ނަރުހުންގެ 50 ޕަސެންޓަކީ ބިދޭސީން، ދިވެހި ނަރުހުން އިތުރަށް ބޭނުންވޭ: ނާޒިމް

އެމްއެންޔޫ ގައި އަލަށް ގާއިމުކުރި ނާސިން ސްކޫލު ހުޅުވަން ބޭއްވި ހަފްލާ ނިންމަވާލެއްވުމަށްފަހު ހެލްތު މިނިސްޓަރު ނާޒިމް އިމާރާތް ބައްލަވާލައްވަނީ.---ފޮޓޯ: ހުސެއިން ވަހީދު/މިހާރު

އާސިމާ ނިޒާރު، މިހާރު

01 ފެބުރުއަރީ 2018 - 14:39

7 comments

ރާއްޖޭގައި މަސައްކަތް ކުރާ ނަރުހުންގެ 50 ޕަސެންޓަކީ ބިދޭސީން ކަމަށާއި އެ ޚިދުމަތަށް ގިނަ އަދަދަކަށް ދިވެހިން ބޭނުންވާ ކަމަށް ހެލްތު މިނިސްޓަރުު އަބްދުﷲ ނާޒިމް އިބްރާހިމް މިއަދު ވިދާޅުވެއްޖެ އެވެ.

މޯލްޑިވްސް ނޭޝަަނަލް ޔުނިވަސިޓީ (އެމްއެންޔޫ) ގެ ނާސިން ސްކޫލް ހުޅުވުމަށް ބޭއްވި ރަސްމިއްޔާތު ޝަރަފުވެރި ކޮށްދެއްވައި ވާހަކަ ދައްކަވަމުން ނާޒިމް ވިދާޅުވީ، ސިއްހީ ދާއިރާ ކުރިއަރައި ތަރައްގީ ވެގެން އަންނައިރު، އެ ދާއިރާ އަށް އިތުރަށް މުވައްޒަފުން ބޭނުންވާ ކަމަށެވެ. އެހެންވެ މިއަދު ހުޅުވި ނާސިން ސްކޫލާއެކު ގިނަ އަދަދެއްގެ ނަރުހުން ތަމްރީން ވާނެ ކަމަށް އުއްމީދު ކުރައްވާ ކަމަށް އޭނާ ވިދާޅުވި އެވެ.

ނާޒިމް ވިދާޅުވި ގޮތުގައި، ރާއްޖޭގައި ނަރުހުން ތަމްރީން ކުރަނީ ދުނިޔޭގެ ފެންވަރުގައި ފާހަގަކޮށްލެވޭ ފެންވަރަށެވެ. އެކަން ނަރުހުންގެ ޚިދުމަތާއި މަސައްކަތްތަކުން ފެންނަކަން، ފެކަލްޓީ އޮފް ހެލްތު ސައިންސްގައި ބޭއްވި އެ ރަސްމިއްޔާތުގައި މިނިސްޓަރު ފާހަގަކުރެއްވި އެވެ.

"ރާއްޖޭގައި މިހާރު ވެސް ނަރުހުންގެ ހިދުމަތުގައި ތިއްބެވި ނަރުހުންގެ ގާތްގަނޑަކަށް 50 ޕަސެންޓަކީ ކައިރި ގައުމުތަކުގެ ނަރުހުން. އޭގެ މާނައަކީ މިއަދު އިތުރަށް [ދިވެހި] ނަރުހުން ބޭނުންވެއޭ." ނާޒިމް ވިދާޅުވި އެވެ.

އޭނާ ވިދާޅުވީ ރާއްޖޭގެ ސިއްހީ ނިޒާމުގައި އެންމެ ހަރުދަނާ އެއް ބަޔަކީ ވެސް ނަރުހުން ކަމަށެވެ.

ނާޒިމް ވިދާޅުވީ ސިއްހީ ދާއިރާ އިން ރާއްޖެ ބޮޑު ކުރިއެރުމެއް ހޯދަމުން އަންނައިރު، އެ ކަން އިތުރު ހަރުފަތަކަށް ގެންދަން ޖެހޭ ކަމަށެވެ. އެގޮތުން ބޭސް އުފައްދާ ފެކްޓަރީއެއް ގާއިމްކުރުމާ މެދު ވިސްނަންޖެހޭ ކަން ފާހަގަކުރެއްވި އެވެ.

އެމްއެންޔޫގައި ހިންގާ ކޯސްތަކުގެ ތެރެއިން ދަރިވަރުންގެ އެންމެ ބޮޑު ތަރުހީބެއް ލިބެމުން އަންނަ އެއް ކޯހަކީ ނާސިންގެ ޕްރޮގްރާމެވެ. މީގެ ކުރިން ނާސިންގެ ކޯސްތައް ހިންގީ ފެކަލްޓީ އޮފް ހެލްތް ސައިންސްގެ ދަށުންނެވެ. އެކަމަކު ދެން އެ ކޯސްތައް ހިންގާނީ މިއަދު ހުޅުވި ނާސިން ސްކޫލުންނެވެ.

ސިއްހަތު ނަރުހުން ހެލްތު މިނިސްޓްރީ މިނިސްޓަރު އަބްދުﷲ ނާޒިމް އިބްރާހިމް ސިއްހީ ޚިދުމަތް ނާސިން ސްކޫލް

7 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މައިމޫނާ

01 February 2018

ކޮބާހޭ ނަރުހުންގެ އޮނިގަނޑު؟ ބިދޭސީ ނަރުހުންނާއި ދިވެހި ނަރުހުންގެ މުސާރައިގެ ފަރަގު އެހާ ބޮޑީ ކީއްވެ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަބްދުﷲނާފިޒު

01 February 2018

"މީގެ ކުރިން ނާސިންގެ ކޯސްތައް ހިންގީ ފެކަލްޓީ އޮފް ހެލްތް ސައިންސްގެ ދަށުންނެވެ. އެކަމަކު ދެން އެ ކޯސްތައް ހިންގާނީ މިއަދު ހުޅުވި ނާސިން ސްކޫލުންނެވެ. ތަފާތަކީހަމަ އެކަނި ނަންބޯޑު ބަދަލުވުން ނޫންބާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލްޖިބްރާ

01 February 2018

ދިވެހިން ބޭނުމޭ ކިޔައިގެން ތީވެސް އަރުވާ އަޑެއް ! ދިވެހިން ހޯދީމާ ކަލޭމެންގެ ޖީބަށް ވަންނަ ލާރިގަޑު މަދުވާނެ ! ބަންގާޅީން މީހުންގެނޭ ! ޖީބަށް ގިނަ ލާރި ޖަމާ ކުރެވޭނެ !