ޚަބަރު / ސަން އައިލެންޑް ރިސޯޓް އެންޑް ސްޕާ

ފޯރި އާއި ޖޯޝާއެކު ސަން އައިލެންޑުގެ މުޒާހަރާ ކުރިއަށް

ސަން އައިލެންޑްގައި މިއަދު ކުރި މުޒާހަރާގައި އެތަނުގައި މަސައްކަތް ކުރާ މުވައްޒަފުން ބައިވެރިވަނީ. ---ފޮޓޯ: ހުސެއިން ވަހީދު/ މިހާރު

ސަން އައިލެންޑު ރިސޯޓުން، މުހައްމަދު ޔާމީން، މިހާރު

22 ޖެނުއަރީ 2018 - 18:03

14 comments

ވިލާ ކުންފުނީގެ ހުރިހާ ރިސޯޓުތަކަށް ސަރުކާރުން އަޅަމުންދާ ފިޔަވަޅުތަކާ ދެކޮޅަށް ސަން އައިލެންޑު ރިސޯޓުގައި ކުރާ ސިލްސިލާ މުޒާހަރާ މިއަދު އިތުރަށް ވަރުގަދަވެ، ފުޅާވާން ފަށައިފި އެވެ.

ރާއްޖޭގެ އެންމެ ބޮޑު ރިސޯޓު، ސަން އައިލެންޑުގެ ސްޓާފް އޭރިއާގައި މިއަދު ކުރި މުޒާހަރާގައި ބައިވެރިވި މީހުން ތިބީ ވަރަށް ފޯރި އާއި ޖޯޝުގަ އެވެ. މުޒާހަރާގެ ބައިވެރިން ދުވަހެއް ދުވަހަކަށް އިތުރުވަމުން އަންނައިރު، ވިލާގެ ރިސޯޓުތަކުގެ ހިމާޔަތުގައި އެތަންތަނުގެ މުވައްޒަފުން ޕެޓިޝަނެއް ތައްޔާރުކުރަން ފަށާފައިވާ ކަމަށް ވެ އެވެ.

ސަން އައިލެންޑުގައި މަސައްކަތް ކުރާ 300 އަށް ވުރެ ގިނަ މީީހުން ބައިވެރިވި މިއަދުގެ މުޒާހަރާގައި މައިގަނޑު ގޮތެއްގައި ގޮވަމުން ދިޔައީ ރައީސް އަބްދުﷲ ޔާމީނާއި އިކޮނޮމިކް މިނިސްޓަރު މުހައްމަދު ސައީދުގެ އިސްތިއުފާ އަށާއި ވިލާ ގްރޫޕްގެ ޗެއާމަން އަދި ޖުމްހޫރީ ޕާޓީގެ ލީޑަރު ގާސިމް އިބްރާހިމަށް ސަރުކާރުން ކުރަމުން އަންނަ "ޖެއްސުން" ހުއްޓާލުމަށެވެ.

މިއަދުގެ މުޒާހަރާ ކުރިއަށް ގެންދިޔައިރު، އެ މުޒާހަރާގެ ބައިވެރިން ތިބީ ގާސިމަށް ކުރާ އަނިޔާ ހުއްޓާލުމަށް ގޮވާލާ ތަފާތު ޝުއޫރު ލިޔެފައިވާ ބޯޑުތައް ހިފަހައްޓައިގެންނެވެ. އެގޮތުން ގިނަ މީހުން ހިފަހައްޓައިގެން ތިބި ބޯޑުތަކުގައި ލިޔެފައިވާ ލިޔުންތަކުގެ ތެރޭގައި، "އަނިޔާވެރި ނުވެ އަޅުގަނޑުމެންގެ އާއިލާތަކަށް ހަމްދަރުދީވެ ލައްވާ"، "ސިޔާސީ ބޭނުމަށް ޓޫރިޒަމް ހަލާކުކޮށްލަން މަސައްކަތް ނުކުރޭ"، "ސަރުކާރުގެ ނޭއްގާނީ އަމަލުތަކުން ހަނާވާނީ ރައްޔިތުން"، "ގެސްޓުންނާއި މުވައްޒަފުން ތިބީ ބިރުވެރި ކަމެއްގައި"، "ގައުމުގެ ޓޫރިޒަމް ފުނޑާލުމަކީ ރައްޔިތުން ބަނޑަށް ޖެއްސުން" ހިމެނެ އެވެ.

