ނޯތު ކޮރެއާގެ ޓޭންކަރަކަށް ތެޔޮ އަޅައިދިން ކަމަށް ބުނާ ރާއްޖޭގެ ބޯޓާއި ނޯތު ކޮރެއާގެ ބޯޓު.
01 މާޗް 2018 - 20:51
30 comments
އުތުރު ކޮރެއާގެ ތެޔޮ ޓޭންކަރަކާ އެކު މަނާ މުއާމަލާތްތަކެއް ހިންގި ކަމަށް ޖަޕާނުގެ ފޮރިން މިނިސްޓްރީން ބުނާ ރާއްޖޭގެ ތެޔޮ ޓޭންކަރަކީ ރާއްޖެއާ ގުޅުން ނެތް ބޯޓެއް ކަމަށް ދިވެހި ސަރުކާރުން ބުނާ ބުނުން ބަލައި ނުގަންނަ ކަމަށް އިދިކޮޅު ޕާޓީތަކުން މިއަދު ބުނެފި އެވެ.
އިދިކޮޅު ޕާޓީތަކުން މ. ކުނޫޒްގައި ބޭއްވި ނޫސްވެރިންގެ ބައްދަލުވުމެއްގައި ވާހަކަދައްކަވަމުން ވިލިނގިލީ ދާއިރާގެ މެމްބަރު ސައުދު ހުސެއިން ވިދާޅުވީ އެ ބޯޓުގެ މައްސަލައާ ގުޅިގެން ރާއްޖޭގެ އަގު ބައިނަލްއަގުވާމީ ދުނިޔޭގައި ވަރަށް ބޮޑަށް ވެއްޓިފައިވާ ކަމަށެވެ. އަދި އެއީ ރާއްޖެއާ ގުޅުމެއް ނެތް ބޯޓެއް ކަމަށް ސަރުކާރުން ބުނި ނަމަވެސް ބޯޓުތައް ޓްރެކްކުރާ ސައިޓްތަކުން ފެންނަނީ ރާއްޖެ އާއި އެ ބޯޓާ ގުޅުން ހުރި މައުލޫމާތުކަމަށް ވެސް އޭނާ ވިދާޅުވި އެވެ.
"މި ބޯޓަކީ ދިވެހިރާއްޖޭގެ ފްލެގް ބޭނުންކުރާ ބޯޓެއްކަން އެނގެން އެބަ އޮތް. އައިއެމްއޯގައި ދިވެހިރާއްޖޭގެ ކޯލް ސައިން ރަޖިސްޓްރީކުރެވިފައި އެބައިން. އަދި އައިއެމްއޯއިން ރާއްޖެއަށް ދިން ކޯޑު އެބައިން،" ސައުދު ވިދާޅުވި އެވެ.
"ދެން ވެސެލް ޓްރެކާ ޑޮޓް ކޮމް އިން ދައްކާ ރާއްޖޭގައި ރަޖިސްޓްރީކޮށްގެން ބޭރުގައި ދުއްވާ އުޅަނދުފަހަރުގެ ލިސްޓް. އެ ލިސްޓަށް ބަލާއިރު ވެސް މި ބޯޓު އެބަ ދައްކާ."
އޭނާ ވިދާޅުވީ އެ ސައިޓުން ރާއްޖޭގައި ރަޖިސްޓްރީކޮށްގެން ބޭރުގައި ދުއްވާ ހުރިހާ އުޅަނދެއް ފެންނަން އެބަހުރި ކަމަށެވެ. އޭގެ ތެރޭގައި މީގެ ކުރިން ރާއްޖެއަށް މުދާ އުފުލުމަށް ފަހު ނައްތާލާފައި ހުރި ބޯޓުފަހަރު ވެސް ހިމެނޭ ކަމަށް ވެސް ވިދާޅުވި އެވެ.
"މި ލިސްޓުގައި މިހާރު ރާއްޖޭގައި ދުއްވާ ބޯޓުފަހަރު ވެސް ފެންނަން އެބަހުރި. އެހެންވީމަ މިކަމަކީ މިއީ އޮޅުވާލެވޭނެ ކަމެއް ނޫން. އަމިއްލަ ފަރާތަކަށް ރާއްޖޭގެ ފްލެގް ބޭނުންކުރަން ރަޖިސްޓްރީކޮށްގެން ނުދުއްވޭނެ،" އޭނާ ވިދާޅުވި އެވެ.
ސައުދު ވަނީ އުތުރު ކޮރެއާގެ ބޯޓަށް ތެޔޮ އަޅައިދިން ބޯޓު ރަޖިސްޓްރީކުރުމުގައި ރާއްޖޭގެ މުއައްސަސާތަކެއްގެ ބައިވެރިވުން އޮތް ކަމަށް ތުހުމަތުކުރައްވައިފަ އެވެ. އަދި އެކަން ހޯދައި ބަލައި ފިޔަވަޅު އެޅުމަކީ މިހާރުން މިހާރަށް ކުރަން ޖެހޭ ކަމެއް ކަމަށް ވެސް އޭނާ ވިދާޅުވި އެވެ.
