރުގެ ރަސްމީ އެއްވެސް އިދާރާއަކުން ވާހަކައެއް ނުދެއްކި އެވެ.
ޕްރައިވަޓައިޒޭޝަން ބޯޑުގެ ޗެއާމަން މުހައްމަދު ނިޒާރު އިއްޔެ ވިދާޅުވީ، އެމްއާރުޑީސީ އުވާލި ކަމުގެ އެއްވެސް ލިޔެކިޔުމެއް އޭނާ އަށް ލިބިވަޑައިގެންފައި ނުވާ ކަމަށެވެ.
އެމްއާރުޑީސީ އުވާލަން އުޅޭ ވާހަކަ ރައީސް އޮފީހުގެ ތަރުޖަމާން އިބްރާހިމް މުއާޒް އަލީ ދޮގެއް ނުކުރައްވަ އެވެ. އޭނާ ވިދާޅުވީ، ސަރުކާރުގެ ހިންގުމަށް ރައީސް އަބްދުﷲ ޔާމީން ދުވަހުން ދުވަހަށް ގެންނަވާ ބަދަލުތަކުގެ މައުލޫމާތު، މީޑިއާ ހިއްސާކުރަމުން އަންނަ ކަމަށެވެ. އެހެންވެ، ސަރުކާރުން މައުލޫމާތެއް ހާމަކުރަން ވެއްޖެ ނަމަ، ކުރިއަށް އޮތް ތަނުގައި ވެސް ހާމަކުރައްވާނެ ކަމަށް ވިދާޅުވި އެވެ.
އެމްއާރުޑީސީ އުވާލާ ވާހަކަ ދައްކަމުން އަންނައިރު، އެއީ، މިހާތަނަށް އެންމެން ގިނަ މެނޭޖިން ޑިރެކްޓަރުން އައްޔަން ކުރި ކުންފުންޏެވެ. ފަސް ވަނަ މެނޭޖިން ޑިރެކްޓަރުގެ ގޮތުގައި، ހަމްދީ އަގީލް އެ ކުންފުންޏަށް އައްޔަން ކުރެއްވީ މި މަހުގެ ކުރީކޮޅެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހިސްޓޯ
23 January 2018
ސުބުހާނަﷲ މުއިއްޒުގެ ދަށައްތި ބަދަލު ކުރަނި. ހަތަރެސްކަން ހަމަވި
ދެރަކަމެއް
23 January 2018
ރައިސްކްރައުން ސަރުކާރާއި ގުޅިގެން ހިންގި ޖަރީމާ ފޮރުވަން ހަދާ އެއްޗެއް މިއީ.. ލިޔެކިޔުންތައް ނަައްތާލަން...
ޔުނައިޓެޑް އައްޑޫ
23 January 2018
ކުރާނެހާ ވައްކަމެއް ކޮށްފައި ކުންފުނި އުވާލިޔަސް ތިޔަހެން ސަލާމަތްވާނެ ކަމަށް ހީނުކުރާތި.
ނައީމު
23 January 2018
ރައީސް މައުމޫނުގެ ދުވަސްވަރު އެފްޕީއައިޑީ އުވާލިޔަސް މިހާރުގެ ޤާނޫނު އަސާސީގެ ދަށުން އަދި ހެދިފައިވާ ޤާނޫނުގެ ދަށުން ސަރުކާރުގެ ކުންފުންޏެއް އުވާނުލެވޭނެ ދަރަނިތަށް ހާމަކޮށް ޤާނޫނީ ހަމަތަކުގެ މަތިންނޫނީ
ކޮކްޓެއިލްރައީސް
22 January 2018
އޭ ދެން ތިތަންތަން އުވާލީމަ ތިތަންތަނުން އެއްކަލަ ނަޒާހަތްތެރި ބޭބޭފުޅުން ފަރިއްކުޅުވި ކޭލުގެ ހިސާބު ކިތާބު އިނގޭނެ ގޮތެއް ނޯންނާނެ ދެއްތޮ، އެއަރމޯލްޑިްވްސް އަށް ވީވެސް ތިޒާތުގެ ގޮތެއް، ޒިންމާވާނެ މހަކުނެތް، ކުންފުނި އުވާލާފަ އަނެއްކާ އެހެން ނަމެއްކިޔާ އަނެއް ކުންފުނި އުފެއްދީ އެއްވެސް ބަދަލެއްނެތް، ހަމަ އެއްބަޔަކު ނަންބޯޑު ބަދަލުކޮށްލީ، އަދި މިއަދާ ހަމަޔަށްވެސް ފަރިއްކުޅުވި ކޭލުގެ ހިސާބުކިތާބެއް ނުބަލަ، ވަރަށް ސަލާމް ވޯޓެއް ނުދޭނަން.