މުވައްޒަފުން ބުނި ގޮތުގައި ވިލާގެ ރިސޯޓުތައް ހުއްޓާލަން ޖެހިއްޖެނަމަ، ގެއްލިގެން ދަނީ 5،000 ރައްޔިތުންގެ ވަޒީފާ އެވެ. ރައީސް ޔާމީނަށް މި އަހަރުގެ ރިޔާސީ އިންތިޚާބުގައި، ވިލާ ކުންފުނީގެ މުވައްޒަފުންގެ އާއިލާތައް ހިމެނޭ ގޮތަށް 50،000 މީހުންގެ ވޯޓު ވެސް ނުލިބޭނެ ކަމަށް މުޒާހަރާގެ ބައިވެރިން ބުންޏެވެ.

މުޒާހަރާގައި ބައިވެރިވާ މީހަކު ތާޅަފިއްޔެއް ހިފައިގެން މިއަދު އަޑު އުފުލަނީ. ---ފޮޓޯ: ހުސެއިން ވަހީދު/ މިހާރު

ވިލާގެ އެއްވެސް ރިސޯޓަކަށް ގާނޫނާއި ގަވައިދާ ޚިލާފަށް ބަނގުރަލާއި އޫރުމަސް އެތެރެކޮށްފައި ނުވާ ކަމަށާއި އެ ރިސޯޓުތަކަށް އެ ތަކެތި އެތެރެ ނުކުރެވޭ ގޮތް ހެދީ ގާސިމްގެ ވިޔަފާރި އާއި ޓޫރިޒަމް ފުނޑާލުމުގެ ބޭނުމުގައި ކަމަށް ބުނެ، މުޒާހަރާ ކުރި މީހުން ވަނީ ސަރުކާރަށް ވަރަށް ބޮޑަށް ފާޑުކިޔައިފަ އެވެ.

ސަން އައިލެންޑުގެ އިތުރުން ގާސިމްގެ އެހެނިހެން ރިސޯޓުތަކާއި އޭނާގެ އުފަން ރަށް މާމިގިލީގައި ވެސް އިއްޔެ ވަނީ ސަރުކާރާ ދެކޮޅަށް މުޒާހަރާ ކޮށްފަ އެވެ. މީގެ ތެރެއިން މުޒާހަރާ އެންމެ ވަރުގަދައީ އެންމެ މުވައްޒަފުން ގިނަ ސަން އައިލެންޑުގެ އިތުރުން މާމިގިލީގަ އެވެ.

ގާސިމްގެ ރޯޔަލް އައިލެންޑް ރިސޯޓުން ބަނގުރަލާއި އޫރުމަސް އޭނާގެ އެހެން އެހެން ރިސޯޓްތަކަށް ގެންދާ މައްސަލާގައި އެ ރިސޯޓްތަކަށް ކަސްޓަމްސްގެ އޮފިސަރުން އަރައި ވަނީ ފާސްކޮށްފަ އެވެ. އަދި ފަން އައިލެންޑް ރިސޯޓުގައި ހުރި ގިނަ އަދަދެއްގެ ރާ ވަނީ ކަސްޓަމްސްގެ ބެލުމުގެ ދަށަށް ގެންގޮސްފަ އެވެ.

ރޯޔަލް އައިލެންޑުން ވިލާގެ އެހެން ރިސޯޓުތަކަށް ބަނގުރަލާއި އޫރުމަސް ގެންދާ މައްސަލާގައި، އެ ރިސޯޓަށް އެ ތަކެތި އެތެރެކުރުމުގެ ހުއްދަ އިކޮނޮމިކް މިނިސްޓްރީން ވަނީ އިއްޔެއިން ފެށިގެން ހަ މަސް ދުވަހަށް ހިފަހައްޓައިފަ އެވެ.

މުޒާހަރާ މެމްބަރު ގާސިމް އިބްރާހިމް (މާމިގިލި) ވިލާ ހޮޓެލްސް ވިލާ ގްރޫޕް އދ. މާމިގިލި ސަން އައިލެންޑް ރިސޯޓް އެންޑް ސްޕާ

14 ކޮމެންޓް, 43 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ެއެފް އެމް

23 January 2018

ރިޒޯރޓްތަކުގަވެސް މުޒާހަރާ ކުރަނީތަ؟؟؟ އޭރަށް ފަތުރުވެރިކަމަށް ކުރާނީ ފައިދަަތަ؟؟؟ އަހަރެމެންގެ ބަދިގެ ގަ ވެސް މިއަދު މަ މުޒާހަރާ ކުރާނަން ބައިވެރިވާނީ މަށާއި މަގޭ ދެދަރިން ގޮވާނީ ދައުލަތަށް ޓެކްސްނުދައްކައި ތިބި އެންމެ އަތުން ޓެކްސް އަތުލުމަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަހްމޫދު

