ގައިދީއަކު މަރާލި ހަ ފުލުހަކު ޖަލަށްލާން މިސްރުގެ ކޯޓަކުން ހުކުމްކޮށްފި

މިސްރު ފުލުހުން އާއްމުންގެ މީހަކު ހައްޔަރު ކުރަނީ: މިސްރު ފުލުހުންގެ އަނިޔާވެރިކަން ބޮޑު ކަމަށް އިންސާނީ ހައްގުތަކަށް މަސައްކަތް ކުރާ ޖަމާއަތްތަކުން ބުނޭ.

ހަސަން އާމިރު، މިހާރު

13 ޖުލައި 2016 - 09:38

5 comments

ގާހިރާ (ޖުލައި 13) - ގައިދީއަކަށް އަނިޔާކޮށް މަރާލުމުގައި ބައިވެރިވި ހަ ފުލުހަކު ތިން އަހަރާއި ހަތް އަހަރާ ދެމެދުގެ މުއްދަތަކަށް ޖަލަށްލާން މިސްރުގެ ކޯޓަކުން ހުކުމްކޮށްފި އެވެ.

ދެކުނުގެ ގީނާ ޕްރޮވިންސްގައި 47 އަހަރުގެ ގައިދީ އަށް އަނިޔާކޮށްފައި ވަނީ ފުލުސް އޮފިސަރަކާއި ދަށް ރޭންކުތަކުގެ ފަސް މީހެކެވެ. އެ މީހުންގެ ޝަރީއަތް ފަށާފައި ވަނީ ޑިސެމްބަރު މަހު އެވެ. މި މައްސަލާގައި ފުލުހުންގެ ހަތް މީހަކު ކުށްވެރި ނުވާ ކޯޓުން ވަނީ ނިންމައިފަ އެވެ.

ގައިދީންނަށް އަނިޔާ ކުރުމާއި ފުލުހުންނަށް ލިބިފައިވާ ބާރުތައް ނަހަމަ ގޮތުގައި ބޭނުންކުރާ ފަރާތްތަކާ ދެކޮޅަށް ހަރުކަށި ފިޔަވަޅު އަޅުއްވާނެ ކަމަށް ރައީސް އަބްދުލް ފައްތާހު ސީސީ ވަނީ ވިދާޅުވެފަ އެވެ. ސީސީ ވިދާޅުވީ ވަކިވަކި ފުލުހުން ކުރާ އެ ބާވަތުގެ ކަންކަމުގެ ސަބަބުން ފުލުހުންގެ މުޅި މުއައްސަސާ ބަދުނާމު ނުވާނެ ކަމަށެވެ.

އިންސާނީ ހައްގުތަކަށް މަސައްކަތްކުރާ ޖަމާއަތްތަކުން ބުނެފައި ވަނީ މިސްރުގެ ފުރަތަމަ ޑިމޮކްރެޓިކް ރައީސް މުހައްމަދު މުރްސީގެ ސަރުކާރު 2013 ވަނަ އަހަރު ސިފައިން ނުކުމެ ވައްޓާލި ފަހުން މިސްރުގައި އިންސާނިއްޔަތާ ޚިލާފު ޖަރީމާތައް ހިންގުން ވަނީ އިތުރުވެފައި ކަމަށެވެ. މިސްރުގައި 30 އަހަރު ވެރިކަން ކުރެއްވި މުހައްމަދު ހުސްނީގެ ވެރިކަމާ ދެކޮޅަށް 2011 ވަނަ އަހަރު ރައްޔިތުން ނުކުންނަށް މަޖުބޫރުވީ ވެސް ފުލުހުންގެ އަނިޔާވެރިކަން ބޮޑުވުމުންނެވެ.

ފުލުހުން މިސްރު މަރު ޖަލުތައް

5 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މެންޓަލިސްޓް

13 July 2016

ތިޔައީ އިސްލާމީ ޝަރީއަތްތޯ ؟ 3 އަހަރާއި 7 އަހަރާއި ދެމެދު ޖަލަށް ؟؟؟ އާއިލާއިން މާފްދިނީތޯ ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޫ

13 July 2016

ތިޔައީ މިރާއްޖޭގެ ކަމެއްނަމަ ކުށްވެރިވީހީ މަޤްތޫލް ޤައިދީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސޭނުބެ

13 July 2016

ބޫ އަށް އެކަށީގެންވާ މަޢުލޫމާތު ލިބިފައިނުވާކަން އިބޫގެ ކޮމެންޓުން ސާބިތުވޭ!! މިރާއްޖޭގައިވެސް ފުލުހުންގެ ފަރާތުން ފެންނަ މިބާވަތުގެ ކަންތައްތައް ބަލާ ފިޔަވަޅު އަޅާފައިވޭ!! ވަޒީފައިން ވަކިކޮށްފައިވޭ!! ޝަރީޢަތް ހިންގާ ޙުކުމްކޮށް އެމީހަކު ކުއްވެރިވާކަން ޝަރީޢަތަށް ސާބިތުބެ ޙުކުމް ކުރުމުން ވަޒީފާއިން ވަކިކޮށްފައިވޭ!! އެހެންވީމަ ތަންކޮޅެއް ބޮޑަށް ދިރާސާކޮށްލާފަ ކޮމެންޓް ކުރުމަށް ދަންނަވާލަން!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕޮއް

13 July 2016

ހުސޭނުބެ އެވެ. ފުލުހުންނަށް ފިޔަވަޅު ނާޅައެކޭ ނޫނެވެ. ވަޒީފާއިން ވަކި ނުކުރެއެކޭ އެއްވެސް ނޫނެވެ. އެންމެ ބޮޑު މައްސަލަ ކަމަށް ވާ 07 ފެބްރުއަރީ އަދި ދާދިފަހުން މަސްއޮޑިގެއަށް ވަދެ ފުލުހުން ހިންގި ޖަރީމާގައި ފިޔަވަޅެއް ނާޅައެވެ. ފުލުހުންނަށް ބާރުގެ ބޭނުން ކުރަން ދީފައި އޮތުމަކީ ފެންނަ ހާ މީހެއްގެ ގަޔަށް ޕެޕަރ ސްޕްރޭ ނުވަތަ ފެންނަ ނުވަތަ އެމީހެއްގެ އުނދަގޫ ފުލުހުންނަށް ބޮޑު ވާ މީހެއްގެގައި މުގުރުން ތަޅާ ރާކޭސް ގަންވަލާށޭކޭ އެއްނޫނެވެ. ޕެޕަރ އަދި މުގުރު ބޭނުން ކުރަން ވަކި ހަމަތަކާއި އުސޫލުތަކެއް ކަނޑައަޅާފައިވެއެވެ. އެއިން ބޭރުން ކުރާ ކޮންމެ ކަމެއް ބެލި ފިޔަވަޅު އަޅަން ޖެއެވެ. އަދި ބާރުގެ ބޭނުން ކުރަންޖެހޭ ދަނޑިވަޅުތަކުގައި އޮންނަ އުސޫލާއި ހަމަތަކުގެ މަތިން ބާރުގެ ބޭނުން ފުލުހުން ކުރަންވެސް ޖެއެވެ. ރާއްޖޭގައި މަދު ފަހަރެއްގައި ނޫނީ ފުލުހަކަށް ފިޔަވަޅު އަޅާފައެއް ނެތެވެ.