ޓޫރިޒަމް މިނިސްޓަރު ޒަމީރާއި ޗައިނާގެ ސަފީރު މިއަދު މަޝްވަރާ ކުރައްވަނީ.
11 ފެބުރުއަރީ 2018 - 14:39
14 comments
ކުއްލި ނުރައްކަލުގެ ހާލަތު އިއުލާން ކުރުމަށް ފަހު، ރާއްޖެ އަންނަ ޗައިނާގެ ޓޫރިސްޓުން އަދަދު މަދުވަމުންދާ މައްސަލާގައި، ރާއްޖޭގައި ހުންނަވާ އެ ގައުމުގެ ސަފީރު ޒަންގް ލިޒޯންގްއާ ޓޫރިޒަމް މިނިސްޓަރު މޫސާ ޒަމީރު މިއަދު މަޝްވަރާ ކުރައްވައިފި އެވެ.
އެމްއެމްޕީއާރުސީން ކުރި ޓުވީޓެއްގައި ބުނީ ޗައިނާ އިން އަންނަ ޓޫރިސްޓުންގެ އަދަދު މި ދުވަސްވަރު މަދުވުމުން ރާއްޖެ އަށް ކޮށްފާނެ އަސަރު ކުޑަކުރުމާ ބެހޭ ގޮތުން މިނިސްޓަރު ޒަމީރާއި ޗައިނާ ސަފީރު ޒަންގް ލިޒޯންގް މަޝްވަރާ ކުރައްވާފައިވާ ކަމަށެވެ. އެކަމަކު މި މަޝްވަރާއާ ބެހޭ އެއްވެސް ތަފުސީލެއް ޓޫރިޒަމް މިނިސްޓްރީން ލިބޭ ގޮތެއް ނުވި އެވެ. އަދި ރާއްޖޭގެ ސިޔާސީ މަސްރަހު ހަލަބޮލިވެ، މިދިޔަ ހޯމަ ދުވަހުން ފެށިގެން ކުއްލި ހާލަތު އިއުލާން ކޮށްފައިވާއިރު، އޭގެ ފަހުން ޗައިނާއިން އަންނަ ޓޫރިސްޓުން އަދަދު މަދުވި މިންވަރެއް އެ މިނިސްޓްރީއަކުން ނުބުނެ އެވެ.
މިއަދުގެ ބައްދަލުވުމުގައި މިނިސްޓަރު ޒަމީރުގެ އިތުރުން އައިލެންޑް އޭވިއޭޝަންގެ މެނޭޖިން ޑިރެކްޓަރު އަބްދުލް ހާރިސް އާއި އެމްއެމްޕީއާރުސީގެ އެކްޓިން މެނޭޖިން ޑިރެކްޓަރު ހާރިސް މުހައްމަދު ވެސް ބައިވެރިވެވަޑައިގެންނެވި އެވެ.
ރާއްޖޭގައި ހުންނަވާ ޗައިނާ ސަފީރާ ޓޫރިޒަމް މިނިސްޓަރު ބައްދަލުކުކުރެއްވިއިރު، ރާއްޖޭގައި ކުއްލި ނުރައްކަލުގެ ހާލަތު އިއުލާން ކުރުމާ ގުޅިގެން، އެ ގައުމުގެ ޓޫރިސްޓުން މިވަގުތު ދަތުރުކުރުން ރައްކާތެރި ނޫން ކަމަށް ޗައިނާ އިން ވަނީ އަންގައިފަ އެވެ.
ރާއްޖެ އަށް އެންމެ ގިނަ ޓޫރިސްޓުން އަންނަ ޗައިނާގެ ޓޫރިސްޓުން ރާއްޖެ އަށް ދަތުރުކުރުން ރައްކާތެރި ނޫން ކަމަށް އެންގުމުން، ރިސޯޓުތަކާއި ގެސްޓް ހައުސް އަދި ސަފާރީތަކަށް އަންނަން ތިބި ގިނަ ބަޔަކު ދަނީ ބުކިންތައް ކެންސަލް ކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޯދެން
12 February 2018
ސަފީރު ބަންދުކުރޭ. ސަފީރު އެއުޅެނީ ބަޤާވާތްކޮށް ވެރިކަން ވައްޓާލަން.
ޢަހުމަދު
12 February 2018
ފޯންކޮށްފަ ހާލުއަހާލިޔަސް އެއޮތީ މަޝްވަރާކުރެވިފަ. ޢެލިބުނީ ސުރުހީއެއް
ޢަބްދުﷲނާފިޒު
12 February 2018
ޗައިނާގެ ދިހަ ފަތުރުވެރިން ރާއްޖެ އައިސް ކުރާ ޚަރަދު، ޔޫރަޕްގެ އެއްމެ ފަތުރުވެރިއަކު ރާއްޖެ އައިސް ޚަރަދު ކުރޭ، އެމީހުނާ އަވަހަށް ވާހަކަދެއްކިނަމަ މިނިސްޓަރޫ، ބޯގިނަކުރުމުގެ ސިޔާސަތުގެ ދަށުން ދެއްތޮ، ވޯލްޑް ރިކޯޑެއް ހަދާނަމޭ ހިތާ.