"އެ ބޯޓުގައި ހުރި އޮޓޮމެޓިކް އައިޑެންޓިފިކޭޝަން ސިސްޓަމުން ވެސް އެބަ އެނގޭ ރާއްޖޭގައި ރަޖިސްޓްރީކޮށްފައިވާ ބޯޓެއްކަން. އަދި އެކަން އެހެން ބޯޓުތަކުން ބެލުމުން އެނގެން އެބަހުރި،" ސައުދު ވިދާޅުވި އެވެ.
އޭނާ ވިދާޅުވި ގޮތުގައި ފެންނަން ހުރި ހެކިތަކަށް ބަލާއިރު އެ ބޯޓު ރާއްޖޭގައި ރަޖިސްޓްރީ ކުރިކަން އެނގެ އެވެ. އަދި އެކަން ދޮގެއް ނުކުރެވޭނެ ކަމަށް ވެސް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބުލް ބުލް
03 March 2018
އެގަމާރު ވީ ފައްކާ ގަމާރުން. ސޭކުސްތާނު
ހަސީނާ
02 March 2018
ސަުއުދުގެ ގަމާރުކަމާއެވެ.
ކުޅުދޫ
02 March 2018
ދިވެހި ބަހުން ރަނގަޅަށް ވާހަކަ ދައްކަން ނޭގޭ މީހުން ދޭ އިންޓަރވިއު ހަބަރައް ޖެހީމަ ވަރައް ލަދު...
ވާފިރު
03 March 2018
ސައުދު ދެއްކިވާހަކަ ނޫސްވެރިޔާއަށާ ދެންތިބި މީހުނަށް އެނގި އެކޮަޔަށް ނޭނގުމަކީ ކާކުގެ ކުށެއް. ސައުދަކީ މަޖިލީސް މެމްބަރެއް. ދާއިރާގެ ތާއީދު ހޯދޭނީ ވާހަކަވެސް ދެކެވިގެން.
ކަލޭފާނު
02 March 2018
އިދިކޯޅޭމެންނަށް އެނގިއްޖެ އެބޯޓަށް އެޅީ ތެޔޮކަން. އެކަމަކު ޖަޕާނަށް ފެނުނީ ތެޔޮއަޅާތަނޭ ޖަޕާނަކުން ނުބުނެ
ޟަރި
02 March 2018
މިއުޅޭ ބޮޑުސޭޓްގެ ކަމަކަށް ތިކަންވާނީ ، ޖަރުމަނުގެ ހުރެގެން މޮޅުއެއްޗެއް ހަދާލީދޯ
އަހުމަދުބެ
02 March 2018
ހަގީގަތް އެއޮތީ ފެންނާށެވެ. ހަގީގަތް ހާމަ ކުރީ ރާއްޖެއަށް އެންމެގިނައިން ހިލޭ އެހީދޭގައުމުންނެވެ.
ޢަބްދުﷲނާފިޒު
02 March 2018
ބަންޑާރނައިބުގެ ލަފަޔަކީ ކޮބައިބާ މިކަމުގަ! ހީވަނީ ޖަޕާނުންވެސް ބަޣާވާތެއް ކުރަން އުޅެނީކަމަށް ބަލާ ޖަޕާނާ ދޭތެރޭ ދަތިކުރުމުގެ ފިޔަވަޅު މިވެރިން އަޅާނެހެން.
މަހަށްދޭ
02 March 2018
ތެޔޮ ބޯޓާއި ރާއްޖެއާ ގުޅުން އެބަ ހުރި ކަމަށް ތަމެން ރަންރީނދުލޭ މެން އަޑުގެ ކޮޅަށް ފެލިފައި ބުންނަސް އެކަން ތެދަކަށް ނުވާނެއޭ މަހަށް ދޭބަލަ ދެން ރަންރީނދޫ ޓްވިޓަރޭ މެން. މަހަށް މަހަށް މަހަށް ދޭބަލަ.