23 January 2018

ޤާސިމަށް ސަރުކާރަށް ދައްކަންޖެހޭ ޓެކްސް ދައްކާ ހަލާސްކުރުމަށް ގޮވާލިޔަސް ތިޔަށްވުރެ ރަނގަޅުވާނެ. ހަމަޔަށް ސަރވިސް ޗާރޖް ނުލިބޭ ތަނެކޭ. ރިސޯޓް ހުއްޓާލާކަން ނޫންވިޔަ މިއުޅެނީކީ ސަރުކާރަށްވާ ފައިސާ ހޯދަންވިޔަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޮޓްކިންގ

23 January 2018

މުވައްޒަފުންގެ ހައްގު ހޯދަން (މުސާރަ ނުދޭތީ، އިތުރުގަޑީގެ ފައިސާ ނުދޭތީ) ރިސޯޓްގައި މުޒާހަރާކުރީމާ ރިސޯޓްގައި އުޅޭ ޓޫރިސްޓުންގެ ހިތަށް ބިރުވެރިކަން ވަންނަވަރުން މުވައްޒަފުން ރަށުން ބާލައި ވަޒީފާއިންވެސް ކެނޑި. އެކަމަކު މިހާރު ވަރަށް ފޯރީގައި މުޒާހަރާ ކުރާކަމާއި އެކަމަށް ބާރު އަޅައި ރިސޯޓުން ބޭރުންވެސް މީހުން ގެންގޮސް ފޯރި ހިއްޕަންއުޅޭހެން ހީވަނީ، ރިސޯޓްގެ ހައްގުގައިވީމާ ޓޫރިސްޓުން ބިރުން ނޫޅޭދޯ؟ މައްސަލައަކަށްވަނީ މުވައްޒަފުންގެ ހައްގުގައި މުޒާހަރާކުރީމާދޯ؟ ތިކަމުންވެސް ކަލޭމެންގެ ނުބައިކަން ހާމަވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުރޯމީ

23 January 2018

ފާޑުފާޑުގެ ނަން ޖަހައިގެން ހަމަ ކޮމެންޓެއް ކޮށްލިޔަސް ކަމަކު ނުދާނެ. މިހާރު ވެގެން އުޅޭގޮތް ޓޫރިސްޓުންނަށްވެސް އެނގޭ. މުވައްޒަފުން އެމީހުންނަށް އަންގައިދީފި ޔާމީން ސަރުކާރުގެ އަނިޔާވެރިކަން. ޓޫރިސްޓުންގެ ވެސް އުފަލަކަށް މިއަދު ވެއްޖެ ޔާމީންގެ ސަރުކާރާ ދޮކޮޅަށް ެަޑުއުފުލުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮލެޖް އިކޮނޮމިސްޓް

23 January 2018

ރިސޯޓް ތަކުގައި މުޒާހަރާ ކުރީމަ ރާއްޖޭގެ ޓޫރިޒަމް އަށް ނޭދެވޭ އަސަރު ކުރާނެ. ވީމަ މިފަދަ ކަންކަން މަނާކުރެވެން ޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖޯޑޫ

23 January 2018

މީހަކު ނެތްތަނެތް... މިހާރު ތިބި ޓުއަރިސްޓުންވެސް ރަށުން ނުފައިބައިގެންތަ ތިއުޅެނީ... ކީކޭ މަ ބުނާނީ ދެން...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙHhހ

22 January 2018

"އަނިޔާވެރި ނުވެ އަޅުގަނޑުމެންގެ އާއިލާތަކަށް ހަމްދަރުދީވެ ލައްވާ"، "ސިޔާސީ ބޭނުމަށް ޓޫރިޒަމް ހަލާކުކޮށްލަން މަސައްކަތް ނުކުރޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑޮކްޓަރުންގެ ސިޓީ / އައްޑޫ ސިޓީ