މާހިރު
12 February 2018
ކުއްލި ޙާލަތު އިޢުލާން ކުރަންނުޖެހޭފަދަ ޙާލަތެއްގައިވެސް ކުއްލި ޙާލަތު އިޢުލާން ކޮށްފިނަމަ ޤައުމުތަކުން ދެކޭނީ އެއީ އެޤައުމަކަށް ދަތުރުކުރާމީހުންނަށް ހުރި ނުރައްކަލެއްކަމަށެވެ. އެގޮތަށް ނުދެކޭނަމަ ގައިމު އެންމެ އެކުވެރި ޗައިނާއިން ރާއްޖެއަށް ދަތުރު ނުކުރުމަށް ނޭންގީހެވެ. ރައީސް ޔާމީނަކީ އިޤްތިސާދީ މާހިރެއްކަމަށް ބުނާއިރު، ޤައުމުގައި ކުއްލި ޙާލަތު އިޢުލާން ކުރުމުން ކޮންމެ ޤައުމަކުންވެސް އެޤައުމެއްގެ ރައްޔިތުންގެ ސަލާމަތަށްޓަކައި ރާއްޖެނައުމަށް ގޮވާލުމުން ރާއްޖެއަންނަ ފަތުރުވެރިން މަދުވެ ރާއްޖޭގެ އިޤްތިޞާދަށް ގެއްލުންވާނެކަން ނޭގެންޏާ ހައްތަހާވެސް މިތިބީ އިޤްތިސާދީ މާހިރުންނެވެ. މިކަމުގެ ފުރިހަމަ ޒިންމާ ސަރުކާރުން އުފުލަންޖެހޭނެއެވެ.
ޢަލީމް
12 February 2018
މިތާވާއެއްޗެއް އެކަމް ނުވާއެއްޗެއް. ކުއްލިހާލަތު.
ޏ އައިކު
11 February 2018
ހުރިހާ ގޮތަކުން ކުރި އެރުން ލިބުނު ރައީސްގެ ގައުމަށް އައްނާނެ މީހަކު ނުވި. އެއްމެ ގަތް މީހުންވެސް ދިނީ ބީރު ކަންފަތެއް.
ސުޖާ
11 February 2018
ހުދުމުހުތާރު ވެރިކަމެއް ކުރާގައުތަކައް ޓުއަރިސްޓުން އައުންމަދުވާނެ! މިބުނީ ކުއްލިޔަކައް ހުއްޓި ސުމަކައް ދާނެވާހަކަޔެއް ނޫން! އެއީ އެއީ އެއްތައް ބައިވަރު ސަބުތަކައްއެއް ހުރެގެން
ޑޮކްޓަރުންގެ ސިޓީ / އައްޑޫ ސިޓީ
11 February 2018
މާޝަލް ލޯ ހިންގަނިކޮށް ކޮންމެވެސް ވަރެއްގެ ކުރިއެރުމެއް ހޯދިދާނެ. ރިސޯޓް ހިންގާމީހުން ކަންބޮޑުވަނީ ޔޯރަޕް ފަތުރުވެރިން ނާންނާތީ. މިނިސްޓްރީ ގައި ހުރިމީހާ ރޮއި އާދޭސް ކުރަނީ ޗައިނާ މީހުން ނައިސްގެން ؟ އަޖާއިބެއްނު !!
ތުނިޔަ
11 February 2018
ދެން ޒާމީރު ވިދާޅުވޭ އަވަހަށް މިއަދުގެ ބައްދަލުވުން ވަރަށް ކާމިޔާބޭ!
އެކްސް
11 February 2018
ކުއްލި ޙާލަތު އިއުލާންކުރަންވެސް ޖެހޭ! ފަތުރުވެރިން އައުން މަދުވުމުންވެސް ކަންބޮޑުވޭ! ކޮންމެވެސް އެއްކަމެއް ޚިޔާރު ކުރޭ. ގޮތްދޫނުކޮށް ގައުމު ބަނގުރޫޓުވަންދެންތިބޭ. އެހެންނޫނީ އަމިއްލަ އެދުމަށް ތިހިންގާ ޖަރީމާތައް ހިންގުން ހުއްޓާލާ.
މޮހޮނު 1
11 February 2018
ފަތުރުވެރިކަން ދަށްވެ ރާއްޖެއަށް އިގްތިސާދީގޮތުން ދަތިވުމަކީ ޗައިނާއަށް ލިބޭނެ ރަނުގެ ފުރުސަތެއް. އިތުރު ލޯނު ދީ ރާއްޖެއަށް އަތްގަދަކުރުމަށް ލިބޭނެ ފުރުސަތެއް