އަދީބަށް ކުރާ ރިޝްވަތު ދިނުމުގެ ދައުވާގެ ޝަރީއަތް މާދަމާ ފަށަނީ

އަދީބު: އޭނާގެ މައްޗަށް ދައުވާކުރާ އެހެން މައްސަލަތަކެއް ވެސް ކޯޓުގައި ދަނީ ހިނގަމުން --މިހާރު ފޮޓޯ/ނިޝާން އަލީ

މުއިއްޒު އިބްރާހިމް، މިހާރު

29 ޖެނުއަރީ 2018 - 15:25

ކުރީގެ ނައިބު ރައީސް އަހުމަދު އަދީބުގެ މައްޗަށް ކުރާ ރިޝްވަތުގެ ދައުވާގެ ޝަރީއަތް މާދަމާ ފަށަން ކްރިމިނަލް ކޯޓުން ހަމަޖައްސައިފި އެވެ.

އަދީބުގެ މައްޗަށް އެ ދައުވާ ކުރަނީ އެމަނިކުފާނު ސަރުކާރުގައި އުޅުއްވި ދުވަސްވަރު ފުލުހުންގެ އިންޓެލިޖެންސް މައުލޫމާތުތަކެއް ހޯއްދެވުމަށް، ފުލުހުންގެ އިންޓެލިޖެންސްގައި މަސައްކަތް ކުރި ދެ ފުލުހަކަށް ރިޝްވަތު ދިން ކަމަށް ބުނެ އެވެ. އެ މައްސަލާގައި ރިޝްވަތުގެ ދައުވާގެ އިތުރުން ރަސްމީ ހައިސިއްޔަތުން ކުރަންޖެހޭ ކަމަކަށް ނުފޫޒު ފޯރުވުމުގެ ދައުވާ ވެސް އަދީބުގެ މައްޗަށް ދައުލަތުން ކުރެ އެވެ.

އެ ދެ ދައުވާގެ އަޑުއެހުންތައް ފަށަން ހަމަޖައްސާފައިވަނީ މާދަމާ ހެނދުނެވެ.

އެކި މައްސަލަތަކުގައި 33 އަހަރުގެ ޖަލު ހުކުމެއް ތަންފީޒު ކުރައްވަމުން ގެންދަވާ އަދީބުގެ މައްޗަށް ރިޝްވަތުގެ ދައުވާ ސާބިތުވެއްޖެ ނަމަ ތިން އަހަރާއި ދެ މަހާއި 12 ދުވަހުގެ ޖަލު ހުކުމެއް އަންނާނެ އެވެ.

އަދީބުގެ މައްޗަށް ދައުވާ ކުރާ އެހެން މައްސަަލަތަކެއް ވެސް ކޯޓުގައި މިހާރު ދަނީ ހިނގަމުންނެވެ. އެގޮތުން، މަގާމުގެ ނުފޫޒު ބޭނުން ކުރުމުގެ ނުވަ ދައުވާ އަކާއި ޓެރަރިޒަމްގެ ދައުވާއަކާއި އެނގި ހުރެ މީހަކު މަރަން ރޭވުމުގެ ދައުވާއެއް ވެސް ދައުލަތުން ވަނީ އަދީބުގެ މައްޗަށް އުފުލައިފަ އެވެ.

ކުށްކުރުން ކްރިމިނަލް ކޯޓް ކުރީގެ ނައިބު ރައީސް އަދީބު އަހުމަދު އަދީބު ރިޝްވަތު ފުލުހުން އިންޓެލިޖެންސް މައުލޫމާތު އިންޓެލިޖެންސް ރިޕޯޓް (ޕޮލިސް)

1 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހޭކެނޑޭ

29 January 2018

ދަޢުއްވާ ކޮއްފާ ބަހައްޓާ. މަމެން ބުނާނީ ތިއީ ފޫނެއް ތެއްޔަކަށް ފެންފުރުން ކަހަލަ ކަމެކޭ. އެސޮރު އަތުން މިވެރިންނަށް އަތުވާނީ ވަކި ކޯޗެއް. މިހާރު އެ ސޮރަށް ހެޔޮ 100 ޤަރުނުގެ ޙުކުމެއް ތަމެން ކުރިއަސް. އެ ސޮރު މިހާރު އެވަނީ ތިކަންތައްތަކަށް ހޭނި ފަރިތަވެފާ! ވ ސަލާން.