މަންސޫރު
02 March 2018
ކައްޕި ހާދަ އަވަހަށް ރަތަށް އެރީ؟
ބޮންތި
02 March 2018
ގައުމު އަނދަވަޅަކަށް ވައްޓާލާ ރައްޔަތުން ބަޑަށްޖައްސާ މަރާހުސްކޮށްގެން ވިއަސް ސައުދުމެން ބޭނުންވަނީ ވެރިކަން. ސަރުކާރުން ރައްޔަތުންނަށް މަންފާހުރި ގިނަ މަޝްރޫއުތަކެއް ކާމިޔާބުކަމާއިއެކު ފުރިހަމަ ކުރަމުން ދާތީވެ ވޯޓަކުން ބަލިނުކުރެވޭނެކައް ޔަގީންވެ މާޔޫސްވެފަތިބި ޣައްދާރުންތައް ހޭބޯނައަރާ ކުރާ މަސައްކަތް ތިފެންނަނީ. ރެއާއިދުވާލު ތިކުރާ ބުރަމަސައްކަތުން ވެރިކަންލިބުނަސް ގައުމަށް ވަންނަހާ އާމދަނީއަކާއި ގައުމުގެ ޚަޒާނާ ތިޔަ ޕާޓީތަކުގެ މެދުގައި ހަމައަށް ބަހާނުލެވިގެން ކޯޅިގަނެ އަނެއްކާވެސް ކާފަރުން ހަތިޔާރާއިއެކު މިގައުމަށްއަރާ މިގައުމުގައި އިސްލާމީ ޝަރީއަތް ގާއިމުކޮށްދޭން ގޮވާދުވަސްވެސް ހަމަ މިރައްޔަތުން ދެކޭނެ. ގައުމަށްލިބޭ ގިނައާމްދަނީގެ އަދަދުފެނި ސިޔާސީވަގުންގެ ބުއްދިތައް ރަންވެ ހެއްދެވިފަރާތް ދޫކޮށް ފައިސާއަށް އަޅުކަން ކުރާހިސާބު މިފެންނަނީ.
ބާލައާދަނު
02 March 2018
ވޯޓެއް ލައިބަލާ. މި ބުނަނީ ދިމާއަށް. ޔާމީނަކަށް ވޯޓެއް ނުދޭނަން.
ޢާދަނު
02 March 2018
ކަލޯއަށް ހެވެންނު ރުއްމަރުވިޔަސް ބޮންތީހިފައިގެން ހުރެވުނީމަ.
ވައްލޯ
02 March 2018
ބާލަ އާދަނައް ލެވޭނީ ސޯޓު
ޙާމިދު ސޭޓު
02 March 2018
ތާރީހު އެނގިތިބެ މަގޭތެލާ ނުކުޅެއްޗޭ.
ސައުދު
02 March 2018
މެރިން ޓްރެފިކް ވެބްސައިޓުގައި މަށައްވެސް ރަޖިސްޓްރީ ކުރެވިދާނެ އެކަމަކު ވިސްނާލާފަ ބުނެބަލަ ތިޔަ ވިދާޅުވާ ބޯޓުގައި އައިއެމްއޯ ނަމްބަރެއް އިންތޯ؟ ރާއްޖެއާއި ގުޅުމެއް އުފައްދަންވެސް އެކަން ކޮށްފާނެ ރާއްޖޭގައި ދުއްވާ ޓޭންކަރުގެ ތެރެއިން ބަލާބަލަ ވިކްޓޯރިއާ301 މައުލޫމާތު ސާފުވާ މިންވަރަށް އެވެބްސައިޓުގައި އެހުރީ ހުސްފޭކު ސުޓޯރީ އިދިކޮޅުމީހުން އަތަށް މިފަހަރުވެސް މިގޮވީ
ކޮސްވައްތަ
02 March 2018
ތިހަގީގަތް ބަލައިގަންނަ ހިތުންނެތް ރައްޔަތުން މަދެއްނޫން. މުލައްދަނޑިން ތިކިޖެހި ބޮނޑިބަތް ކެވިގެން ނުވަތަ ރަށްމަތިން އުދުއްސާލި ބިޔަ ހާލުގެ އަސަރު ކޮށްގެން ނަމަހީވެސް ގިނައަދަދެއްގެ ރައްޔަތުން މިއަދު މިވަނީ ކަލާންގެ އެދެއްވި ބޮޑު ނިއުމަތުގެ ބޭނުންނުހިފާ ގައުމުގެ ޣައްދާރުން އެބުނާއެއްޗަކީ ބާވައިލެއްވި ފޮތަށްވުރެ އަގުހުރިއެއްޗެއް ކަމުގައި ބަލައިގަނެފައި. ގައުމައި ރައްޔަތުންގެ މިނިވަންކަން ތަބަކަށްލައިގެން މުސްލިމުންގެ ދުޝްމަނުން ގާތަށްގޮސް އެބައިމީހުން ނުރައްކާތެރި ރޭވުންތައް ތަންފީޒު ކޮށް ގައުމުގެ އަގުވައްޓާލާ ގައުމު ސުންނާފަތި ކުރުމުގައި އަވަދިނެތި މިއުޅޭ ޣައްދާރުންނަކީ ގައުމާއި ރައްޔަތުންނަށް ހެވެއް އެދިގެން އުޅޭ ބައެއްނޫންކަން ދަންނަ ރައްޔަތުން މިދަނީ މަދުވަމުން. ގިޔާމަތުގެ ކުރިން އަދި މިކަހަލަ ކިތަންމެ ކަމެއް ދައްކަވާނެ.