ކޮރަޕްޝަން
22 January 2018
މިޢީ ކުންފުންޔެެއްވީމަ އޯޑިތޤ ކުރެވި ފަޅާ އެރުން އަވަސްވާނެ ވާތީވެ ކުންފުނި އުވަލާފަ މިނިސްޓްރީގެ ދަށަށް.... އަތްޖހާ އަތްޖަހާ
އައިޖޭ
22 January 2018
މީހަމަ އަމާޒު ލާހޫރޭ ސަރުކާރެއް
ޒިންދަގީ
22 January 2018
އަދި އޮންނާނެ ފެނަކަ އުވާލުން. އިންތިޒާރު ކޮށްލައްވާ..
ޑޮކްޓަރުންގެ ސިޓީ / އައްޑު ސިޓީ
22 January 2018
ވެރިކަމަށްއައި “ލާހޫރޭ ސަރުކާރެއްގެސަބަބުން” ރައްޔިތުން ބޮޑު ޤުރުބާނީވެގެންގެނައިޤާނޫނުއަސާސީ އާއި ލާމަރުކަޒީ ވެރިކަމުގެނިޒާމު މުޑުދާރުކޮށްލައިފި. ވަކިވަކިރަށްތަކެއްގެމައްޗަށް އެކުލެވިގެންވީދައުލަތެއްކަމުން ރައްޔިތުންބާރުވެރިކުރިމަށާއި ވެލްތް ޑިސްޓްރބިއުޓްކޮށް ތަފާތުކުރުންނެތިކޮށްލުމުގެބޭނުމުގައި ސަދާރން ޔޫޓިލިޓީޒް ނޯދަރން ޔޫޓިލިޓިޒް ފަދަ ކުންފުނި އުފައްދާ ޤާނޫނު އަސާސީގައި އަމުރު ކޮށްފައިވާ ފަދައިން ދައުލަތް ހިންގުމުގެ ނިޒާމެއް އަށަގަންނުވައިފަ ވަނިކޮށް “ވައްކަމަށް ފަހި ނިޒާމެއް ގެނައުމަށް” މިސަރުކާރުން އެކުންފުނިތައް އުވާލާ ހުރިހާކަމެއް ފަރީދު ޒަމާނުގައި އޮތްގޮތަށް ބަދަލުކޮށް މާލެނޫން ރަށްރަށުގައި ދިރިއުޅޭ ރައްޔިތުން “އަޅުންފަދަ ނިކަމެތި ބަޔަކަށް” ބަދަލުކޮށް އެރައްޔިތުން ތަމްސީލު ކުރުމަށް “ޤާނޫނު ހަދާމަޖިލީހުގައި ތިއްބަވާ މެންބަރުންވެސް ސަރުކާރު ބޭނުންވާ ގޮތަށް ވޯޓް ނުދެއްވައިފި ނަމަ ފިޔަވަޅު އަޅާނެ” ކަމަށް މިނިސްޓަރުން ވެސް ފާޅުގައި ބުނަންފެށި. އަވަސް ނިމުމަކުން މިކަން ނިންމާންޖެހޭ.
ޢަބްދުﷲނާފިޒު
22 January 2018
ބިތުފަންގި ނެގިދާނެހެން ހީވީއުތަ.