22 January 2018

މާލެ އަތޮޅުގައި ހިންގާ ރިސޯޓެއްގެ ބަދިގޭގައި ހަދާ ޕޭސްޓްރީ އުފެއްދުންތަކާއި ސޭންޑްވިޗް ހެދިކާ ފަދަ އެތައް އެއްޗެއް މާލޭ ފޮރިންމިނިސްޓްރީ ކާރީގެ ހުންނަ ބިލްޑިންގ އެއްގެ ގްރައުންޑް އަދި ފަސްޓްފްލޯރ ގައި ހުރި ކެފޭ އަކާއި އެމީހުން އަމީނީ މަގު މީރާ އޮފީސް ކާރީގައި ހުރި އިމާރާތެއްގެ ދެބުރީގައި މުޅިން ސިލޯނު މީހުން ތިބެގެ ން ހިންގާ ކެފޭގައި ވެސް ވިއްކަނީ ރިސޯޓުން ގެންނަ ތަކެތި. ޓެކްސް ޤާނޫނާއި އިމްޕޯޓް އެކްސްޕޯޓް ޤާނޫނާއި އަދި މިނިވަން ވިޔަފާރި ހިމާޔަތް ކޮށްފައިވާ އެއްވިޔަފާރިން އަނެއްވިޔަފާރީގެ ތެރެއަށް ވަދެގަނެ އިޤްތިސޯދު އަމިއްލަ ކުރުމުގެ ކަންކަން ވަކި އިމެއްގައި ހިފަހައްޓާ އެންމެ ވިޔަފާރި ހިމާޔަތް ކޮށްދީފައިވާ އެމަރިކާ ސޭޝަލް އައިލެންޑްސް ފަދަ ފަތުރު ވެރިކަމުގެ ޤައުމުތަކުގެ ޤާނޫނުތަކާއި ހަދާފައިވާ ޤަވާއިދު ތަކަށް ބަލާއިރު ވިޔަފާރީގެ ޖީއެސްޓީ އަށް އަސަރު ކުރާފަދަ ގޮތަކަށް ޓްއަރިސްޓް ރިސޯޓް ތަކަށް ދީފައިވާ އިމްޕޯޓްސް އެކްސްޕޯޓް ހުއްދަ ބާތިލް ކުރާންޖެހޭ. މިއީ ޓެކްހަށް އަސަރު ކުރާނެ ކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢިއްސެ

22 January 2018

ޑޮކްޓަރު ދިވެހި ރާއްޖޭގެ ޤާނޫނު ކީ އެކޮޅުކޮޅުން ތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކްރޭޒީ

22 January 2018

ފޯރި އާއި ޖޯޝާއެކު ސަން އައިލެންޑުގެ މުޒާހަރާ ކުރިއަށް ދިޔަ ނަމަވެސް އެއިން ކެއްކޭނެ ޑޮންޑޮނެއް ނުހުންނާނެއޭ ސަން އައިލެންޑް ވެސް ޖެހޭނީ ހަމަ ސަރުކާރަށް ދައްކަން ޖެހޭ ޓެކްސް އެއް ވާނަމަ ދައްކަންއޭ. މަމެން ޕިންކީން ދުލެއް ނުދޭނަމޭ ދައުލަތަށް ދައްކަން ޖެހޭ ޓެކްސް އެއް ނުދައްކާ ފަރާތް ތައް އައި ޖަސްޓް ޑޯންޓް ކެއަރ ވަޓް ދަ ވޯލްޑް ސޭސް އައި އޭމް ގޮނާ ފޯލޯ ސްޓްރެއިޓް ލައިންސް. ތަމެން މުޒާހަރާ ކުރާ އެއްޗެހި ތައް ޔޫއާރ ކްރޭޒީ ކްރޭޒީ ކްރޭޒީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިހާދު

22 January 2018

ދައުލަތަށް ދައްކަންޖެހޭ ޓެކްސްތަށް މީރާއަށް ދައްކާ އެހެންނޫނީ ކިތަންމެ ވަރަކަށް ރަށުމީހުންނާ ސްޓާފުންނެރުނަސް ދައުލަތުން އަޅަންޖެހޭފިޔަވަޅު އަޅާނެ މިހާރުގެ ރައީސުލްޖުމްހޫރިއްޔާ އަކީ ތިހެންޖެހުލުންވާވަރަށް ވުރެން ކުޅަދާނަ ބޭފުޅެއް ދެން މަގޭ ޖީއެސްޓީއެއް ނުދައްކާނަން ވިލާގެ ރިސޯރޓްތަކުން ދައްކަންޖެހޭ އެންމެ ލާރިއެއްވެސް އިންދާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލީބަލީ

22 January 2018

މީދެން ޖޯކެއްނު. ޓޫރިސްޓުންނަށް އުނދަގޫވާނެ ތިވައްތަރަށް ރިސޯޓްތަކުގަ މުޒާހަރާކުރީމަ. ޤާސިމް ޓެކްސް ދައްކަން ގޮވާބަލަ. މާރީތަވާނެ އޭރުން. ރޯޔަލްއަށް ގެންދިޔަ ބަނގުރަލާއި އޫރުމަސް ހުންނަންޖެހޭނި އެތާގަ. ގަވާއިދުގަ އޮންނަނި އެހެން.